လူသားဆန်တဲ့ ပညာရေး (အပိုင်း - ၁-၂)

2011+ publishing

လူသားဆန်တဲ့ ပညာရေး (အပိုင်း - ၁)

လူသားဆန်တဲ့ပညာရေး(Humanistic Education) ကို မိတ်ဆက်သဘောလောက် ဆွေးနွေးကြည့်ပါမယ်။
လူသားဆန်တယ်ဆိုတာ ဘာလဲ။ ပညာရေးလို့ ပြောလိုက်ရင် တွေးခေါ်စဉ်းစားတတ်အောင် လေ့ကျင့်ပေးရမယ်။ အသိဉာဏ်ပိုင်း ဆိုင်ရာကိုပဲ ဦးစားပေးပြောကြတယ်။ စိတ်ခံစားမှုပိုင်းဆိုင်ရာကို လစ်လျူရှုရုံမက စွန့်ပယ်လို့ပါ ထားကြတယ်။ လူ သားဆန်တဲ့ လူသားတစ်ယောက်ဆိုတာ အသိဉာဏ် ပိုင်းဆိုင်ရာ၊ တွေးခေါ်စဉ်းစားမှုပိုင်း ဆိုင်ရာ (cognitive elements) ပြည့်ဝဖို့ လိုအပ်သလို စိတ်ခံစားမှုပိုင်းဆိုင်ရာ (affective elements) ပြည့်ဝဖို့လည်း အင်မတန် အရေးကြီးလှ ပါတယ်။ ဒါ တွေကို အလေးပေးပြောကြားခဲ့တဲ့ စိတ်ပညာရှင် Carl Rogers ရဲ့ သီအိုရီကို အခြေခံပြီး ဆွေးနွေးသွားပါမယ်။


လေ့လာသူတွေနဲ့ လေ့လာခြင်းကို ပံ့ပိုးကူညီပေးမယ့် facilitator ရယ်ရှိ မယ်။ လေ့ လာခြင်း ကို “facilitation” လုပ်တာ အောင်မြင်ခြင်း မအောင်မြင်ခြင်းဟာ သင်ကြားမှုနည်းစနစ်တွေ၊ သင်ရိုးညွှန်းတမ်းတွေ၊ သင်ထောက်ကူပစ္စည်းတွေ၊ ပို့ချ ချက်တွေ အပေါ် အဓိကမူ တည်တာ မဟုတ်ပါဘူး။ ဒါတွေကို လိုတဲ့အချိန်မှပဲ တစ်ခါတလေ ယူသုံးရုံပါ။ အဓိက အရေးကြီး တာက facilitator နဲ့ လေ့လာသူတွေကြား တည်ရှိနေတဲ့ လူသားဆန်တဲ့ ဆက်နွှယ်မှုကို ဖြစ်ပေါ်စေ တဲ့ “attitudinal qualities” တွေပါ။ အရင်ဆုံး “attitude” ကို စိတ်ပညာမှာ ဖွင့်ဆိုပုံ တင်ပြပါ မယ်။ “attitude” ဆိုတာ “stimulus” တစ်ခုခုကို အပြုသဘော ဒါမှမဟုတ် အပျက်သဘော ဆန်ဆန် အကဲဖြတ် တုံ့ပြန်ခြင်းပဲ ဖြစ်ပါတယ် (Tesser & Shaffer)။ ဥပမာပေးပါမယ်။ ပညာရေး ဥပဒေပြု ပြင်ပြောင်းလဲဖို့အတွက် ဆန္ဒပြချီတက်လာတဲ့ ကျောင်းသားနဲ့ ၀န်းရံပြည်သူတွေကို အစိုးရရဲ့ ရဲတွေက အကြမ်းဖက် ရိုက်နှက်ဖမ်းဆီးခြင်းဆိုတဲ့ “stimulus” ရှိတယ်။ အဲဒီ stimulus ကြောင့် လူတွေရဲ့စိတ်မှာ အပြုသဘောဆန်ဆန် အကဲဖြတ်တုံ့ပြန်မှု ဖြစ်ပေါ်လာပြီး ဒီလုပ်ရပ်ဟာ အာဏာရှင်ဆန်ဆန် ယုတ်မာရက်စက်ခြင်းလို့ မြင်လာတယ်။ ဒါဟာ သာမန်ပြည်သူတွေရဲ့စိတ်မှာ ဖြစ်ပေါ်လာတဲ့ “attitude” ပဲ။ အခြားတစ်ဖက်မှာ ဒီ “stimulus” ကပဲ အစိုးရရဲ့စိတ်၊ ရိုက်နှက်သူတွေရဲ့စိတ်မှာကျတော့ “ဟိုကရိုက်လို့ ဒီကပြန်ရိုက်ရပါတယ်” ဆိုတဲ့ အပျက်သဘောဆန်ဆန် အကဲဖြတ်တုံ့ပြန်တဲ့ “attitude” ဖြစ်ပေါ်လာတယ်။

လေ့လာခြင်းကို သင်ပေးလို့ ရပါသလား။ Carl Rogers ကတော့ မရဘူးလို့ တိုက်ရိုက် မဖြေပေမယ့် ထိရောက်တဲ့ စကားကို ပြောသွားပါတယ်။ “သင်ကြားပေးခြင်းဆိုတာ အလွန်အကျွံ တန်ဖိုးထားလွန်း၊ အထင်ကြီးလွန်းစွာနဲ့ လုပ်ဆောင်နေခြင်းပဲ” တဲ့။ လူတစ်ယောက်က အခြားလူတွေကို သင်ပေးလို့ရတယ်ဆိုတာ မဆိုစလောက်ပါ။ facilitator က လေ့လာသူ ကိုယ်တိုင် ဦးဆောင်လေ့လာတဲ့ လေ့လာခြင်းမျိုးဖြစ်အောင် ပံ့ပိုးကူညီပေးရုံပဲ တတ်နိုင်တာပါ။ facilitator ကိုယ်တိုင်က လေ့လာသူဖြစ်နေရမယ်။ အစဉ်အလာပညာရေးမှာလို အကုန်သိ အကုန်တတ် ထင်နေပြီး အာဏာနဲ့ အပေါ်စီးကနေ သင်ကြားပေးခြင်း မဟုတ်တော့။ facilitator ကိုယ်တိုင်က