သင်စားသမျှ သင့်မြေးရှင်းပါလိမ့်မည်

သည်ရက်ပိုင်းမီဒီယာများတွင် စစ်အာဏာရှင်ဟောင်း ဦးသန်းရွှေ၏မြေး နေရွှေသွေးအောင်(ခေါ်)ဖိုးလပြည့်နှင့် လူထုခေါင်းဆောင်ဒေါ်အောင်ဆန်းစုကြည်တို့ တွေ့ဆုံသည့်သတင်းက ဂယက်ရိုက်သွားသည်။ လူမှုကွန်ရက် ဖေ့စ်ဘွတ်ခ်ပေါ်မှာတော့ အကောင်းမြင်သူရော၊ အဆိုးမြင်သူတွေပါ ပွက်လောညံသွားခဲ့၏။ ကျွန်တော့်ကိုလည်း သူငယ်ချင်း အချို့က ဘယ်လိုမြင်လဲဟု လှမ်းမေးကြသည်။ ကျွန်တော်က စကားပြောကြတာ ရန်ဖြစ်တာထက်စာရင် ပိုမကောင်းဘူးလားဟု ပြန်ဖြေဖြစ်သည်။ အဖြေကို ကျေနပ်သူ လည်းရှိ၊ မကျေနပ်သူလည်း ရှိ၏။ မကျေနပ်သူများက အာဏာရှင်၏မြေးဆိုသည့်စကား တစ်ခွန်းကို တတွတ်တွတ်ရွတ်ဆိုသည်။ သူတို့ကိုလည်း အပြစ်မဆိုသာ။ ဘဝနှင့်ရင်း၍ ခံစားခဲ့ရသူများမို့ မကျေမချမ်းနိုင်ဖြစ်ကြမည်မှာ အသေအချာ။
သို့သော်လည်း ထိုတွေ့ဆုံမှုက ပြည်သူအများကောင်းဖို့ဖြစ်လာပြီဆိုလျှင်ကျွန်တော်တို့သင်ပုန်းချေရမည် မဟုတ်လား။

အမျိုးသားရင်ကြားစေ့ရေးဆိုသည့် စကားလုံးကိုက ကျူးလွန်သူနှင့်ခံရသူကြား ညှိနှိုင်းခြင်းသာဖြစ်သည်။ ကျူးလွန်ခဲ့သူကို ခံခဲ့ရသူက ခွင့်လွှတ်ခြင်းပင်ဖြစ်၏။ ဒေါ်အောင်ဆန်းစုကြည်နှင့် ဖိုးလပြည့်တွေ့ဆုံမှုအပေါ် နိုင်ငံရေးအရ အကောင်းအဆိုး သုံးသပ်ကြ သည်။ ဝေဖန်ကြသည်။ကျွန်တော် ကတော့ ဒီဖြစ်စဉ်အပေါ်မှ အတွေးတစ်ခုရသည်။ မြေးနှင့်အဘိုး အဘွားများ၏ လက်ဆင့်ကမ်း အမွေပြဿနာဖြစ်သည်။

ရှေးဓမ္မသတ်တစ်ခုတွင် ကျွန်တော် မှတ်မှတ်သားသား ဖြစ်ခဲ့သော စကားလုံး တစ်လုံးရှိသည်။အမွေရကောင်း . . . မြေးတို့တောင်းသော်တဲ့။ မြန်မာ့ရိုးရာဓလေ့ထုံးတမ်းဥပဒေအရ မြန်မာဗုဒ္ဓဘာ သာတစ်ဦး သေဆုံးလျှင် သေဆုံး သူ၏ (၁) သားသမီးများ၊ (၂) မြေးများ၊ (၃) မြစ်များ၊ (၄) ညီအစ်ကိုမောင်နှမများ၊ (၅) မိဘများ စသည်ဖြင့် အစဉ်အတိုင်းသာ အမွေဆက်ခံခွင့်ရသည်။ အမွေဆိုသည်က အစုန်သဘောရှိသည်တဲ့။ ဆိုလိုသည်မှာ လူတစ်ဦး၏မိဘ ညီအစ်ကိုမောင်နှမများထက် မြေးမြစ်များက အမွေဆက်ခံရန် ပိုပြီးအခွင့်အရေးရှိသည့် ဓလေ့။ ဒါက ရုပ်ဝတ္ထုပစ္စည်းအပေါ် အမွေခွဲဝေမှုသာဖြစ်၏။ အဘိုးအဘွားတို့ မြေးများအတွက် ချန်ရစ်ခဲ့သည်မှာ လက်ဆုပ်လက် ကိုင်ပြနိုင်သော ရုပ်ဝတ္ထုပစ္စည်း များတင်ပဲလား။ အခြားလက်ညှိုး ညွှန်ပြ၍မရနိုင်သော စိတ်ပိုင်း ဆိုင်ရာ အမွေအနှစ်များကောမရှိ တော့ပြီလားဟု စေ့ငုစရာရှိလာ သည်။ ကျွန်တော်က စိတ်ခံစားမှု ဆိုင်ရာ သက်ရောက်မှုတွေကို ပို ပြီးစိတ်ဝင်စားသည်။

