ဂျန်ကွန့် - iPhone ကနေ အကြံရလို့ WhatsApp ကို တီထွင်ပြီး ဘီလျံနာသူဋ္ဌေးဖြစ်သွားသူ

Bamaw Thein Pe

 

ဂျန်ကွန့် - iPhone ကနေ အကြံရလို့ WhatsApp ကို တီထွင်ပြီး ဘီလျံနာသူဋ္ဌေးဖြစ်သွားသူ

ဆင်းရဲတဲ့ ဂျူးကောင်လေးတယောက်ဟာ ၁၆ နှစ်သားအရွယ်မှာ မိခင်နဲ့အတူ ရုရှားနိုင်ငံကနေ ထွက်သွားပြီး အမေရိကန်နိုင်ငံမှာ သွားရောက်အခြေချတယ်။ အမေရိကန်နိုင်ငံကို ရောက်စမှာ အစိုးရထောက်ပံ့တဲ့ အစားအသောက်တွေကို တန်းစီယူပြီး စားနေရတယ်။ ကျောင်းတက်ရင်း ကုန်ခြောက်ရောင်းတဲ့ဆိုင်တခုမှာ သန့်ရှင်းရေးသမား အလုပ်လုပ်ရတယ်။ နောက်တော့ ကွန်ပျူတာ Networking ကို စိတ်ဝင်စားလို့ သူ့ဖါသာ စာအုပ်ဖတ်လေ့လာရင်း ကျွမ်းကျင်စွာ တတ်မြောက်သွားတယ်။ Yahoo မှာ အလုပ်ဝင်လုပ်တယ်။ ၂၀၀၉ ခုနှစ် မှာ iPhone တလုံး ဝယ်လိုက်ပြီး iPhoneရဲ့ App Store ထဲကို ဝင်ကြည့်ရင်း အတွေးလေးတွေ ပေါ်လာခဲ့တယ်။ ဒီအတွေးတွေကြောင့် မိုဘိုင်းဖုန်းမှာ သုံးတဲ့ WhatsApp ကို တီထွင်လိုက်တယ်။ ၅ နှစ်အကြာမှာ WhatsApp ကို facebook ကုမ္ပဏီကို ဒေါ်လာ ၁၉ ဘီလီယံနဲ့ ရောင်းလိုက်လို့ သူဟာ ဘီလျံနာသူဋ္ဌေး တယောက် ဖြစ်လာခဲ့တယ်။ သူ့နာမည်က ဂျန်ကွန့် (Jan Koum) ပါ။ သူ ဘယ်လို WhatsApp ကို တီထွင်ခဲ့တယ်ဆိုတဲ့ အကြောင်းဟာ စိတ်ဝင်စားစရာ ကောင်းလို့ ရေးပြပေးလိုက်ပါတယ်။
==================================

ဂျန်တို့မိသားစုဟာ ကာလီဖိုးနီးယားပြည်နယ်က Mountain View မြို့မှာ အစိုးရထောက်ပံ့ကြေးလေးရလို့ အိမ်ခန်းလေးတခန်းမှာ ငှားနေကြတယ်။ အမေရိကားရောက်စမှာ ဂျန်ရဲ့အမေဟာ ကလေးထိန်း အလုပ်လုပ်ပြီး ဂျန်ကတော့ ကုန်ခြောက်ရောင်းတဲ့ဆိုင်တခုမှာ သန့်ရှင်းရေးသမား လုပ်ပါတယ်။ အသက် ၁၈ နှစ်ရောက်တော့ သူဟာ ကွန်ပျူတာကွန်ယက် Networking ကို စိတ်ဝင်စားသွားတယ်။ ဒါပေမဲ့ ပိုက်ဆံမတတ်နိုင်လို့ သင်တန်းမတက်နိုင်ပါဘူး။ ဒါပေမဲ့ သူဟာ Networking ကို တတ်လာခဲ့တယ်။ တတ်လာပုံက စာအုပ်အဟောင်းဆိုင်တခုက Networking နဲ့ ပတ်သက်တဲ့ ကွန်ပျူတာစာအုပ်တွေကို ပိုက်ဆံပေးငှားပြီး ကွန်ပျူတာမှာ လက်တွေ့စမ်းလုပ်ကြည့်တယ်။ လက်တွေ့လုပ်ပြီးလို့ တတ်သွားတာနဲ့ စာအုပ်ကို ဆိုင်မှာ ပြန်အပ်လိုက်တယ်။ နောက်ပြီး Networking ကို ပို ကျွမ်းကျင်အောင် ကွန်ပျူတာဟက်ကာ (Hacker) လုပ်တဲ့အဖွဲ့တခုမှာ အဖွဲ့ဝင်အဖြစ်နဲ့ လေ့လာတယ်။ နောက်ဆုံးမှာ သူဟာ Networking ပညာကို သင်တန်းမတက် ဆရာမရှိပဲ ကျွမ်းကျွမ်းကျင်ကျင် တတ်မြောက်သွားပါတယ်။

