ဖေ့စ်ဘွတ်ကာဟောလစ်စ် ( Facebookaholics ) - ဖေ့စ်ဘုတ်စွဲလမ်းသူများ

ရုပ် ဆိုး

ဖေ့စ်ဘွတ်ကာဟောလစ်စ် ( Facebookaholics ) - ဖေ့စ်ဘုတ်စွဲလမ်းသူများ

      လူ့လောကသဘာဝကြီးသည် ထူးဆန်းအံသြဖွယ်ကောင်းလှသည် ။ အရာအားလုံးမှာ အပူ နဲ့ အအေး ၊ အကြီးနဲ့ အငယ် ၊ အဖိုနဲ့ အစ်မ ၊ အကောင်းနဲ့ အဆိုး တို့ဟာ ဆန့်ကျင်ဖက်တို့ နဲ့ တွဲဖက်ပြီး အခြင်းအရာတစ်ခုကို ဖြစ်ပေါ်ခိုင်မြဲအောင် ထောက်ပံ့ပေးထားကြသည် ။ ၂၁ ရာစုရဲ့ နည်းပညာပေါက်ကွဲ မှုနဲ့ အတူ ပေါ်ထွက်လာခဲ့ တဲ့ အင်တာနက်မြန်နှုန်းမြင့် ခေတ်ကြီးမှာ လည်း အကောင်း အဆိုး အကြောင်းအကျိုးတွေ ဟာ မျှမျှတတ သဟဇာတ ဖြစ်လျှက် ရှိပေသည် ။

             အင်တာနက်ရဲ့ ကောင်းကျိုးတွေ ကြောင့် သတင်းချက်လက်တွေ အချိန်နှင့် တပြေးညီ သိရှိလာကြပြီး အသိဥာဏ်တွေဟာမြန်မြန်ဆန်ဆန်ပွင့်လင်းလာခဲ့ကြသည် ။ နည်းပညာပေါင်းကူးမှု ၊ ယဉ်ကျေးမှုးစီးဆင်းမှုတို့သည်လည်းအရှေ့အနောက်တောင်မြောက်မကွဲပဲကမ္ဘာကြီးနှင့်တပါတည်းတွဲလျှက်ပါလာနိုင်ကြသည်။ကမ္ဘာကြီးဟာတကယ်ကိုရွာကြီးဖြစ်ခဲ့ပါပြီ ။ ရွာတောင်ပိုင်းက ကိစ္စ တွေကို ရွာမြောက်ပိုင်းက ချက်ချင်းမသိနိုင်သည့်တိုင် ကမ္ဘာအရှေ့ခြမ်းက ကိစ္စတွေကိုတော့ ကမ္ဘာ့အနောက်ခြမ်းက အချိန်နဲ့တပြေးညီသိရှိနိုင်နေပေပြီ။သိပ္ပံဆိုင်ရာ၊အတွေးခေါ်ဆိုင်ရာတွေမှာလည်းပင်ဟိုးယခင်ခေတ်များကလိုပညာရှင်နှင့်သာမန်လူသားများအဖြစ်ခွဲခြားတဲ့အသွင်မဆောင်တော့ပါ။
အင်တာနက်ရဲ့ပေါင်းစည်းမှုနဲ့ အတူ သိပ္ပံပညာရှင်တွေ ရဲ့ ဖြေရှင်းဖို့ ခက်ခဲနေတဲ့ ပြသနာတွေကို သာမန်အင်တာနက်အသုံးပြုသူတစ်ယောက်က သာမန်အမြင်နဲ့ ဝင်ထောက်ပြပြီး ပြေလည်သွားနိုင်တဲ့ အခြေနေတွေရှိသလို ကျွမ်းကျင်သူတွေ ရဲ့ ပညာရပ်တွေကိုလည်း သာမန်လူတွေက အလွယ်တကူ ဆည်းပူးလေ့လာခွင့်တွေလည်းရရှိနေကြပြီဖြစ်သည်။
         ထို့ အတူ နိုင်ငံရေးနယ်ပယ်မှာလည်း လူထုခေါင်းဆောင် ၊ နိုင်ငံခေါင်းဆောင်တွေဟာ အင်တာနက်ရဲ့ ဆိုရှယ်နက်ဝေါ့ခ်များမှာလူထုအသံကို အလွယ်တကူ နားထောင်လို့ရနိုင်သလို ၊ မိမိရဲ့ လုပ်ဆောင်မှုတွေ နှင့် အတူ ပြည်သူလူထုကို အချိန်နဲ့ တပြေးညီ ချပြစည်းရုံးမှုတွေ ပြုလုပ်နိုင်နေပြီဖြစ်သည် ။ ပြည်သူလူထုအနေနဲ့လည်း မိမိတို့ ရင်တွင်းကဆန္ဒ များကို ပွင့်ပွင့်လင်းလင်းထုတ်ဖော်ခွင့် ၊ ခေါင်းဆောင်များရဲ့ ဆောင်ရွက်မှုတွေကိုလည်း မနှစ်သက်တဲ့ခါ သက်ဆိုင်ရင် တရားဝင်ဝဘ်ဆိုဒ်တွေ ၊ တရားဝင်ပေ့ခ်ျ တွေမှာ သွားရောက်ကန့်ကွက်မှုတွေ ၊ ဝေဖန်မှုတွေ ပြုလုပ်နိုင်ပြီ ဖြစ်သည် ။

