သားသားမီးမီးတို့အတွက် ကာကွယ်ဆေး

Latest Yangonhealthguide with Nyunt Nyunt Than and 51 others

 

သားသားမီးမီးတို့အတွက် ကာကွယ်ဆေး
ဒေါက်တာဦးမျိုးမင်းဂေါင် (ကလေးအထူးကု)

ဤကမ္ဘာပေါ်တွင် မှီတင်းနေထိုင်ကြသော သက်ရှိသတ္တ၀ါများတွင် အစဉ်အမြဲ ဥမကွဲ သိုက်မပျက် နေထိုင်ကြရန် အလို အပ်ဆုံးအရာကို တင်ပြရလျှင် မေတ္တာတရားတည်းဟူသော တရားသာလျှင် မျှော်လင့်အားထားစရာ ဖြစ်ပေလိမ့်မည်။ ထို မေတ္တာတရားတို့တွင်လည်း လောဘ၊ ဒေါသ၊ တဏှာ မပါသော ၅၂၈ မေတ္တာသာလျှင် ရေ ရှည်တည်တံ့ခိုင်မြဲခြင်းဆိုသော နှောင်ဖွဲ့မှုကို ပေးစွမ်းနိုင် သည်ကို သမိုင်းအစဉ်အလာပုံ သာဓက၀တ္ထုများ များစွာ သက်သေပြခဲ့ကြပြီး၊ ကြဆဲလည်း ဖြစ်ပေလိမ့်မည်။
ထိုမေတ္တာတရားတို့တွင် မိဘတို့က မိမိ၏သားသမီး အပေါ်ထားသော မေတ္တာစိတ်သည်ကား မြင့်မိုရ်တောင်မက ထုထည်ကြီးမားရကား တုံ့လှည့်ကျေးဇူးမမျှော်ကိုးဘဲ ကိုယ်ကျိုးစွန့်ကာ မိမိ၏ရင်သွေးသားသမီးတို့အပေါ် အလုံးစုံချမ်းသာစေရေး ပေးဆပ်ခဲ့ကြသည်မှာ လူမျိုး၊ ဘာသာ၊ ယဉ်ကျေးမှု မည်မျှကွဲပြားစေကာမူ အတူတူချည်းသာ ဖြစ်လေသည်။ မိမိတို့၏ သားသမီးများ ကျန်းကျန်းမာမာ ချမ်းချမ်း သာသာနေရေးမှာ မိဘတိုင်း၊ မိဘတိုင်းက နေ့စဉ်နှင့်အမျှ စိုးရိမ်ပူပန် စောင့်ရှောက်ပေးရသော ၀တ္တရားဖြစ်ပေရာ မိမိတို့သားသမီးများ ရောဂါဖြစ်ပွားလာမှ ဆေးကုသကြခြင်းထက် ရောဂါမဖြစ်ပွားမီ ကြိုတင်ကာကွယ်ခြင်းကသာလျှင် ပို၍ကောင်းမွန်သော ကျန်းမာရေးစောင့်ရှောက်မှုဖြစ်သည်။ ၁၉ ရာစုခေတ်က Lewis Pauster ဆိုသည့် သိပ္ပံပညာရှင်မှတစ်ဆင့် ပေါက်ဖွားလာခဲ့သော Vaccines ဟုခေါ်သော ကာကွယ်ဆေးများကြောင့် လူသန်းပေါင်းများစွာ ရောဂါများ ဖြစ်ပွားခြင်းဘေး၊ သေဆုံးခြင်းဘေးတို့မှ ကင်းဝေးကာ ပိုမိုကောင်းမွန်သော မိသားစုဘ၀၊ တိုင်းပြည်၊ နိုင်ငံများ ထူထောင်နိုင်ခဲ့ကြလေပြီ။ ထို့အတွက်ကြောင့် မိမိ၏သားသမီးများ ဒေါင်ဒေါင်မြည်ကျန်းမာရေးကောင်း၍ ရောဂါဘယများကင်းဝေးပြီး ထူးချွန်သော ဉာဏ်ရည်ထက်မြက်သော လူသားဘ၀များ ထူထောင်နိုင်ကြစေရန်အတွက် သားသားမီးမီးတို့အတွက် ခေတ်အခါနှင့်လိုက်လျောညီစွာ ထိုးသင့်ထိုးထိုက်သော ကာကွယ်ဆေးများကို မိဘချင်းကိုယ်ချင်းစာနာ၍ ထိုးနှံပေးနိုင်ကြစေရန် ရေးသားတင်ပြအပ်ပါသည်။ မိမိတို့၏မေတ္တာတရားကို ကာကွယ်ဆေးများ အချိန်မီထိုးနှံပေးခြင်းဖြင့် အကောင်းဆုံးပေးဆပ်နိုင်သော မိဘများဖြစ်နိုင်ကြပါစေဟု ဆုမွန်ကောင်းတောင်းရန် ထိုးနှံတိုက်ကျွေးသင့်သော ကာကွယ်ဆေးများကို တစ်ခုချင်းစီအလိုက်သော် လည်းကောင်း၊ အချိန်ဇယားနှင့်သော်လည်းကောင်း ဖော်ပြအပ်ပါသည်။

