ဖုန်းကို အိမ်သာထဲထိ ယူသုံးခြင်းက ကူးစက်ရောဂါတွေ ရစေနိုင်

Facebook မှာ တင်ထားတဲ့ ကိုယ့် selfie လေးက အရမ်းမိုက်နေတာကြောင့် Like တွေ ဘယ်လောက်များ ရနေလဲဆိုတာ အိမ်သာတက်ရင်းတောင် စိတ်မဖြောင့်နိုင်ဘဲ ဖုန်းနဲ့ ကြည့်နေတတ်ပါသလား။ဒါဆိုရင်တော့ သင့်ရဲ့အပြုအမူက မှားနေပါပြီ။ သင့်ရဲ့ဖုန်းကို သန့် စင်ခန်းထဲထိယူသုံးခြင်းဟာ ဆိုးရွားတဲ့ ကူးစက်ရောဂါတွေကို ဖြစ်စေနိုင်ပါတယ်။

“ သင်နဲ့ အတူ လူကြားသူကြားထဲ၊ လူ့ ပတ်ဝန်းကျင်ထဲ ယူသွားရမယ့် ဘယ်ပစ္စည်းကိုမဆို အိမ်သာထဲထိ ယူမသွားသင့်ပါဘူး” လို့ ရောဂါပိုးမွှားကျွမ်းကျင်ပညာရှင် Jason Tetro က ပြောပြပါတယ်။ ‘The Germ Code’ စာအုပ်ကို ပြုစုခဲ့သူ Tetro ဟာ မိုဘိုင်းဖုန်းကို အိမ်သာထဲထိယူသုံးလောက်ရအောင် ခေတ်မစားခင် ၂၀၀၆ ခုနှစ်ကတည်း ဒီပြဿနာကို လေ့လာခဲ့တာဖြစ်ပါတယ်။
ထို့ နောက်မှာတော့၊ မိုဘိုင်းးဖုန်းတွေဟာ လူတွေရဲ့ဘ၀မှာ အရေးကြီးအစိတ်အပိုင်းတစ်ခုလိုဖြစ်လာပြီး တစ်ချိန်တည်းမှာပဲ မိုဘိုင်းဖုန်းတွေ ရောဂါပိုးမွှားတွေနဲ့ ပိုပြည့်နှက်လာတယ်လို့ Tetro က ဆိုပါတယ်။“ လေထုထဲကပျံ့ နှံ့ နိုင်တဲ့ရောဂါပိုးတွေဖြစ်တဲ့ အီကိုလိုင် (E.coli) ၊ အစာအဆိပ်သင့်ဖြစ်စေနိုင်တဲ့ ဆယ်မွန်နဲလာပိုး (salmonella) ၊ ၀မ်းပျက်ပိုး (C.difficile) Norovirus စတဲ့ပိုးတွေ အိမ်သာထဲမှာ ရှိနေရင် ဒီပိုးတွေဟာ သင့်ရဲ့ဖုန်း ကပ်ပါလာနိုင်ပါတယ်။
ဒီနောက်မှာတော့ ကိုယ်တိုင်ရောဂါကူးစက်ခြင်း ဒါမှမဟုတ် ဒီရောဂါပိုးပါလာတဲ့ဖုန်းကို တခြားသူတစ်ယောက်က ထိကိုင်မိရင် သူ့ ကိုရောဂါကူးစေနိုင်တာတွေ ဖြစ်နိုင်ပါတယ်” လက်မဆေး ဘဲ ဖုန်းကိုပြန်ကိုင်ခြင်း ဒါမှ မဟုတ် ဖုန်းကို အယ်ကိုဟောသန့် စင်ဆေးရည်နဲ့ မဆေးဘဲ သုံးခြင်း တို့ က ဖုန်းမှာ ဘက်တီးရီးယားတွေ တစ်စထက်တစ်စ များလာနိုင်တယ်လို့ Tetro က ရှင်းပြပါတယ်။
တကယ်လို့ ကိုယ့်ရဲ့လက်တွေတင်မကဘဲ ကိုယ်သုံးနေတဲ့ ဖုန်းတွေ၊ တက်ဘလက်တွေကိုပါ သန့် ရှင်းရေး ကောင်းကောင်းလုပ်ပေးမယ်ဆိုရင်တော့ ဒီအန္တရာယ်ကနေ စိတ်ချရတယ်လို့ သိရပါတယ်။၂၀၁၃ ခုနှစ် က UK မှာပြုလုပ်ခဲ့တဲ့လေ့လာမှု တစ်ခုအရလည်း အိမ်သာထိုင်ခုံတွေထက် စမတ်ဖုန်းတွေ၊ ကီးဘုတ်တွေနဲ့ တက်ဘလက်တွေဟာ ရောဂါပိုးတွေ ပိုပြည့်နှက်နေကြောင်း တွေ့ ရှိခဲ့ရပါတယ်။
Ref: huffingtonpost
Trend Myanmar