မာသာထရီဆာ၏ နိုဘယ်ငြိမ်းချမ်းရေးဆု လက်ခံမိန့်ခွန်း

Andrew Myo Aung

 

မာသာထရီဆာ၏ နိုဘယ်ငြိမ်းချမ်းရေးဆု လက်ခံမိန့်ခွန်း
===================================

ချစ်ခြင်းမေတ္တာဆိုတာ အိမ်ကစပါတယ်။
လူသားရဲ့ အနာဂတ်ဟာလည်း မိသားစုက တစ်ဆင့်သွားရတာပါ။

Mother Teresa
(1910-1997)
အယ်လ်ဘေးနီးယားလူမျိုးဖြစ်သော မာသာထရီဆာသည် ၁၉၇ဝ ပြည့်လွန်နှစ်များအတွင်းတွင် လူသားချင်းစာ နာရေးဝါဒအတွက်နိုင်ငံ တကာသင်္ကေတတစ်ရပ်ဖြစ် လာခဲ့ သည်။ ချီးကျူးဂုဏ်ပြုမှုများက သူမထံ အဆုံးမရှိ ရောက်ရှိလျက်ရှိသည်။

ခါးကိုင်းပြီး အရပ် ၅ ပေသာမြင့်သည့် “မာသာထရီဆာတွင် လယ်သမားတစ်ဦး၏ ရိုးရှင်းမှုနှင့် အလွယ်တကူနောက် မဆုတ်တတ်သည့် ဆုံးဖြတ်ချက် ပြတ်သားမှုမျိုးရှိသည်။ 

ကုသိုလ်ရေးထက် နိုင်ငံရေးပြုပြင်ပြောင်းလဲမှုများကို ပို၍ လိုလားသူများ သို့မဟုတ် သူမ၏ အားထုတ် ကြိုးပမ်းမှုများကို အလကားပါဟု ဆိုတတ်သူများကိုတော့ မာသာထရီ ဆာက “ဘုရားသခင်ဟာ အောင်မြင်ဖို့ ကျွန်မကိုဆင့်ခေါ်တာ မဟုတ်ပါဘူး။ သစ္စာရှိဖို့အတွက် ဆင့်ခေါ်တာပါ” ဟု ဖြေကြားတတ် သည်။

၁၉၇၉ ခုနှစ်အတွက် ငြိမ်းချမ်းရေးနိုဘယ်ဆုချီးမြှင့်ခံရသည့်အခါတွင် မာသာထရီဆာက ” ဆင်းရဲသားတို့၏ အမည်နာမဖြင့် ဤဆုကို လက်ခံပါသည်” ဟု ပြောကြား ခဲ့ သည်။

ထို့နောက်တွင် ထုံတမ်းစဉ်လာအရ တခမ်းတနားကျင်းပသည့် ညစာစားပွဲကို ဖျက်သိမ်းပေးပါရန် မေတ္တာရပ်ခံသည်။ ညစာစားပွဲအတွက် ကုန်ကျစရိတ်ကို လိုအပ် သူများထံ လှူဒါန်းနိုင်ရေးအတွက် ဖြစ်သည်။

သူတော်စင်တစ်ဦးဟု တင်စားခံရသည့် မာသာထရီဆာ ကို ၁၉၁ဝခုနှစ်တွင် ယူဂိုဆလားဗီးယားနိုင်ငံတွင် မွေးဖွားခဲ့ပြီး ၁၉၅ဝခုနှစ် အိန္ဒိယနိုင်ငံမှာ ကုသိုလ်ပြုမစ်ရှင် အသင်းများကို စတင်တည်ထောင်ခဲ့သည်။ ၁၉၉၇ခု နှစ် စက်တင်ဘာ၅ ရက်နေ့တွင် ကွယ်လွန်ခဲ့သည်။