BCG (Bacille- Calmittle) Vaccine - တီဘီရောဂါ ကာကွယ်ဆေး
ဤတီဘီရောဂါကာကွယ်ဆေးသည် တီဘီရောဂါဖြစ်ပွားမှုနှုန်းများသော ဖွံ့ဖြိုးမှုနိမ့်ကျသည့် တိုင်း ပြည်များတွင် မွေးကင်းစကတည်းက စတင်ထိုးနှံပေးသင့်သည်ဟု WHO ကမ္ဘာ့ကျန်းမာရေးအဖွဲ့ကြီးက တိုက်တွန်းထားပြီး UCI (Universal Children Immunization) ပရိုဂရမ်နှင့် EPI (Extended Program of Immunization) ပရိုဂရမ်စီမံချက်များအရ မြန်မာနိုင်ငံရှိ ကလေးသူငယ်တိုင်းအားလုံး မွေးကင်းစမှ ပထမ ၁ လခွဲ အသက်အရွယ်အတွင်း တစ်ကြိမ်ထိုးနှံပေးသင့်ပေသည်။

Hepatitis B Vaccine - အသည်းရောင်အသားဝါဘီ ကာကွယ်ဆေး
ကမ္ဘာပေါ်တွင် အသည်းရောင်အသားဝါဘီပိုးကြောင့် အသည်းကင်ဆာဖြစ်ပွားမှုနှုန်း ကြောက်ခမန်း လိလိ တိုးများလာခဲ့ရာ ဤအသည်းရောင်အသားဝါဘီ ကာကွယ်ဆေးသည် ဘီပိုးကြောင့် ဖြစ်ပွားမည့် အသည်းကင်ဆာကို ကာကွယ်မှုပေးစွမ်းနိုင်သဖြင့် မိမိတို့၏ရင်သွေးငယ်များကို မွေးကင်းစ၌တစ်ကြိမ်၊ ၁ လ၌ တစ်ကြိမ်၊ ၆ လ၌တစ်ကြိမ် ထိုးနှံပေးပြီး ယင်းနောက်ပိုင်း ၅ နှစ်ခြား အချိန်တိုင်း တစ်ကြိမ်စီထိုးခြင်း အားဖြင့် ယခုကုရာနတ်္ထိဆေးမရှိ ကင်ဆာဆိုလျှင် သေရမည်ဟူသော ရောဂါဆိုးကြီးကို ကာကွယ်နိုင်ပြီဖြစ် ကြောင်း သတင်းကောင်းပါးလိုက်ရပါသည်။

Rota Virus Vaccine - ၀မ်းလျှောဝမ်းပျက်ရောဂါ ကာကွယ်ဆေး
ဤ၀မ်းပျက်ဝမ်းလျှောရောဂါကာကွယ်ဆေးမှာ မထိုးမဖြစ် ထိုးရမည့်ဆေးအမျိုးအစားထဲ တွင် မပါသော်လည်း ထိုးနှံတိုက်ကျွေးပေးထားမည်ဆိုပါက မိမိတို့ကလေး ၀မ်းပျက်စေခြင်းမှ လည်းကောင်း၊ ၀မ်းပျက်သောအသက်ဆုံးရှုံးမှုဖြစ်လောက်အောင် မပြင်းထန်စေခြင်းဖြင့်လည်းကောင်း ကာကွယ်မှုပေးနိုင် သဖြင့် ငွေကြေးတတ်နိုင်သူ မိဘများအနေနှင့် ကြိုတင်တိုက်ကျွေးထားပါက သင့်လျော်သည့် ကာကွယ်ဆေးတစ်မျိုး ဖြစ်ပေသည်။ အသက် ၂ လခွဲတွင် တစ်ကြိမ်၊ ၃ လခွဲတွင်တစ်ကြိမ် ပါးစပ်မှ အစက်ချတိုက်ကျွေးထားနိုင်သည်။ ထိုးနှံရမည့် ဆေးအမျိုးအစားမဟုတ်ပါ။

