“ပင်လုံစာချုပ်မှပေးသော သမိုင်းသင်ခန်းစာ”

 

မြန်မာ့သတင်းထူးသတင်းဦးများ

 

“ပင်လုံစာချုပ်မှပေးသော သမိုင်းသင်ခန်းစာ”
------ ------ ------ ------ ------
ဧပြီ ၂၇ ရက်နေ့က နေပြည်တော်ရှိ Horizon Lake View ဟိုတယ် အစည်းအဝေးခန်းမ၌ ဒေါ်အောင်ဆန်းစုကြည်က ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (UJMC) အဖွဲ့ဝင်များနှင့် ပထမဦးဆုံးအကြိမ် တွေ့ဆုံဆွေးနွေးခဲ့သည်။ ဆွေးနွေးပွဲ၌ ဒေါ်အောင်ဆန်းစုကြည်က ၂၁ ရာစု ပင်လုံညီလာခံကို နှစ်လအတွင်း စတင်မည်ဟု ပြောကြားခဲ့သည်။ အမှန်အားဖြင့် ဒေါ်အောင်ဆန်းစုကြည်သည် သူမနေအိမ်အကျယ်ချုပ် ချထားခံရသည့် ကာလများကတည်းက ဒုတိယပင်လုံညီလာခံပြုလုပ်ရန်လိုအပ်ကြောင်း ပြောထားခဲ့သည်။ ၂၀၁၀ နိုဝင်ဘာ နေအိမ် အကျယ်ချုပ်မှပြန်လွတ်လာစဉ်ကလည်း ''အမျိုးသားရင်ကြားစေ့ရေးအတွက် ၂၁ ရာစုနဲ့ကိုက်ညီတဲ့ ဒုတိယပင်လုံညီလာခံ ကျင်းပဖို့ လိုအပ်တယ်''ဟု ဒေါ်အောင်ဆန်းစုကြည်က ပြောခဲ့သည်။ ယခု ၂၁ ရာစု ပင်လုံညီလာခံဖြစ်မြောက်ရေးကြိုးပမ်းမှု၌ အရေးပါသောအချက် ၃ ချက်ကို အောက်ပါအတိုင်း တွေ့ရသည်။

၁ - ကိုယ်စားပြုမှု၊
၂ - (အင်အားစု အားလုံး၏) အားပေးထောက်ခံမှုနှင့် ပူးပေါင်းပါဝင်မှု၊
၃-ဖွဲ့စည်းပုံအခြေခံ ဥပဒေ ပြင်ဆင်ရေးတို့ဖြစ်သည်။

၁၉၄၇ ခုနှစ် မြန်မာနိုင်ငံလွတ် လပ်ရေးမရမီက ဗိုလ်ချုပ်အောင်ဆန်း ဦးဆောင်၍ ကျင်းပခဲ့သော ပင်လုံညီလာခံ တွင် ဗမာ၊ ချင်း၊ ကချင်နှင့် ရှမ်းဟူသော တိုင်းရင်းသားအုပ်စုလေးခုသာ ပါဝင်ခဲ့သည်။ ထိုနည်းတူ ယမန်နှစ်က လက်မှတ် ရေးထိုးခဲ့သော ပစ်ခတ်တိုက်ခိုက်မှု ရပ်စဲရေး (NCA) သဘောတူစာချုပ်မှာလည်း အဖွဲ့ရှစ်ဖွဲ့ပါဝင်သည်ဟုဆိုသော်လည်း လူမျိုးစုအားဖြင့် ဗမာ၊ ချင်း၊ ကချင်၊ ရှမ်း လေးမျိုးသာ ဖြစ်သည်။ ကရင်ဘက်မှ ကေအင်န်ယူ၊ ဒီကေဘီအေနှင့် ကရင်ငြိမ်း ချမ်းရေးကောင်စီ (KCP) ဟူ၍ သုံးဖွဲ့ပါဝင်သည်။ ထို့ကြောင့် ပင်လုံညီလာခံကျင်းပမည်ဆိုပါက NCA တွင် မပါဝင်သော သို့မဟုတ် ပါဝင်ခွင့်မရသော လက်နက်ကိုင် အင်အားစု ၂၀ ကျော်စလုံးမှ ကိုယ်စားလှယ်များတက်ရောက်ခွင့်ရရန် လိုအပ်သည်။ ထို့ပြင် အနည်းဆုံးညီလာခံ၏ ကနဦးကာလ၌ မည်သည့်တိုင်းရင်းသား အဖွဲ့ကိုမှ အခွင့်ထူးမပေးဘဲ ကိုယ်စားလှယ်များ အကြား တန်းတူညီမျှကိုယ်စားပြုမှုကို အာမခံပေးရန် လိုအပ်သည်။