လေ့လာသူတစ်ပိုင်းဖြစ်နေသလို လေ့လာသူတွေကိုလည်း ပံ့ပိုးပေးရင်း “ပညာလေ့လာသူတို့ ရပ်ဝန်း” (community of learners) ဖြစ်အောင် အားထုတ်ရပါမယ်။ ဒီအတွက်ကြောင့် facilitator နဲ့ လေ့လာသူတွေ နှစ်ဖက်လုံးရဲ့ “attitudinal qualities” တွေက ထိပ်တန်းက အရေးပါနေတာပါ။ ပညာလေ့ လာသူတို့ရပ်ဝန်းဆိုတာ သိချင်စိတ်ကို ပြင်းပြစေတယ်။ စူးစမ်းမေးမြန်းတာကို အစဉ်တံခါးဖွင့်ထားတယ်။ ဒီလိုရပ်ဝန်းကနေပဲ အမှန်တ ကယ်လေ့လာသူတွေ၊ ဖန်တီးမှုအားကောင်းတဲ့ ပညာရှင်တွေ ပေါ်ထွက်လာနိုင်တာပါ။ သူတို့တွေကသာ အစဉ် ပြောင်းလဲနေတဲ့ ခေတ်သစ်ကမ္ဘာမှာ ရှင်သန်နိုင်မယ်။ အစဉ် အလာပညာရေးမှာဆို သင်ကြားပေးသူက သင်ရိုးညွှန်းတမ်းမှာပါတဲ့အတိုင်း တပည့်တွေကို “ပိုးသတ်ထားတဲ့ ဖန်ပြွန်ကနေ ဓာတ်ပြုအရည်တွေ လောင်းထည့်လိုက်သလို” ဘာစိတ်ခံစားမှုမှမပါဘဲ (လူသားမဆန်စွာ) “knowledge” တွေကို ကူးပြောင်းပေးလိုက်ပါတယ်။ အဲဒီလို သင်ကြားပေးခြင်းဟာ မပြောင်းလဲဘဲ သေနေတဲ့ ကမ္ဘာမှာ လူလာဖြစ်ရင်တော့ အဆင်ပြေလိမ့်မယ်။ အစစအရာရာ အမြဲပြောင်းလဲနေတဲ့ လူ့ကမ္ဘာမှာတော့ ရှင်သန်နိုင်မှာ မဟုတ်တော့။

Facilitator မှာ ရှိရမယ့် attitude တွေထဲက တစ်ခုကတော့ စစ်မှန်ရိုးသားခြင်း (realness) ပါ။ facilitator ဟာ လေ့လာသူတွေနဲ့ ဆက်ဆံတဲ့အခါ “professional facade” လို့ခေါ်တဲ့ ရာထူးအဆောင်အယောင် ဟန်ဆောင်မျက်နှာဖုံးတွေနဲ့ မဆက်ဆံတော့ဘူး။ လေ့လာသူတွေလို သူလည်းပဲ လူသားတစ်ယောက်အနေနဲ့ ရိုးသားပွင့်လင်းစွာ ဆက်ဆံတယ်။ စိတ်ထဲမှာတစ်မျိုး ခံစားပြီး ပြောဆိုပြုမူတော့ ရာထူး အဆောင်အယောင်နဲ့ လိုက်အောင် ဟန်ဆောင်ထားတာမျိုး မရှိတော့ဘူး။ လူ သားတစ်ယောက်ဖြစ်တဲ့ facilitator အနေနဲ့ စိတ်လက်ကြည်သာနေချိန် ရှိသလို စိတ်ညစ်ညူးနေချိန်လည်း ရှိနိုင်တာပဲ။ အိမ်ကမိန်းမနဲ့ အဆင်မပြေလို့ စိတ်မကြည်မသာဖြစ်လာတဲ့ facilitator ဟာ လေ့လာသူတွေအပေါ် အပြစ်ပုံချခြင်းထက် “ငါတော့ ဒီနေ့ မိန်းမနဲ့ အဆင်မပြေဖြစ်လာလို့ စိတ်ညစ်နေတယ်ကွာ၊ မင်းတို့ကလည်း မီးလောင်ရာလေပင့်မလုပ်ကြနဲ့ဟေ့” ဆိုပြီး ပွင့်ပွင့်လင်းလင်း ဖွင့်ပြော ထားသင့်တယ်။ အစဉ်အလာပညာရေးမှာတော့ မိန်းမနဲ့စိတ်တို လာတာကိုတော့ ဖွင့်မပြောဘဲ ဟန်ဆောင်ထားပြီး ရှိသမျှဒေါသ လေ့လာသူတွေအပေါ် လွှဲချတတ်တယ်။

Facilitator ဟာ ရိုးသားပွင့်လင်းရမယ် ပြောလိုက်တာဟာ သူ့မှာဖြစ်လာသမျှ “negative feelings” တွေကို လေ့လာသူတွေဆီ ပုံချခြင်းကို ပြောတာမဟုတ်ပါဘူး။ အဲဒီခံစားမှုတွေကို ဖုံးကွယ်ဟန်ဆောင်ထားပြီး လေ့လာသူတွေအပေါ် အပြစ်ပုံမချဖို့ ဆိုလိုတာပါ။ စစ်မှန်ရိုးသားခြင်းကို နောက်ထပ်ဖွင့်ဆိုရရင် မလိမ်ဖို့ပါပဲ။ facilitator ဟာ အရာရာကို သိတယ်။ လေ့လာသူမေးလာသမျှကို ဖြေနိုင်တယ်။ သူပြောသမျှကလည်း မှန်တယ် အစရှိသည်ပေါ့။ facilitator ဟာလည်း လူသားဖြစ်တဲ့အတွက် သူအထူးပြုလေ့လာထားတဲ့ ဘာသာရပ်တစ်ခုမှာတောင် အကုန်မသိနိုင်ပါဘူး။ သူပြောသမျှကလည်း မမှန်နိုင်ပါဘူး။ ဒါကို သူကလည်း ဟန်မဆောင်ဘဲ ဖွင့်ပြောရမယ်။ ဒါမှသာ လေ့လာသူတွေက facilitator လည်း လူသားဖြစ်တဲ့အတွက် မှားတတ်သလို ငါတို့လည်း မှားမှာကို ကြောက်စရာမလိုဘူးဆိုပြီး မသိသေးတာတွေကို မေးရဲ စူးစမ်းရဲလာပြီး ဖန်တီးမှုအားကောင်းလာမယ်။ စစ်မှန်ရိုးသားခြင်းဆိုတာ နည်းစနစ် “technique” တစ်ခုမဟုတ်ပါဘူး။ attitude ပါ။ အဲဒီတော့ တကယ် စစ်မှန်ရိုးသားခြင်း မရှိဘဲ နည်းစနစ်တစ်ခုအနေနဲ့ ဟန်ဆောင်သုံးလို့ မရပါဘူး။

