"ထူးအိမ်သင်ရဲ့အမေ့အိမ်" မောင်သာချို

 လမင်း လွန် အံ့

"ထူးအိမ်သင်ရဲ့အမေ့အိမ်"
မောင်သာချို
(တစ်)
သေခြင်းတရားသည် လူသားတိုင်းနှင့်မကင်းသလို အမေ့အိမ်ကနေ ခဏ သို့မဟုတ် ထာဝရ ခွဲခွါသွားပြီးနောက် အမေ့အိမ်ကိုပြန်လွမ်းမိသည့်အိမ်လွမ်းဝေဒနာသည်လည်းဘယ်သူနှင့်မှမကင်းနိုင်သည့်ဝေဒနာတစ်မျိုးဟုထင်မိပါသည်။အင်္ဂလိပ်ဘာသာစကား၌ Home Sick ဆိုသည့်စကားက နှလုံးသားကိုတော်တော်ထိခိုက်နာကျင်စေသော စကားဖြစ်ပါသည်။
အကြောင်းအမျိုးမျိုးကြောင့် ကျွန်တော်တို့အမေ့အိမ်ကို စွန့်ခွာဖူးကြပါသည်။ပညာ သို့မဟုတ် အချစ် သို့မဟုတ် ယုံကြည်ချက် သို့မဟုတ် ပိုက်ဆံ သို့မဟုတ် မိုက်မဲမှုတစ်ခုခုအတွက်။သို့သော် တစ်ချိန်ချိန်မှာအမေ့အိမ်က်ု ကျွန်တော်တို့တမ်းတတတ်မြဲ။ပူနွေးသည့်အရသာတစ်မျိုးကို အမေ့အိမ်ကသာကျွန်တော်တို့ရတတ်စမြဲ။

