"ကြန္ပ်ဴတာမ်ားတြင္ လံုၿခံဳေရး အားနည္းခ်က္တစ္ခု ပါဝင္ေၾကာင္း Dell ဝန္ခံ"

 

Internet Journal

"ကြန္ပ်ဴတာမ်ားတြင္ လံုၿခံဳေရး အားနည္းခ်က္တစ္ခု ပါဝင္ေၾကာင္း Dell ဝန္ခံ"
==========

Dell ကြန္ပ်ဴတာမ်ားတြင္ ဟက္ကာမ်ားက သံုးစြဲသူ၏ ပုဂၢိဳလ္ေရး အခ်က္အလက္မ်ား ရယူႏိုင္ေသာ လံုၿခံဳေရးအားနည္းခ်က္တစ္ခု အမွတ္တမဲ့ ပါဝင္သြားခဲ့ေၾကာင္း ကုမၸဏီမွ ဝန္ခံေျပာၾကားသည္။

အဆိုပါ အားနည္းခ်က္သည္ အလြန္ျပင္းထန္ၿပီး ဘဏ္အခ်က္အလက္မ်ားႏွင့္ အျခား ပုဂိၢဳလ္ေရးအခ်က္အလက္မ်ားကို ရယူႏိုင္ေၾကာင္း ကၽြမ္းက်င္သူမ်ားက ဆိုသည္။

Dell ကမူ အဆိုပါ ေဆာ့ဖ္ဝဲကို ဖယ္ရွားႏိုင္မည့္ နည္းလမ္းအား ထုတ္ျပန္ခဲ့သည္။

အထက္ပါသတင္းသည္ လံုၿခံဳေရးကို ထိခိုက္ႏိုင္ေသာ ႀကိဳတင္ ထည့္သြင္းထားသည့္ adware မ်ားေၾကာင့္ Lenovo အား ေဝဖန္ခဲ့ၿပီးေနာက္ ထြက္ေပၚလာခဲ့ျခင္း ျဖစ္သည္။

သံုးစြဲသူတစ္ဦးက ၎သည္ Dell ကြန္ပ်ဴတာတြင္ eDellRoot ဟုေခၚေသာ self-signed root certificate တစ္ခု ထည့္သြင္းထားသည္ကို ရွာေဖြေတြ႕ရိွခဲ့ေၾကာင္း Reddit တြင္ ေဖာ္ျပခဲ့သည္။

ထို႔ေနာက္တြင္ Dell က အဆိုပါ အားနည္းခ်က္ႏွင့္ ပတ္သက္၍ ဝန္ခံခဲ့ၿပီး ၎ေဆာ့ဖ္ဝဲကို အၿပီးသတ္ဖယ္ရွားႏိုင္မည့္ လမ္းညႊန္မႈတစ္ရပ္ကို ထုတ္ျပန္ခဲ့သည္။

“ကၽြန္ေတာ္တို႔ရဲ႕ ကြန္ပ်ဴတာေတြမွာ Dell Foundation Services application က ထည့္သြင္းထားတဲ့ eDellRoot လို႔ေခၚတဲ့ certificate တစ္ခုကို ကၽြန္ေတာ္တို႔ သတိျပဳမိပါတယ္။ ဒါက မေတာ္တဆ ပါဝင္သြားခဲ့တဲ့ လံုၿခံဳေရးအားနည္းခ်က္တစ္ခုပါ။ ဒီ certificate က support tool တစ္ခုရဲ႕ အစိတ္အပိုင္းအေနနဲ႔ ေဆာင္ရြက္ၿပီး ေဖာက္သည္ေတြဆီကို ဝန္ေဆာင္မႈေပးရာမွာ လြယ္ကူလ်င္ျမန္စြာနဲ႔ ေပးႏိုင္ေအာင္လို႔ ရည္ရြယ္ခဲ့တာျဖစ္ပါတယ္။ ေဖာက္သည္ေတြရဲ႕ လံုၿခံဳမႈက Dell အတြက္ အေလးအထားအရာတစ္ခုပါ။ ဒီျဖစ္ရပ္အတြက္ ကၽြန္ေတာ္တို႔ အရမ္းကို စိတ္မေကာင္းျဖစ္မိပါတယ္" ဟု ကုမၸဏီက ေျပာၾကားခဲ့သည္။

ဆက္လက္ၿပီး "ႏိုဝင္ဘာလ ၂၄ ရက္က စတင္ၿပီး software update တစ္ခုကို ကၽြန္ေတာ္တို႔ ျဖန္႔ခ်ိသြားပါမယ္။ ဒီ update က certificate ကို စစ္ေဆးၿပီး ေတြ႕ရိွတဲ့အခါမွာ ဖယ္ရွားမႈျပဳလုပ္ေပးမွာပါ။ Dell Foundation Services မပါတဲ့ system ေတြမွာေတာ့ ဒီျပႆနာရိွမွာ မဟုတ္ပါဘူး။ ေနာက္ၿပီး Dell system အားလံုးကေန ဒီ certificate ကို ဖယ္ရွားသြားမွာပါ" ဟု ကုမၸဏီ၏ထုတ္ျပန္ခ်က္တြင္ ေဖာ္ျပခဲ့သည္။

