ဒါကျွန်မ ဇာတ်လမ်းပါ။ သူ့အလိုလိုဖြစ်လာတဲ့ အချစ်အကြောင်းပေါ့။
လွန်ခဲ့တဲ့ ၃နှစ်တုန်းက ကျွန်မအသက်ဟာ ၂၃နှစ်။ အတော်လည်း ကြေကွဲခဲ့ရတယ်။ ချမ်းသာပြီး ပြစ်မှုမရှိတဲ့ လူတစ်ယောက်၊ သူက ကျွန်မကို လက်ထပ်ချင်ခဲ့တယ်။ ကျွန်မလိုသမျှလည်း အကုန်ပေးခဲ့တယ်။
ဒါမဲ့ တစ်နေ့၊ ဧပြီ ၁ရက်နေ့ပေါ့။ ကျွန်မ သူ့ကိုချန်ရစ်ထားခဲ့တာ ဟာသတစ်ခုလိုပါပဲ။ အကြောင်းရှိလို့ပါ။ တကယ့်ကို အတည်ကြီးရယ်။
သူက ကျွန်မကို ပိုင်ဆိုင်ချင်လို့တဲ့။ သူ့ဆီက ထွက်သွားရတာ အလုပ်ပြုတ်သွားတာနဲ့ အတူတူပဲ။ (ကျွန်မက သူ့ဆီမှာ အလုပ်လုပ်နေတာလေ။) ကျွန်မရဲ့ အချစ်၊ ကျွန်မရဲ့ သက်တောင့်သက်သာရှိမှု နဲ့ ပိုက်ဆံ။
နောက်လူတစ်ယောက်ကြောင့် ကျွန်မလေ သူ့ကို ထားရစ်ခဲ့နိုင်တယ်။ ကျွန်မဘ၀ထဲက တတိယမြောက်လူပေါ့။ သူနဲ့ အရူးအမူးကို ချစ်ကြတာ။ ကျွန်မ သူ့ကို တကယ့်ကို မြတ်နိုးပါတယ်။ ကျွန်မတို့တွဲလာပြီး နှစ်လကြာတော့ သူ့ရည်းစားဟောင်းက သူ့ကို ဆက်သွယ်လာပြီး သူမမှာ ကိုယ်ဝန်ရှိနေကြောင်း ပြောလာတယ်။ သူ ကြောင်သွားတယ်။ ခြေမကိုင်မိ လက်မကိုင်မိ တွေဖြစ်လာတယ်။ သူ ဘာလုပ်လို့ ဘာကိုင်ရမှန်းလဲ မသိတော့ဘူး။ သူမဆီသွားရမလား၊ ကျွန်မနဲ့ပဲ နေရမလား။ အဆုံးမှာတော့ ကျွန်မကို ထားသွားပါတယ်။
ကျွန်မ တစ်ယောက်တည်းပဲ ကျိတ်ငိုလိုက်တယ်။ လပေါင်းများစွာကြာအောင်ပေါ့။ နှစ်ပေါက်သွားတဲ့အထိလည်း ဖြစ်လိမ့်မယ်။
တခြားယောကျာ်းတွေနဲ့ ကျွန်မ တွဲစပြုလာတယ်။ ပြီးတော့ သူတို့ နာကြင်ရအောင်လုပ်တယ်။ တစ်နှစ်အတွင်းမှာပဲ ယောကျာ်း ၅ယောက်နဲ့ပေါ့။ နောက်ပြီးတော့ အဆိုးရွားဆုံးတွေ ဖြစ်လာအောင် ချန်ထားရစ်ခဲ့လိုက်တယ်။ သူတို့ငိုလာအောင်၊ ကျွန်မဆီ အနူးအညွတ်တောင်းပန်လာအောင် လုပ်ခဲ့တယ်။