အင်တာနက် စွဲလမ်းသူ (Netaholic ) နှင့်  ကွန်ပျူတာမုဆိုးမများ ( cyberwidow)

          အင်တာနက်ရဲ့ ကောင်းကျိုးအထွေထွေကို ခံစားရရှိနိုင်သည်နည်းတူ အင်တာနက်ရဲ့ ဆိုးကျိုးများကိုလည်းကျွန်တော်တို့လူသားတွေ မလွဲမသွေခံစားနေကြရပြီဖြစ်သည် ။ Netaholic ဟူသည်ကား အရက်စွဲသူ ၊ ဆေးစွဲသူများကဲ့ သို့ အင်တာနက်ကို စွဲလန်းသည့်စိတ်ရောဂါတစ်မျိုးပင်ဖြစ်သည် ။ အရက်စွဲသူ ၊ ဆေးစွဲ သူများကဲ့ သို့ ပေါ်ပေါ်တင်တင် မဆိုးဝါးသည့်တိုင် ဆေးစွဲသူများထက် ဖြတ်ရန်ပိုမိုခက်ခဲသော ၊ သိမ်မွေ့ သော ရောဂါတစ်မျိုးအဖြစ် လက်ခံထားကြသည် ။ လက်တွေ့ ဘဝမှာ လက်ဆုပ်လက်ကိုင်ပြနိုင်သောစွဲလန်းမှု မဟုတ်သောကြောင့် တကယ့်ပြင်ပဆေးခန်းများမှာ ပျောက်ကင်းအောင်ကုသဖို့မဖြစ်နိုင်သေးပါ ။ ထို့ကြောင့် တိုးတက်တဲ့နိုင်ငံတွေမှာ visual clinic ၊ online clinic စတာတွေကို အစိုးရကိုယ်တိုင်ဦးဆောင်ဖွင့်လှစ်စေပြီး ကုသပေးနေကြရပြီဖြစ်သည် ။

          Cyberwidow ဆိုတာကတော့ ကိုယ့်ရဲ့ဇနီး ၊ ခင်ပွန်း သို့တည်းမဟုတ် မိသားစုဝင်တစ်ဦးဦး က Netaholic ဖြစ်တဲ့ခါ လူမှုရေး ဒုက္ခ အိမ်ထောင်ရေး ဒုက္ခ တွေကို မုဆိုးမတစ်ဦးလို ခါးစည်းခံစားကြရသူတွေကို ဆိုလိုတာဖြစ်ပါတယ်။ Netaholic နှင့် cyberwidow ကိုတော့ ဒီနေရာမှာ အရင်ကရေးခဲ့ဖူးပါတယ် ။