အထက်တန်းကျောင်းအောင်တော့ စိန်ဂျို့စ်တက္ကသိ်ုလ်မှာတက်တယ်။ တက္ကသိုလ်တက်ရင်း ကျောင်းစရိတ်ရအောင် ညပိုင်းမှာ Ernst & Yang ကုမ္ပဏီမှာ ကွန်ပျူတာတွေကို အင်တာနက်ကတဆင့် ပြင်ပမှ ဖေါက်ဝင်တတ်တဲ့ ဟက် (Hacking) လုပ်နိုင်၊ မလုပ်နိုင် စမ်းသပ်စစ်ဆေးတာကို အချိန်ပိုင်း ဝင်လုပ်နေတယ်။ တက္ကသိုလ်တက်နေတုံးမှာပဲ သူ့အမေမှာ ကင်ဆာရောဂါဖြစ်နေတယ်ဆိုတာ သိလိုက်ရတယ်။ အဲဒီအချိန်မှာ ဂျန်ဟာ အမေ့အတွက် စိတ်ဆင်းရဲသောကရောက်လွန်းလို့ ရုရှားနိုင်ငံ၊ ယူကရိန်းမှာရှိနေတဲ့ သူ့အဖေဆီကို တယ်လီဖုန်းနဲ့ အဆက်အသွယ်လုပ်တယ်။ ဖုန်းဆက်လို့မရဘူး။ အဲဒီက အမျိုးတွေနဲ့ သူငယ်ချင်းတွေဆီကို ဖုန်းဆက်ပြန်တော့လဲ ဆက်သွယ်မရပြန်ဘူး။ ရုရှားမှာ ဖုန်းလိုင်းမကောင်းတာရှိသလို ဆိုဗီယက်ထောက်လှမ်းရေးသမားတွေကလဲ နိုင်ငံခြားနဲ့ အဆက်အသွယ်လုပ်မရအောင် ဖုန်းလိုင်းတွေ ပိတ်ထားတတ်တာကိုး။ အဲဒီမှာ ဖုန်းဆက်မရလို့  စိတ်ဓါတ်ကျနေတဲ့ ဂျန်ဟာ ဆုံးဖြတ်ချက်တခု ချလိုက်တယ်။ သူ တနေ့ကျရင် တကမ္ဘာလုံးက ဘယ်နေရာကိုမဆို ဖုန်းလိုင်းတွေမလိုပဲ တယ်လီဖုန်းအဆက်အသွယ်လုပ်လို့  ရနိုင်မဲ့နည်းတခုကို တီထွင်မယ်လို့။
==================================

