#အောက်လမ်းနည်းနဲ့ရတဲ့အောင်မြင်မှု - #ဂျူး

 

Eternal Light Magazine

 

#အောက်လမ်းနည်းနဲ့ရတဲ့အောင်မြင်မှု - #ဂျူး

Q. အခုခေတ်မှာ အနုပညာနယ်ပယ်ပဲဖြစ်ဖြစ်၊ စီးပွားရေးနယ်ပယ်ပဲ ဖြစ်ဖြစ်၊ တခြားဘယ်နယ်ပယ်မှာပဲဖြစ်ဖြစ် မှန်မှန်ကန်ကန် ကြိုးစားပြီးတော့ရတဲ့ အောင်မြင်မှုမဟုတ်ဘဲနဲ့ အောက်လမ်းနည်းကိုသုံးပြီး အောင်မြင်မှုရနေတဲ့သူတွေရှိတော့ လူငယ်တွေက သူတို့ကိုကြည့်ပြီး အတုယူမမှားရအောင် ဘာတွေလုပ်ဆောင်သင့်လဲဆရာမ။

A. အရေးကြီးတာက လူငယ်တွေရဲ့အနားမှာ သူတို့အထင်ကြီး အားကျစရာလူရှိဖို့လိုတယ်။ အဲဒီ သူတို့အားကျရတဲ့လူကလည်း တကယ်ကို အားကျလောက်စရာ ကိုယ်ကျင့်တရားကောင်းတဲ့သူမျိုး ဖြစ်ရမယ်။ မိဘက သားသမီးတွေ အထင်ကြီးအားကျလောက်စရာဖြစ်ရင် အကောင်းဆုံးပေါ့။ အများအားဖြင့်တော့ သားသမီးတွေက မိဘကို အထင်မကြီးတတ်ကြဘူး။ အထူးသဖြင့် ၀င်ငွေနည်းတဲ့ အဖေဆိုရင် သားတွေ၊ သမီးတွေက အထင်မကြီးဘူးလေ။ အဲဒီလို အထင်မကြီးရင် ကလေးအတွက် မကောင်းဘူး။ သူတို့ရဲ့ Hero က အဖေဖြစ်ရမယ်လေ။ ဒါပေမဲ့ အဖေမဖြစ်တော့ ဘယ်သူ့ကို သူက Hero လုပ်ရမလဲ။ သူက ငွေရှာနိုင်တဲ့ ခရိုနီတစ်ယောက်ယောက်ကို Hero သတ်မှတ်ချင် သတ်မှတ်နေလိမ့်မယ်။ အဲဒီအခါမျိုးမှာ အဖေက သားသမီးတွေရဲ့ Hero ဖြစ်ဖို့ဆိုရင် အဖေဟာ ၀င်ငွေနည်းပေမယ့် ကိုယ်ကျင့်တရားနဲ့ပတ်သက်လို့ သိပ်တော်တယ်ဆိုတာမျိုး အမေက ပြောပြပေးရမယ်။ မင်းအဖေက ဘယ်လောက်ပဲ ပိုက်ဆံရှာတာ နည်းသည်ဖြစ်စေ၊ မင်းအဖေဟာ သူများရဲ့ မျက်ခုံးမွေးပေါ်မှာ စင်္ကြံမလျှောက်ဘူး။ သူများမျက်ရည်ကျမှ ရမယ့်ပိုက်ဆံကို မယူဘူး။ မင်းအဖေရုံးမှာ လာဘ်ပေးလာဘ်ယူ ယူလို့ရတယ်။ ဒါပေမဲ့ အဲဒီလို ပိုက်ဆံကို သူ မယူခဲ့ဘူး။ ဒါကြောင့် သူရတဲ့ ရိုးသားဖြူစင်တဲ့ပိုက်ဆံကို မင်း တန်ဖိုးထားသင့်တယ်လို့ အမေက ပြောပြရမယ်။ အမေက အဲဒီလိုမပြောတတ်ဘဲ “ရှင်ရတဲ့ ၀င်ငွေလေးက ဘာမှ ရှိတာမဟုတ်ဘူး။ ရှင့်ဝင်ငွေလေးနဲ့များ ကျုပ်တို့ စားရရင်တော့ ငတ်သေလောက်ပြီ။ ကျုပ် ဘာလုပ်လို့ပေါ့”ဆိုတာမျိုး ပြောနေရင်တော့ အဲဒီစကားတွေက ကလေးတွေရဲ့နားထဲမှာ ၀င်သွားတယ်။ အဖေ ၀င်ငွေမရှိတာဟာ ရှက်စရာလို့ သူတို့မြင်သွားမယ်။ ပိုက်ဆံတွေအများကြီးရနေတဲ့သူတွေက ကောင်းတယ်လို့ သူတို့ထင်သွားမယ်။ တကယ်တမ်းက အဲဒါဟာ ကျင့်ဝတ်နဲ့ပတ်သက်တယ်ဆိုတာကို သူတို့ သိသင့်တယ်။ အဲဒီလို သိသင့်တဲ့အတွက် မိဘကလည်း ပြောပြရမယ်။ စာတွေလည်း ဖတ်ရမယ်။