Facilitator ဟာ လေ့လာသူတစ်ဦးချင်းစီကို ဘယ်သူနဲ့မှမတူတဲ့ “unique” လူသားအဖြစ် လက်ခံရမယ်။ အဲဒီလို လူသားအဖြစ် လက်ခံထားပြီး လေ့လာသူတစ်ဦးချင်းစီရဲ့ ခံစားချက်တွေ၊ အတွေးအခေါ်တွေကို တန်ဖိုးထားရမယ်။ ဒီလို လက်ခံပေးခြင်း၊ တန်ဖိုးထားခြင်းတွေဟာလည်း “unconditional” ပဲဖြစ်ရမယ်။ facilitator အကြိုက် လိုက်ပြောမှ လက်ခံ တာမျိုး မဖြစ်ရပါဘူး။ အဲဒီလို attitudes တွေရှိဖို့အတွက် အခြေခံ အချက်ကတော့ ယုံကြည်မှု “trust” ပဲ။ လူသားဆိုတာ ရေခံမြေခံကောင်းတဲ့ ပတ်ဝန်းကျင်မှာသာ ဖိနှိပ်ချုပ်ခြယ်မှုမရှိဘဲ လွတ်လပ်စွာ ရှင်သန်ခွင့်ရမယ်ဆိုရင် ကောင်းမွန်တဲ့ အရည်အသွေးများစွာ ဖွံ့ဖြိုးလာနိုင်တယ်လို့ ယုံကြည်ခြင်းပဲ။ acceptance‚ prize‚ trust စတာတွေကလည်း realness လိုပဲ နည်းစနစ်မဟုတ်တဲ့ attitude တွေဖြစ် တဲ့အတွက်ကြောင့် ဟန်ဆောင်ပြုံးလို့ လေးစားချင်ယောင်ဆောင်လို့ မရပါဘူး။ facilitator ရဲ့ အပြုအမူကို ကြည့်ပြီး သိနိုင်ပါတယ်။ ဥပမာ နားထောင်ခြင်းပေါ့။ Carl Rogers ရဲ့ စာသင်ခန်း သုတေသနတွေအရ စာသင်ချိန်ရဲ့ ၇၅% ကို သင်ကြားပေးသူက လက်ဝါးကြီးအုပ်ထားပါတယ်။ ကျွန်တော်တို့ဆီမှာတော့ ၁၀၀% အပိုင်စီးထားပါတယ်။ နားထောင်တယ်ဆိုရင်လည်း မှန်ခြင်းမှားခြင်းကိုပဲ အာရုံစိုက်လေ့ရှိပါတယ်။ ဖြစ်သင့်တာက လေ့လာသူဘာကိုပြောနေလဲ။ ပြောနေတာရဲ့နောက်က ခံစားချက်တွေ၊ အတွေးအခေါ်တွေက ဘာလဲ။ ဘာကြောင့် ဒါတွေကိုပြောနေတာလဲ။ ဒါတွေကို သိအောင် အမှန်တကယ်နားထောင် ရမှာပါ။ သိပ္ပံလောကမှာ “objective truth” ဆိုတာကို မရောက်နိုင်သေးဘူး။ ပိုပိုပြီး ချဉ်းကပ်နိုင်ဖို့ပဲ ကြိုးစားနေရတာပါ။ ဒါ့ကြောင့် facilitator အကဲဖြတ်လိုက်တဲ့ မှန်ခြင်း မှားခြင်းတွေဟာ “relative” တွေပါ။

Facilitator ဟာလေ့လာသူကို အမှန်တကယ် နားထောင်မှုပေး သလို လေးလေး နက်နက်လည်း တုံ့ပြန်ဆွေးနွေးပေးရပါ မယ်။ အဲဒီအခါမှသာ လေ့လာသူအပေါ် “empathetic understanding” ရှိလာနိုင်မှာပါ။ “empathetic understanding” ဆိုတာ လေ့လာသူကို ပြင်ပကနေ ရှုမြင်သုံးသပ်ပြီး နားလည်တာမျိုး မဟုတ်ပါဘူး။ facilitator ကိုယ်တိုင် လေ့လာသူနေရာ ၀င်ခံစားပြီး လေ့လာသူလို တွေးခေါ်စဉ်းစားနိုင်အောင် ကြိုးစားလို့ရလာတဲ့ နားလည်မှုမျိုးပါ။ မလွယ်ပါဘူး။ ဒါပေမယ့်လည်း အဲဒီလို နားလည်မှုရှိမှသာ လေ့လာသူရဲ့ခံစားချက်တွေ၊ တွေးခေါ်ပုံတွေကို ယထာဘူတကျလာအောင် facilitator က ကူညီပံ့ပိုးပေးနိုင်မှာပါ။

(ဆက်လက်ဖော်ပြပါမည်။)
#PUBLIC_POLICY_2011+ ဆွေသက်ဇော်
>>Photo: www.guninetwork.org

 လူသားဆန်တဲ့ ပညာရေး (အပိုင်း - ၂)
ပြီးခဲ့တဲ့ ဆောင်းပါး အပိုင်း (၁) မှာ “ပညာလေ့လာသူတို့ ရပ်ဝန်း” ဖြစ်ဖို့ “Facilitator”မှာ ရှိရမယ့် “attitudes”တွေအကြောင်း ဆွေးနွေးခဲ့ပါတယ်။ အခုဆောင်းပါးမှာတော့ လေ့လာသူတွေမှာ ရှိရမယ့် “attitudes”တွေကို ဆွေးနွေးသွားပါမယ်။ လူသား ဆန်တဲ့ ပညာရေးမှာ facilitatorဟာ စစ်မှန်ရိုးသားခြင်း၊ လေ့လာသူကို လေးစားခြင်း၊ လေ့လာသူတွေကို အမှန်တကယ် နားလည်မှုရှိလာခြင်း အစရှိတဲ့ attitudesတွေ ထားရှိလာမယ်။ အစဉ်အလာ ပညာရေးနဲ့သာ ရင်းနှီးကျွမ်းဝင်ခဲ့ရတဲ့ လေ့ လာသူတွေဟာ အစ ပထမမှာတော့ Facilitatorရဲ့ ပြောင်းလဲလာတဲ့ attitudesတွေကို ဟန်ဆောင်နေတယ်လို့ ထင်ပါလိမ့် မယ်။ ဒါကြောင့် လေ့လာသူတွေအနေနဲ့ ထားရှိရမယ့် attitudeကတော့ facilitatorရဲ့ ပြောင်းလဲလာတဲ့ attitudesတွေကို “သိမြင်နားလည်ခြင်း” (perception) ရှိဖို့ပါပဲ။ အဲဒီလို သိမြင် နားလည်လာမှသာ လေ့လာသူတွေ အရိုးစွဲလာတဲ့ အစဉ်အ လာပညာရေး attitudesတွေကို ပြောင်းလဲဖို့ ကြိုးစားလာနိုင်မှာပါ။
လေ့လာသူတွေအနေနဲ့ အမှန်တကယ် လေ့လာခြင်းပြုဖို့ဆိုရင် ကြုံတွေ့လာရတဲ့ အခြေအနေတစ်ရပ်ကို ပြဿနာတစ်ခု အဖြစ် ရှု့မြင်မှသာ ဖြစ်နိုင်ပါတယ် (awareness of a problem)။ အဲဒီပြဿနာဟာလည်း လေ့လာသူတွေရဲ့ ဘ၀မှာ အမှန်တကယ် ကြုံတွေ့ရနိုင်တာမျိုး ဖြစ်သင့်ပါတယ်။ ဆယ်နှစ်အရွယ် ကလေးတစ်ယောက်ကို ကိုယ်ဝန်ဆောင်ခြင်းနဲ့ ဆိုင်တာတွေ၊ လကမ္ဘာပေါ် အသက်ရှင်နိုင်ဖို့ အကြောင်းတွေ သွားပြောရင် ဆီလျော်မှု မရှိသလို အဓိပ္ပါယ်လည်း ပြည့်ဝမှာ မဟုတ်တော့ပါဘူး။ ဒါ့ကြောင့် အမှန်တကယ် လေ့လာခြင်းဖြစ်အောင် ပံ့ပိုးပေးဖို့ဆိုရင် လေ့လာသူတွေကို သူတို့ဘ၀နဲ့ ဆီလျော်တဲ့ ၊ အဓိပ္ပါယ်ရှိတဲ့ တကယ့်ပြဿနာတွေနဲ့သာ ချဉ်းကပ်ကူညီပေးသင့်တယ်။
ဒီနေရာမှာ မေးခွန်းထုတ်စရာ ရှိတာက အဲဒီလို ပြဿနာတွေနဲ့ ကြုံတိုင်းကော လေ့လာသူဟာ ဖြေရှင်းဖို့ စိတ်ဝင်စားပါ့မ လား။ လစ်လျူရှု၊ ရှောင်ဖယ်မသွားနိုင်ဘူးလား။ လူသားတိုင်းဟာ ပင်ကိုယ်သဘာဝအားဖြင့် လေ့လာခြင်းအတွက် စေ့ဆော်အား “motivation”ရှိပါတယ်။ လူသားဆန်တဲ့ ပညာရေးမှာ ဖွင့်ဆိုတဲ့ “စေ့ဆော်အား”ဆိုတာ မိမိရဲ့ “self”ကို အမှန်တကယ် သိရှိနားလည်ချင်တဲ့ စိတ်တိမ်းညွှတ်မှုပဲ။ ဒီနေရာမှာ “self”ဆိုတာက “မိမိကိုယ်ပိုင် ၀ိသေသလက္ခဏာတွေ လို့ ရှု့မြင်ထားမှုတွေ၊ မိမိနဲ့ တခြားသူတွေကြား ဆက်နွှယ်မှုအပေါ် ရှုမြင်ထားမှုတွေ၊ နောက်ပြီး ဒီရှုမြင်ထားမှုတွေနဲ့အတူ တွဲပါလာတဲ့ တန်ဖိုးထားမှုတွေ၊ ယုံကြည်မှုတွေ အားလုံးပေါင်းစပ် ဖွဲ့စည်းထားတဲ့ ရှေ့နောက်ညီညွှတ်သော အယူအဆ ဆိုင်ရာ အစုအဝေးတစ်ခုလုံး”ကို ပြောတာပါ။ လူသားတွေဟာ ပင်ကိုယ်သဘာဝအရကို မိမိရဲ့”self”ကို အမှန်တကယ် သိရှိနားလည်ချင်စိတ် ရှိတဲ့အတွက်ကြောင့်မို့ လေ့လာဖို့ စေ့ဆော်အား ရှိပြီးသားလို့ ပြောတာပါ။
ဒါဖြင့် လေ့လာသူတိုင်းက ဘာဖြစ်လို့ စေ့ဆော်အား မကောင်းတာလဲလို့ ငြင်းချက်ထုတ်နိုင်ပါတယ်။ လူသားတွေရဲ့ အခြေခံလိုအပ်ချက်တွေ မပြည့်ဝ ဘဲ ဖြိုခွဲဖျက်စီးခံရလို့ပါ။ ဥပမာပေးရရင် ချစ်ခြင်းမေတ္တာ၊ လုံခြုံမှု၊ လွတ်လပ်ခွင့်တို့ပါ။ လူသားတစ်ယောက်ရဲ့ အခြေခံ လိုအပ်ချက်တွေ မပြည့်ဝတော့ရင် “threat”ရလာနိုင်ပါတယ်။ ဒီနေရာမှာ “threat”ဆိုတာကို မိမိတည်ဆောက်ထားတဲ့ “self”နဲ့ အမှန်တကယ် ကြုံတွေ့လာရတဲ့ အတွေ့အကြုံတို့ကြား ကွာခြားမှုရှိတဲ့အခါ ဖြစ်ပေါ်လာတဲ့ အခြေအနေလုိ့ ပြောပါ တယ်။ ဥပမာတစ်ခု ပေးကြည့်ပါမယ်။ လေ့လာသူဟာ သူ့ရဲ့ “self”မှာ သင်ရိုးညွှန်းတမ်းထဲ ပါတဲ့အတိုင်း အလွတ်ကျက်ပြီး စာမေးပွဲဖြေရခြင်းဆိုတာ အင်မတန် အဓိပ္ပါယ်ကင်းမဲ့တယ်ဆိုတဲ့ ရှုမြင်မှုကို တည်ဆောက်ထားတယ်။ တကယ် သူ ကြုံရ တာက အဲဒီလို သင်ရိုးညွှန်းတမ်းနဲ့အညီ အလွတ်ကျက် ဖြေမှသာ စာမေးပွဲအောင်မယ်ဆိုတဲ့ အနေအထားတစ်ခု။ ဆိုတော့ သူ တည်ဆောက်ထားတဲ့ “self”နဲ့ ကြုံရတဲ့ အခြေအနေကြား ကွာခြားမှု ရှိနေပြီ။ အဲဒီအခါ “threat” ရလာပါတော့တယ်။ အဲဒီလို “threat”ရလာရင် လူသားရဲ့ ပင်ကိုယ်လေ့လာချင်တဲ့ စိတ်တိမ်းညွှတ်မှုလေးဟာ အဖိနှိပ်ခံဘ၀ကို ရောက်ရှိသွားပါ တော့တယ်။ အစဉ်အလာ ပညာရေးမှာက လူသားရဲ့ ပင်ကိုယ်လေ့လာချင်စိတ် တိမ်းညွှတ်မှုကို အားမပေးဘဲ “threat” တွေ ကိုသာ ရစေပါတယ်။ Facilitatorကနေပြီး လူသားဆန်တဲ့ attitudesတွေ ထားရှိခြင်းအားဖြင့် လေ့လာသူတွေ ကြုံလာရတဲ့ “threat”တွေ လျော့နည်းလာပါမယ်။ အဲဒီအခါ လေ့လာသူတွေမှာ ပင်ကိုယ်သဘာဝ ရှိပြီးသား လေ့လာခြင်းအတွက် စေ့ဆော်အားတွေဟာ ပြေလည် အားကောင်းလာမှာ မလွဲပါ။
၁။ စာသင်ခန်းတွင်း လွတ်လပ်မှုကို တည်ဆောက်ခြင်း
ပထမဆုံးအနေနဲ့ကတော့ တကယ့် အစစ်အမှန်အဖြစ် နားလည်လက်ခံထားတဲ့ ပြဿနာတွေပေါ် အခြေခံပြီး လွတ်လပ်မှု ကို တည်ဆောက်ယူရပါမယ်။ အစဉ်အလာ ပညာရေးမှာတော့ လေ့လာသူတွေကို လက်တွေ့ဘ၀က တကယ့် ပြဿနာ တွေနဲ့ စည်းခြားထားပါတယ်။ ဥပမာပေးရရင် မြန်မာပြည်က ဆေးကျောင်းတွေမှာ ကာကွယ်ရေးနဲ့ လူမှုရေးဆေးပညာ ဘာသာရပ်ကို ပြဌာန်းထားပါတယ်။ အဲဒီပြဌာန်းစာအုပ်မှာ GDPနိမ့်တဲ့ နိုင်ငံတွေကို ဥပမာပေးတဲ့အခါ အီသီယိုးပီးယား ပါပေမယ့် မြန်မာနိုင်ငံ မပါဘူး ဖြစ်နေတယ်။ ဒါဟာ လက်တွေ့ဘ၀က တကယ့်ပြဿနာတွေနဲ့ လေ့လာသူတွေကြား စည်းခြားထားခြင်းတွေထဲက တစ်ခုပါ။ လေ့လာသူတွေဟာ တကယ့် ပြဿနာတွေကို တွေ့ကြုံရင်ဆိုင် ဖြေရှင်းဖို့ လွတ်လပ်စွာ လေ့လာနိုင်မှသာ တာဝန်ယူနိုင်သော လူသားတွေ ဖြစ်လာမှာပါ။ အဲဒီလို မဟုတ်ဘဲ ဇာပုဝါခြားလို့ ကန့်လန့် ကာအတွင်းကသာ လေ့လာခဲ့ရရင် တကယ့် လက်တွေ့ဘ၀ရောက်တဲ့အခါ ဘယ်လိုလုပ်ပြီး တာဝန်ယူနိုင်သူတွေ ဖြစ်တော့မလဲ။ အစဉ်ပြောင်းလဲနေတဲ့ ခေတ်သစ်ကမ္ဘာမှာ တကယ့် ပြဿနာတွေကို သင်ရိုးညွှန်းတမ်းရေးဆွဲသူတွေက ကြိုတင်ပြဌာန်းထားလို့ မရပါဘူး။ တကယ့် ပြဿနာတွေဆိုတာ တကယ် လေ့လာမယ့်သူတွေဆီကပဲ ဆင်းသက်လာတာ ပါ။ လေ့လာသူတွေဆီက လာတဲ့ ဒီပြဿနာတွေကို Facilitatorက သိအောင် အားထုတ်ရပါတယ်။ Facilitator ကျွမ်းကျင် တဲ့ ဘာသာရပ်နဲ့ဆိုင်တဲ့ ပြဿနာတွေကို တုံ့ပြန်ကူညီပေးရပါတယ်။
လေ့လာသူတွေ ကြုံတွေ့လာရတဲ့ တကယ့် ပြဿနာတွေကို ဖြေရှင်းနိုင်အောင် လေ့လာခြင်း ပြုလုပ်ဖို့ Facilitatorကနေပြီး အရင်းအမြစ်တွေနဲ့ ပံ့ပိုးပေးရပါတယ် (Providing Resources)။ အစဉ်အလာ ပညာရေးမှာလို သင်ရိုးက ပြဌာန်းထားတဲ့ အတိုင်း အချိန်မီပြီးအောင် လေ့လာသူတွေ လိုချင်တာရော မလိုချင်တာရော၊ လိုအပ်တာရော၊ မလိုအပ်တာရော အကုန်လုံးကို တွန်းမပေးပါဘူး။ အဲဒီအတွက် အစဉ်အလာ ပညာရေးမှာလို လက်ချာပေးဖို့ ပြင်ဆင်ရတဲ့ အချိန်တွေ ကုန်မယ့်အစား လေ့လာသူတွေ လိုအပ်ချက်နဲ့ ကိုက်ညီတာတွေကိုပဲ အလွယ်တကူ ပေးနိုင်အောင် အားထုတ်ပါတယ်။ ပညာရပ်ဆိုင်ရာ အရင်းအမြစ်လို့ ပြောလိုက်ရင် စာအုပ်တွေ၊ ဆောင်းပါးတွေ၊ ဓါတ်ခွဲခန်းတွေ၊ မြေပုံတွေ၊ မှတ်တမ်းတွေ အစရှိသည်ဖြင့် အများကြီးပေါ့လေ။ တကယ် အရေးကြီးဆုံးကတော့ လူသားအရင်းအမြစ်ဖြစ်တဲ့ Facilitatorပါ။ ကျန်တာတွေက လိုအပ် လာတဲ့အခါ ယူသုံးဖုိ့ပါ။ Facilitatorက အရေးကြီးဆုံး ဆိုပေမယ့် သူသိထားတာတွေ၊ သူ့အတွေ့အကြုံတွေကို လက်ချာ တွေကနေ ဇွတ်အတင်းပေးဖို့ ကြိုးစားလို့ မဖြစ်နိုင်ပါဘူး။ Carl Rogersကတော့ အခုလို ပြောသွားပါတယ်။ “ကျွန်တော်တို့ ဟာ ပြဌာန်းထားတဲ့ သင်ရိုးတွေ၊ လက်ချာတွေ၊ စာမေးပွဲတွေအပေါ်မှာ အခု ဖြုန်းတီးနေတဲ့ အချိန်တွေနဲ့ တူညီတဲ့ အချိန် လောက် သုံးရင်ကိုပဲ လေ့လာသူတွေကို ပညာရပ်ဝန်းတစ်ခု ဖန်တီးပေးလို့ ရပါတယ်။ အဲဒီ ပညာရပ်ဝန်းမှာ လေ့လာသူဟာ သူ့လိုအပ်ချက်နဲ့ အကိုက်ညီဆုံး အရင်းမြစ်တွေကို ရွေးချယ် အသုံးချသွားလို့ ရပါတယ်”။ ဒါ့ကြောင့် လက်ချာ (သို့မဟုတ်) ဘာသာရပ်တစ်ခုခုကို Facilitatorက ပို့ချပေးခြင်းဆိုတာ ပညာရေးရဲ့ လိုအပ်လှတဲ့ အပိုင်းမဟုတ်ပါဘူး။ လေ့လာသူတွေ က လိုလားတောင့်တလွန်းမှသာ ယူသုံးရမယ့် အရာတစ်ခုပါ။
နောက်တစ်ခုကတော့ Facilitatorနဲ့ လေ့လာသူတွေကြား နားလည်သဘောတူညီမှု ရှိခြင်းပါ (use of contracts)။ မြန်မာ့ ပညာရေးရဲ့ ရွေးချယ်စရာ အခွင့်အရေး နည်းပါးခဲ့ခြင်းကြောင့် အနုစာပေ စိတ်ဝင်စားလည်း အမှတ်ကောင်းရင် ဆေးကျော င်းရောက်တယ်။ စိတ်ပညာကို အထူးပြုလိုလည်း အမှတ်ကောင်းရင် ဆေးကျောင်းရောက်တယ်။ တခြားဘယ်လို အကြော င်းကြောင့်ဖြစ်ဖြစ် လေ့လာသူတစ်ယောက်ဟာ “စာသင်ခန်းမှား”တဲ့ အခြေအနေမျိုး ကြုံနိုင်ပါတယ်။ အဲဒီလို အခြေအနေ မျိုး ကြုံလာရင် လေ့လာသူဟာ Facilitatorနဲ့ နားလည်သဘောတူညီမှု ရယူထားသင့်ပါတယ်။ “ကျွန်တော်ဟာ စာမေးပွဲ အောင်ရုံပဲ စိတ်ဝင်စားတာပါ။ ဒီကျောင်းကို တက်ချင်လွန်း တက်နေတာ မဟုတ်ပါဘူး။ အဲဒီအတွက် စာမေးပွဲအောင်ရုံပဲ ကျွန်တော် လေ့လာမယ်။ ဒါကြောင့် အဲဒီထက် ပိုပြီး ဖိအားမပေးပါနဲ့” ဆိုပြီး နားလည်အောင် ပြောပြထားသင့်ပါတယ်။ အဲဒီ အခါ Facilitatorကလည်း သဘောတူလက်ခံပေးရပါမယ်။ လေ့လာသူအနေနဲ့ Facilitatorဆီက သဘောတူညီမှု ရယူထား တဲ့အတွက် ပိုပြီးတော့ လွတ်လပ်လာမယ်။ သူ့သဘော မတူထားတဲ့ အရာအတွက် စိုးရိမ်စရာ မလိုတော့ဘူး။ သဘောတူ ညီမှု ရယူထားတာကို ကျေပွန်ဖို့အတွက်လည်း တာဝန်ယူမှုတော့ ရှိရမယ်။
နောက်တစ်ခုကတော့ အတန်းခွဲဖို့ပါ (division of class)။ အတန်းခွဲဖို့ လိုအပ်ရတဲ့ အခြေခံအကြောင်းလောက်ကို ဆွေးနွေး ကြည့်ပါမယ်။ လူသားတစ်ယောက်ကို လွှမ်းမိုးပြုပြင်နေတဲ့ အကြောင်းတရားတွေကို အုပ်စုဖွဲ့လိုက်ရင် သုံးခုပဲ ရှိပါတယ်။ (၁) ဇီဝဗေဒဆိုင်ရာ အကြောင်းတရား (၂) စိတ္တဗေဒဆိုင်ရာ အကြောင်းတရား (၃) ပတ်ဝန်းကျင်ဆိုင်ရာ အကြောင်းတရား ဆိုပြီး သုံးအုပ်စု ရှိပါတယ်။ လူသားတစ်ယောက်နဲ့ တစ်ယောက်ဟာ ဖီဝဗေဒဆိုင်ရာ အကြောင်းတရားထဲက အရေးအကြီး ဆုံးဖြစ်တဲ့ မျိုးရိုးဗီဇချင်းလည်း မတူညီကြပါဘူး။ monozygotic twinsတွေမှာ ဗီဇချင်းထပ်တူညီတာတောင်မှ ပတ်ဝန်းကျင် ဆိုင်ရာ အကြောင်းတရားက အညမညပြုပြီး လာလွှမ်းမိုးလို့ လူသားတစ်ယောက် အဖြစ်ကျတော့ မတူညီပြန်ပါဘူး။ စိတ္တ ဗေဒဆိုင်ရာ အကြောင်းတရားတွေဖြစ်တဲ့ ရည်မှန်းချက်တွေ၊ စိတ်ချယုံကြည်မှု ရှိတာတွေချင်းလည်း လူတစ်ယောက်နဲ့ တစ်ယောက် မတူကြပြန်ပါဘူး။ လူသားတစ်ယောက် ကြီးပြင်းရာ ပတ်ဝန်းကျင်နောက်ခံဖြစ်တဲ့ ယဉ်ကျေးမှုတွေ၊ ဘာသာ ရေးယုံကြည်မှုတွေ၊ နိုင်ငံရေးအမြင်တွေလည်း မတူကြပြန်ပါဘူး။ အဲဒီလို မတူညီမှုတွေ ရှိတာ မငြင်းနိုင်ပေမယ့် အခြေခံ သဘာဝလေးတွေ တူညီနေတာ ရှိပါတယ်။ အခု ဆွေးနွေးနေတဲ့ စာသင်ခန်းတွင်း လွတ်လပ်မှုတည်ဆောက်ခြင်းမှာဆိုရင် လွတ်လပ်မှုကို အငမ်းမရ လိုချင်ပြီး ကိုယ်တိုင်ဦးဆောင် လေ့လာခြင်းကို မြတ်နိုးတဲ့ လေ့လာသူတွေ ရှိမယ်။ တစ်သက်လုံး က သူများ နှာခေါင်းပေါက်နဲ့ အသက်ရှုလာလို့ လွတ်လပ်မှုကို သိပ်မလိုချင်သူတွေ ရှိမှာလည်း ဧကန်ပဲ။ အဲဒီအခါ အတန်း ခွဲမှပဲ အဆင်ပြေတော့မယ်။
အတန်းခွဲမယ်ဆိုရင်လည်း လူတစ်ရာ တစ်ခန်းမျိုးဆိုရင်တော့ အဆင်ပြေမှာ မဟုတ်ပါဘူး။ Facilitatorက လေ့လာသူတွေ ကိုယ်တိုင် ဦးဆောင်လေ့လာခြင်းကို ပံ့ပိုးကူညီပေးလို့ ထိရောက်နိုင်မယ့် အုပ်စုလေးတွေပဲ ဖြစ်သင့်ပါတယ်။ အဲဒီလို အုပ်စုငယ်လေးတွေ ဖွဲ့လိုက်တဲ့အခါ Facilitatorဟာ စူးစမ်းမေးမြန်းခြင်းနည်းကို အသုံးပြုလို့ အဆင်ပြေနိုင်ပါတယ် (the conduct of inquiry)။ သိပ္ပံပညာမှာက အသစ်အသစ်သော ပြဿနာတွေက ထပ်ပေါ်နေတယ်။ Facilitatorက အဖြေသိ ပြီးသား မဟုတ်တဲ့ ပြဿနာတစ်ရပ်ကို လေ့လာသူတွေဆီ ယူဆောင်လာမယ်။ ပြီးရင် Facilitatorက လေ့လာသူတွေကို ပံ့ပိုးပေးမယ့် အရင်းအမြစ်အဖြစ် ဆောင်ရွက်မယ်။ လေ့လာသူတွေက အဖြေ မသိသေးတဲ့ ပြဿနာကို ဖြေရှင်းဖို့ သိပ္ပံ ပညာရှင်တစ်ယောက်လို စူးစမ်းလေ့လာတော့မယ်။ အဖြေရဖို့ လေ့လာသူတစ်ဦးချင်းဆီက လွတ်လွတ်လပ်လပ် တွေးခေါ် စဉ်းစားကြသလို ပူးပေါင်းအဖြေရှာတဲ့ အလေ့အထလည်း ရလာနိုင်မယ်။ ကိုယ်တိုင် လွတ်လပ်စွာ စဉ်းစားအဖြေရှာလို့ ရလာတဲ့ နားလည်မှုဟာ ပိုမိုနက်ရှိုင်းသလို တာရှည်လည်းခံပါတယ်။
တကယ့် လက်တွေ့ဘ၀ ပြဿနာတွေကို အခြေခံပြီး လေ့လာခြင်းဟာ အကျိုးများ ထိရောက်တာ မှန်ပေမယ့် အကုန်လုံး လုပ်ဆောင်ဖို့ကျ ခဲယဉ်းပါတယ်။ နောက်တစ်ခုလည်း ရှိပါသေးတယ်။ ပြဿနာတစ်ခုဟာ ကိုယ့်ပတ်ဝန်းကျင် မဖြစ်သေး ပေမယ့် တခြားပတ်ဝန်းကျင်မှာ ဖြစ်နေပြီ။ ကိုယ့်ပတ်ဝန်းကျင်မှာ မဖြစ်သေးတော့ အဲဒီပြဿနာကို ဘယ်လို လေ့လာမလဲ လို့ မေးစရာရှိပါတယ်။ တောင်အာဖရိကမှာ Ebolaကူးစက်ပြန့်ပွားနေတယ်။ မြန်မာပြည်မှာ မရှိသေးလို့ ငါတို့ ပြဿနာ မဟုတ်တဲ့အတွက် လေ့လာစရာ မလိုဘူး။ လေ့လာလို့လည်း မထိရောက်နိုင်ဘူးလို့ ထင်စရာရှိပါတယ်။ အဲဒီလို အခြေအ နေတွေအတွက်ဆိုရင် “simulation”နည်းကို သုံးလို့ရပါတယ်။ simulationဆိုတာ ရှုပ်ထွေးလှတဲ့ တကယ့် လက်တွေ့ဘ၀ အခြေအနေတွေကို ကိုယ်စားပြုဖော်ဆောင်ထားတဲ့ ပုံစံငယ်လေးတစ်ခုပါ။ simulation ဖန်တီးဖို့ဆိုရင် ကိုယ်ဖန်တီးမယ့် အခြေအနေကို ကောင်းကောင်း နားလည်ထားရပါတယ်။ အဲဒီအတွက် Facilitatorက ပထမဆုံး မိတ်ဆက်နိဒါန်းပျိုးပေး ရပါမယ်။ တကယ် တာဝန်ယူ ဖော်ဆောင်ရမှာကတော့ လေ့လာသူတွေပါ။ အဲဒီလို simulationနည်းနဲ့ လေ့လာထားတဲ့ အခါ လေ့လာသူတွေအနေနဲ့ တကယ့် လက်တွေ့ဘ၀မှာ ကြုံလာရင် တာဝန်ယူ ဖြေရှင်းလာနိုင်ပါလိမ့်မယ်။ တကယ့် လက်တွေ့ဘ၀လို ဖန်တီးလေ့လာတဲ့အတွက် လူသားချင်းကြား နားလည်မှုတွေ၊ အပြန်အလှန် လေးစားမှုတွေ၊ ပူးပေါင်း လုပ်ဆောင်နိုင်စွမ်းတွေလည်း အမြတ်ထွက်လာပါမယ်။