နိုဘယ်ငြိမ်းချမ်းရေးဆု လက်ခံမိန့်ခွန်း
” နိုဘယ်ငြိမ်းချမ်းရေးဆုအတွက် ဘုရားသခင်ကို ကျေးဇူးစကားဆိုဖို့ ဒီနေရာမှာ စုဝေးရောက်ရှိကြတဲ့အတွက် စိန့်ဖရန်စစ်ရဲ့ ဆုတောင်းစာကို ရွတ်ဆိုဆုတောင်းကြရင် လှပလိမ့်မယ်ထင်ပါတယ်။

အဲဒီဆု တောင်းစာဟာ ကျွန်မကို အမြဲပဲ အင်မတန်အံ့အားသင့်စေပါတယ်။ ဒီဆုတောင်းစာကို ကျွန်မတို့ နေ့စဉ်စုံညီဝတ်ပြုပွဲ အပြီးမှာ ရွတ်ဆို ဆုတောင်းကြပါတယ်။ ဘာဖြစ်လို့လဲဆိုတော့ ဒီဆုတောင်းစာဟာ ကျွန်မကိုတစ်ဦးချင်းအတွက် အင်မတန်သင့်လျော်လို့ပါ။ ပြီးတော့ ကျွန်မ အမြဲပဲ သိချင်မိတယ်။

လွန်ခဲ့တဲ့ နှစ်လေးငါးရာက စိန့်ဖရန်စစ်ဟာ ဒီဆုတောင်းစာကို သီကုံးသွားတဲ့အတွက် ကျွန်မတို့ ဒီနေ့ ကြုံတွေ့နေရတဲ့ အခက်အခဲ မျိုး သူတို့လည်း ကြုံတွေ့ခဲ့ရသလားလို့ ကျွန်မ သိချင်မိတယ်။ရှင်တို့ထဲက တချို့အဲဒီဆု တောင်းစာကို ရပြီးသားဖြစ်လိမ့် မယ်ထင်ပါတယ်။

ဒါကြောင့်ကျွန်မတို့ အတူတကွ ဆုတောင်းကြပါမယ်။ ကျွန်မတို့ အနေနဲ့ ” ဘုရားသခင်ကို ချစ်မြတ်နိုးတယ်” လို့ ပြောရုံနဲ့ မလုံလောက်ပါဘူး။ ကျွန်မရဲ့ အိမ်နီးချင်းကိုလည်း ချစ်ရပါလိမ့်မယ်။

ဘုရားသခင်ကို ချစ်တယ်လို့ ပြောပြီး ကိုယ့် အိမ်နီး ချင်းကို မချစ်ရင်လူလိမ်ပဲလို့ စိန့်ဂျွန်းက ပြောခဲ့ပါတယ်။ ကိုယ်မြင်ရတဲ့၊ ကိုယ်ထိတွေ့နေရတဲ့၊ ကိုယ်နဲ့ အတူနေတဲ့ ကိုယ့်အိမ်နီးချင်းကို မချစ်ရင် ကိုယ်မမြင်ရတဲ့ ဘုရား သခင်ကို ဘယ်လိုချစ်နိုင်ပါ့မလဲ။

အိမ်တစ်အိမ်ကို သွားလည်တုန်းက ကြုံခဲ့ရတဲ့အတွေ့ အကြုံကို ကျွန်မဘယ်တော့မှ မေ့မှာ မဟုတ်ပါဘူး။ အဲဒီမှာ သားတွေ၊ သမီးတွေ မိအို ဖအို တွေကို ထားပြီး မေ့ေ မ့ပျောက် ပျောက်နေခဲ့ကြပါတယ်။

အဲဒီ ဂေဟာမှာ သက်ကြီးရွယ်အို တွေဟာ အားလုံးပြည့်ပြည့်စုံစုံရှိကြပါတယ်။ ကောင်းမွန်တဲ့ အစားအသောက်၊ သက်ေ သာင့် သက် သာရှိတဲ့နေရာ၊ တယ်လီ ဗီးရှင်း…အားလုံးရှိပါတယ်။ ဒါပေမဲ့ လူတိုင်းဟာ တံခါး ဝကိုပဲ ကြည့်နေကြတယ်။ ရယ်ရယ်ပြုံးပြုံးဖြစ်နေတဲ့ လူလည်းတစ်ယောက်မှ မမြင်ခဲ့ရဘူး။