ကျွန်မ ဘာမှ မခံစားရဘူး။ ကျွန်မဟာ ကမ္ဘာပေါ်မှာ အရက်စက်ဆုံး သက်ရှိတစ်ယောက် ဖြစ်ခဲ့တယ်။ ကျွန်မ အသည်းကွဲခဲ့ပြီး ဘ၀ကြီးဟာ ဘာမျှအဓိပ္ပါယ်မရှိတာကို တွေ့ခဲ့ရတယ်။ ဒါပေမဲ့ တိကျတဲ့ အချက်တစ်ချက်ကြောင့် ကျွန်မ စိတ်လျှော့လိုက်ပါတယ်။ ကျွန်မကို ထားရစ်ခဲ့တဲ့သူ့ကိုလဲ မေ့လိုက်တယ်။ အဲ့ဒီ့မိန်းမအတွက်နဲ့ ကျွန်မကိုထားရစ်ခဲ့တဲ့ သူဟာ အဲ့ဒီ့မိန်းမနဲ့ပဲ လက်ထပ်သွားတယ်။ သူ့ကို ထာဝရ ဆုံးရှုံးလိုက်ရတယ်။ ကျွန်မဘ၀ ရှေ့ဆက်လျှောက်ရဖို့ ရှိသေးတယ်ဆိုတာကိုလည်း သိခဲ့တယ်။ ကျွန်မ လိပ်ပြာကို ကယ်တင်ဖို့အတွက် ပုံမှန်အတိုင်း ပြန်နေသွားရမယ်ဆိုတာကိုပေါ့။
ကိုယ့်ကိုကိုယ် ထိန်းကျောင်းနိုင်ခဲ့ပြီးနောက်မှာ ‘ကိုပါ’ ပေါ်လာခဲ့တယ်။ ကျွန်မက အအေးဆိုင်တစ်ခုမှာ ရောက်နေခဲ့တာ။ သူက ချဉ်းကပ်လာပြီး ကျွန်မကို စကားတွေပြောလာပါတယ်။ နံနက် ၄နာရီထိလည်း အတူတူ အချိန်ဖြုန်းခဲ့ကြတယ်။ တစ်ယောက်နဲ့တစ်ယောက် ချစ်လို့ကို မ၀နိုင်ကြဘူး။ အစပိုင်းမှာတော့ အခက်အခဲတွေ ရှိခဲ့ကြတယ်။ သူကလည်း သူနဲ့ ၅နှစ်တွဲခဲ့တဲ့ ချစ်သူရဲ့ စွန့်ပစ်ခြင်းကို ခံခဲ့ရတဲ့သူ။ ဒီတော့ သူလည်း ကျွန်မနဲ့ အဖြစ်တူတယ်ပေါ့။ သူဘယ်လို ခံစားခဲ့ရမယ်ဆိုတာ နဲ့ အတည်ငြိမ်ဆုံးဖြစ်အောင် ဘယ်လောက် အချိန်ယူခဲ့ရမယ်ဆိုတာ ကျွန်မ အကောင်းဆုံးသိခဲ့တယ်။ တစ်ဖက်သတ် အချစ်အတွက် ပူပန်သောက တက်ခဲ့ရတာတွေ ငရဲအလားခံစားခဲ့ရတာတွေက ကျွန်မနဲ့ ထပ်တူပါပဲ။ ဒါတွေနဲ့ပတ်သက်လို့ ခုတော့ ကျွန်မ စိတ်မဆင်းရဲရတော့ပါဘူး။ ကျွန်မ လုံးဝစိတ်ချယုံကြည်ထားနိုင်တဲ့သူဟာ ကျွန်မဘေးမှာ ရှိနေပြီလေ။ သူ့ကို ချစ်တယ်။ သူမရှိဘဲ နေရမယ့် ဘ၀ကြီးကို စဉ်းတောင်မစဉ်းစားနိုင်ဘူး။ ၃လတာကာလအတွင်း ကျွန်မတို့ လက်ထပ်ဖို့ အစီအစဉ်ရှိပါတယ်။ ကျွန်မတို့ ဆုံခဲ့တဲ့ နှစ်နှစ်ပြည့်အချိန်ပေါ့။ လိုက်ရှာနေစရာမလိုပါဘဲ၊ ငိုယိုပူဆာနေစရာ မလိုပါဘဲနဲ့ ပျော်ရွှင်မှုဆိုတာဟာ ကျွန်မတို့နှစ်ယောက်ဆီကို အလိုလိုရောက်လာခဲ့တယ်။ တကယ်လိုတာက ကျွန်မတို့ကိုယ်တိုင် ငြိမ်းချမ်းနေဖို့ပါပဲ။
Credit: TrendMyanmar
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။