ကျွန်တော်တို့မြန်မာအသိုင်းဝန်းနှင့်ဖေ့စ်ဘွတ်ခ်

          ဆိုရှယ်နက်ဝေါ့ခ်တွေရဲ့ ရေစီးကြောင်းနဲ့အတူ အားပြင်းပြင်းနဲ့စီးဆင်းလာတဲ့ နက်ဝေါ့ခ်တစ်ခုကတော့ Facebook ပါပဲ ။ ကမ္ဘာတစ်ဝှမ်းဖေ့စ်ဘွတ်ခ် အသုံးပြုသူပေါင်းဟာ သန်းပေါင်း ကိုးရာကျော် (901,000,000) ရှိသွားခဲ့ပြီဖြစ်ပါတယ် ။ ကမ္ဘာတစ်လွှားကျော်ကြားမှုများနည်းတူ ကျွန်တော်တို့ရဲ့ မြန်မာမှာလည်း အင်တာနက်သုံးသူတိုင်းနီးပါးဖေ့စ်ဘွတ်ခ် သုံးစွဲနေကြပြီဖြစ်ပါတယ်။ ဖေ့စ်ဘွတ်ခ်မှာ သူငယ်ချင်းတွေ ဖွဲ့ကြ၊ ဝါသနာပါသူတွေ စုပြီး ပရဟိတလုပ်ငန်းတွေလုပ်ကြ ၊ ပညာရပ်ဆိုင်ရာ နှီးနှောဖလှယ်ပွဲတွေ လုပ်ကြ ၊ မြန်မာပြည်တွင်း က ကျောင်းနေဖို့မတက်နိုင်တဲ့ စာတော်တဲ့ ကလေးငယ်တွေပဲဖြစ်ဖြစ် ၊ ဆေးဝါးကုသဖို့မတတ်နိုင်တဲ့ သူတွေပဲဖြစ်ဖြစ် ဖေ့စ်ဘုတ်ပေါ် အားလုံးသိအောင်ချပြပြီး မျှဝေပေးကြတဲ့ခါ အလှုရေစက် လက်နဲ့မကွာဆိုတဲ့ ကျွန်တော်တို့မြန်မာလူမျိုးများဟာ လှုကြတန်းကြ နဲ့ မြင်ရတွေ့ရတာအင်မတန်မှ ကျက်သရေရှိလှပါတယ်  ။ ထို့ အတူ မိမိနှစ်သက်ရာ စာရေးဆရာတွေ ၊ အနုပညာရှင်တွေရဲ့ ဖန်ပေ့ခ်ျ (fan pages) တွေမှာဆိုရင်လည်း ပရိတ်သတ်နဲ့ စာပေပညာရှင် ၊ အနုပညာရှင်များဟာ ရင်းရင်းနှီးနှီး မေးကြမြန်းကြ ၊ ဖြေကြနဲ့ ကြည့်ရတာနွေးထွေးနေပါတယ် ။ ဟိုးအရင်ကဆို စာရေးဆရာကြီးတွေ မှာ စာရေးကောင်းတယ်လို့ ကျွန်တော်တို့ ထင်ထားခဲ့ ကြတယ် ၊ ဖေ့စ်ဘွတ်ခ် သုံးစွဲပြီးနောက်ပိုင်းမှာတော့ စာရေးဆရာအဖြစ် အသက်မွေးဝမ်းကြောင်းမပြုသည့်တိုင် စာရေးအင်မတန်ကောင်းသောသူများ ၊ ဗဟုသုတကြွယ်ဝသူများ ၊ ကဗျာဆရာများ ၊ ဖတ်ဖူးနေကြ စာအုပ်တွေ မှာ မတွေ့ နိုင်သေးတဲ့ ဆန်းသစ်တဲ့ အရေးအသားစတိုင်လ်တွေလည်း များစွာ တွေ့လာရပါတယ် ။ နိုင်ငံရေးသတင်း ၊ စီးပွားရေးသတင်း ၊ လူမှုရေးသတင်း နှင့် သဘာဝဘေးအန္တရာယ် သတင်းတွေဆိုရင်လည်း မြန်မာပြည် မှာ ဖြစ်ပျက်နေသမျှကို အချိန်နဲ့တပြေးညီ သိရှိနိုင်နေပြီဖြစ်ပါတယ်။
