”အမေ့ကို အပယ်တံခါးပိတ်သွားအောင် ကျွန်တော်တို့ ညီအစ်ကိုတွေ သင်္ကန်းစည်းချင်သေးတယ်”ဟု ဆိုလာသူကတော့ အသက် (၁၈) နှစ်အရွယ်ပဲ ရှိသေးတဲ့ လက်ဖက်ရောင်းသူလေး မောင်ရဲရင့်ပဲ ဖြစ်ပါသည်။ မောင်ရဲရင့်ဟာဆိုရင် အသက် (၉ နှစ်)အရွယ်ကတည်းက ကျောင်းတက်ရင်း ဘီယာဆိုင်တွေရှိရာဆီမှာ လက်ဖက်၊ ပြောင်းဖူး၊ မြေပဲ၊ ငါးနီတူစတဲ့ စားစရာများ ရောင်းချလာခဲ့ခြင်းဖြစ်ပြီး အခု (၁၈ နှစ်)ဆိုတော့ ဘ၀ရဲ့ တ၀က်တိတိ ဒီအလုပ်ပေါ်မှာ မှီတည်ရှင်သန်ခဲ့ရသူ ဖြစ်ပါသည်။
”ကျွန်တော် လက်ဖက်စရောင်းတုန်းက လခစားပါ။ အခုလို ကိုယ်ပိုင်ရောင်းတာ သုံးနှစ်လောက်ပဲ ရှိပါသေး တယ်” ဟု သမာအာဇီဝဖြင့် အသက်မွေးဝမ်းကျောင်းခွင့်ရခြင်းအား ဂုဏ်ယူစွာဖြင့် ပြောဆိုတတ်၏။ သူသည် စာသင်ရင်းဖြင့် လက်ဖက်ရောင်းခြင်း အလုပ်အကိုင် တပြိုင်နက်တည်းလုပ်လာခဲ့ရာမှ လွန်ခဲ့သည့် နှစ်နှစ်ခန့် ကိုးတန်းအရောက်တွင် ကျောင်းပညာရေးအား စွန့်လွှတ်ခဲ့ရသူ ဖြစ်သည်။
မောင်ရဲရင့်သည် မွေးချင်းမောင်နှမကိုးယောက်အနက် နို့ညှာဖြစ်ပြီး သူ၏အောက်တွင် ညီမငယ်တဦးသာရှိ၏။ မောင်ရဲရင့် အသက် နှစ်နှစ်ကျော်ခန့်တွင် မိခင်ဆုံးပါးသွားခဲ့ပြီး တမိသားစုလုံး အခက်အခဲများစွာဖြင့် ရုန်းကန် ခဲ့ရသည်ဟု ဆိုသည်။ ဇာတိ ပခုက္ကူမှနေ၍ မိသားစုလိုက် ရန်ကုန်သို့ ပြောင်းရွှေ့အလုပ်လုပ်ကိုင်ကြသူ များဖြစ်ပြီး အိမ်ငှားဖြင့် နေထိုင်ခဲ့ရသူ ဖြစ်၏။ ကျွန်တော် ကျောင်းတက်ရင်း ဈေးရောင်းတော့ လွယ်တော့ မလွယ်ဘူး။ ဖော့ကန်ကနေ ဆူးလေ-ပန်းဆိုးတန်းကိုလာရတာ ဘာပဲဖြစ်ဖြစ် အဲဒီတုန်းကတည်းက ကျွန်တော့် မိသားစုကို ကိုယ်ပိုင်အိမ်လေးနဲ့ထားချင်ခဲ့တာ”ဟု သူ၏ ကလေးဘ၀စိတ်ကူးအား ပြောပြခဲ့သည်။ စတင်ဈေး ရောင်းစဉ်က လခစား တလကျပ်တသောင်းခွဲဖြင့် စတင်ရောင်းချခဲ့ပြီး ပန်းဆိုးတန်း-ဆိပ်ကမ်းသာလမ်းစသည့် နေရာအနီးမှ ဘီယာဆိုင်များ တဆိုင်ဝင် တဆိုင်ထွက် ရောင်းချခဲ့ရသည်။
သူဖြတ်သန်းရသော ပတ်ဝန်းကျင်သည် သာမန်ဈေးသည်များ၏ ပတ်ဝန်းကျင်ကဲ့သို့မဟုတ်ဘဲ သောက်စား ထားသူများဖြစ်သောကြောင့် အခန့်မသင့်လျှင် အနိုင်ကျင့်ခြင်း၊ ရန်ရှာခြင်းများလည်း ကြုံတွေ့နိုင်သည်။
