" စင်ကာပူလို အမှန်ဖြစ်ချင်လျှင် "

ဟာဂျူလီ ကသာ

" စင်ကာပူလို အမှန်ဖြစ်ချင်လျှင် "
******************
ကျွန်တော်သည် ပြီးခဲ့သောအောက်တိုဘာလဆန်းက စင်ကာပူတွင် သုံးနှစ် ကျော်ခန့်အလုပ်လုပ်ကိုင်ပြီး ပြန်လာ သော မိတ်ဆွေတစ်ဦးနှင့် စားသောက် ဆိုင် တစ်ဆိုင်တွင် ဆုံမိပါသည်။ သူနှင့် ကျွန်တော်အာလာပ၊ သလ္လာပပြောရင်း မြန်မာနိုင်ငံကို စင်ကာပူနိုင်ငံလို ဖြစ် ရေးကိစ္စ ရောက်ရှိသွားပါသည်။ ကျွန် တော်က ပြီးခဲ့သောနှစ် ကတည်းက သမ္မတရုံးဝန်ကြီးတစ်ပါး ပြောခဲ့သော ရန်ကုန်မြို့ကို စင်ကာပူလို ဖြစ်ချင် ကြောင်း၊ သမ္မတကြီးကိုယ်တိုင်ကလည်း ဆန္ဒရှိကြောင်း ပြောမိပါသည်။

ဒီအခါ ကျွန်တော့်မိတ်ဆွေက ရန်ကုန်ကို စင်ကာပူလို မပြောင်းလဲမီ၊ ကနဦးပြောင်းလဲရမှာက ဒီနိုင်ငံခေါင်း ဆောင်များက စင်ကာပူခေါင်းဆောင် များလို ပထမပြုပြင်ပြောင်းဖို့လိုကြောင်း ပြောပါသည်။ သူက စင်ကာပူတည် ထောင်သူ လီကွမ်ယူကအစ ယခုနိုင်ငံ ကို အုပ်ချုပ်နေသော သူ၏သား လီရှန် လွန်းအထိ နိုင်ငံအပေါ်၊ ပြည်သူများအ ပေါ် စေတနာထားပြီး ခေါင်းဆောင်များ အနေဖြင့် စံနမူနာပြ အုပ်ချုပ်နေကြ သဖြင့် တိုင်းပြည်မှာ တိုးတက်နေပြီး၊ ကမ္ဘာ၏ အသန့်ရှင်းဆုံး အစိုးရ စာရင်း ဝင် နိုင်ငံဖြစ်နေကြောင်း၊ သူ၏ စင်ကာ ပူနိုင်ငံတွင် သုံးနှစ်ကျော် နေထိုင်ခဲ့သော အတွေ့အကြုံကို အခြေခံကာ ပြောကြား နေသည်မှာ လွန်စွာ အားကျဖွယ်ဖြစ်ပါ သည်။

တိုင်းပြည်တစ်ပြည် တိုးတက်ဖုိ့ရာ တိုင်းပြည်ခေါင်းဆောင်သည် လွန်စွာ အရေးကြီးသည်ဟု ကျွန်တော်ခံယူပါ သည်။ စနစ် မကောင်းသော်လည်း ခေါင်းဆောင်ကောင်းပါက တိုင်းပြည် မှာ တိုးတက်မှု နှေးကွေးသော်လည်း တိုင်းပြည်နှင့် ပြည်သူများ ဒုက္ခအဆိုး ဆုံးသို့ မရောက်နိုင်ပါ။ ယခု ကမ္ဘာတွင် ဒီမိုကရေစီကို လူတိုင်းလက်ခံကျင့်သုံး ပြီး ကျင့်သုံးသော နိုင်ငံအများစုတွင် ဖွံ့ ဖြိုးလျက်ရှိပါသည်။ ကွန်မြူနစ်စနစ် သည် ယနေ့ ကမ္ဘာတွင် နိုင်ငံအများစု မှ လက်မခံဘဲ ဆယ်ဂဏန်းပင် မကျော် သောနိုင်ငံများသာ ကျင့်သုံးပါသည်။

ထိုနိုင်ငံများသည်လည်း ကွန်မြူ နစ် ကျင့်သုံးပါလျက် အထိုက်အလျောက် တိုးတက်မှုရရှိသော နိုင်ငံများရှိသလို အခြား ဒီမိုကရေစီ နိုင်ငံများထက်ပင် ကျော်လွန်တိုးတက်သော နိုင်ငံများကို တွေ့ရှိရပါသည်။ ဥပမာ တရုတ်၊ ဗီ ယက်နမ် စသည့်နိုင်ငံများ ဖြစ်ပါသည်။ ဒါက စနစ်မကောင်းသော်လည်း ခေါင်း ဆောင်ကောင်း၍ တိုးတက်ခြင်းဖြစ်ပါ သည်။ စနစ်လည်းကောင်း၊ ခေါင်း ဆောင်လည်း ကောင်းပါက တိုင်းပြည် တစ်ဟုန်ထိုး တိုးတက်သွားမည်သာ ဖြစ် ပါသည်။ ဥပမာ စင်ကာပူ၊ တောင် ကိုရီးယား ဂျပန်နှင့် အခြားဥရောပနှင့် အမေရိကနိုင်ငံများ ဖြစ်ပါသည်။

စနစ်လည်း မကောင်း၊ ခေါင်း ဆောင်ကလည်း မကောင်းပါက တိုင်း ပြည်သည် အဆိုးဆုံးအခြေအနေရောက် ပြီး ပြည်သူများ ဒုက္ခပင်လယ်ဝေကြရပါ သည်။ ဒါကတော့ ကျွန်တော်တို့ မြန်မာ၊ မြောက်ကိုရီးယားနှင့် အချို့သော အာ ရပ်နိုင်ငံများ၊ အာဖရိကနိုင်ငံများ ဖြစ်ပါ သည်။ သို့သော် ယခုအခါ စနစ်ကောင်း တစ်ခုအပေါ် ကျွန်တော်တို့ နိုင်ငံက အခြေချမိနေပြီ ဖြစ်ပါသည်။ အားလုံး ကောင်းမွန်သောစနစ် မဟုတ်သည့်တိုင် လွှတ်တော်အဆင့်ဆင့်ပေါ် ပေါက်ပြီး ပြည်သူများ လွတ်လပ်မှု၊ ပွင့်လင်းမှုရှိ လာခြင်း၊ ဈေးကွက်စီးပွားရေးစနစ်ကို အစပျိုးနိုင်ခြင်း၊ အခြားမီဒီယာ လွတ် လပ်ခွင့်ရှိလာခြင်းနှင့်အတူ ဒီမိုကရေစီ လမ်းကြောင်းပေါ် လျှောက်လှမ်းနိုင်ခဲ့ ခြင်းတို့သည် ယခင်တစ်ပါတီစနစ်၊ စစ် အစိုးရစနစ်တို့နှင့်နှိုင်းယှဉ်လျှင် ကောင်း မွန်သော အခြေအနေတစ်ခုသို့ တက် လှမ်းလာနေပြီ ဖြစ်ပါသည်။