          ဖေ့စ်ဘွတ်ရဲ့ကောင်းကျိုးအထွေထွေများနည်းတူဆိုးကျိုးအထွေထွေတွေကလည်းကပ်လျက်ပါနေပါတယ် ။ လူမျိုးရေး ၊ ဘာသာရေး ၊ နိုင်ငံရေးအစွန်းရောက် သူများရဲ့ မှိုင်းတိုက်ရေးသားမှုတွေ ၊ သွေးထိုးလှုံဆော်မှုတွေ  ကိုလည်း ဖေ့စ်ဘွတ်ခ်ရဲ့ နေရာအတော်များများမှာ တွေ့ ရှိလာရပါတယ် ။ လူတစ်ဦးတစ်ယောက် (သို့) အဖွဲ့စည်းတစ်ခု ပေါ်မှာ ဖြစ်ပေါ်နေတဲ့ မိမိရဲ့ ပုဂ္ဂိုလ်ရေးဆိုင်ရာမကျေနပ်ချက်တွေကို လူအများသုံးစွဲရာဖေ့စ်ဘွတ်ကို ပစ်မှတ်ထားပြီး ဂုဏ်သိက္ခာ ကျဆင်းအောင် ရေးသားဖြန့်ဝေတာတွေ ၊ မမှန်ကန်တဲ့ အချက်လက်တွေ အသုံးပြု ပြီးလအများကိုအယုံသွင်းတာတွေလည်း ဖြစ်ပေါ်လျှက်ရှိနေပါတယ် ။ တစ်ယောက်နဲ့တစ်ယောက်ပုဂ္ဂိုလ်ရေးမကျေနပ်တဲ့ခါ ကိုယ်မကျေနပ်သူတစ်ဦးတစ်ယောက်နဲ့ ပက်သက်သူတွေ ကို အကျင့်စာရိတ္တမကောင်းသူ ၊ လူမှုရေးဖောက်ပြန်မှုများကျူးလွန်နေသူ (သို့) မိန်းမရွှင်များ အဖြစ် လုပ်ကြံရေးသားမှုများလည်းရှိနေပါတယ် ။ ဘာသာရေးခံယူချက် ၊ နိုင်ငံရေးခံယူချက် မတူသူ အုပ်စုများအချင်းချင်း ရိုင်းစိုင်းစွာဆဲဆိုမှုတွေ ၊ တစ်ဖက်နဲ့တစ်ဖက် အပြန်လှန် ခြေထိုးမှုတွေလည်း စိတ်မကောင်းစွာမြင်တွေ့နေရပါတယ် ။ မိန်းကလေးများရဲ့ ဖေ့စ်ဘွတ်မှာ အမှတ်မထင် တင်မိတဲ့ ဓာတ်ပုံများကို ခိုးယူပြီး အရပ်ပျက်မအဖြစ် ငွေကြေးတစ်စုံတစ်ရာ နှင့် ပျော်ပါးနိုင်တယ်စသဖြင့် ညစ်ညမ်းဝဘ်ဆိုဒ်များကိုပို့တာမျိုးတွေရှိနေပါတယ် ။  သူငယ်ချင်းအချင်းချင်း တစ်ယောက်ရဲ့ လူသိမခံဝံ့ တဲ့ အားနည်းချက်တွေ ကို ဖေ့စ်ဘွတ် မှာထုတ်ဖော်ပြောဆိုမိလို့ အသတ်ခံရတာတွေ ၊ အယူအဆမတူသူအချင်းချင်း ဖေ့စ်ဘွတ် မှာ စကားများကြရမှာ အပြင်မှာ တကယ် အသတ်ခံရတာတွေလည်း ဖြစ်ပေါ်နေပါတယ် ။ ထို့အတူ ဖေ့စ်ဘွတ်ခ် ကို အသုံးချပြီး လူကုန်ကူးမှု ၊ ခြိမ်းခြောက်မှု ၊ ငွေညှစ် မှု တွေလည်း ဖြစ်ပေါ်နေကြတာကိုလည်းကြားသိနေရပါတယ် ။ ကျွန်တော်တို့ မြန်မာ facebookers များအနေနဲ့လည်း ကောင်းကျိုးတွေကို အသုံးချသလို ဆိုးကျိုးတွေကိုလည်းသတိထားရှောင်းရှားနိုင်ကြဖို့လိုပါတယ် ။