”အိမ်က အဆင်မပြေတော့ အားတင်းပြီး ရောင်းရတာပေါ့။ သောက်စား ထားတဲ့သူတွေက ပြဿနာ မရှာရင် တောင် ဘီယာဆိုင်တွေက သူတို့ဆိုင် ရှေ့လာရောင်းတာ မကြိုက်တော့ ခဏခဏ မောင်းထုတ်တာ ခံရတယ်” ဟု ကြုံတွေ့ရင်ဆိုင်ရသည့် အခက်အခဲအား ပြောပြသည်။ အမှန်တကယ်ပင် မည်သည့်စားသောက်ဆိုင်၊ ဘီယာဆိုင်မှ ပြင်ပ အစားအစာ ယူဆောင်ခြင်းအား ခွင့်မပြု ကြောင်း တရားဝင် စာကပ်ကြေညာထားသည်ပင်မဟုတ်လော။ မည်သို့ပင်ဆိုစေ အိမ်၏ စီးပွားရေး မပြေ လည်မှု၊ အိမ်ပိုင်ဆိုင်လိုသည့် လူငယ်လေးတဦးက အခက်အခဲများအား အန်တုရင်း လက်ရှိသက်တမ်း တ၀က်အား ဈေးရောင်းရင်းဖြင့် ကျော်ဖြတ်ခဲ့သည်ဟု ဆိုပါသည်။ ဈေးရောင်းသူများထဲတွင် သူ၏အိမ်မှ ရဲရင့်အပါအ၀င် ကျန်အစ်ကို နှစ်ဦးပါ ရောင်းချသည်ဟု ဆိုသည်။ ”ကျွန်တော့် အစ်ကိုနှစ်ယောက်နဲ့ ကျွန်တော့်ရောင်းအားဆိုရင် ကျွန်တော်က ပိုပြီးရောင်းအားကောင်းတယ်’‘ ဟု အလုပ်အပေါ် ကြိုးစားမှုရလဒ်အား ပြောပြပါသည်။
အိမ်ငှားနေထိုင်ရာမှ နေအိမ်ပိုင်ဆိုင်လိုသည့်အတွက် ကြိုးစားရောင်းချရာမှ လွန်ခဲ့သည့် နှစ်အနည်းငယ်တွင် မြေတကွက် ၀ယ်ယူနိုင်ခဲ့ပြီး ကိုယ်ပိုင်အိမ်ဖြင့်နေနိုင်သည်အထိ ကြိုးစားမှုအသီးအပွင့်အား စတင် ခံစားလာခဲ့ ရသည်ဟု ဆိုသည်။ သို့သော်လည်း နေအိမ်တလုံးပိုင်ဆိုင်ခြင်းသည် သူ၏ အိပ်မက်အစစ်အမှန်မဟုတ်သေးဘဲ ဈေးရောင်းချသည့် ညီအစ်ကို သုံးဦးစလုံး ကိုယ်ပိုင်အိမ်တလုံးစီ ပိုင်ဆိုင်လိုသည်ဟု ဆိုသည်။ ”တရက်အမြတ်ငွေကို အမှန်အတိုင်းပြောရရင် ရောင်းအားလေးသောင်းကျော်၊ လေးသောင်းဝန်းကျင်ရရင် ကျွန်တော် ထက်ဝက်ကျော် မြတ်ပါတယ်”ဟု သူ၏၀င်ငွေအား ပြောပြသည်။ ယင်းကဲ့သို့ အမြတ်ငွေ ရရန် များစွာကြိုးစားခဲ့ရကြောင်း၊ ဘီယာဆိုင်မှ ၀န်ထမ်းများနှင့် အဆင်ပြေရန် များစွာအားထုတ်ခဲ့ပြီး မိမိဖောက်သည် များ၏ လိုအပ်ချက်များအား အစဉ်ဂရုပြု ဖြည့်ဆည်းပေးရသည်ဟုဆို၏။
