သင့်အား အရှက်ရစေသူကို ကျေးဇူးတင်ပါ

Nine Nine Sanay @ နိုင်းနိုင်းစနေ

 

သင့်အား အရှက်ရစေသူကို ကျေးဇူးတင်ပါ
--------------------------------------------
လူမည်းကောင်လေးတစ်ယောက်ဟာ ဆင်းရဲတဲ့မိသားစုကမွေးဖွားခဲ့တယ်။ ဖခင်က သူငယ်ငယ်လေးကတည်းက အမေနဲ့သူ့ကိုထားပြီး အဝေးကိုထွက်သွားပြီဖြစ်တယ်။ အမေက ကြုံရာအလုပ်လုပ်တဲ့သူဖြစ်ပြီး ရတဲ့လခက တစ်လမှာဒေါ်လာ ၃ဝတောင်မရှိပါဘူး။ ဒါတောင် အမေက သူ့ကို ကျောင်းထားပေးခဲ့တယ်။

ဆင်းရဲတဲ့အတွက် ကောင်လေးဟာ ကျောင်းကထောက်ပံ့ပေးတဲ့ငွေကြေးနဲ့ ကျောင်းတက်ခဲ့ရတယ်။ ဆင်းရဲပေမယ့် သူဟာ အတန်းပညာမှာထူးချွန်ခဲ့တယ်။ အတန်းပညာထူးချွန်ပေမယ့် သူဘဝမမြင့်ခဲ့ဘူး။ တကယ်လို့ ကျောင်းသားတွေရဲ့ထောက်ပံ့ကြေးသာမရှိရင် သူကျောင်းနေရမှာ မဟုတ်ဘူးဆိုတာကို သူနားလည်ထားတယ်။ ဒါကြောင့် ကျောင်းစာကိုပဲ သူတစ်စိုက်မတ်မတ်ကြိုးစားခဲ့ပြီး ထောက်ပံ့ကြေးပေးကမ်းသူတွေကို ကျေးဇူးတရားသိဖို့၊ မေတ္တာထားဖို့ကို သူနှလုံးသွင်းခဲ့တယ်။

တစ်နေ့မှာ အတန်းပိုင်ဆရာမက “ရပ်ကွက်ရံပုံငွေ” အတွက် ကျောင်းသားတွေ အလှူငွေထည့်ဖို့ လှုံ့ဆော်ခဲ့တယ်။ ဒါကို သူကြားတော့ သူတစ်ပါးကိုကူညီလိုစိတ်တွေ သူ့ရင်ထဲမှာအညှောင့်ပေါက်ခဲ့တယ်။ ကျောင်းသားတွေရဲ့ပေးကမ်းမှုကိုသူရခဲ့သလို သူတစ်ပါးကိုလည်း သူကူညီချင်ခဲ့တယ်။ ဒါကြောင့် သူလည်း ပိုက်ဆံတွေစုခဲ့တယ်။

ရက်အတန်ငယ်အကြာမှာ အတန်းထဲမှာ ဆရာမက လှူဒါန်းတဲ့ငွေတွေကို လိုက်ကောက်ပါတယ်။ ကောင်လေးကလည်း သူအမှိုက်ကောက်ပြီးရလာခဲ့တဲ့ ငွေသုံးဒေါ်လာကိုလှူဒါန်းဖို့ ဆရာမရဲ့အခေါ်ကို စောင့်နေခဲ့ပါတယ်။ ကိုယ်ပင်ပင်ပန်းပန်းရှာလာတဲ့ငွေကို စင်မြင့်ပေါ်တက်ပြီး လှူဒါန်းနိုင်ပြီဆိုပြီး သူဝမ်းသာနေခဲ့ပါတယ်။ သူ့မျက်နှာပေါ်မှာလည်း ဝမ်းသာပျော်ရွှင်တဲ့အပြုံးတွေ ထင်ဟပ်နေခဲ့ပါတယ်။ ဒါပေမယ့် အတန်းသားအားလုံးရဲ့နာမည်ကိုခေါ်ပြီးချိန်အထိ ဆရာမက သူ့နာမည်ကိုမခေါ်ခဲ့ပါဘူး။ ဒါကို သူနားမလည်လို့ ဆရာမကို ဘာကြောင့်လဲလို့မေးမြန်းခဲ့ပါတယ်။