ကျွန်တော် အထက်တန်း ကျောင်းသားဘဝက ရောဂါတစ် ခု အကြီးအကျယ်ထခဲ့ဖူးသည်။ အဘိုး၊ အဘွားတို့နှင့်ပတ်သက်၍ ဂုဏ်ယူဝင့်ကြွားလိုသည့်ရောဂါ။ ကျွန်တော့်အဘိုးက တိုင်းရင်း ဆေးဆရာကြီး၊ အဘွားက သာ မန်အိမ်သူ။ ရပ်ကွက်ထဲမှာ ဆေး ဆရာကြီးမို့ လေးစားသမှုရှိကြ သည်။ သို့ပေမဲ့ ဒါက ကျွန်တော် ကြွားဝါနိုင်သည့်အရာ မဟုတ်သေး။အဘိုး၊ အဘွားတွေ အင်္ဂလိပ်ခေတ်၊ ဂျပန်ခေတ်တွေမှာ သာမန်ပြည်သူအဖြစ် ဖြတ်သန်းခဲ့သည်ကို ကျွန်တော် သဘောမတွေ့။

‘‘ကျွန်တော်သာ ဆိုလျှင် တို့ဗမာ အစည်းအရုံးဝင် သခင်ဖြစ်နေပြီ၊ ဖက်ဆစ်တော်လှန်ရေးရဲဘော် လွတ်လပ်ရေး မော် ကွန်းဝင် ဖြစ်နေပြီ’’စသည်ဖြင့် အဘိုး၊ အဘွားတွေကို မကျေမနပ်ရေရွတ်မိသည်။ ကျွန်တော့် အိမ်မှာ သီချင်းတွေထဲကလို ခေါင်းရင်းထရံမှာ ချိတ်ဆွဲထား သည့် အဘိုး၏သမိုင်းဝင်ဓားလည်း မရှိ။ ခေါင်းပေါင်းစတလူလူ၊ ရင် ဘတ်မှာဆုတံဆိပ်တွေတန်းလန်း ချိတ်ဆွဲထားသည့် အဘိုး၊ အဘွား တို့၏ ဓာတ်ပုံလည်းမရှိခဲ့။

