ဘူတန်ဘုရင် စီးတဲ့ကား

 

News of Myanmar

ဘူတန်ဘုရင် စီးတဲ့ကား
။။။။။။။။။။။။။။။။။။။။။။။။။။။

မြောက်ဘက်မှာ တရုတ်ပြည်၊ အရှေ့၊ အနောက်နဲ့ တောင်ဘက်မှာ အိန္ဒိယနိုင်ငံတို့နဲ့ နယ်နိမိတ်ချင်း ထိစပ်နေပြီး အာရှတိုက်တောင်ပိုင်းက ကုန်းတွင်းပိတ်နိုင်ငံတစ်ခုဖြစ်တဲ့ ဘူတန်နိုင်ငံမှာ လက်ရှိအုပ်စိုးနေသူကတော့ အသက် ၃၃ နှစ်အရွယ်သာ ရှိသေးတဲ့ ဘုရင် Jigme Khesar Namgyel Wangchuck ပဲ ဖြစ်ပါတယ်။ သူဟာ အရင်ဘုရင်မင်းမြတ် Jigmer Singye Wangchuck ရဲ့ သားတော်ဖြစ်ပြီး ၂၀၀၆ ခုနှစ်၊ ဒီဇင်ဘာ ၁၄ ရက်မှာ ဘူတန်နိုင်ငံရဲ့ ဘုရင်အဖြစ် ထီးနန်းဆက်ခံခဲ့ပါတယ်။ ဖခင်ဘုရင်မင်းမြတ်နဲ့အတူ ထိုင်းနိုင်ငံကို သွားရောက်လည်ပတ်ပြီးနောက်မှာ ထိုင်းသတင်းစာတွေက ‘Prince Chaeming လို့ တင်စားညွှန်းဆိုခံခဲ့ရတဲ့ Khesar ဟာ ဘုရင်ဖြစ်ပြီးတဲ့နောက် တိုင်းပြည်ရေးရာကိစ္စတွေကို ကိုင်တွယ်ဆောင်ရွက်ခဲ့ပြီး အထူးသဖြင့် ဒီမိုကရေစီစံနှုန်းတွေ ကျင့်သုံးဖို့၊ ပညာရေး၊ စီးပွားရေးနဲ့ ပြည်သူ့အကျိုးပြုလုပ်ငန်းတွေအတွက် လူငယ်တွေ အရည်အသွေးမြှင့်လုပ်ဆောင်ဖို့နဲ့ နိုင်ငံငယ်လေးဖြစ်တာကြောင့် တခြားနိုင်ငံတွေထက် ပိုမိုကြိုးစားအောင် တွန်းအားပေးဖို့ နိုင်ငံအနှံ့အပြားကို ခရီး လှည့်လည်ခဲ့ပါတယ်။ ဒါ့ပြင် အိမ်နီးချင်းနိုင်ငံတွေနဲ့လည်း ချစ်ကြည်ရေး တည်ဆောက်ခဲ့ပါတယ်။
ဘူတန်နိုင်ငံရဲ့ စတုတ္ထမြောက် Dragon King Jigme Singye Wangchuck နဲ့ တတိယမိဖုရား Tshering Yangdon တို့ရဲ့ အကြီးဆုံးသားတော်ဖြစ်တဲ့ ဘုရင် Khesar ကို ၁၉၈၀ ပြည့်နှစ်၊ ဖေဖော်ဝါရီ ၂၁ ရက်က မွေးဖွားခဲ့တာဖြစ်ပါတယ်။ အထက်တန်းကျောင်းကို ဘူတန်မှာ အောင်မြင်ပြီးတဲ့နောက် အမေရိကန်ပြည်ထောင်စုမှာ ဆက်လက်ပညာဆည်းပူးခဲ့ပြီး အင်္ဂလန်မှာရှိတဲ့ အောက်စဖို့ဒ်တက္ကသိုလ်ကနေ နိုင်ငံတကာဆက်ဆံရေးဘာသာရပ်နဲ့ ဘွဲ့ရရှိခဲ့ပါတယ်။ မင်းသား Khesar ဟာ အသက် ၂၆ နှစ်အရွယ် ၂၀၀၆ ခုနှစ်မှာ ဖခင်ဘုရင်မင်းမြတ်ရဲ့ နေရာကို ဆက်ခံပြီး ဘူတန်နိုင်ငံရဲ့ ငါးယောက်မြောက် Dragon King အဖြစ် ထီးနန်းတက်ခဲ့သူ ဖြစ်ပါတယ်။ ၂၀၁၁ ခုနှစ်၊ အောက်တိုဘာလမှာ ဘုရင် Khesar ဟာ အသက် ၂၃ နှစ်သာရှိသေးတဲ့ Jetsun Pema နဲ့ လက်ဆက်ထိမ်းမြားခဲ့ပါတယ်။