ဆရာမမေ့သွားလို့ပါလို့ ဆရာမအားနာနာနဲ့ဖြေလိမ့်မယ်လို့ သူထင်ခဲ့ပါတယ်။ ဒါပေမယ့် သူထင်ထားသလို မဟုတ်ခဲ့ဘဲ ဆရာမက ပြတ်သားတဲ့အသံနဲ့ “ဒီတစ်ခေါက် ဆရာမတို့ အလှူငွေကောက်တာဟာ မင်းလိုဆင်းရဲတဲ့သူတွေကို ပံ့ပိုးဖို့ပဲ။ တကယ်လို့ မင်းအဖေသာ သင်ရိုးပြင်ပကြေး၅ဒေါ်လာကို ထည့်နိုင်ခဲ့ရင် မင်းလည်း ထောက်ပံ့ကြေးယူစရာမလိုတော့ဘူး…” ။

ဆရာမရဲ့စကားက အများကြီးမဟုတ်ဘူးဆိုပေမယ့် သူ့နှလုံးသားတည့်တည့်ကို ထိမှန်သွားခဲ့ပါတယ်။ အဲဒီနေ့က မျက်ရည်အဝဲသားနဲ့ အခန်းပြင်ပဖက် သူထွက်ပြေးခဲ့တယ်။ အဲဒီကစ အဲဒီကျောင်းဝင်းထဲ သူခြေလှမ်းမလှမ်းခဲ့တော့ပါဘူး။

အချိန်ဟာ မြားအလျင်လိုပဲ မျက်စိတစ်မှိတ်အတွင်းမှာ အနှစ်၂ဝကုန်လွန်သွားခဲ့ပါတယ်။ တစ်နေ့မှာ အဲဒီလူမည်းကောင်လေးရဲ့နာမည်ဟာ အမေရိကန်နာမည်ကြီး တီဗွီအစီအစဉ်ပေါ်မှာ ပေါ်ထွက်လာမှ လူတွေက တစ်ချိန်တုန်းက ကောင်လေးဟာ အခုအချိန်မှာ နာမည်ကြီးအစီအစဉ်တင်ဆက်သူတစ်ဦး ဖြစ်နေခဲ့ပြီဆိုတာကို သတိထားခဲ့မိကြတယ်။

သူ့အောင်မြင်မှုအကြောင်းပြောကြားချိန်မှာ လူတွေက ဆင်းရဲခြင်းက သူ့ကို အောင်မြင်လိုစိတ်တွေဖြစ်စေခဲ့တယ်လို့ ထင်ခဲ့ကြတယ်။ ဒါကို သူက “ဆင်းရဲခြင်းကြောင့်ပဲ မဟုတ်ပါဘူး… လွန်ခဲ့တဲ့ အနှစ် ၂ဝတုန်းကရခဲ့တဲ့ စိတ်ဒဏ်ရာကြောင့်လည်းပါပါတယ်။ ကျွန်တော်ကို ဆရာမအရှက်ရစေခဲ့တဲ့အတွက်ကြောင့် ဖြစ်တယ်”။ အဲဒီဆရာမနဲ့ အဆက်အသွယ်ရှိသလားလို့ လူတွေမေးတဲ့အခါ သူကကျေနပ်အားရစွာနဲ့ “ရှိတာပေါ့… အစီအစဉ်တင်ဆက်သူတစ်ဦးစဖြစ်တဲ့နေ့မှာပဲ ကျွန်တော်ပန်းတစ်စည်းဝယ်ပြီး ဆရာမဆီသွားခဲ့တယ်။ အဲဒီပန်းစည်းနဲ့ လူအများကို ကျွန်တော်ပြောချင်တာက သင့်ကို အရှက်ရစေခဲ့သူကို ကျေးဇူးတင်ပါဆိုတာပါပဲ။ သူတို့ရဲ့ကြမ်းတမ်းတဲ့စကားလုံးက ကျွန်တော်ရဲ့တိုးတက်အောင်မြင်လိုတဲ့ဓားချွန်ကို ထက်သထက်ထက်အောင် သွေးပေးခဲ့လို့ပါပဲ” လို့ သူပြောခဲ့ပါတယ်။

-----------

မူရင်းလင့်-- http://www.85nian.net/qingchun/5046.html

နိုင်းနိုင်းစနေ