အခု ဆွေးနွေးခဲ့တာကတော့ Carl Rogers တင်ပြခဲ့တဲ့ နည်းလမ်းတချို့ပါ။ ချဉ်းကပ်ပုံ နည်းလမ်းဆိုတာက တရားသေ ပြောလို့ မရပါဘူး။ လူတစ်ယောက်ချင်းစီ အသုံးပြုပုံချင်းလည်း မတူနိုင်ပါဘူး။ တခြားနည်းလမ်းတွေလည်း အများကြီး ရှိပါတယ်။ အခုတော့ ဒီလောက်ပဲ ဆွေးနွေးလိုပါတယ်။
၂။ လေ့လာခြင်းကို အကဲဖြတ်ခြင်း
အစဉ်အလာ ပညာရေးမှာတော့ အကဲဖြတ်ခြင်းကို တခြားလူတစ်ယောက် ထုတ်တဲ့ မေးခွန်းတွေကို ဖြေဆိုရခြင်းဆိုတဲ့ စာမေးပွဲနဲ့ တိုင်းတာလေ့ရှိပါတယ်။ စဉ်းစားကြည့်ပါ မိတ်ဆွေ။ ကိုယ်လေ့လာထားတာကို သူများက လာစစ်တယ်ဆိုတော့ သူများ လိုချင်တာ ဖြေနိုင်ရင် ကိုယ်တတ်တယ်ဆိုတဲ့ အဓိပ္ပါယ်ထွက်မနေဘူးလား။ သူ မလိုချင်တာ၊ သူ မမေးတာ ကိုယ် တတ်တယ်ဆိုရင်တော့ ကိုယ်တတ်ထားတာက သုံးမရသလို ဖြစ်နေပြီ။ စားမွေးပွဲနဲ့ စစ်တယ်ဆိုတော့ အဲဒီစာမေးပွဲရဲ့ အရည်သွေး ခိုင်မာမှုကို ဘာမှတ်ကျောက်နဲ့ ပြန်တိုင်းမလဲ။ လူသားဆန်တဲ့ ပညာရေးမှာတော့ စာမေးပွဲ စစ်တယ်ဆိုရင် အဲဒီစာမေးပွဲဟာ ဘ၀ဆိုတဲ့ ပေတံနဲ့ တိုင်းတာကို ခံနိုင်ရမယ်။ အဲဒီပေတံနဲ့ အတိုင်းမခံနိုင်ရင် အဲဒီစာမေးပွဲဟာ အလကားပဲ။
ကမ္ဘာတစ်လွှားမှာ စာမေးပွဲတွေ စစ်တဲ့သူက စစ်တယ်။ ဖြေတဲ့သူတွေက သန်းပေါင်းများစွာ။ သူတို့ ဘာလို့ အဲဒါတွေ လုပ် နေကြလဲ။ လက်မှတ် လိုချင်လို့ပါ။ တက္ကသိုလ်ဝင်ခွင့် လက်မှတ်၊ ဘွဲ့ရလက်မှတ်၊ အလုပ်ဝင်ခွင့် လက်မှတ် အစရှိသဖြင့်ပေါ့ လေ။ လူသားဆန်တဲ့ ပညာရေးမှာတော့ သူများ သတ်မှတ်ထားတဲ့ စံတွေနဲ့ စစ်ဆေးတဲ့ စာမေးပွဲဆိုတာ လူသားတစ်ယော က် ဘယ်လောက် တတ်မြောက်သလဲဆိုတာ အမှန်တကယ် စစ်ဆေး မပေးနိုင်ပါဘူး။ လက်မှတ်ရရုံပါ။ မိမိကိုယ်ကို အကဲ ဖြတ်ခြင်း (self-evaluation)နဲ့ပဲ ဆန်းစစ်လို့ရပါတယ်။ ကိုယ်တိုင် ချမှတ်ထားတဲ့ ရည်မှန်းချက်တွေ၊ ကိုယ်တိုင် ချမှတ်ထား တဲ့ စံတွေ မှတ်ကျောက်တွေနဲ့ပဲ အကဲဖြတ်လို့ ရပါတယ်။ မိမိကိုယ်ကို အကဲဖြတ်ခြင်းကို လေ့လာခြင်း ဖြစ်စဉ်မှာ ထည့်သွင်း ကျင့်သုံးနိုင်တဲ့ နည်းလမ်းတွေ အများကြီး ရှိနိုင်ပါတယ်။ Facilitatorနဲ့ လေ့လာသူ အပြန်အလှန် ဆွေးနွေးခြင်းဖြင့်လည်း မိမိကိုယ်ကို အကဲဖြတ်လို့ ရပါတယ်။ ကိုယ်တိုင် ရေးသား အကဲဖြတ်ခြင်း၊ Facilitatorနဲ့ သဘောတူညီထားတာကို ဘယ် လောက် ဖြည့်ဆည်းနိုင်သလဲ အစရှိသည်တို့နဲ့လည်း အကဲဖြတ်လို့ ရပါတယ်။ လေ့လာသူတစ်ယောက်နဲ့ တစ်ယောက် ချမှတ်ထားတဲ့စံတွေ၊ ရည်မှန်းချက်တွေဟာ အမျိုးမျိုးကွဲပြားနိုင်ပါတယ်။ အစဉ်အလာ ပညာရေးမှာလို လေ့လာသူအားလုံး ကို အဆင့်ဆိုတဲ့ တစ်ခုတည်းသော အကဲဖြတ်စံနဲ့ သတ်မှတ်မထားတဲ့အတွက် (competition)ယှဉ်ပြိုင်ခြင်းကို မဖြစ်စေ တော့ပါဘူး။ ကိုယ့်ရည်မှန်းချက် ကိုယ့်စံတွေ ပြည့်ဝဖို့ ကြိုးစားရင်း ပူးပေါင်းဆောင်ရွက်နိုင်ခြင်း cooperationပဲ ရရှိလာ တော့တယ်။
‪#‎PUBLIC_POLICY_2011‬+ ဆွေသက်ဇော်
>>Photo: www.guninetwork.org