ဘူတန်ရဲ့ အရင်ဘုရင်မင်းမြတ်က နိုင်ငံတွင်းလှည့်လည်သွားလာရာမှာ Toyota Land Cruiser ကို အသုံးပြုခဲ့ပေမဲ့ လက်ရှိဘုရင် Khesar ကတော့ ခံ့ညားတောက်ပတဲ့ Range Rover ကားကြီးကို စီးနင်းအသုံးပြုပါတယ်။ ဘုရင် Khesar တစ်ယောက် သူ့နိုင်ငံတော်အတွင်း မှာ နိုင်ငံ့တာဝန်တွေနဲ့ လှည့်ပတ်သွားလာဖို့ တရားဝင်စီးတော်ယာဉ်အဖြစ် Range Rover ကို ရွေးချယ်လိုက်တာကြောင့် အံ့အားသင့်ခဲ့ကြရပါတယ်။ ဒါပေမဲ့ Range Rover လို ခံ့ညားတဲ့ရုပ်သွင်ရှိတဲ့ ကားမျိုးဟာ ငယ်ရွယ်တဲ့ဘုရင်မင်းမြတ်ရဲ့ ရဲဝံ့ဖျတ်လတ်မှုကို ပိုမိုထင်ရှားစေတာကတော့ အမှန်ပါပဲ။ ဘူတန်အစိုးရဟာ ဘုရင်မင်းမြတ်ရဲ့ စီးတော်ယာဉ် Range Rover အပါအ၀င် ယာဉ်တန်းပါ ကားတွေကို ပြုပြင်ထိန်းသိမ်းပေးဖုိ့ အင်္ဂလန်နိုင်ငံ၊ Telford အခြေစိုက် Roean Landrover Service က Land Rover ကျွမ်းကျင်စက်ပြင်ပညာရှင် Andy Pipe ကို ဖိတ်ခေါ်ပြီး ပြင်ဆင်ထိန်းသိမ်းမှုတွေ လုပ်ဆောင်ခဲ့ပါသေးတယ်။ ဘူတန်ဘုရင်ရဲ့ စီးတော်ယာဉ်အပါအ၀င် ယာဉ်တန်းပါ မော်တော်ကားတွေကို ဘူတန်စစ်တပ် ရဲ့ တပ်ရင်းတစ်ခုဖြစ်တဲ့ တော်ဝင်ကိုယ်ရံတော်တပ်က ထိန်းသိမ်းစောင့်ရှောက်ထားတာ ဖြစ်ပါတယ်။
ဘုရင်မင်းမြတ် Khesar ရဲ့ စီးတော်ယာဉ် Range Rover ဟာ ကြီးမားလှပတဲ့ လေးဘီးယက် SUV ဇိမ်ခံကားကြီးမျိုး ဖြစ်ပြီး Tata Motor ပိုင် Jaguar Land Rover Group ရဲ့ အစိတ်အပိုင်းတစ်ခု ဖြစ်တဲ့ ဗြိတိန်ကားထုတ်လုပ်ရေးလုပ်ငန်း Land Rover က ထုတ်လုပ်ခဲ့တာ ဖြစ်ပါတယ်။ Front-engine အထားအသိုနဲ့ Range Rover ကားကြီးမှာ V8 အင်ဂျင်ကို တပ်ဆင်ပေးထားပါတယ်။ Land Rover ကျွမ်းကျင်စက်ပြင်ပညာရှင် Andy Pipe ဟာ Range Rover ကားကိုသာမက ဘုရင်မင်းမြတ်ရဲ့ ယာဉ်တန်းမှာပါဝင်တဲ့ BMW၊ Mercedes-Benz နဲ့ Porsche မိုဒယ်တွေအပါအ၀င် ကားများစွာကို ပြုပြင်ထိန်းသိမ်းပေးခဲ့ပြီး Land Rover ရဲ့ Autologic Software ကိုလည်း ထည့်သွင်း အသုံးပြုပေးထားပါတယ်။ အဲဒီဆော့ဖ်ဝဲက ကားရဲ့ ချွတ်ယွင်းချက်ကို တိတိကျကျ ရှာဖွေပေးနိုင်ပြီး လိုအပ်တဲ့ပြင်ဆင်မှုတွေ လုပ်ဆောင်နိုင် စွမ်း ရှိစေပါတယ်။ ဒါပေမဲ့ ဘူတန်နိုင်ငံမှာ အဓိကကြုံတွေ့ရတဲ့ ပြဿနာက ပုံမှန်စက်ချွတ်ယွင်းမှုထက် ကြက်တွေရဲ့ ၀ါယာကြိုးကိုက်ဖြတ်မှုလို ပြဿနာမျိုးတွေ ဖြစ်နေခဲ့ပါတယ်။


Posted By Admin Team[https://www.facebook.com/newsofmyanmar]
(email:newsofburma.myanmar@gmail.com)

။။။။။။။။။။။။။။။။။။။။။။။။။။။။။။။
Reference and Credit to Automobile Journal