"သူတို့ ပြောတဲ့ Joke, Jealousy, Journal"

 

Yati Magazine

"သူတို့ ပြောတဲ့ Joke, Jealousy, Journal"
တက္ကသိုလ် ဂွမ်းပုံ

Joke ဆိုတာက အလွယ်ပြောရရင် ဟာသ ပေါ့။ ဟာသ ဆိုတာက လူတွေကို ပျော်ရွှင်စေနိုင်တဲ့ အရာကို ပြောတာပေါ့။ စကား အဆိုလေးရှိတယ် ‘အာရောဂျံ ပရမံ လာဘံ’ ဆိုတာပေါ့။ လူရယ်လို့ ဖြစ်လာရင် စိတ်ဆင်းရဲ စရာတွေ နဲ့ ကြုံရတာပဲ။ စီးပွားရေး ကျပ်တည်းတာပဲ ဖြစ်ဖြစ်၊ မိသားစု အရေး ကိစ္စတွေ၊ ပြီးတော့ အလုပ်မှာ ပြေလည်တာတွေ မပြေလည်တာ တွေပေါ့။ အဲဒီတော့ နေ့ပေါင်း များစွာ ဖြတ်သန်းနေ ရတဲ့ လူတစ်ယောက် အတွက် စိတ်ပျော်ရွှင်မှု ဆိုတာ လိုတယ်။
လူတစ်ယောက် ကျန်းမာဖို့ ဆိုတာ စိတ်ပျော်ဖို့ကလည်း အဓိက လိုတာပဲ။ စိတ်မပျော်ရင် စိတ်ဖိစီးများပြီး လူက ပြင်ပရောဂါတွေ ဖြစ်လာတတ်တယ်။ ဒီတော့ ကိုယ့်ရဲ့စိတ် မပျော်မှု ကို စိတ် အစာကျွေးတဲ့ အနေနဲ့ တစ်နေ့ကို ဟက်ဟက်ပက်ပက် နဲ့ ဟားတိုက်ပြီး ၁ဝ ခါလောက် ရယ်ရင် အဲဒီလူက အသက်ရှည်တယ်။ တစ်နေ့ကို ၁ဝ ခါ ရယ်ဖို့ဆိုတာ ပြောတော့တာ လွယ်တာ တကယ်ရယ်ဖို့ ကျတော့ မလွယ်ဘူး လေ။ ဒါကြောင့် မဂွမ်းတို့က အလုပ်ပြီးချိန် အိမ်မှာ အနားယူတဲ့ အချိန် ဟာသ ကားလေးတွေ ကြည့်တာမျိုးတို့ ဟာသ စာအုပ်လေး ဖတ်တာမျိုးတွေ နဲ့ ကိုယ့်ရဲ့စိတ်ကို အစာပြန်ကျွေးရတယ်။ ဒါဟာ ဟာသ အနုပညာရဲ့ ရသမြောက်မှုက လူတွေ အတွက် အသက်ရှည်ဆေး ဖြစ်သွားတယ် ဆိုတာပါ။ ဒါကြောင့် လူတွေရဲ့ နွမ်းနည်မှုကို ပျောက် သွားစေတဲ့ အတွက် ဟာသ ဆိုတာက လူတွေ အတွက် မရှိမဖြစ် လိုတယ်။ သူငယ်ချင်းတွေ အချင်းချင်း တွေ့ကြတဲ့ အခါမှာ ရယ်စရာ မောစရာ တွေပြောပြီး စိတ် အပန်းဖြေတာလည်း ကောင်းပါတယ်။ ရယ်ရယ်မောမော နဲ့ နေချင်ကြတဲ့ လူတွေပဲ ရှိပါတယ်။ ငိုကြွေး နေချင်ကြတဲ့ လူဆိုတာ မရှိပါ ဘူး။ ဒါကြောင့် Joke ဆိုတာက လိုအပ်ပါ တယ်။
Jealousy