”သူများတွေ ဖုန်းကိုယ်စီသုံးပြီး ဂိမ်းတွေ၊ ဘာတွေ ဆော့နေရင် ကျွန်တော်လည်း ဆော့ချင်တာပေါ့။ ဒါပေမဲ့ အဲလိုဆော့နေရင် ကိုယ့်ဖောက် သည်တွေ လိုအပ်ချက်တွေ လစ်ဟာသွားမှာစိုးလို့ ဈေးရောင်းတဲ့ဆီကို ဖုန်းမယူလာဘူး”ဟု အလုပ်အပေါ် အလေးအနက်ထားပုံကိုလည်း ပြောပြသည်။ မိမိရည်မှန်းချက် မပြည့်ဝသေး၍ ဈေးရောင်းခြင်းအား မည်သည့် ရက်မှ အနားမယူဘဲ နေ့စဉ် ကြိုးစားရောင်းချသည်ဟု ဆိုသည်။အင်းစိန်အောင်ဆန်းမှ မြို့ထဲသို့ ညနေသုံးနာရီထိုးရောက်အောင်လာပြီး ည ၁၀ နာရီဝန်းကျင်ရောက်မှ ပြန် ရလေ့ရှိသည်ဟုဆိုသည်။ ”ညဘက် လိုင်းကားမရှိလည်း အဆင်ပြေအောင် ပြန်တတ်ပါတယ်။ သိပ်ပြီး နောက်ကျလည်း မပူဘူး။ ပါလာတဲ့ ရောင်းကုန်အကုန်လုံးကုန်အောင်ရောင်းပြီးမှ ပြန်တယ်”ဟု ပြောသည်။
တခါတလေ သူတို့အပြန် ခရီးအတွက် လမ်းစရိတ်မကုန်အောင် ဘတ်စ်ကားသမားများအား ကူညီရန် စပယ်ယာ အလုပ်ဝင်လုပ်ပေးတတ်သည်ကို အကြိမ်ကြိမ်မြင်တွေ့ခဲ့ဖူးသည်။သူ၏အိပ်မက် အကောင်အထည်ဖော်ရာတွင် လတ်တလောအခြေအနေ၌ ကျပ်သိန်း ၈၀ တန် မြေတကွက်အား ၀ယ်ယူထားပြီး ကျပ်သိန်း ၆၀ ငွေချေထားသည်ဟု ပြောပြခဲ့သည်။ ”လောလောဆယ် စိတ်ပူနေတာက ကျန်တဲ့ သိန်း ၂၀ ငွေချေဖို့ပဲ။ စုကြေးကလည်း စုထားသေးတယ်။ ဒါကြောင့် အလုပ်ကို ပိုပြီးဂရုစိုက်ရောင်းနေတယ်”ဟု ပြောပါသည်။ လက်ရှိတွင် သူတို့ညီအစ်ကိုသုံးယောက်သာ တမိသားစုလုံးအား ရှာဖွေကျွေးမွေးနေပြီး သူ၏ ဖခင် နောက်အိမ်ထောင်ပြုထားသူကိုပင် အိမ်မှာ အတူတကွ နေစေသည်ဟု ဆိုသည်။
အနာဂတ်ရည်မှန်းချက်ရှိသည့် လူငယ်တဦး ဈေးရောင်းနေသည်ကို ကြည့်ရသည်မှာလည်း စိတ်ဝင်စား အားကျဖွယ်ဖြစ်သည်။ သူသည် အတန်းပညာအများကြီးမတတ်၊ လူမှုပေါင်းသင်းဆက်ဆံရေးကောင်းရန် မိတ္တဗလဋီကာမဖတ် မည်သည့်နာမည်ကြီးတက်ကျမ်းမှ မဖတ်ဖူးသော်လည်း ရှင်သန်ကျင်လည်ရာ ပတ်ဝန်း ကျင်နှင့် အဆင်ပြေလိုက်လျောညီထွေဖြစ်အောင် နေနိုင်စွမ်းရှိသည်။ သူ၏ဘ၀က သင်ကြားပေးလိုက်သော ပညာနှင့် ကိုယ်ပိုင်အရည်အသွေးပေါင်းစပ်ကာ အောင်မြင်အောင်ဆောင်ရွက်နေသည်။ သူ၏ရည်ရွယ်ချက် များအနက် ညီမငယ်ကို ဘွဲ့ရပညာတတ် တယောက်ဖြစ်ရန် ပံ့ပိုးပေးသွားမည်ဖြစ်ပြီး နွေဦးပေါက် တရက်တွင် သူ့မိခင် အပယ်တံခါးပိတ်ရန် သူတို့ညီအစ်ကိုမောင်နှမအားလုံး ပါဝင်သည့် ရှင်ပြုပွဲတခုအား ဇာတိပခုက္ကူတွင် ကျင်းပသွားမည်ဟု ဆိုလေသည်။
ကျွန်တော် ၀မ်းမြောက်ဝမ်းသာ သာဓုခေါ်လိုက်မိပါသတည်း။
ကိုခက်
News Watch
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။