Ref: BBC

http://www.internetjournal.media/news/4890

xxxxxxxxxxxxx

"ကွန်ပျူတာများတွင် လုံခြုံရေး အားနည်းချက်တစ်ခု ပါဝင်ကြောင်း Dell ဝန်ခံ"
==========

Dell ကွန်ပျူတာများတွင် ဟက်ကာများက သုံးစွဲသူ၏ ပုဂ္ဂိုလ်ရေး အချက်အလက်များ ရယူနိုင်သော လုံခြံုရေးအားနည်းချက်တစ်ခု အမှတ်တမဲ့ ပါဝင်သွားခဲ့ကြောင်း ကုမ္ပဏီမှ ဝန်ခံပြောကြားသည်။

အဆိုပါ အားနည်းချက်သည် အလွန်ပြင်းထန်ပြီး ဘဏ်အချက်အလက်များနှင့် အခြား ပုဂ္ဂိုလ်ရေးအချက်အလက်များကို ရယူနိုင်ကြောင်း ကျွမ်းကျင်သူများက ဆိုသည်။

Dell ကမူ အဆိုပါ ဆော့ဖ်ဝဲကို ဖယ်ရှားနိုင်မည့် နည်းလမ်းအား ထုတ်ပြန်ခဲ့သည်။

အထက်ပါသတင်းသည် လုံခြံုရေးကို ထိခိုက်နိုင်သော ကြိုတင် ထည့်သွင်းထားသည့် adware များကြောင့် Lenovo အား ဝေဖန်ခဲ့ပြီးနောက် ထွက်ပေါ်လာခဲ့ခြင်း ဖြစ်သည်။

သုံးစွဲသူတစ်ဦးက ၎င်းသည် Dell ကွန်ပျူတာတွင် eDellRoot ဟုခေါ်သော self-signed root certificate တစ်ခု ထည့်သွင်းထားသည်ကို ရှာဖွေတွေ့ရှိခဲ့ကြောင်း Reddit တွင် ဖော်ပြခဲ့သည်။

ထို့နောက်တွင် Dell က အဆိုပါ အားနည်းချက်နှင့် ပတ်သက်၍ ဝန်ခံခဲ့ပြီး ၎င်းဆော့ဖ်ဝဲကို အပြီးသတ်ဖယ်ရှားနိုင်မည့် လမ်းညွှန်မှုတစ်ရပ်ကို ထုတ်ပြန်ခဲ့သည်။

“ကျွန်တော်တို့ရဲ့ ကွန်ပျူတာတွေမှာ Dell Foundation Services application က ထည့်သွင်းထားတဲ့ eDellRoot လို့ခေါ်တဲ့ certificate တစ်ခုကို ကျွန်တော်တို့ သတိပြုမိပါတယ်။ ဒါက မတော်တဆ ပါဝင်သွားခဲ့တဲ့ လုံခြံုရေးအားနည်းချက်တစ်ခုပါ။ ဒီ certificate က support tool တစ်ခုရဲ့ အစိတ်အပိုင်းအနေနဲ့ ဆောင်ရွက်ပြီး ဖောက်သည်တွေဆီကို ဝန်ဆောင်မှုပေးရာမှာ လွယ်ကူလျင်မြန်စွာနဲ့ ပေးနိုင်အောင်လို့ ရည်ရွယ်ခဲ့တာဖြစ်ပါတယ်။ ဖောက်သည်တွေရဲ့ လုံခြံုမှုက Dell အတွက် အလေးအထားအရာတစ်ခုပါ။ ဒီဖြစ်ရပ်အတွက် ကျွန်တော်တို့ အရမ်းကို စိတ်မကောင်းဖြစ်မိပါတယ်" ဟု ကုမ္ပဏီက ပြောကြားခဲ့သည်။

ဆက်လက်ပြီး "နိုဝင်ဘာလ ၂၄ ရက်က စတင်ပြီး software update တစ်ခုကို ကျွန်တော်တို့ ဖြန့်ချိသွားပါမယ်။ ဒီ update က certificate ကို စစ်ဆေးပြီး တွေ့ရှိတဲ့အခါမှာ ဖယ်ရှားမှုပြုလုပ်ပေးမှာပါ။ Dell Foundation Services မပါတဲ့ system တွေမှာတော့ ဒီပြဿနာရှိမှာ မဟုတ်ပါဘူး။ နောက်ပြီး Dell system အားလုံးကနေ ဒီ certificate ကို ဖယ်ရှားသွားမှာပါ" ဟု ကုမ္ပဏီ၏ထုတ်ပြန်ချက်တွင် ဖော်ပြခဲ့သည်။

Ref: BBC