ရေးကရော့ - အကြံကောင်းတချက်ကြောင့် မီလျံနာဖြစ်သွားတဲ့ McDonald’s ဆိုင်ပိုင်ရှင်။

 Bamaw Thein Pe

ရေးကရော့ - အကြံကောင်းတချက်ကြောင့် မီလျံနာဖြစ်သွားတဲ့ McDonald’s ဆိုင်ပိုင်ရှင်။
သူဟာ Multimixer သစ်သီးဖျော်စက် အရောင်းကိုယ်စားလှယ်လုပ်နေတုံးမှာ San Bernardino မြို့မှာရှိတဲ့ စားသောက်ဆိုင်တခုကနေ သူ့ဆီကို ဖျော်စက် ၈ လုံး လှမ်းမှာလိုက်တယ်။ ဖျော်စက်ဝယ်သူ အရမ်းနဲနေတဲ့အချိန်မှာ စက် ၈ လုံးတောင် မှာတယ်ဆိုတော့ ထူးဆန်းလွန်းလို့ သူဟာ အကြောင်းရင်းကို စုံစမ်းချင်လို့ အဲဒီမြို့လေးကို သွားလိုက်တယ်။ ဟိုရောက်တော့ သူ့ဆီက စက်တွေကို ဝယ်သူဟာ Dick McDonald နဲ့ Mac McDonald ညီအကို ၂ ယောက် ဖွင့်ထားတဲ့ ဟမ်းဘာဂါဆိုင်သေးလေးတခုကဆိုတာ သိလိုက်ရတယ်။ သူဟာ အဲဒီဆိုင်လေးထဲက မြင်ကွင်းကို မြင်တွေ့လိုက်တဲ့အခါ အကြံတခု ရလိုက်တယ်။ အဲဒီအကြံကို အကောင်အထည်ဖေါ်ရင်းနဲ့ သူဟာ ကမ္ဘာအနှံ့မှာ မက်ဒေါ်နယ်ဆိုင်တွေ ဖွင့်လှစ်လာနိုင်ခဲ့တယ်။ သူ့နာမည်က ရေးကရော့ (Ray Kroc) ပါ။ သူ မက်ဒေါ်နယ်ဆိုင်တွေကို ကမ္ဘာအနှံ့မှာ ဖွင့်နိုင်အောင် ဘယ်လိုကြိုးစားလုပ်ဆောင်ခဲ့တယ်ဆိုတာ သိချင်ရင် ဖတ်ကြည့်လိုက်ပါ။

===============================

သူအသက် ၅၀ အရွယ်မှာ ဖျော်စက်တွေရဲ့ရောင်းအားကျသွားတယ်။ အကြောင်းက အဲဒီအချိန် ၁၉၅၀ ခုနှစ်ကျော်ကာလမှာ မြိုံ့ထဲက လူတွေဟာ အသစ်တိုးချဲ့ဆောက်လုပ်နေတဲ့ မြို့ပြင်က ရပ်ကွက်တွေဆီကို ပြောင်းရွှေ့ကုန်ကြတယ်။ ဒါကြောင့် မြို့ထဲမှာ ဖွင့်ထားတဲ့ သစ်သီးဖျော်ရည်ဆိုင်တွေဟာ ဝယ်သောက်သူနည်းသွားလို့ တဖြည်းဖြည်းချင်း ပိတ်ပစ်လိုက်ကြရတယ်။ သူ့ အတွက်လဲ Mutimixer ဝယ်တဲ့ဖေါက်သယ်တွေ အတော်လေးလျော့နည်းသွားတယ်။ ဒီအချိန်မှာ ကာလီဖိုးနီးယားပြည်နယ် San Bernardino မြို့မှာရှိတဲ့ စားသောက်ဆိုင်တခုကနေ သူ့ ဆီကို ဖျော်စက် ၈ လုံး လှမ်းမှာလိုက်တယ်။ အရင်ကလဲ အဲဒီဆိုင်က စက်အလုံးပေါင်း ၃၀ ကျော် သူ့ဆီကနေ ဝယ်ဖူးခဲ့တယ်။ ဖျော်စက်ဝယ်သူ အရမ်းနဲနေတဲ့အချိန်မှာ အခုလို စက် ၈ လုံးကြီးများတောင် မှာတယ်ဆိုတော့ ကရော့ဟာ အတော်လေးအံ့သြသွားတယ်။ မှာတဲ့အကြောင်းရင်းကို သိချင်လို့ သူဟာ Bernardino မြို့လေးကို သွားလိုက်တယ်။ ဟိုရောက်တော့ သူ့ဖျော်စက်တွေကို Dick McDonald နဲ့ Mac McDonald ညီအကို ၂ ယောက် ဖွင့်ထားတဲ့ စားသောက်ဆိုင်သေးလေးတခုက မှာတယ်ဆိုတာကို သိရတယ်။ ဟမ်းဘာဂါအစာနဲ့ ဖျော်ရည်တွေရောင်းတဲ့ ဆိုင်သေးလေးပါ။
ကရော့ဟာ အဲဒီဆိုင်ထဲရောက်သွားတော့ သူ တခါမှ မမြင်ဖူးတဲ့ မြင်ကွင်းကို တွေ့လိုက်ရတယ်။ ပုံမှန်စားသောက်ဆိုင်တွေမှာ စားသောက်သူတွေက စားပွဲမှာထိုင်ပြီး စားချင်တာကို စားပွဲထိုးကို မှာလိုက်မယ်။ စားပွဲထိုးက စားစရာကို ယူလာပြီး စားပွဲပေါ်လာချပေးမယ်။ အခုဆိုင်မှာက အဲဒီလိုမျိုးမဟုတ်ပဲ self- service ပုံစံ တန်းစီဝယ်စားနေကြတယ်။ နောက်ပြီး ဆိုင်ထဲမှာလဲ စားပွဲ၊ ကုလားထိုင် မချ၊ မခင်းထားဘူး။ စားစရာဝယ်ပြီးတဲ့လူတွေဟာ ဆိုင်ထဲမှာ မတ်တတ်ရပ်ပြီး စားချင်စား၊ ဒါမှမဟုတ် ဆိုင်အပြင်ကို အထုတ်နဲ့ သယ်သွားလို့ရတယ်။ နောက်ပြီး ရောင်းတဲ့ အစားအသောက်တွေကလဲ ဟမ်းဘာဂါ၊ အာလူးကျော်၊ နို့၊ ကော်ဖီနဲ့ သစ်သီးဖျော်ရည်တွေပါပဲ။ နောက်ထပ်ထူးခြားတာတခု ရှိသေးတယ်။ အဲဒါက စားစရာကို မှာလိုက်ရင် အလွန်ဆုံးတစ်မိနစ်လောက်ပဲ စောင့်ရတယ်။ ဆိုင်မှာ လူတွေအများကြီး တန်းစီဝယ်နေကြတာကို ကရော့ တွေ့ရတယ်။
အဲဒီမြင်ကွင်းကို ကြည့်ရင်း ကရော့ခေါင်းထဲမှာ အကြံတခု ပေါ်လာတယ်။ ဒီလို တမူထူးခြားတဲ့ ဆိုင်မျိုးတွေကို နေရာအနှံ့မှာ ဖွင့်လိုက်ရင် အမြတ်အစွန်းတွေ အများကြီးရနိုင်မယ်ပေါ့။ သူက မက်ဒေါ်နယ်ညီအကို ၂ ယောက်ကို တခြားနေရာတွေမှာ ဆိုင်တွေတိုးချဲ့ဖွင့်ဖို့ အကြံပေးတယ်။ ဒါပေမဲ့ ညီအကို ၂ ယောက်က ဆိုင်တွေတိုးချဲ့ဖွင့်လိုက်ရင် လုပ်ငန်းမနိုင်မနင်းဖြစ်မှာကို စိုးရိမ်လို့ တိုးချဲ့မဖွင့်ချင်ဘူးလို့ ပြန်ပြောတယ်။ ဒီတော့ ကရော့က ဆိုင်တွေကို တိုးချဲ့ဖွင့်ရောင်းတာကို သူလုပ်ချင်တယ်။ သူ့ကို လုပ်ခွင့်ပေးရင် ကော်မရှင်ပေးပါမယ်လို့ကမ်းလှမ်းတယ်။ ညီအကို ၂ ယောက်ကလဲ သဘောတူလိုက်ကြတယ်။ ဒါပေမဲ့ ဟမ်းဘာဂါလုပ်တာကို ညီအကိုတွေ ညွှန်ပြတဲ့နည်းအတိုင်းပဲ တသွေမသိမ်းလုပ်ပါမယ်လို့ ကရော့က သဘောတူရတယ်။