Diptheria, Tetanus, Pertussis - ဆုံဆို့၊ မေးခိုင်၊ ကြက်ညှာချောင်းဆိုး ကာကွယ်ဆေး
ဤဆုံဆို့၊ မေးခိုင်၊ ကြက်ညှာ (သို့) ရက်တစ်ရာ ချောင်းဆိုးရောဂါ ကာကွယ်ဆေးမှာ UCI / EPI စီမံချက်များတွင်ပါဝင်ပြီး မဖြစ်မနေရင်သွေးငယ်များ ၁ လခွဲ၊ ၂ လခွဲ၊ ၃ လခွဲ အချိန်များတွင် ၁ လခြား ၃ ကြိမ် ထိုးနှံခြင်းဖြင့် ဖော်ပြပါရောဂါများကို ကာကွယ်နိုင်ပေသည်။ ထို့အပြင် ၁၈ လအရွယ်တွင် တစ်ကြိမ်၊ ၄ နှစ်နှင့် ၆ နှစ် အကြားတွင် ၁ ကြိမ် ထပ်ဆောင်း ထိုးနှံစေခြင်းဖြင့် ရောဂါကာကွယ်မှုအရှိန်ကို မြှင့်တင်ပေးသင့်သည်။

Haemophilas Inpluenzae Type B (Hib) and Pneumococcal Conjugate Vaccine (Pcv) - အဆုတ်ရောင်၊ ဦးနှောက်အမြှေးပါးရောင် ကာကွယ်ဆေး အဆုတ်ပွနမိုးနီးယား
ဤနမိုးနီးယားခေါ် အဆုတ်ကြွက်သားရောင်နှင့် ဦးနှောက်အမြှေးပါးရောင် ရောဂါကာကွယ်ဆေး ၂ မျိုးသည် ဖွံ့ဖြိုးပြီးနိုင်ငံများတွင် ကလေးသူငယ်များ သေဆုံးမှုကို လျှော့ချပေးနိုင်သည့် ကာကွယ်ဆေး ၂ ခုအဖြစ် သက်သေထူခဲ့ပြီးဖြစ်သည်။ ဖွံ့ဖြိုးဆဲနိုင်ငံများတွင်သာ ဤကာကွယ်ဆေး ၂ မျိုး၏ တန်ဖိုးကြီးမြှင့်မှုကြောင့် ထိုးနှံပေးသင့်သော ကာကွယ်ဆေး ဖြစ်ပါလျက်နှင့် မထိုးပေးနိုင်ကြသော ဆေးဖြစ်ခဲ့ပြီး ဖွံ့ဖြိုးဆဲနိုင်ငံများ၏ ကလေးများ သေဆုံးမှု မြင့်မားနေခြင်း၏ အခြေခံအကြောင်းရင်းလည်း ဖြစ်စေခဲ့သည်။ ယခုအခါ နိုင်ငံတော်မှ ထိုးပေးနေသော ငါးမျိုးစပ် Pentavalent ကာကွယ်ဆေးတွင် Haemophilas ကာကွယ်ဆေး ပါဝင်လာသော်လည်း Pneumococcus ကာကွယ်ဆေးမှာတော့ အလှမ်းဝေးနေဆဲ ဖြစ်သည်။ Hib ကာကွယ်ဆေးကို ၁ လခွဲ၊ ၂ လခွဲ၊ ၃ လခွဲတို့တွင် တစ်လခြား သုံးခါထိုးစေပြီး ၁၈ လနှင့် ၄ နှစ်မှ ၆ နှစ် ကြားတွင် တစ်ကြိမ်စီ ထပ်ထိုးစေသင့်သည်။ ထို့အတူ Pcv Pnemococcal Vaccine ကိုလည်း ၂ လခွဲ၊ ၃ လခွဲနှင့် ၆ လတို့တွင် တစ်ကြိမ်စီ ထိုးပြီးနောက် ၁၂ လကျော်လျှင် နောက်ထပ်တစ်ကြိမ် ထပ်မံထိုးအပ်ပေသည်။