ကျွန်မက သီလရှင်ဘက်ကို လှည့်ပြီး ” ဒီလူတွေဟာ အားလုံး သက်သောင့်သက်သာ ရှိပေမယ့် ဘာဖြစ်လို့တံခါးကိုပဲ ကြည့်နေကြတာလဲ။ ဘာဖြစ်လို့ မပြုံးကြတာလဲ” လို့ မေးလိုက်တယ်။

သီလရှင်က ဖြေတယ် “သူတို့ မျှော်နေကြတာပါ။ သား ဒါမှမဟုတ် သမီးသူတို့ဆီ အလည်လာဖို့ မျှော်လင့်နေကြတာပါ။ အမေ့လျော့ခံနေရ တော့ သူတို့ စိတ်ထိခိုက်နေကြပါတယ်” တဲ့။တွေ့လား။

ချစ်ဖို့ မေ့လျော့ ပျက်ကွက်မှုဟာ စိတ်ဓာတ်ရေးရာ ဆင်းရဲချို့တဲ့မှုကို ဆောင်ကြဉ်းလာပါတယ်။ ကျွန်မတို့ရဲ့ မိသားစုမှာ အထီး ကျန်ခံစားနေရတဲ့ လူ၊ နာဖျားမကျန်းရှိတဲ့လူ၊ စိုးရိမ်သောက ရောက်နေရတဲ့လူ ရှိနိုင်ပါတယ်။ ကျွန်မတို့တွေ အဲဒီမှာရှိကြရဲ့လား။

ဒါမှမဟုတ် ကိုယ့်ကိစ္စ ကိုယ့် အကျိုး ကို ပဲ ရှေ့တန်းတင် နေကြသလား။ ဒါတွေဟာ ကျွန်မတို့ ကိုယ့်ကိုယ်ကိုယ် မေး ရမယ့် မေးခွန်းတွေပါ။ ကျွန်မ တို့ မှတ်ထားရမှာက ချစ်ခြင်း မေတ္တာဆိုတာ အိမ်မှာစပါတယ်။ လူသားနဲ့ အနာဂတ်ဟာလည်း မိသားစုကတစ်ဆင့် သွားရတာပါ။

အနောက်နိုင်ငံမှာ လူငယ် ကောင်လေး၊ ကောင်မလေးတွေ အများအပြား မူးယစ်ဆေးစွဲနေတာကို တွေ့ရလို့ အံ့သြရပါတယ်။ ဘာဖြစ်လို့ မူးယစ်ဆေးဝါး သုံးရတယ် ဆို တာ ဖော်ထုတ်ဖို့ ကျွန်မကြိုးစားပါတယ်။

အာရှထက်ရုပ်ဝတ္ထုပစ္စည်းတွေ အများအပြားရှိလျက်သားနဲ့ ဘာဖြစ်လို့ အဲဒီလိုဖြစ်ရတာလဲ။ အဖြေက ” မိသားစုမှာ သူတို့ကို လက် ခံမယ့်လူ ဘယ်သူမှ မရှိလို့ပါ” တဲ့။

ကျွန်မတို့ရဲ့ ကလေးတွေဟာ ကျွန်မတို့အပေါ်အခါ ခပ်သိမ်းမှီခို နေရတာပါ။ ကျန်းမာရေး၊ အာဟာရ၊ လုံခြုံရေး ဒါတွေ အားလုံး အတွက် သူတို့ဟာ ကျွန်မတို့ကို ယုံကြည်မှု၊ မျှော်လင့်မှုတွေနဲ့ အားကိုးတကြီး ရှိကြပါတယ်။