မဂွမ်း တို့တွေကတော့ Jealousy ဆိုတာကို ဗန်းစကားနဲ့ ပြောတာက ဂျဲလ်မတ် စားတယ်ပေါ့။ Jealousy က မနာလိုမှုပေါ့။ မဂွမ်းတို့ရဲ့ ဗုဒ္ဓ ဟောခဲ့တာ နဲ့ပြောရင် မစ္ဆရိယ စိတ်လို့ခေါ်တာ ပေါ့။ မထားအပ်တဲ့ စိတ်ထား လို့ မဂွမ်းကတော့ ပြောချင်တယ်။ ဒါပေမဲ့ လူတွေမှာ အဲဒီ စိတ်က ရှိနေတတ်ကြတယ်။ အနုပညာ လောကမှာ စီးပွားရေး လောကမှာ လူမှုဝန်းကျင်မှာ အဲဒီလို မစ္ဆရိယ စိတ်ရှိတဲ့ လူတွေ ရှိကြပါတယ်။ Jealousy ဆိုတာ အမှန်တော့ ပြိုင်ဆိုင်မှု ဆိုတာတွေကနေ လာတာ ပဲ။ ဘယ်လောကမှာ ပဲဖြစ်ဖြစ် ပြိုင်ဆိုင်မှု ဆိုတာ ရှိပါတယ်။ ဒါပေမဲ့ အဲဒီ ပြိုင်ဆိုင်မှုက မှန်ကန်တဲ့ ပြိုင်ဆိုင်မှု ဖြစ်ဖို့လိုတယ်။ အပြေး သမားတွေရဲ့ ပြေးလမ်းလိုပေါ့။ ကိုယ့်ပြေးလမ်းပေါ် ကနေပဲ သူများ ထက်သာအောင် သူများ ကိုကျော်အောင် အားစိုက်ပြေးလို့ ရတယ်။ ဒါပေမဲ့ သူများရဲ့ ပြေးလမ်းပေါ် တက်ပြီး သူများကို ခြေထိုးတာတို့ တွန်းတာတို့ လုပ်ရင် ဒါက မှန်ကန်တဲ့ ပြိုင်ဆိုင်မှု မဟုတ် တော့ဘူး။ ဒီလိုမျိုးနဲ့ ရလာတဲ့ အောင်မြင်မှုဆိုတာ လည်း မှန်ကန်တဲ့ အောင်မြင်မှု မဟုတ်ပါဘူး။ မနာလို မစ္ဆရိယနဲ့မှ ရလာတဲ့ အောင်မြင်မှုမျိုး စီးပွားရေးမျိုး ကလည်း ရေရှည် မခံတတ်ပါဘူး။ လူငယ်တွေ ကြားမှာ ပြိုင်ဆိုင်မှု ဆိုတာရှိရမယ်။ ဒါမှ တိုးတက်မှာပါ။ ဒါပေမဲ့ မနာလို စိတ်နဲ့ယှဉ် တဲ့ ပြိုင်ဆိုင်မှု မျိုးကတော့ မရှိသင့်ဘူး။ ဥပမာ လွယ်လွယ် ပြောရရင် သူတအား လှနေပါလား ဘာမိတ်ကပ် သုံးတာလဲ။ ငါလည်း သုံးကြည့်မယ်။ သူ့ထက် လှအောင် ပိုကောင်းတာ သုံးရမလားပေါ့။ ဒီလိုစိတ်က ဘာမှမဖြစ်ဘူး။ အဲဒီလို မဟုတ်ဘဲ သူများ လှတာကို ရုပ်ဆိုး အောင် လုပ်လိုက်တာမျိုး သူများကို ချောက်ချ လိုက်တာမျိုးတော့ မလုပ်သင့် ဘူးပေါ့။ သူ သရုပ်ဆောင်တာ ကောင်းတယ်။ ငါလည်း သူ့လို ကောင်းအောင် သူ့ထက်ကောင်း အောင် ကြိုးစားမယ် ဆိုတာမျိုးပဲ လုပ်ရမယ်။ သူများ အခွင့်အလမ်းတွေ လိုက်ပိတ်တာမျိုး တို့ ဘာတို့က ကျတော့ မကောင်းဘူး။ မနာလိုမှု နဲ့ ယှဉ် တဲ့ ပြိုင်ဆိုင်မှု မျိုးတော့ မလုပ်ရဘူး။ မနာလိုမှု ရှိတာ က ကိုယ်လည်း ပူ လောင်ရတယ်။ မနာလိုစိတ် ရှိတဲ့ သူက ဘယ်တော့မှ မအေးချမ်းပါဘူး။