အောက်လမ်းနည်းနဲ့ရတဲ့အောင်မြင်မှုက အမှန်တရားတစ်ခုလို ဖြစ်သွားမှာကို ကြောက်ရတယ်။ အဲဒီလို အမှန်တစ်ခုမဟုတ်ဘူးဆိုတာကိုတော့ လူငယ်တွေသိအောင် တို့တစ်တွေကလည်း တစာစာပြောပေးနေရမှာပေါ့။ ဒါဟာ အမှန်မဟုတ်ဘူး။ ဒါဟာ ကြာရှည်အတွက်လည်း မကောင်းဘူး။ ခဏတစ်ဖြုတ်တော့ ဒီအောင်မြင်မှုကို ရချင်ရမယ်ပေါ့။ ဒီအောက်လမ်းနည်းနဲ့ အောင်မြင်မှုလေးတစ်ချက် ရလိုက်မယ်။ ဒါပေမဲ့ အဲဒီ အောင်မြင်မှုဟာ တကယ့်အောင်မြင်မှုအစစ်မဟုတ်တဲ့အတွက် ရေရှည်လည်း မြဲနိုင်မယ် မထင်ဘူး။ ကံကောင်းလို့ ရေရှည်မြဲမယ်ဆိုရင်လည်း ဒီမြဲတဲ့အောင်မြင်မှုဟာ ဂုဏ်သိက္ခာရှိသော အောင်မြင်မှုမဟုတ်ဘူး။ အဲဒါကို လူငယ်လေးတွေမသိရင် သိနေတဲ့သူက ပြောပြဖို့လိုတယ်။ ဒီအတိုင်း ရေငုံနှုတ်ပိတ်နေရင် ကိုယ့်မှာလည်း အပြစ်ရှိတယ်။ ကိုယ့်စိတ်ထဲမှာတော့ သူလုပ်တာ မှားတယ်ဆိုပြီး သိနေပေမယ့် ဒီအတိုင်း မပြောဘဲထားရင် ကိုယ်လည်း အပြစ်ရှိတယ်။ ပြောကိုပြောရမယ်။ ဒါဟာ မှားတယ်ဆိုရင် မှားတဲ့အကြောင်းကတော့ ပြောရတော့မယ်။ ပြောရဲတဲ့သတ္တိလည်း ရှိကိုရှိရမယ်။ အမုန်းခံပြီးတော့ ပြောရမှာပေါ့။ ပြောတယ်။ မရဘူး။ စိတ်ပျက်သွားတယ်။ မရဘူး။ ထပ်ပြော။ ကိုယ်တင်မက တခြားသူတွေလည်း ပြောရမှာပဲ။ အဲဒီတော့ ကိုယ်တစ်ယောက်တည်းပြောလို့ ကိုယ့်စကားကို နားထောင်မယ်လို့ မထင်ဘူးဆိုရင် ကိုယ်က အလွန်လေးစားသော၊ တန်ဖိုးထားသော ဆရာတော်ကြီးတွေရဲ့ စကားလုံးတွေနဲ့ ပြောရမယ်။ ဗုဒ္ဓဘာသာရဲ့အဆုံးအမတွေနဲ့လည်း ပြောရမယ်။ လူ့ကျင့်ဝတ်တွေ ဒါမှမဟုတ် ဘာသာတရားရဲ့ အဆုံးအမတွေနဲ့ ညှိကြည့်လို့ရှိရင် ဒီအောင်မြင်မှုဟာ ဂုဏ်ယူစရာကောင်းသော အောင်မြင်မှုမဟုတ်ဘူး။ ငွေကြေးတိုင်းဟာလည်း အေးချမ်းတဲ့ငွေမဟုတ်ဘူး၊ ပူလောင်တဲ့ ငွေတွေ ရှိတယ်ဆိုတဲ့အကြောင်း၊ ဒါဟာ ဟီရိသြတ္တပ မရှိတာ၊ ဒါဟာ ရှက်ရမယ့်အလုပ် ဆိုတာမျိုးကို လူငယ်တွေသိအောင် ပြောပြရမယ်။

အများစုကတော့ တစ်ခဏမှာ လိုက်လာလိမ့်မယ်။ ဥပမာ Like တွေ အများကြီးရလိမ့်မယ်။ သို့သော် တစ်ချိန်ကျလို့ရှိရင် အဲဒါဟာ ဂုဏ်ယူစရာမဟုတ်ဘူးလို့ သူတို့ကိုယ်တိုင်လည်း သိလာမှာပဲ။ ဒါပေမဲ့ မသိခင်မှာ မှားတဲ့အကြောင်း ပြောပေးဖို့ အကုန်လုံးမှာ တာဝန်ရှိတယ်။ အထူးသဖြင့်တော့ မီဒီယာသမားတွေက ပြောရမယ်။

စာရေးဆရာမဂျူး၏ဘ၀ကောက်ကြောင်း (၂) အင်တာဗျူးဆောင်းပါးမှ ကောက်နုတ်ချက်

Eternal Light Magazine
December 2015