(နှစ်)
ဂရိဒဿနပညာရှင်ကြီး အရစ္စတိုတယ်၏ကမ္ဘာကျော်စကားတစ်ခွန်းရှိပါသည်။
East or West
Home is the best.
အရှေ့ကမ္ဘာပဲဖြစ်ဖြစ် အနောက်ကမ္ဘာပဲဖြစ်ဖြစ် ကိုယ့်အိမ်သာအကောင်းဆုံး။
အော်...အမေရှိရာအိမ်။
အမေ့အိမ်ကိုလွမ်းသည့်ဝေဒနာကလူတိုင်း၏ရင်မှာ သန္ဓေတည်တတ်မြဲဖြစ်ပါသည်။တရုတ်စာရေးဆရာကြီးလူရွှန်း၏ အိမ်အပြန်စာတမ်းကို ကျွန်တော်ဖတ်ဖူးပါသည်။စာရေးဆရာကြီးသိန်းဖေမြင့်၏ဘုတလင်ရှိအမေ့အိမ်သို့အပြန်အလွမ်းမော်ကွန်းဖြစ်သည့် အညာပြန်စာအုပ်လေးကိုလည်း ကျွန်တော်ပိုင်ဆိုင်ခဲ့ဖူးပါသည်။ဆရာမြသန်းတင့်ကတော့ မြိုင်ရှိအမေ့အိမ်သို့အပြန် အလွမ်းကို တမာနုချိန်စစ်တမ်းထဲမှာ သွန်ချထားခဲ့ဖူးပါသည်။'ဖာတစ်တန် အထုပ်တစ်ဖက်ထမ်းပါလို့ အညာပြန်ရုတ်တရက်မလှမ်းနိုင်ဘု နှုတ်ဆက်စမ်းချင်လို့လာခဲ့တယ်'ဟူသည့် ဆရာကြီးသခင်ကိုယ်တော်မှိုင်း၏မဟာလေးချိုးကြီးကိုဖတ်လိုက်ရသည့်အခါတွင်ကား အညာသားတစ်ယောက်၏အိမ်လွမ်းဝေဒနာက ကျွန်တော့်ဆီကိုကူးစက်လာပါသည်။
ကမ္ဘာကျော်ခံတပ်ကြီးတွေထက် ပိုမိုစိတ်ချလုံခြုံသော အမေရှိရာအိမ်ကလေးဆီသို့ကျွန်တော်သွားချင်လိုက်တာ။
(သုံး)
အမေ့အိမ်ကိုလွမ်းသည့်ဝေဒနာကိုဖွဲ့သည့်တေးကဗျာတို့ ကျွန်တော်တို့လောကမှာအများအပြားရှိပါသည်။ခေတ်ဟောင်း ခေတ်သစ် သံစဉ်အမျိုးမျိုး။သို့သော် ကျွန်တော်တို့ခေတ်၏ Hit အဖြစ်ဆုံးသီချင်းတစ်ပုဒ်ကား အဆိုတော်ထူးအိမ်သင်၏အမေ့အိမ်သီချင်းပဲဖြစ်ပါသည်။
အမေ့အိမ်
လောကရဲ့လမ်းများအပေါ်လျှောက်သွားရင်းနဲ့မောပန်းနွမ်းနယ်
နှလုံးသားကလွမ်းဆွတ်လို့ တမ်းတမိခဲ့အမေ့ရဲ့အိမ်ကို
အေးမြတဲ့ အမေ့ရဲ့မေတ္တာရိပ်နဲ့ဝေးခဲ့သူမို့
တစ်ခါတစ်လေ ပြန်လည်တွေး
ရင်မှာ ပိုကြေကွဲ။
ခြောက်သွေ့တဲ့ အိပ်မက်ရှည်တွေကြားထဲမှာ အရိပ်တစ်ခုလွင့်ပြယ်
ရက်စက်တဲ့ နေ့ရက်များတိုက်ခိုက်ကြလို့ အားနည်းနေပြီဆို
တင်းထားတဲ့စိတ်ဓာတ်များ ပြိုလဲသွားမလားစိုးရိမ်လို့..
ရင်မှာ ဒဏ်ရာများနဲ့ နာကျင်နေပြီပဲ။
အိမ်ပြန်ချင်တယ်...ဟူး
အငြိမ်းချမ်းဆုံး အမေ့အိမ်
အိမ်ပြန်ချင်တယ်...ဟူး
အနွေးထွေးဆုံးအမေ့အိမ်
အိပ်မရတဲ့ ည များစွာထဲ...အို
ရထားဥသြသံလေးများကြားရင် အိပ်ပြန်ချင်တဲ့စိတ်က တားမရဘူး။
မွန်းကျပ်တဲ့ မြို့ပြလူနေမှုစနစ်မှာ စီးမျှောရင်းနဲ့ပဲ
မပြီးသေးတဲ့ ခရီးတစ်ခု အဆုံးထိရောက်ဖို့ ကြိုးစားနေသူမှာ
ရိုးသားတဲ့ ကျေးလက်က အမေ့အိမ်ကလေးအကြောင်း တွေးမိနေလို့...
မြင်ယောင်ကာ အိပ်မက်
ကျွန်တော် အလိုလို ငိုချင်တယ်။
အိမ်ပြန်ချင်တယ်...ဟူး
အငြိမ်းချမ်းဆုံး အမေ့အိမ်
အိမ်ပြန်ချင်တယ်...ဟူး
အနွေးထွေးဆုံး အမေ့အိမ်
အိပ်မရတဲ့ ညများစွာထဲ...အို
ရထားဥသြသံလေးများကြားရင် အိမ်ပြန်ချင်တဲ့ စိတ်က တားမရဘူး။
အားလုံးထက် နွေးထွေးလုံခြုံတဲ့နေရာဟာ အမေ့အိမ်ပဲလို့ သိလိုက်ရတဲ့ အချိန်ကျတော့
ကျွန်တော်က ဟိုး...အဝေးကြီးမှာ ရောက်ရှိနေခဲ့ပြီလေ။
(အိမ်ပြန်ချင်တယ်...ဟူး
. . . . . . .တားမရဘူး)
လူများစုနှင့်အကျွမ်းတဝင်ရှိပြီးသားဖြစ်သော အမေ့အိမ်သီချင်းပဲဖြစ်ပါသည်။အမေ့အိမ်တံစက်မြိတ်ကိုလွန်သည်နှင့် လောက က ခက်ထန်ပါသည်။နေ့များ ရက်များက ရက်ရက်စက်စက်တိုက်ခိုက်ကြစမြဲ။မြို့ပြလူမှုဆက်ဆံရေးက ရှုပ်ပွငြိစွန်းမွန်းကျပ်စေတတ်မြဲ။နဖူးပြင်ကို လက်ဝါးလေးနဲ့လာစမ်းဖို့စိတ်ကူးမရှိသည့် လောကမီးလျှံတညီးညီးထဲမှာ စိတ်ဓာတ်တို့ပြိုလဲမသွားအောင် အားတင်းထားရမြဲ။မကြာမကြာ အမေ့အိမ်ကိုပြန်ပြေးနားခိုဖို့ အတွေးဝင်မိသောသားတစ်ယောက်၏အိမ်လွမ်းဝေဒနာကို ဖွဲ့ထားသောသီချင်းပဲဖြစ်ပါသည်။
ကမ္ဘာတည်သမျှ အမေ့အိမ်ကလေးတို့ရှိကြမြဲ။
ယင်းနှင့်အတူ အမေ့အိမ်ကိုကျောခိုင်းထားခဲ့ရ နောက်တော့ တ,သ ကြေကွဲရသည့်အဖြစ်တို့ကလည်း ရှိကြမြဲ။
သြော်...ကျွန်တော့်မှာကတော့ အမေသာမက ပြန်စရာ အမေ့အိမ်ပါ မရှိပါလေတော့။
မောင်သာချို
(ကြိုးကြာငှက်များနှင့်ဗုံသံများ)