ကရော့က ၁၉၅၅ ခုနှစ် ဧပြီလမှာ ပထမဆုံးဟမ်းဘာဂါဆိုင်ကို ချီကာဂိုမြို့ပြင်တနေရာ Des Plaines နယ်မြေမှာ ဖွင့်လှစ်လိုက်တယ်။ သူဟာ မက်ဒေါ်နယ်ညီအကို ၂ ယောက်ရဲ့မူလဆိုင်လိုပဲ ဆိုင်ကိုသန့်သန့်ရှင်းရှင်းနဲ့ စားစရာကိုလဲ အချိန်တိုအတွင်းရအောင် လုပ်ပေးတယ်။ ဟမ်းဘာဂါတွေကိုလဲ ညီအကိုတွေရဲ့ အညွှန်းအတိုင်း အတိအကျလုပ်တယ်။ ဆိုင်ကို McDonald လို့ အမည်ပေးပြီး ဆိုင်းဘုတ်တင်လိုက်တယ်။ မက်ဒေါ်နယ် ၂ ဆိုင်၊ ၃ ဆိုင်ဖွင့်ပြီးချိန်မှာ ဆိုင်ဖွင့်ချင်သူတွေ ပေါ်လာတယ်။ ကရော့က ကော်မရှင်ယူပြီး သူတို့ကို ဆိုင်ဖွင့်ရောင်းခွင့်ပြုတယ်။ ဆိုင်ဖွင့်လိုသူဟာ ကရော့ရဲ့ဆိုင်အပြင်အဆင်နဲ့ ဟမ်းဘာဂါလုပ်နည်းတွေကို အတိကျလိုက်နာလုပ်ပါမယ်။ မလိုက်နာရင် ဆိုင်ဖွင့်ခွင့်ကို ပြန်ရုတ်သိမ်းခံရမယ်။ အလျော်လဲ ပေးရမယ်လို့ စာချုပ်ပေါ်မှာ လက်မှတ်ထိုးရတယ်။
ကရော့ဟာ အဲဒီဆိုင်က ရောင်းရသမျှရဲ့ ၁.၉ ရာခိုင်နူန်းကို ကော်မရှင်အဖြစ် ကောက်ယူတယ်။ အဲဒီအထဲက ၁.၅ ရာခိုင်နူန်းကို မက်ဒေါ်နယ်ညီအကို ၂ ယောက်ကို ကော်မရှင်ခအဖြစ် ပြန်ပေးရတယ်။ သူ့အတွက် ၀.၄ ရာခိုင်နူန်းပဲ ကျန်တယ်။ ဒီလိုနဲ့ သူဟာ McDonald ဆိုင်အသစ် ၁၈ ဆိုင် ဖွင့်လှစ်နိုင်ခဲ့တယ်။ ဒါပေမဲ့ ဆိုင်တွေဆီကရတဲ့ ကော်မရှင်ငွေထဲက ညီအကို ၂ ယောက်ကို ပေးတဲ့ငွေနူတ်ပြီးလို့ ကျန်တဲ့ငွေ ၀.၄ ရာခိုင်နူန်းဟာ သူ နေ့စဉ်မြို့တကာလှည့်ပြီး ဆိုင်တွေကို ညွှန်ပြပေးနေရလို့ ကုန်ကျတဲ့စရိတ်နဲ့ မကာမိတော့ဘူး။ အရှုံးပြလာနေတယ်။ မက်ဒေါ်နယ်ညီအကိုနဲ့ အပေးအယူလုပ်ခဲ့တုံးက ဈေးအရမ်းနဲသွားခဲ့တယ်ဆိုတာကို သူ အခုမှသိတော့တယ်။ ဒါပေမဲ့ နောက်ကျသွားပြီ။ ပြန်ညှိလို့ ရမှာမဟုတ်ဘူး။ အမြတ်ထွက်အောင် သူ တခုခုလုပ်ရတော့မယ်။
==============================
