ဇာတိမြေက ပန်းတစ်ပွင့်

Nine Nine Sanay @ နိုင်းနိုင်းစနေ

အိမ်အပြန်မှာ မထင်မှတ်ဘဲ ခြံဝကပိတောက်ပင်ဘေးမှာ အမေကို ကျွန်တော်တွေ့လိုက်တယ်။ အမေရဲ့အပြုံး၊ ကျွန်တော့်အပြန်ကို စောင့်မျှော်နေတဲ့ အမေရဲ့မျက်လုံးတွေက ပိတောက်ပန်းတွေလို ကျွန်တော့်အတွက်ဖူးပွင့်နေခဲ့တယ်။

ပိတောက်ပင်ဆီ ကျွန်တော်အပြေးသွားချိန် အရင်လို ပွင့်ဟနေတဲ့ပိတောက်ပန်းတွေကိုတွေ့ခဲ့ပေမယ့် ကျွန်တော့်ကိုလွမ်းနေတဲ့အမေကို မတွေ့ခဲ့ရတော့ဘူး။ ပိတောက်ပင်ဘေးမှာရပ်ရင်း အမေနဲ့ကျွန်တော်ရဲ့ရယ်မောသံကို ကျွန်တော်ပြန်ကြားယောင်ခဲ့မိတယ်။ ခုချိန်မှာတော့ အမေဟာ ကျွန်တော်ကို ပိတောက်ပင်အောက်မှာ တစ်ယောက်တည်း ချန်ထားရစ်ခဲ့တယ်။

ပိတောက်ပင်လိုပဲ အမေဟာလည်း ဘဝရဲ့လေပြေမုန်တိုင်းဒဏ်တွေကို ကြံ့ကြံ့ခိုင်ပြီး ကြီးထွားရှင်သန်ခဲ့မယ်၊ ဘယ်တော့မှ မအိုသွားနိုင်ဘူး၊ ကျွန်တော့်အတွက် ရနံ့လေးတွေ အမြဲသင်းပျံ့နိုင်ခဲ့မယ်လို့ ကျွန်တော်ထင်ခဲ့မိတယ်။ ဒါပေမယ့် အမေရဲ့ဘဝက မီးတောက်တစ်ခုလို ထည်ထည်ဝါဝါတောက်ပခဲ့ပေမယ့် အချိန်တိုတောင်းခဲ့တယ်။ အမေထုတ်လွှတ်ခဲ့တဲ့မီးတောက်တွေက တစ်ပင်လုံးပွင့်နေတဲ့ပိတောက်ပန်းလို ဖူးပွင့်ပြီးညှိုးနွမ်းရတဲ့အဖြစ်ကို ရှောင်လွဲမရခဲ့ဘူး။

ပိတောက်ပန်းဖူးပွင့်ချိန်ဟာ တစ်နှစ်ပတ်လုံးရဲ့ မျှော်လင့်ချက်အပြည့်ဆုံးအချိန်ဖြစ်တယ်။ အဲဒီအချိန်ရောက်ရင် အမေဟာ တစ်အိမ်လုံးကို သေချာသန့်ရှင်းပြင်ဆင်ပြီး သားတစ်ယောက်ရဲ့အိမ်အပြန်ကို စောင့်မျှော်နေတတ်တယ်။ ဒါပေမယ့် လေအလျင်လို သွက်သွက်လက်လက် လှုပ်ရှားနိုင်ခဲ့တဲ့ အမေဟာ မထင်မှတ်ဘဲအဖျားဝင်ခဲ့ပြီး အိပ်ရာပေါ်လဲခဲ့တယ်။ အဲဒီလဲအကျဟာ အမေ့ကို ဘယ်တော့မှ ပြန်ထမလာနိုင်စေခဲ့တော့ဘူး။

အမေဆုံးတဲ့ညမှာ ခြံဝကပိတောက်ပန်းတွေ ဝေဝေဆာဆာဖူးပွင့်နေတယ်လို့ ကျွန်တော်အိပ်မက်မက်ခဲ့တယ်။ ဒါပေမယ့် ပန်းတွေဟာ ချက်ချင်းပွင့်ပြီး ချက်ချင်းညှိုးသွားခဲ့တယ်။ အိပ်မက်ကနေ ကျွန်တော်လန့်နှိုးခဲ့တယ်။ ဒါဟာ နိမိတ်ပြတာလား ကျွန်တော်မသိခဲ့ဘူး။