Facebookaholics  (ဖေ့စ်ဘုတ်စွဲလမ်းသူများ )


          -holics နဲ့ ဆုံးတဲ့ စကားလုံးအတော်များများဟာ အကြောင်းရာ ကိစတစ်ခုကို သာမာန် ထက်ပိုပြီး အလွန်အကျူး စွဲလန်းတာမျိုးပါ ။ တကယ်လို့ -holics အဆင့် ကိုရောက်ပြီဆိုရင်တော့ စိတ်ရောဂါ တစ်ခုအဖြစ်စွဲကပ်နေပြီဖြစ်ပါတယ် ။ ဥပမာshopaholic ဆိုရင် ဈေးမဝယ်ရရင်မနေနိုင်တဲ့ စွဲလမ်းမှုစိတ်ရောဂါတစ်မျိုးပါ ။ ပိုက်ဆံရှိတာပဲဖြစ်ဖြစ် မရှိတာပဲဖြစ်ဖြစ် ၊ ဝယ်လိုက်တဲ့ပစည်းဟာ အသုံးလိုတာပဲဖြစ်ဖြစ် ၊ မလိုတာပဲဖြစ်ဖြစ် ဝယ်နေရမှကိုသူ့စိတ်မှာကျေနပ်နေတာပါ ။ ဈေးဝယ်ဖို့ အခြေနေကိုလည်း ပိုက်ဆံ မရှိတော့သည့်တိုင် ဘဝတွေ ၊ သိက္ခာတွေ ၊ အကျင့်စာရိတ္တတွေ ကိုရင်းပြီးမဖြစ်ဖြစ်အောင်ကိုဖန်တီးယူပါတယ်။
အရက်စွဲသူ ၊ ဆေးစွဲ သူများဟာလည်း ထို့အတူပါပဲ ။ မသုံးစွဲရရင်မနေနိုင်လောက်အောင်ဖြစ်ပြီး ၊ သုံးစွဲဖို့ကိုလည်း မဖြစ်ဖြစ်အောင်ဖန်တီးတတ်ကြပါတယ် ။
          Facebookaholics ဆိုတာကတော့ ဖေ့စ်ဘုတ်ရဲ့ကျော်ကြားမှု နောက်ပိုင်း ပညာရှင်တွေ ၊ နိုင်ငံအစိုးရတွေ လက်ခံစဉ်းစားလာရတဲ့ netaholics တစ်မျိုးပါပဲ ။ ဖေ့စ်ဘုတ် မသုံးရရင်မနေနိုင်လောက်အောင်စွဲလမ်း တဲ့ ရောဂါတစ်မျိုးပဲဖြစ်ပါတယ် ။ Facebookaholic တစ်ယောက် ရဲ့ symptoms တွေကို အတိအကျ သတ်မှတ်နိုင်ခြင်းမရှိသေးပေမဲ့ အောက်ပါ အချက်အလက်များနှင့်ပြည့်စုံနေရင်တော့ Facebookaholic (ဖေ့စ်ဘွတ်ခ်စွဲလန်းသူ) တစ်ယောက်အဖြစ် ယေဘုယျသတ်မှတ်လို့ ရပြီလို့ လေ့လာနေသူများကဆိုပါတယ် ။

