“ကိုယ်တုံးလုံးပန်းခြံ က ပေးတဲ့ အတွေး”

 

Ko Nyo

 

“ကိုယ်တုံးလုံးပန်းခြံ က ပေးတဲ့ အတွေး”

ဆောင်းပါးခေါင်းစဉ်ဖတ်ပြီး ပြူးတူးပြဲတဲတော့ဖြစ်သွားလိမ့်မယ်။ တကယ်လည်းအဲဒီပန်းခြံထဲဝင်လိုက်တာနဲ့၊မြက်ခင်းစိမ်းစိမ်းစိမ်းတွေမျက်စေ့တဆုံးတွေ့ရမယ်။
ပြီးတော့၊အဖြူ၊အနီ၊အ၀ါ၊ပန်းရောင်အကန့်အကန့်နဲ့
ရောင်စုံနှင်းဆ်ီပန်းခင်းတွေ၊ရေပန်းရေမွှားတွေ နဲ့အတူ မြင်မြင်သမျှအမျိုးသမီး၊အမျိုးသား
တွေရော၊လူငယ်လူလတ်ပိုင်းနဲ့အရွယ်အမျိုးမျိုးနဲ့ခလေးငယ်လေးတွေကို တန်းစီပြီး လုံးဝအ၀တ်မကပ်ဘဲတွေ့ရလိမ့်မယ်။
ပြီးတော့အဲဒီအ၀တ်ဗလာတွေကအနေအထားအမျိုးမျိုးနဲ့ကိုယ်ဟန်ပြနေလိမ့်မယ်
ဒါတင်ဘယ်ကမလဲ၊ တချို့အမျိုးသမီးအမျိုးသားတွေကဒီပန်းခြံထဲသူတို့ဘဲရှိနေသလို၊
တယောက်မျက်နှာ တကမ္ဘာထင်ပြီးဘယ်သူမှကိုဂရုမစိုက်ဘဲ၊ ဖက်ယမ်း
နမ်းရှုံ့နေကြတာ၊ ဟန်အမျိုးမျိုးနဲ့ကဲနေကြတာကိုတွေ့ရမယ်။
သူတို့ရဲ့မျက်လုံးနဲ့မျက်နှာတွေ၊နှုတ်ခမ်းတွေမှာ
အထင်းသားတွေ့နေရမှာက၊ရမ္မက်တွေဒေါသတွေနဲ့
တချို့ကချစ်ရည်ရွှမ်းလဲ့၊ တချို့ကအေးငြိမ်းတဲ့အကြည်ဓါတ်၊ တချို့ကမထီသရီအပြုံးတွေနဲ့၊ပြီးတော့ရက်စက်တဲ့
မျက်လုံး၊ခက်ထန်တဲ့နှုတ်ခမ်းနဲ့လူကြမ်းရုပ်တွေ၊အပြစ်မဲ့မျက်နှာတွေနဲ့ခလေးငယ်တွေ…….
အမူအရာ အမျိုးမျိုး၊ အသွင်သဏ္ဍန် အသွယ်သွယ်နဲ့။ ကိုယ့်လောကထဲမှာ မြင်ဖူး တွေ့ဖူးတဲ့ မျက်နှာပေး အသွင်၊ အမူအရာ ဟန်တခုခုကို မြင်ချင်ရင် ရှာကြည့် သူတို့ အားလုံးရဲ့ မျက်နှာမှာ ပေါ်လွင်နေလိမ့်မယ်။
အများကြီး….အများကြီးဘဲ..မီတာ၁၀၀လောက်ရှည်တဲ့ဥယျာဉ်အလည်လမ်းမတလျှောက်..အ၀တ်ဗလာကိုယ်တုံးလုံးတွေနဲ့လူတွေလူတွေ၂၀၀ကျော်လောက်ရှိတယ်။
.သူတို့ရဲ့တကိုယ်လုံးမိမွေးတိုင်း၊ဖမွေးတိုင်း..အဖု၊အထစ်၊အမို့အမောက်၊အပြေအပြစ်တွေက
သူ့နေရာနဲ့သူ။ဘုရားသခင်ထုဆစ်ပေးတဲ့လက်ရာအတိုင်းပဲ။
ချောင်းကူးတံတားထိတ်မှာကြွက်သားအဖုအထစ်၊ရင်အုပ်ကားကား၊မုတ်ဆိတ်ထူလပြစ်နဲ့
ထောင်ထောင်မောင်းမောင်းတယောက်ကသူ့လိုဘဲအ၀တ်ဗလာနဲ့ခတ်ပိန်ပိန်
လူတယောက်ကိုလည်ပင်းညှစ်နေတယ်။
သူတို့နဲ့မျက်စောင်းထိုးလမ်းတဘက်ခြားမှာတော့ဆံပင်ဖားလျှားချထားတဲ့အ၀တ်ဗလာနဲ့
မိခင်တယောက်ကသူ့ရဲ့သားငယ်လေးကိုမြှောက်ချီပင့်မကျီစယ်နေတယ်၊
မိခင်ရဲ့လက်ချောင်းတွေကြားကခလေးငယ်လေးကမျက်လုံးအစုံမှိတ်၊သွားမရှိတဲ့ပါးစပ်ကိုအစွမ်းကုန်ဖြဲပြီးအသဲတယားယားနဲ့မြူးနေတယ်။