ဒါပေမဲ့အဖေနဲ့ အမေက အလုပ်တွေ များလွန်းလို့ ကလေးတွေအတွက် အချိန် မေ ပးနိုင်ဖြစ်ကြရပါတယ်။ ဒါကြောင့် ကလေးတွေ လမ်းပေါ် ရောက်ကြရပါတယ်။ မူးယစ်ဆေး ဒါမှမဟုတ် တခြားအရာတွေနဲ့ ပတ်သက်ရပါတယ်။

ကျွန်မမှာ ဟိန္ဒူမိသားစုတစ်စုရဲ့အိမ်နီးချင်းပေါ် မေတ္တာထားနိုင်တဲ့ အထူးခြားဆုံးအတွေ့အကြုံတစ်ခုရှိပါတယ်။

လူကြီးလူကောင်းတစ်ယောက်ဟာ ကျွန်မတို့အိမ် ကို ရော က်လာပြီး ပြောပါတယ်။ ” မာသာထရီဇာ အစားမစားရတာကြာလှပြီဖြစ်တဲ့ မိသားစု တစ်စုရှိပါတယ်။ တစ်ခုခု ဆောင်ရွက်ပေးပါ” တဲ့။

ဒါနဲ့ ကျွန်မ ဆန်နည်းနည်း ယူပြီး အဲဒီ ကို ချက်ချင်းသွားပါတယ်။ ကလေးတွေဟာ ဆာလောင်မှု နဲ့ မျက်လုံးတွေ အရောင်တောက်လာတာကို တွေ့ရပါတယ်။

(ဆာလောင် မွတ်သိပ်တာကို ရှင်တို့ တွေ့ဖူး သ လားမသိဘူး။ ကျွန်မကတော့ မကြာခဏ တွေ့ဖူးပါတယ်။ မိသားစုက အမေဖြစ်သူက ကျွန်မပေးလိုက်တဲ့ ဆန်တွေကိုယူပြီး အပြင်ထွက် သားပါတယ်။

သူပြန်လာတော့ ကျွန်မ ” ဘယ်သွားတာလဲ” ၊ “ဘာသွားလုပ်တာလဲ” လုိ့ မေးလိုက်တယ်။ သူမက အင်မတန်ရိုးစင်းတဲ့ အဖြေကို ပေးပါတယ်။

“သူတို့လည်း ဆာနေကြ တယ်” တဲ့။ “သူတို့” ဆိုတာဘယ် သူတွေလဲ။ မူစလင်မိသားတစ်စုပါ။ အဲဒီညနေမှာ ကျွန်မနောက်ထပ် ဆန်မယူလာခဲ့တော့ဘူး။

ဘာဖြစ်လို့လဲဆိုတော့ သူတို့ (ဟိန္ဒူနဲ့ မူစလင်)တွေ မျှဝေရမယ့် သုခကို ခံစားစေချင်လို့ပါ။

ဘုရားသခင်က ကျွန်မတို့ကို ချစ်ခင်တယ်ဆိုတာ သိရင်၊ ဘုရားသခင်က ကျွန်မတို့ကို ချစ်ခင်သလို ကျွန်မတို့လည်း တခြားလူတွေကို ချစ်ခင်နိုင် တယ်ဆိုတာကို သိ ရင် နော်ဝေ နိုင်ငံဟာ မေတ္တာအသိုက်အမြုံ ဖြစ်လာနိုင်ပါတယ်။

သင်တို့ဟာ ကမ္ဘာ့ငြိမ်းချမ်းရေးရဲ့ တောက် လောင်နေတဲ့ အလင်းရောင် ဖြစ်ရင် နိုဘယ်ငြိမ်းချမ်းရေး ဆု ဟာ တကယ်ပဲ နော်ဝေ ပြည်သူတို့ရဲ့ လက်ဆောင်ဖြစ် ပါတယ်။

ရှင်တို့ကို ဘုရားသခင် ကောင်းချီး ပေးပါစေ”

စာကိုး။ ။ မင်းကျော်စွာ ” ကမ္ဘာကျော်မိန့်ခွန်းများ”
အလင်းဆက် (IR)

AsiaFame Media Group
================