ကရော့ရဲ့ လုပ်ငန်းတွေ အကြီးအကျယ်အောင်မြင်နေတာကို တွေ့တဲ့ မက်ဒေါ်နယ်ညီအကို ၂ ယောက်ဟာ လောဘတက်လာပြီး အရင်ကသဘောတူထားခဲ့တဲ့ ကော်မရှင် ၁.၅ ရာခိုင်နူန်းထက် ပိုတိုးပေးဖို့ တောင်းဆိုလာကြတယ်။ ကရော့က သဘောမတူလို့ သူတို့ နဲ့ မကြာခနစကားများကြရတယ်။ စိတ်ပျက်လာတဲ့ ကရော့ဟာ မက်ဒေါ်နယ်ရဲ့ပိုင်ဆိုင်မှုနဲ့ လုပ်ပိုင်ခွင့်အားလုံးကို ညီအကို ၂ ယောက်ဆီကနေ ဒေါ်လာ ၂.၇ သန်းနဲ့ အပြီးအပြတ်ဝယ်ယူလိုက်တယ်။ အဲဒီခေတ်က ဒေါ်လာ ၂.၇ သန်းဆိုတာ အခုခေတ်ဆိုရင် ဒေါ်လာသန်းပေါင်းများစွာနဲ့  ညီမျှပါတယ်။ ညီအကို ၂ ယောက်လဲ ကျေနပ်သွားကြတယ်။ သိတ်မကြာခင်မှာ ပြဿနာတခု တက်လာပြန်တယ်။
အဲဒါက မက်ဒေါ်နယ်ဆိုင်တွေကို ညီအကို ၂ ယောက်ဆီက ဝယ်လိုက်တုံးက San Bernardino က သူတို့ရဲ့ မူလဆိုင်လဲပါတယ်လို့ ကရော့က ပြောတယ်။ ဟို ၂ ယောက်ကလဲ အဲဒီမူလဆိုင်ဟာ ရောင်းတဲ့အထဲမှာ မပါဘူးလို့ ငြင်းတယ်။ ဒါကို အရမ်းစိတ်ဆိုးသွားတဲ့ ကရော့က သူအင်မတန်စိတ်ချယုံကြည်တဲ့ သူ့ တပည့်ကို ခုလို ပြောပြတယ်။ “ငါဟာ ဘယ်သူ့ကိုမှ အာဃာတ အငြိုးအတေးမထားတတ်ပါဘူး။ ဒါပေမဲ့ သူတို့က သိတ်လွန်လာပြီဆိုတော့ ငါ ကောင်းကောင်းပညာပေးရတော့မယ်ကွာ”တဲ့။ ဒီတော့ ကရော့ ဘာလုပ်သလဲ။ သူတို့ရဲ့ မူလဆိုင်ဘေးနားကပ်ရက်မှာ မက်ဒေါ်နယ်ဆိုင်သစ်ကြီးတခု ဖွင့်လိုက်တယ်။ အရောင်းအဝယ် စာချုပ်စည်းကမ်းအရ နေရာတခုထဲမှာ McDonald နာမည်နဲ့ ဆိုင် ၂ ခုဖွင့်လို့မရဘူး။ ဒါကြောင့် ညီအကို ၂ ယောက်ဟာ သူတို့ဆိုင်နာမည်ကို Big Mလို့ ပြောင်းလိုက်ရတယ်။ လူတွေဟာ Big M မှာ ဝယ်မစားကြလို့ အဲဒီဆိုင်လဲ မကြာခင်မှာ ပိတ်သိမ်းသွားရတယ်။ အခုတော့ ကရော့လဲ ညီအကို ၂ ယောက်နဲ့ အချင်းများစရာ အကြောင်းမရှိတော့ဘူး။
အခု ကရော့ဟာ McDonald ဆိုင်တွေအားလုံးကို သူစိတ်တိုင်းကျလုပ်လို့ ရသွားပါပြီ။ ၁၉၆၅ ခုနှစ်မှာ သူဟာ McDonald ဆိုင်ပေါင်း ၇၀၀ ကျော်ကို အမေရိကန်ပြည်နယ် ၄၄ ခုမှာ ဖွင့်လှစ်လိုက်တယ်။ အဲဒီနှစ် ဧပြီလမှာ McDonald ကို ရှယ်ယာဖွင့်ပြီး လူထုကို စတင်ရောင်းချပေးတယ်။ စရောင်းတဲ့ ရှယ်ယာအစုတစုရဲ့  တန်ဖိုးဟာ ၂၂ ဒေါ်လာဖြစ်ပေမဲ့ ၂ ပါတ်အကြာမှာ ၄၉ ဒေါ်လာအထိ ဈေးတက်သွားခဲ့သလို သူလဲ သန်းကြွယ်သူဋ္ဌေးတယောက် ဖြစ်သွားခဲ့တယ်။ ၁၉၇၀ ခုနှစ်မကုန်ခင်မှာပဲ ကမ္ဘာအနှံ့ မှာ McDonald ဆိုင်ပေါင်း ၁,၅၀၀ ကျော် ဖွင့်လှစ်နိုင်ခဲ့တယ်။