(၁)  လူတိုင်းလူတိုင်းဖေ့စ်ဘုတ် အကောင့်တစ်ခုတော့ ရှိနေပြီလို့ ကိုယ့်စိတ်ထဲမှာ ယူဆနေလျှင်
(၂) ကိုယ်ရဲ့ friends list ဟာ အယောက် ၂၀၀ ထက်ကျော်နေပြီဆိုလျှင်
(၃) ကိုယ့်ဖေ့ဘွတ်ခ် profile ကို အမြဲလိုလို ဝင်စစ်ဖြစ်နေပြီဆိုလျှင်
(၄) တစ်နာရီခြားတစ်ခါ လောက် ကိုယ့်စိတ်ထဲက ခံစားချက်တွေကို ဖေ့စ်ဘုတ်မှာ status    အဖြစ်တင်နေပြီဆိုလျှင်
(၅) ကိုယ်ဘယ်ရောက်နေပြီ ၊ ဘာလုပ်နေတယ် ၊ ဘယ်လိုခံစားနေရတယ်ဆိုတာတွေကို နာရီခြားတစ်ခါလောက် Postတွေ ၊ ဓာတ်ပုံတွေ တင်နေမိပြီဆိုလျှင်
(၆) ကိုယ့် wall ပေါ်မှာ တက်လာသမျှ Post တိုင်းကို လိုက်ပြီး comment ပေးမိနေပြီဆိုလျှင်
(၇) ကိုယ့် wall ပေါ်တက်လာသမျှ post တိုင်း ကို like ခလုတ် နှိပ်မိနေပြီဆိုလျှင်
(၈) ကိုယ့် ဆီကို ပို့လာတဲ့ မက်ဆေ့ခ်ျတိုင်း အချိန်နဲ့ တပြေးညီ reply ပြန်ဖြစ်နေပြီဆိုလျှင်
(၉) ကိုယ့်မိသားစုဝင်တွေ ၊ ခင်မင်ရင်းနှီးတဲ့ သူငယ်ချင်းတွေထက်ပိုပြီး Facebook ကပိုကောင်းတယ်လို့ အထင် ရှိနေပြီဆိုလျှင်
(၁၀) Facebook ဟာ ကိုယ့်ဘဝရဲ့ အစိတ်အပိုင်းတစ်ခု အဖြစ် ယုံကြည်လက်ခံနေပြီဆိုလျှင်

ခင်ဗျားဟာ Facebookaholic  တစ်ယောက်အဖြစ် ဖေ့စ်ဘွတ်ခ် စွဲလန်းခြင်း ရောဂါကို စတင်ခံစားနေရပါပြီ ။
စိတ်နဲ့ ပက်သက်တဲ့ ရောဂါ ဖြစ်တဲ့ အတွက် အရက်စွဲသူ ၊ ဆေးစွဲသူ တွေထက်ပိုပြီး သိမ့်မွေနက်နဲသလို ကုသရလည်းခက်ပါတယ် ။ ဆေးပညာ တွေ အနေနဲ့လည်းလေ့လာဆဲ အဆင့်မှာပဲရှိနေပါသေးတယ် ။ တခြားနိုင်ငံတွေမှာတော့  online clinic ဖွင့်လှစ် ပြီး စမ်းသပ် ကုသနေပြီ ဖြစ်ပေမဲ့ ၊ ကျွန်တော်တို့ မြန်မာနိုင်ငံမှာတော့ ကုရာနထ္ထိဆေးမရှိ ရောဂါဖြစ်ပါတယ် ။ ဒါကြောင့် အင်တာနက် ၊ ဖေ့စ်ဘွတ်ခ် တို့ နှင့် ပက်သက်နေတဲ့ မြန်မာများအားလုံး ကောင်းကျိုးအထွေထွေသာရှာဖွေအသုံးချပြီး လူမှုဘဝအတွက်အကျိုးရှိကြပါစေကြောင်းဆုတောင်းရင်း ….။

(ရုပ်ဆိုး)