သို့အတွက် စနစ်ကောင်းမွန်လာ သလို ခေါင်းဆောင်ကောင်းများ ရရှိရန် လိုအပ်သည်မှာ ကျွန်တော်တို့ နိုင်ငံ၏ ပကတိအခြေအနေဖြစ်ပါသည်။ သမ္မတ ကြီးမကြာခဏပြောသလို သန့်ရှင်းသော အစိုးရ၊ ကောင်းမွန်သော အုပ်ချုပ်ရေး စနစ်ရရှိရန်မှာ နိုင်ငံကိုဦးဆောင်နေ သော ပုဂ္ဂိုလ်များက စံနမူနာပြလုပ်ကိုင် ဆောင်ရွက်ပါမှ ကျွန်တော်တို့ စင်ကာပူ နိုင်ငံမျိုး မျှော်မှန်းနိုင်မည်ဖြစ်ပါသည်။ သမ္မတကြီး တစ်ဦးတည်း ကောင်းနေ၍ မရပါ။ စင်ကာပူ ခေါင်းဆောင်များကို အတုယူရမည်ဖြစ်ပါသည်။ ရန်ကုန်မြို့ ကြီး စင်ကာပူလို ဖြစ်ရန်မှာ ရုပ်ဝတ္ထု ပိုင်းသာဖြစ်ပါသည်။ ဘဏ္ဍာရေးတောင့် တင်းလျှင် အချိန်မရွေး လုပ်နိုင်ပါသည်။ ဒါကို ဦးစားပေးရန်မလိုပါ။ ဦးစားပေး လုပ်ရမည်က ကျွန်တော်တို့ ခေါင်း ဆောင်များ စင်ကာပူခေါင်းဆောင်များ လို အမှန်ပြုပြင်ပြောင်းလဲရန် လိုပါ သည်။ ထို့အတူ နိုင်ငံ့ဝန်ထမ်းများက လည်းစင်ကာပူနိုင်ငံဝန်ထမ်းများလို ဖြစ် ရပါမည်။ ပြည်သူများကလည်း စင်ကာ ပူ နိုင်ငံသားများလို ကျင့်ကြံနေထိုင်ရ ပါမည်။

ဤနေရာတွင် ကဏ္ဍအလိုက် ခွဲ ခြားလုပ်ဆောင်ရပါမည်။ ကျွန်တော်တို့ ပြည်သူများ၏ အမူအကျင့်ကို စည်း ကမ်းလိုက်နာမှုကအစ ပြုပြင်ဖို့ဆိုသည် မှာ သန်း ၆ဝ အတွက် ဖြည်းဖြည်းချင်း လုပ်ဆောင်ရပါမည်။ ချက်ချင်း ပြုပြင် ၍ မရနိုင်ပါ။ ထို့အတူ ဝန်ထမ်းများ အပိုင်းကလည်း စင်ကာပူက ဝန်ထမ်း များလို ဖြစ်ဖို့ လိုအပ်ပါသည်။ တာဝန် ယူမှုရှိသော၊ တာဝန်သိတတ်သော၊ ကိုယ့်အလုပ်ကိုယ် ကျေပွန်သော ဝန် ထမ်းများဖြစ်ဖို့ တဖြည်းဖြည်းချင်း လုပ် ဆောင်ရပါမည်။ မိမိတို့ရရှိသည့်လစာ နှင့် အသုံးစရိတ်ကာမိအောင် လူနေမှု အဆင့်အတန်း မြင့်အောင်လည်း နိုင်ငံ တော်က ဆောင်ရွက်ပေးရပါမည်။

ကျွန်တော့်မိတ်ဆွေပြော၍ သူတို့ နိုင်ငံတွင် ဝန်ထမ်းများ လစာလုံလောက် အောင်ရရှိ၍ စားဝတ်နေရေး ဖူလုံခြင်း၊ အကျင့်ပျက်မှုနည်းပါးပြီး လာဘ်ပေး လာဘ်ယူမှုမရှိခြင်း၊ အကယ်၍ ရှိပါက လည်း ကြီးလေးသောအပြစ်ဒဏ်များ ချ မှတ်ပါသည်။ သူမြန်မာပြည် ပြန်မလာ ခင် အဖြစ်အပျက်တစ်ခုမှာ သူ၏ သမီး ဖြစ်သူတက်သော စင်ကာပူအမျိုးသား တက္ကသိုလ် (NUS) တွင် ပါမောက္ခတစ် ဦးသည် တပည့်ကျောင်းသားတစ်ဦးထံ မှ စင်ကာပူဒေါ်လာ တစ်ထောင်ခန့် တန် နိုင်ငံခြားဘောလ်ပင်တစ်ချောင်း ယူမိ၍ အလုပ်ပြုတ်ရပါသည်။ ထို့အတူ စင်ကာပူချန်ဂီလေဆိပ်တွင် ဝန်ထမ်း များသည် လေဆိပ်အတွင်းရှိအလုပ်ခွင် သို့ စင်ကာပူဒေါ်လာ ငါးဆယ်အထက် ယူခွင့်မပြုဘဲ ယူဆောင်ပါက ဖမ်းဆီး ခြင်းခံရပါသည်။