ဂျန်ဟာ ၂၀၀၉ ခုနှစ် ဇန်နဝါရီလဆန်းမှာ iPhone တလုံး ဝယ်လိုက်တယ်။ iPhone ကို ပထမဆုံးကိုင်ဖူးခြင်းပါ။ iPhoneရဲ့ App Store ထဲကို ဝင်ကြည့်လိုက်တယ်။ ဘာ Application တွေများရှိမလဲဆိုတာ သိချင်လို့ပါ။ iPhone ရဲ့ Application တွေဟာ အသစ်အဆန်းတွေ ဖြစ်ပြီး သိတ်လဲများများစားစားလဲ မရှိဘူးဆိုတာ တွေ့ရတယ်။ ဒီတော့ သူ့ခေါင်းထဲမှာ အတွေးလေးတွေ ပေါ်လာတယ်။ ဒီအတွေးလေးတွေဟာ နောင်မှာ သူ့ဘဝကို အကြီးအကျယ် ပြောင်းလဲသွားစေလိမ့်မယ်ဆိုတာ အဲဒီတုံးက သူမသိခဲ့ပါဘူး။ ဆောင်းပါးအစပိုင်းမှာ ဂျန်ဟာ သူ့အမေ ကင်ဆာဖြစ်တာ သိရတဲ့အချိန်မှာ ယူကရိန်းက အဖေဆီ ဖုန်းဆက်မရတာကြောင့် တကမ္ဘာလုံးကို ဆက်သွယ်လို့ရနိုင်တဲ့ နည်းလမ်းရှာမယ်လို့ စိတ်ဆုံးဖြတ်ခဲ့တယ်ဆိုတာကို ရေးပြခဲ့တာကို မှတ်မိကြမှာပါ။ ပေါ်လာတဲ့ ပထမဆုံးအတွေးက အဲဒီဆုံးဖြတ်ချက်ကို လက်တွေ့အကောင်အထည်ဖေါ်ဖို့ Application တခုကို တီထွင်ချင်တယ်။ ဒုတိယအတွေးက iPhone ဟာ ကမ္ဘာ့မိုဘိုင်းဈေးကွက်ကို စတင်စိုးမိုးလာနေပြီ။ မကြာခင် ကမ္ဘာ့ဈေးကွက်ကြီး ဖြစ်လာလိမ့်မယ်။ တကယ်လို့ သူ့ Application ကို Apple က လက်ခံရင် Application အတွက် ငွေအများကြီး အကုန်ကျခံပြီး ကြော်ငြာနေစရာ မလိုတော့ဘူး။ Apple ဖုန်းသုံးသူတိုင်း သူ့ Application ကို သိနေကြမယ်။
==================================

ဂျန်နဲ့အက်တန်တို့ ၂ ယောက်ဟာ အက်တန်ရဲ့အိမ်မီးဖိုချောင်က ထမင်းစားပွဲမှာ ထိုင်ပြီး တယောက်နဲ့ တယောက် သူတို့ ထွင်ထားတဲ့ WhatsApp နဲ့ message တွေကို အပြန်အလှန်ပို့ပြီး စမ်းကြည့်ကြတယ်။ တခါတလေ ကော်ဖီဆိုင်တွေမှာ တနေကုန်ထိုင်ရင်း စမ်းကြပြန်တယ်။ message ပို့ရင်းနဲ့ ဖုန်းဟာ crash (ရုတ်တရက် ဖုန်းပိတ်သွားတာ)၊ hang (ဖုန်းရပ်နေပြီး နှိပ်လဲမသွားတော့တာ)တွေ မကြာခန ကြုံတွေ့ နေရတယ်။ သူတို့ ၂ ယောက်ဟာ ရေးထားတဲ့ ပရိုဂရမ်တွေမှာ အမှားရှာ ပြန်ပြင်နဲ့ နေ့ရောညရော စမ်းသပ်နေကြတယ်။

တလကြာတော့ ဂျန်က အက်တန်ကို သူတို့ထွင်နေတဲ့ WhatsApp ဟာ အောင်မြင်မှာ မဟုတ်လို့ ဆက်မလုပ်တော့ပဲ အလုပ်တခုရှာတော့မယ်လို့ ပြောလိုက်တယ်။ အက်တန်ဟာ အကြီးအကျယ် ဒေါသထွက်သွားပြီး ဂျန်ကို အခုလို ပြောလိုက်တယ်။ “ဒီအလုပ်ကို မင်းပဲ စခဲ့တာပါ။ မင်းခေါ်လို့သာ ငါလုပ်ပေးနေတာ။ အချိန်တွေလဲ အများကြီး ကုန်ခဲ့ပြီ။ ငါတို့ ၂ ယောက်စလုံး ဝင်ငွေလဲ တပြားမှ မရှိခဲ့ဘူး။ ဒီအခြေအနေထိ ရောက်လာပြီးမှ လက်လျှော့လိုက်မယ်ဆိုတော့ မင်းဟာ သောက်ရူးတယောက်ပဲကွ။ မင်း နောင်ကျမှ နောင်တမရချင်ရင် နောက်ထပ် ၂ လ၊ ၃ လ ဆက်လုပ်ကွာ။ အဲဒါအခါကျလို့မှ မအောင်မြင်တော့လဲ မင်း သဘောပေါ့ကွာ”တဲ့။ ဂျန်ဟာ အက်တန်ရဲ့ အမုန်းခံပြောလိုက်တဲ့ စကားကို နားလည်သဘောပေါက်လို့ ဆက်လုပ်ဖြစ်တယ်။
==================================