မိုးလင်းချိန် အိမ်ကိုအမြန်ပြန်ခဲ့ဖို့ ဖုန်းလာတယ်။ ကျွန်တော့်စိတ်တွေ မတင်မကျဖြစ်ပြီး ညကအိပ်မက်ကို မြင်ယောင်မိပြန်တယ်။ အဲဒီအချိန်က ပိတောက်တွေ တစ်ပင်လုံးပွင့်တဲ့အချိန်ဖြစ်ပေမယ့် တစ်ပင်လုံးညှိုးနေခဲ့တယ်။ အိမ်မှာတစ်ခုခုဖြစ်မှန်း ကျွန်တော်သိလိုက်တယ်။ အိမ်အပြန်လမ်းတလျောက်လုံး ကျွန်တော်မျက်ရည်ကျခဲ့မိတယ်။

အိမ်ခြံဝအရောက်မှာ ပိတောက်တွေတစ်ပင်လုံးဖူးပွင့်နေတယ်။ ဒါပေမယ့် အရောင်တစ်ခုခုလျော့နေတယ်။ အမေ့ရနံ့ကို ကျွန်တော်မရှူရှိုက်မိခဲ့တော့ဘူး။ သားအပြန်ကိုစောင့်မျှော်နေတဲ့ အမေ့အရိပ်ကို ကျွန်တော်မတွေ့ခဲ့တော့ဘူး။ ကျွန်တော့်ကိုစောင့်ကြည့်ဖို့ ပိတောက်ပန်းတွေသာ ချန်ထားရစ်ခဲ့တယ်။ အဲဒီတခဏ အချိန်တွေကို ကျွန်တော်ပြောင်းပြန်စီးခိုင်းလိုက်ချင်မိတယ်။ သားအပြန်ကိုစောင့်နေတဲ့ အမေနေ့ရက်တွေမှာ အချိန်ကိုထာဝရ ရပ်တန့်ထားချင်ခဲ့မိတယ်။ ပိတောက်ပင်ကိုဖက်ပြီး ကျွန်တော်ငိုခဲ့မိတယ်။

အခုတော့ သားအပြန်ကို စောင့်မျှော်နေတဲ့ အမေမရှိတော့ဘူး။ ပိတောက်ပင်တစ်ပင်သာ ငြိမ်ငြိမ်သက်သက် ဖူးပွင့်နေခဲ့တယ်။ ပိတောက်ပန်းတွေရဲ့ရနံ့ကြားမှာ သားတစ်ယောက်ကို လွမ်းဆွတ်တဲ့ အမေရဲ့လွမ်းဆွတ်ခြင်းတွေ သင်းပျံ့နေခဲ့ပါတယ်။



http://www.caowu.cn/article/20091114/13318.htmlကို ဖြည့်စွက်ရေးသား ဆီလျော်အောင် ဘာသာပြန်ပါသည်။

**** ကျွန်မတို့ရွာမှာတော့ ပိတောက်ပင်မရှိဘူး။ မန်းကျည်၊ သရက်၊ ပိန္နဲပေါတယ်.. ကျွန်မတို့ မြို့ကျောင်းပိတ်လို့ ရွာပြန်တိုင်း အမေက အိမ်ရှေ့သရက်ပင်နားမှာ ထွက်ထွက်ကြိုတတ်တယ်။ အခုတော့ အမေ့ရနံ့မရှုရှိုက်မိတာ ၁၄နှစ်ရှိခဲ့ပါပြီ... သမီးတစ်ယောက်ရဲ့အိမ်အပြန်လမ်းမှာ အမေစောင့်ကြိုမနေခဲ့တာ ၁၄နှစ်ရှိခဲ့ပါပြီ... ဒါကြောင့် အိမ် သိပ်မပြန်ချင်ခဲ့တော့ဘူး.. နေရာတကာ လေလွင့်ရင်းနဲ့ပဲ အမေ့ကို လွမ်းနေခဲ့ပါတယ်..

နိုင်းနိုင်းစနေ (Wednesday, January 19, 2011)