ဒါတွေက စင်ကာပူအစိုးရသည် ခေါင်းဆောင်ပိုင်းက စံနမူနာပြ အဂတိ လိုက်စားမှု ကင်းရှင်းသလို၊ အောက်ဝန် ထမ်းအသီးသီးကိုလည်း အဂတိလိုက် စားမှုများနှင့် ပတ်သက်၍ ညှာတာမှု မရှိခြင်းမှာသူတို့အစိုးရ သန့်ရှင်းကြောင်း ပြယုဂ်များပင် ဖြစ်ပါသည်။ ကျွန်တော်တို့ ပြည်သူများကိုလည်း ခေါင်းဆောင်များက စံနမူနာပြနေထိုင် ခြင်း၊ အဂတိမလိုက်စားခြင်း၊ လိုက်စား မှုရှိပါကလည်းပြင်းပြင်းထန်ထန် အရေး ယူမှုပြုခြင်းတို့ဖြင့် ပြည်သူ၏ ယုံကြည် မှုရရှိရန်လိုပါသည်။ခေါင်းဆောင် ကိုယ် တိုင် အကျင့်ပျက်ပါက ပြည်သူအပေါ် မည်သို့မျှသြဇာမညောင်းနိုင်ဘဲ တရား ဥပဒေစိုးမိုးမှုလည်း ရှိမည်မဟုတ်ပါ။ ခေါင်းဆောင်က အဂတိလိုက်စားလျှင် အောက်ခြေဝန်ထမ်းများကလည်း အ ကျင့်ပျက်မည် ဖြစ်ပါသည်။

ထို့ကြောင့် ယခုလို ကျွန်တော်တို့ နိုင်ငံဒီမိုကရေစီအကူးအပြောင်း ကာလ တွင် အမှားအယွင်းမခံနိုင်ဘဲ သမ္မတ ကြီးမျှော်မှန်းသလို သန့်ရှင်းသော အစိုး ရ၊ ကောင်းမွန်သော အုပ်ချုပ်ရေးဖြစ်ရန် မှာ စင်ကာပူခေါင်းဆောင်များလို ကျင့် ကြံနေထိုင်ရမည်ဖြစ်ပါသည်။ ဒါကြောင့် ကျွန်တော့်အနေဖြင့် အကြံပြုရေးသားလို သည်မှာ ရန်ကုန်မြို့ကြီးကို စင်ကာပူ နိုင်ငံလို ဖြစ်ရေးထက် မြန်မာနိုင်ငံအစိုး ရသည် စင်ကာပူအစိုးရလို ဖြစ်ရေး၊ မြန်မာခေါင်းဆောင်များသည် စင်ကာပူ ခေါင်းဆောင်များလို ဖြစ်ရေးကိုသာ ဦး စားပေးဆောင်ရွက်ခြင်းဖြင့် ပြည်သူများ ယုံကြည်အားကိုးသော သန့်ရှင်း သော အစိုးရအမှန်ဖြစ်မည်ဖြစ်ကြောင်း ရေး သားရပါသည်။

ဘိုကြီး
Popular Myanmar News Journal