==============================
McDonald ရဲ့အောင်မြင်မှုဟာ ဆိုင်တွေသန့်ရှင်းသတ်ရပ်မှုရှိ်တာရယ်၊ မှာတဲ့အစားအသောက်ကို မြန်မြန်ရအောင် လုပ်ပေးနိုင်တာရယ်၊ ဟမ်းဘာဂါရဲ့ အရသာကောင်းတာတွေအပြင် တခြားအရည်အချင်းတခု ရှိပါသေးတယ်။ အဲဒါက ပစ္စည်းအရည်အသွေး ထိန်းသိမ်းထားမှုမှာ ထိပ်တန်းအဆင့်ဖြစ်လို့ပါ။ အဲဒီဖြစ်အောင်လဲ McDonald ဆိုင်တိုင်းဟာ စာမျက်နှာ ၇၅ မျက်နှာရှိတဲ့ လက်စွဲစာအုပ်မှာပါတဲ့ ညွှန်ကြားချက်တွေကို အတိအကျ လိုက်နာရတယ်။ ဥပမာ ကြက်သွန်ဥ၊ ခရမ်းချဉ်သီးဆိုရင် ဘယ်အရွယ်အစားပဲဖြစ်ရမယ်၊ လှီးရင်လဲ ဘယ်လောက် အထူအပါးအတိအကျ လှီးရမယ်။ ဟမ်းဘာဂါကို မီးဖုတ်တဲ့အခါ မီးဖိုထဲမှာ ဘယ်လောက်အပူချိန်၊ ဘယ်လောက် ကြာအောင်ထားရမယ်ကအစ အားလုံးကို အတိအကျ လိုက်နာရတယ်။ ဒါကြောင့်လဲ အမေရိကန်၊ စင်္ကာပူ၊ အာဖရိက တကမ္ဘာလုံးက ဘယ်မက်ဒေါနယ်ဆိုင်ဖြစ်ဖြစ် ဟမ်းဘာဂါတွေရဲ့အရသာဟာ အတူတူဖြစ်နေတာ တွေ့ရတယ်။
==============================
ရှေ့လ ဇွန်လဆန်းမှာ ပဉ္စဂံစာအုပ်တိုက်က ထုတ်ဝေမဲ့ ကျနော့်ရဲ့ ဒုတိယမြောက် စာအုပ်ဖြစ်တဲ့ "ဆင်းရဲနွံမှ ချမ်းသာဘုံသို့" ထဲက စာမြည်းအပိုင်းလေးပါ။ အပြည့်အစုံကိုတော့ စာအုပ်မှာ ဖတ်ကြည့်ကြပါ။
စာအုပ်က ငယ်စဉ်က ဆင်းရဲလွန်းလှတဲ့ ဘဝကနေ ကိုယ့်အားကိုယ်ကိုး ကြိုးစားရင်းနဲ့ မီလျံနာ၊ ဘီလျံနာသူဋ္ဌေး ဖြစ်သွားကြသူ (၂၃) ယောက်ရဲ့ တကယ့်ဖြစ်ရပ်မှန် အကြောင်းတွေပါ။
ဒီစာအုပ်ကို ဖတ်ခြင်းဖြင့် ဆင်းရဲလို့၊ ဘွဲ့မရလို့ စိတ်ပျက်အားငယ်နေတဲ့ လူငယ်တွေအတွက် စိတ်ခွန်အားဖြစ်စေသလို ကိုယ်ပိုင်စီးပွားရေးလုပ်ချင်သူတွေ၊ လုပ်နေသူတွေအတွက် မီလျံနာ၊ ဘီလျံနာဖြစ်သွားသူတွေရဲ့ စိတ်ခံယူချက်နဲ့ သူတို့ရဲ့နည်းနာကောင်းတွေလဲ ရလာနိုင်ပါတယ်။
ဗန်းမော်သိန်းဖေ
၂၄-၀၅-၂၀၁၆