သို့သော်လည်း ဘဝတစ် လျှောက် ဖတ်ခဲ့ရသောစာများ၊ တွေ့ခဲ့ရသောမြင်ကွင်းအဖြစ် အပျက်များမှတစ်ဆင့် ဂုဏ်ယူ စရာအဘိုး၊ အဘွားများထက် ဂုဏ်ပျက်၊ ဂုဏ်ညှိုးစရာ အဘိုး၊ အဘွားများကြောင့် မျက်နှာငယ်ရ သောမြေးမြစ်များကို တွေ့ရသည့် အခါ ကျွန်တော့်အဘိုး၊ အဘွား များကိုပင် ပြန်လည်၍ကျေးဇူး တင်မိရသည်။ အမှန်တကယ် အဘိုး၊ အဘွားတို့၏အမွေအနှစ် ကို ခံယူရာ၌ ရုပ်ဝတ္ထုပစ္စည်း သာမက စိတ်ပိုင်းဆိုင်ရာအမွေ အနှစ်များပါ ဆက်ခံသူထံသို့ မလွဲ မသွေရောက်ရှိလာမည်ဖြစ်သည်။ အချို့က ဘိုးဘွားအတွက် ဂုဏ် တက်ရ၏။ အချို့က ဂုဏ်ပျက်ရ ၏။ အချို့က ဝင့်ကြွားရ၏။ အချို့က လွင့်ပါးရ၏။ အဘိုး၊ အဘွား တို့ ကျူးလွန်ခဲ့သည်က လူ့လော ကအလယ် သာမန်ကျင့်ဝတ် အ စွန်းအထင်းဆိုလျှင် သူတို့ဘဝ တစ်လျှောက် မေ့ပျောက်ကောင်း မေ့ပျောက်သွားနိုင်သော်လည်း သမိုင်းဆိုင်ရာ အစွန်းအထင်းဆို လျှင်တော့ ပြစ်ဒဏ်ကကြီးမားလှ သည်။ သမိုင်းရှိနေသရွေ့၊ သမိုင်းတည်မြဲနေသရွေ့ စိတ်ဒဏ်ရာ များ ရရှိစေမည်သာဖြစ်သည်။ မည်သူက ဟစ်တလာ့မြေးဟု ဝင့် ကြွားနိုင်ပါမည်နည်း။ မည်သူက မူဆိုလိုနီမြေး၊ မည်သူကဆဒမ်ဟူ စိန်မြေး၊ မည်သူက ကဒါဖီမြေးဟု ဂုဏ်ယူနိုင်ပါမည်နည်း။ ထိုထို မြေးမြစ်များကိုယ်တိုင်က သူတို့ ဘိုးဘွားများ ပြုမူဆောင်ရွက်ခဲ့ သော ကြီးမားလှသည့် မှားယွင်း ဆိုးသွမ်းမှုများကို သင်ခန်းစာ မယူနိုင်ဘဲ အဘိုး၊ အဘွားတို့ အဓမ္မရှာဖွေသိုမှီးခဲ့သောပစ္စည်း ဥစ္စာတို့အပေါ် ယစ်မူးမာန်တက် လျက် ဆက်လက်ဆိုးသွမ်းနေဦး မည်ဆိုလျှင်တော့ လောက၏ ပြစ်ဒဏ်တစ်ခုခုဖြင့် ဒဏ်ခတ်ရန် လိုမည်ဖြစ်သော်လည်း လောက ကောင်းကျိုးကို ရှေးရှုလာသည့် မြေးမြစ်များ အတွက်ဆိုလျှင် သူ တို့မပြုမူခဲ့သော ပြစ်မှုအတွက် သူတို့တွင် ကိုယ်စိတ်နှစ်ပါး ပြစ် ဒဏ်ကျခံရမည်ဆိုပါက တရားမျှ တမှု ရှိနိုင်ပါမည်လားဟု စဉ်းစား ရန်ရှိလာသည်။

ယခု လူထုခေါင်းဆောင် ဒေါ်အောင်ဆန်းစုကြည်နှင့် ဖိုး လပြည့်တို့၏ တွေ့ဆုံမှုအပေါ် နိုင်ငံရေးဖြစ်စဉ်အရ မဝေဖန်လို သော်လည်း လူငယ်တစ်ဦးအနေ ဖြင့် ကောင်းသောအပြုအမူများ အတွက် ခြေလှမ်းတစ်ရပ်ဖြစ်မည် ဆိုလျှင်တော့ ကျွန်တော်တို့ကြိုဆို သင့်သည်ဟုထင်သည်။ ဘိုးဘွား တို့ပြုခဲ့သော အပြုအမူကို အမှား အမှန်မခွဲခြားနိုင်ဘဲ မိမိတို့လက် ထက်တွင်လည်း စည်းစိမ်ဥစ္စာတို့ ကို သုံးဖြုန်းမာန်မာနထောင်လွှား နေသောမြေးများ၊ အဘိုးအဘွားတို့၏ပြစ်မှုကြောင့် တစ်သက်လုံး ညှိုးငယ်စွာဖြင့်မျက်လွှာအောက် ချ ကာ လူတို့ကိုမုန်းတီး လာသော မြေးမြစ်များထက် လူ့လောက အကျိုးကို ဆောင်ရွက်သောမြေး မြစ်များကို ကျွန်တော်တို့ လူ့အဖွဲ့ အစည်းက ပို၍ကြည်ဖြူစွာလက် ခံရပါလိမ့်မည်။