Journal

Journal ဆိုတာကတော့ မြန်မာတွေက ဂျာနယ်လိုပဲ မွေးစားပြီးခေါ် လိုက်တာပဲနော်။ Journal ကတော့ အပတ်စဉ် ထုတ်ဝေတဲ့ သတင်းတွေပါတဲ့ စာစောင်ပေါ့။ မဂွမ်းတို့ မြန်မာပြည်မှာ ဂျာနယ်တွေ အများကြီး ပဲ ရှိပါတယ်။ မဂွမ်း မကြားဖူးတဲ့ ဂျာနယ်တွေ၊ မဖတ်ဖူးတဲ့ ဂျာနယ်တွေလည်း အများကြီး ရှိပါတယ်။ မဂွမ်းနဲ့ အမြဲ ထိစပ်နေတဲ့ ဂျာနယ်တွေကတော့ ကျန်းမာရေး ဂျာနယ်တွေ များပါတယ်။ ဒီဂျာနယ်တွေက မဂွမ်းတို့ အတွက် သိပ်ကို အဖိုးတန်ပြီး လိုအပ်ပါတယ်။ အားကစား ဂျာနယ်၊ ကျန်းမာရေး ဂျာနယ်၊ အနုပညာ ဂျာနယ်၊ စာပေ ဂျာနယ် အစုံရှိတယ်။ မဂွမ်းတို့က ဗဟုသုတတွေ ကမ္ဘာ အရပ်ရပ်မှာ ဖြစ်နေတဲ့ လူမှုရေး၊ စီးပွားရေး သတင်းတွေကို ဂျာနယ်တွေ ဖတ်ပြီး သိရတာလေ။ ကမ္ဘာ့ရေးရာ ဆိုလည်း ဒီလိုပဲပေါ့။ အဲဒီလို Up to date သတင်းတွေကို ပြည်သူတွေ ကြားဆက်ပေးတဲ့ Journal ဆိုတာ အရေး ပါတာပေါ့။ မဂွမ်းတို့ အနုပညာ ရှင်တွေ အတွက်လည်း ဒီဂျာနယ်တွေက နေတစ်ဆင့် ပရိသတ်က သိခွင့်၊ ပရိသတ်နဲ့ နီးစပ် ခွင့်ရကြတာပါ။ ဥပမာ အနေနဲ့ ပြောရရင် မဂွမ်း ဆို တစ်သက်လုံး ပီကေမဝါးဘူး။ ပီကေစားရင် ပါးရိုးတွေ ကြီးတယ် ဆိုပြီးပေါ့။ ဒါပေမဲ့ ဟိုတစ် နေ့က ဂျာနယ် တစ်စောင်မှာ ဘယ်လိုရေးထားလဲ ဆိုတော့ ပီကေ စားတာက ခံတွင်းရည် မလိုက်တာကို လိုက်စေတယ်။ အစာကို ခြေဖျက်လွယ်တယ်။ အူလမ်းကြောင်းတွေကို ကောင်းစေတယ် တဲ့။ ဦးနှောက် ကို ဖွံ့ဖြိုးစေလို့ ကျက်မှတ်ရ လွယ်တယ်တဲ့။ ဒါနဲ့ အခု မဂွမ်းတစ်နေ့ကို ပီကေ တစ်ခု တော့ ဝါးဖြစ်တယ်။ ဒီလို ဗဟုသုတ ဆိုရင် မဂွမ်း က ဂျာနယ်ဖတ်ရင်း သိခွင့်ရတာလေ။ ပြည်သူတွေ ကြားထဲမှာ ဒီ ဂျာနယ်လေး တစ်စောင် ကနေ ပေးနိုင်တဲ့ ဗဟုသုတ အသိ တိုးတာ နည်းတာ မဟုတ်ဘူး။ ဒါပေမဲ့ လွဲမှားတဲ့ အယူအဆမျိုးတွေ၊ ကောလာဟလ သတင်းမျိုးတွေ ရေးထားတာမျိုးကျ တော့ မကောင်းဘူးပေါ့။ ဖတ်တဲ့သူ က တလွဲယူ သွားရင် မကောင်းတော့ဘူး။ ဒါမျိုး ရေးတာမျိုးကို တော့ မဂွမ်းက မရေးစေချင်ပါဘူး။ ကိုယ်ရေးလိုက် တဲ့ သတင်း တစ်ပုဒ်ကြောင့် သူများ ထိခိုက်သွား တာဆိုတာမျိုးက မဖြစ်သင့်ပါဘူး။ ဒီ သတင်းရေးလို့ ကိုယ်ဘာ အကျိုးရနိုင်လဲ စာဖတ်သူ ဘယ်လို အကျိုး ရသွားနိုင်လဲ။ အရေးခံရမယ့် သူမှာ ဘယ်လို အကျိုးရသွားမလဲ ဒါတွေကို ချိန်ထိုး စဉ်းစားပြီး ရေးရင်တော့ ကောင်းတာပေါ့။