ဒုတိယအနေဖြင့် (အင်အားစု အားလုံး၏) အားပေးထောက်ခံမှုနှင့် ပူးပေါင်းပါဝင်မှုဟုဆိုရာတွင် တပ်မတော်၊ တိုင်းရင်းသားပါတီများ၊ အခြားနိုင်ငံရေး ပါတီများနှင့် အတိုက်အခံအင်အားစုများ၏ ထောက်ခံမှုနှင့် ပူးပေါင်း ဆောင်ရွက်မှုကို ဆိုလိုသည်။ ၁၉၄၇ ပင်လုံညီလာခံတွင် တိုင်းရင်းသားအားလုံး၏ တန်းတူညီမျှ အကျိုး ခံစားခွင့်ကို ဗိုလ်ချုပ်အောင်ဆန်းက အာမခံခဲ့သည်။ ဗမာမဟုတ်သော တိုင်းရင်းသားလူမျိုးစုများအတွက် တန်းတူအခွင့်အရေးကို ဗြိတိသျှအစိုးရကပင် သံသယရှိခဲ့သည်။ ထိုသံသယများကိုဖယ်ရှားရန် ဗိုလ်ချုပ်အောင်ဆန်းက ဗမာတကျပ်ရလျှင် တိုင်းရင်းသားများလည်းတကျပ် ရစေရမည်ဟု ပြောခဲ့သည်။

တတိယအချက်အနေဖြင့် ညီလာခံ တွင် ဖွဲ့စည်းပုံအခြေခံဥပဒေပြင်ဆင်ရေး (သို့)ဖက်ဒရယ်မူအရ တိုင်းရင်းသားများ၏ တန်းတူအခွင့်အရေးကို အာမခံသည့် ခြေ/ဥအသစ်ရေးဆွဲရေးကို အဓိကထား ဆွေးနွေးသင့်သည်။ ၁၉၄၇ ပင်လုံစာချုပ် ၏ အဓိကမူမှာ ပြည်နယ်နှင့် တောင်တန်းဒေသများကို ကိုယ်ပိုင်အုပ်ချုပ်ခွင့်ပေးခဲ့ခြင်းဖြစ်သည်ကို မမေ့သင့်ပေ။ ၁၀ နှစ်ကြာပြီးနောက် ပြည်မမှ ခွဲထွက်လိုပါက ခွဲထွက်ခွင့်ကိုပင် ဖွဲ့စည်းပုံ အခြေခံဥပဒေဖြင့် အာမခံချက်ပေးခဲ့သည်။ သို့သော်လည်း ဗိုလ်ချုပ်အောင်ဆန်း လုပ်ကြံခံရပြီးနောက် ပြည်နယ်နှင့် တောင်တန်းနေ ပြည်သူများ၏ မျှော်လင့်ချက်များ ပျက်စီးသွားခဲ့ရသည်။ နောက်ပိုင်း မြန်မာ့ တပ်မတော်က ပြည်နယ်နှင့်တောင်တန်း ဒေသများ၏ ကိုယ်ပိုင်အုပ်ချုပ်ခွင့်ကို ဆန့် ကျင်တားမြစ်ခဲ့သည်။ ဗိုလ်ချုပ်အောင်ဆန်း ဖွဲ့စည်းပေးခဲ့သော တပ်မတော်က ပြည်နယ်နှင့် တောင်တန်း ဒေသများ၏ ကိုယ်ပိုင်အုပ်ချုပ်ခွင့်ကို ပြည်ထောင်စုပြိုကွဲခြင်းဟု မှတ်ယူသည်။ တပ်မတော်သည် ဖွဲ့စည်းပုံ အခြေခံဥပဒေကို လေးစားလိုက်နာမည့်အစား ၁၉၆၂ တွင် တိုင်းပြည်၏ အာဏာကိုပင် သိမ်းယူခဲ့သည်။

ယခုမူ ၂၁ ရာစုပင်လုံညီလာခံကို ဒေါ်အောင်ဆန်းစုကြည်က ဦးဆောင်ကျင်းပမည်ဟုဆိုသောအခါ မူလပင်လုံ ညီလာခံ၏ လိုအပ်ချက်များကို ဖြည့်ဆည်းပေးနိုင်မည်ဆိုသော မျှော်လင့်ချက်များ မြင့်တက်နေသည်။ တချိန်တည်းမှာပင် အရေးကြီးသော နိုင်ငံရေးအင်အားစုများနှင့် တပ်မတော်၏ ပူးပေါင်းဆောင်ရွက်မှု မပါဘဲ မအောင်မြင်နိုင်ဆိုသောသတိပေးချက်များလည်း ထွက်ပေါ်လာသည်။ မည်သို့ပင်ဆိုစေ ရာစုနှစ်ဝက်နီးပါး မျှော်လင့်ချက်မဲ့နေသော အခြေအနေမှ ပြည်ထောင်စု မြန်မာနိုင်ငံတော်တွင် တည်ငြိမ်အေးချမ်းရေး မျှော်လင့်ချက် ရောင်ခြည်များထွက်ပေါ်လာခြင်းအပေါ် နိုင်ငံတကာအသိုင်းအ၀ိုင်းကလည်း အားပေးကူညီ သင့်လှသည်။

အော်စကာ
(Ref;Learning from the history of the Panglong conference : Bangkok Post)