Poliomylitis (OPV/ IPV) Vaccine - ပိုလီယိုအကြောသေ ကာကွယ်ဆေး
ဤပိုလီယို ကာကွယ်ဆေးသည် တိုက်ကျွေးရ သောဆေး (OPV) နှင့် ထိုးနှံရသောဆေး (IPV) ဟူ၍ ၂ မျိုးရှိပေရာ ပိုလီယိုအကြောသေရောဂါကို ကာကွယ် ပေး နိုင်သဖြင့် ၁ လခွဲ၊ ၂ လခွဲ၊ ၃ လခွဲတွင် တစ်ကြိမ်စီ တိုက်ကျွေးပြီး ၁၈ လအရွယ်တွင် နောက်တစ်ကြိမ် တိုက်ကျွေးထားသင့်သည်။

Measles Vaccine/ Mump- Measles- Rubella MMR Vaccine - ၀က်သက်ကာကွယ်ဆေး / ပါးချိပ်ရောင်-၀က်သက်-ဂျိုက်သိုး ဥမျိုးစပ် ကာကွယ်ဆေး
ဤ၀က်သက်ကာကွယ်ဆေးကို ထိုးနှံမည်ဆိုပါက ၉ လတွင် တစ်ကြိမ်၊ ၁၈ လတွင် တစ်ကြိမ် နှစ်ကြိမ် ထိုးနှံပေးရမည်။ UCI/ EPI စီမံချက်များတွင်ပါဝင်ပြီး ဖြစ်သည်။ သို့သော MMR မျိုးစပ်ဆေးကို ထိုးလိုပါက ၁၂ လ နှင့် ၁၈ လကြား တွင် တစ်ကြိမ်၊ ၄ နှစ်နှင့် ၆ နှစ်ကြားတွင် တစ်ကြိမ်ထိုးနှံခြင်းဖြင့် ရောဂါဥမျိုးလုံးကို ကာကွယ်ပေးနိုင်သည်။ MMR သည် UCI/ EPI ထဲတွင် မပါဝင်ပေ။ ထို့အတူ တတ်နိုင်မည်ဆိုပါက ထိုအချိန်တွင် MMR နှင့်အတူ Varicellaခေါ် ရေကျောက်ရောဂါ ကာကွယ်ဆေးကိုလည်း မိမိအစီအစဉ်ဖြင့် ထိုးနှံပေးနိုင်သေးသည်။ ထို့အပြင် အသည်းရောင်အသားဝါ အေ ကာကွယ်ဆေး Hep A ကိုလည်း ထိုးပေးနိုင်ပါသေးသည်ဟု အကြံပေးအပ်ပါသည်။ Optional ဟု ခေါ်ဆိုရပါမည်။ မိမိအစီအစဉ်ဖြင့် ထိုးနှံရမည့် ကာကွယ်ဆေးများ ဖြစ်ပါသည်။

Typhoid Vaccine - အူယောင်ငန်းဖျား ကာကွယ်ဆေး
နောက်ဆုံး အဆုံးသတ်အနေဖြင့် မိမိအစီအစဉ်ဖြင့် ထိုးနှံသင့်သည့် ကာကွယ်ဆေးများထဲတွင် အူယောင်ငန်းဖျား ကာကွယ်ဆေးကို လည်း အသက် ၂ နှစ်တွင် တစ်ကြိမ်၊ ၄ နှစ်နှင့် ၆ နှစ်ကြားထဲတွင် နောက်တစ်ကြိမ် ထိုးနှံပေးသင့်ကြောင်း မိဘချင်းကိုယ်ချင်းစာနာ၍ တိုက်တွန်းအကြံပေးအပ်ပါသည်။

Yangon Health Guide 2013 တွင် ပါဝင်သော"သားသားမီးမီးတို့အတွက် ကာကွယ်ဆေး"ဆောင်းပါးဖြစ်ပါသည်။ Yangon Health Guide 2013 တွင်ပါဝင်သော ဖတ်ရှုစရာများအား Yangon Health Guide Fan Page အနေဖြင့် တင်ပေးသွားမည်ဖြစ်ပါသည်။ အဆင်ပြေပြေဖတ်ရှုနိုင်စေရန်အတွက် Yangon Health Guide Fan Page ဖြစ်သော အောက်ပါ Link ကို ၀င်ရောက်ကာ Like လုပ်ပေးပါရန် ပရိသတ်များအား လေးစားစွာဖြင့် ပန်ကြားအပ်ပါသည်။

http://www.facebook.com/pages/Yangon-Health-Guide/469629213107754