တကယ်တော့ ကျွန်တော်က မြေးမြစ်များနေရာမှ အဘိုးအဘွားများဆီကရမည့်အမွေအနှစ်ကို မျှော်လင့်မိခြင်းသာဖြစ်ပါသည်။ အဘိုးနေရာကနေ မြေးမြစ်တွေ အတွက် ဘယ်လိုအမွေမျိုးချန်ရစ် ခဲ့မည်လဲဆိုသည်ကို စဉ်းစား ကြည့်တော့ ခေါင်းတွေထူပူလာ သည်။ မကြာမီ ကျွန်တော်တို့သည် အချိန်ကာလတစ်ခု၌ မြေးမြစ် တွေ၏ အဘိုးတစ်ဦးဖြစ်လာပါ လိမ့်မည်။ ထိုအခါ မြေးတို့လက်ခံ သည်ဖြစ်စေ၊ လက်မခံသည်ဖြစ် စေ သူတို့ဆီကို ကျွန်တော့်အမွေ အနှစ်အချို့ရောက်ရှိပါလိမ့်မည်။ မိမိ၏ စွန်းထင်းသောလုပ်ရပ်၊ သိက္ခာမဲ့သောရပ်တည်ချက်တစ် ခုခုကြောင့် မြေးမြစ်တို့အတွက် မျက်နှာငယ်စရာ၊ မျက်နှာပူစရာ၊ နာကြည်းခံပြင်းစရာ၊ ဂုဏ်သိက္ခာ ညှိုးနွမ်းစရာ စိတ်ဒဏ်ရာတစ်ခု ကို အမွေအဖြစ်ပေးခဲ့မည်လား။ တို့ဗမာ အစည်းအရုံးကို တည် ထောင်ခဲ့သော သခင်ဘသောင်း ကြွေးကြော်သလို နောင်လာ နောက်သားကောင်းစားဖို့ရာ တို့ ကိုယ်ကျိုးလုံးဝမပါဆိုသည့်သမိုင်း မှတ်တိုင်မျိုး စိုက်ထူခဲ့ကာ မြေးတို့ ကို ရင်ကော့ခေါင်းမော့စေမည် လား ဆိုသည်ကတော့ ကျွန်တော် တို့ရွေးချယ်မှုပင်ဖြစ်သည်။

သည်စာတွေ ရေးနေရင်း နှစ်အတန်ကြာကဖတ်ခဲ့ဖူးသော ဟာသတစ်ပုဒ်ကို သတိရမိသည်။ တစ်ခါက ထမင်းဆိုင်တစ်ဆိုင် ရှေ့တွင် ဆိုင်းဘုတ်တစ်ခုချိတ်ဆွဲ ထားသည်တဲ့။ ‘‘ဆိုင်အတွင်းသို့ မည်သူမဆို လွတ်လပ်စွာဝင် ရောက် သုံးဆောင်နိုင်ပါသည်။ သင်သုံးဆောင်သမျှ ကျသင့်ငွေ ကို သင်ပေးရန်မလိုပါ။ သင့်မြေး ရှင်းပါလိမ့်မည်’’တဲ့။ ထိုဆိုင်းဘုတ်ကို လူတစ်ယောက်ဖတ်မိတော့ သဘောကျသွားသည်။ သူက လူပျိုကြီး၊ မိန်းမမရှိဘာမရှိမို့ မြေး ရဖို့လည်းမလွယ်။ ထို့ကြောင့် ပွတာပဲဆိုသည့်စိတ်ဖြင့် ထမင်း ဆိုင်တွင်ဝင်စားသည်။ စားပြီး သောက်ပြီးနောက် သူ့ဆီကို ဘီလ်ရောက်လာသည်။ သူက ဆိုင်း ဘုတ်ကိုလက်ညှိုးထိုးပြပြီး ပိုက် ဆံရှင်းဖို့ငြင်းသည်။ ထမင်းဆိုင် ပိုင်ရှင်က ပြန်ပြောသည်။ ဒီပိုက် ဆံက လူကြီးမင်းစားတဲ့အတွက် တောင်းတာမဟုတ်။ လူကြီးမင်း ၏ အဘိုးစားသွားခဲ့သည့်အကြွေး တဲ့။ သေချာပါသည်။ ကျွန်တော် တို့ စားခဲ့သမျှ အနာဂတ်တွင် ကျွန်တော်တို့မြေးမြစ်များ ရှင်းရ ပါလိမ့်မည်။ ။


7day daily