WhatsApp ပေါ်လာတာ ၂နှစ်လောက် ကြာသွားခဲ့ပြီ။ ၂၀၁၃ ခုနှစ် ဖေဖေါ်ဝါရီလမှာ ကမ္ဘာတခွင်က What's App အသုံးပြုသူပေါင်း သန်း ၂၀၀ ဖြစ်လာတယ်။ WhatsApp ရုံးချုပ်မှာ ဝန်ထမ်း ၅၀ ပဲ ရှိတယ်။ လုပ်ငန်းတိုးချဲ့ဖို့ ဂျင်မ်ဂိုးအက်ဇ်က နောက်ထပ် အစုငွေဒေါ်လာသန်း ၅၀ ထပ်ထဲ့ပြန်တယ်။ အဲဒီအချိန်မှာ WhatsApp ရဲ့ ရှယ်ယာစုစုပေါင်းတန်ဖိုးဟာ ဒေါ်လာ ၁.၅ ဘီလီယံဖြစ်နေပါပြီ။

၂၀၁၄ ခုနှစ် ဖေဖေါ်ဝါရီလ ၉ ရက်နေ့မှာ သူနဲ့နှစ်ပေါင်းအတော်ကြာခင်မင်နေခဲ့တဲ့ Facebook တီထွင်သူနဲ့ ပိုင်ရှင်ဖြစ်တဲ့ ဘီလျံနာသူဋ္ဌေးလေး မတ်ခ်ဇာကာဘတ် (Mark Zuckerbuck) က ဂျန်ကို သူ့အိမ်မှာ ထမင်းဖိတ်ကျွေးရင်း သူ့ရဲ့ Facebook ကုမ္ပဏီမှာ ဒါရိုက်တာရာထူးလက်ခံဖို့ ကမ်းလှမ်းတယ်။ ဂျန်က လက်ခံလိုက်တယ်။ နောက် ၁၀ ရက်အကြာမှာ Facebook က WhatsApp ကုမ္ပဏီကို ဒေါ်လာ ၁၉ ဘီလီယံနဲ့ ဝယ်ယူလိုက်ပါတယ်။ WhatsApp ကို ရောင်းချတဲ့ စာချုပ်ကို လက်မှတ်ထိုးတဲ့ Facebook ရုံးချုပ်ဟာ ဂျန် ငယ်စဉ်တုံးက အစိုးရထောက်ပံ့ပေးဝေတဲ့ အစားအသောက်ကို တန်းစီယူခဲ့ရတဲ့ ကာလီဖိုးနီးယား Mountain View က အဆောက်အဦမှာပါ။ အရင်က ဒီနေရာမှာ ဂျန်ဟာ အစိုးရထောက်ပံ့တဲ့ စားစရာလေးရဖို့ တန်းစီခဲ့ရတယ်။ အခု ဒီနေရာမှာပဲ ဒေါ်လာဘီလီယံဝင်ငွေ ရလိုက်တယ်။ ကုသိုလ်ကံကြောင့်လား။ ကြိုးစားမှုကြောင့်လား။ စဉ်းစားကြည့်ပါ။
==================================

မကြာခင် ပဉ္စဂံစာအုပ်တိုက်က ထုတ်ဝေမဲ့ ကျနော့်ရဲ့စာအုပ်သစ် "ဆင်းရဲနွံမှ ချမ်းသာဘုံသို့" ထဲက စာမြည်းလေးပါ။ စာအုပ်က ငယ်စဉ်က ဆင်းရဲလွန်းလှတဲ့ ဘဝကနေ ကိုယ့်အားကိုယ်ကိုး ကြိုးစားရင်းနဲ့ မီလျံနာ၊ ဘီလျံနာသူဋ္ဌေး ဖြစ်သွားကြသူများရဲ့ တကယ့်ဖြစ်ရပ်မှန် အကြောင်းတွေပါ။

ဒီစာအုပ်ကို ဖတ်ခြင်းဖြင့် ဆင်းရဲလို့၊ ဘွဲ့မရလို့ စိတ်ပျက်အားငယ်နေတဲ့ လူငယ်တွေအတွက် စိတ်ခွန်အားဖြစ်စေသလို ကိုယ်ပိုင်စီးပွားရေးလုပ်ချင်သူတွေ၊ လုပ်နေသူတွေအတွက် ဘီလျံနာဖြစ်သွားသူတွေရဲ့ စိတ်ခံယူချက်နဲ့ သူတို့ရဲ့နည်းနာကောင်းတွေလဲ ရလာနိုင်ပါတယ်။

ဗန်းမော်သိန်းဖေ
၁၄-၀၅-၂၀၁၆