တနေရာမှာတော့အ၀တ်ဗလာလူ၂ယောက်နဘမ်းသတ်နေတယ်။
ပေါင်၊ခြေတလုံးနဲ့လက်မောင်း၊ရင်ဘတ်မှာကြွက်သားအပြိုင်းပြိုင်းနဲ့။
တနေရာမှာတော့ကိုယ်တုံးလုံးနဲ့
ခလေးငယ်တယောက်အကြီးအကျယ်ဒေါသထွက်နေတယ်၊လက်သီး၂ဘက်ဆုတ်၊
မျက်မှောင်ကြုတ်ပြီး၊ဟစ်အော်မန်ဖီနေတဲ့သူ့ပုံသွင်ကလူကြီးသာဆိုသိတ်ကြောက်စရာကောင်းလိမ့်မယ်၊အခုတော့၂နှစ်အရွယ်ခလေးငယ်မို့ချစ်စရာ့ဒေါသ၊အပြစ်ကင်းတဲ့ဒေါသလို့ပြောရမလားမသိ။
ဥယျာဉ်ကြီးတခုလုံးကိုယ်တုံးလုံးတွေကမျက်စေ့တဆုံး..။
--------------------------------------
ဒါပေမဲ့..သူတို့အားလုံးမလှုတ်မယှက်၊
နေမြဲအတိုင်းခိုင်ခိုင်မတ်မတ်၊သူတို့ဘေးနားဘယ်သူကပ်ကပ်လုံးဝမတုန်လှုတ်။
ဘယ်သူကြည့်ကြည့်အိနြေ္ဒရေမပျက်၊မယိမ်းမယိုင်၊ပိဘိကျောက်ရုပ်၊သက်မဲ့အရုပ်ဘဲ….။
တကယ်လည်း..လူအစစ်တွေမဟုတ်၊
အရုပ်စစ်စစ်တွေပါ။
လက်ရာမြောက်ပန်းပုရုပ်တွေဖြစ်တယ်။
အသက်မရှု၊မတုန်မလှုတ်ပန်းပုရုပ်တွေ..၊ ပကတိလူသားတွေရဲ့၊ဟန်၊အမူအကျင့်စရိုက်တွေမျက်လုံး၊နှုတ်ခမ်း၊မျက်နှာအသွင်မှာမြင်ရမဲ့
အ၀တ်ဗလာပန်းပုရုပ်ထုတွေ..။ စောစောက လက်သီးဆုတ်ပြီး ဒေါသထွက်နေတဲ့ ခလေးငယ်လေးရဲ့ ရုပ်ထုက လက်ရာမြောက်ပြီး လူကြိုက်များလို့ အခိုးတောင်ခံရဖူးတယ်။ အဲဒီ တုံးလုံးပုံနဲ့ ရုပ်ထုတွေ အားလုံးကို တစုတစည်းထဲ မြင်နိုင်တဲ့ နေရာကတော့
နော်ဝေးနိုင်ငံအော်စလိုမြို့ကVigelandsparkenဆိုတဲ့ ကမ္ဘာ့အကြီးဆုံးပန်းခြံမှာဖြစ်တယ်။
နော်ဝေးနိုင်ငံရဲ့ကမ္ဘာလှည့်ခရီးသည်များ ကိုအထူးဆွဲဆောင်ရာနေရာဖြစ်တယ်။
ကလေးသူငယ်ကအစပြုလို့အသက်အရွယ်အမျိုးမျိုးနဲ့
အ၀တ်ဗလာလူသားရုပ်ထုပေါင်း၂ရာကျော်(၂၁၂ရုပ်) ကိုပန်းခြံအ၀င်ကနေမီတာ၁၀၀အရှည်လမ်းမ
တလျှောက်ပြသထားတယ်။
ရုပ်ထုတွေဟာကြေး၊သံ၊နှမ်းဖတ်ကျောက်အမျိုးအစားနဲ့ထုလုပ်ထားတာဖြစ်တယ်။ထူးခြားတာက အဲဒီဧက၈၀လောက်ကျယ်ဝန်းပြီးလှပတင့်တယ်တဲ့သစ်ပင်၊ပန်းပင်၊
မြက်ခင်းစိမ်းတွေနဲ့အတူ၊လျှို့ဝှက်တဲ့အဓိပ္ပါယ်တွေနဲ့ပုံဖော်ထားတဲ့ရုပ်ထုတွေနဲ့ခမ်းနားတဲ့ဥယျာဉ်ကြီးကိုလူပုဂ္ဂိုလ်တယောက်ထဲက၁၀နှစ်ကြာအောင်ဖန်တီးသွားခဲ့တာပါ။
နော်ဝေးနိုင်ငံသားတွေဂုဏ်ယူလေ့ရှိတဲ့သူတို့နိုင်ငံသားကမ္ဘာကျော်အနုပညာရှင်၂ယောက်ရှိတယ်။
တယောက်ကခေတ်ပေါ်ပန်းချီဆရာအဲလ်ဘတ်မွန့်ခ်(AlbartMunch-1863-1944)ဖြစ်တယ်။လူတော်တော်များများသိကြမှာပါ။
အိပ်စ်ပရက်ရှင်း(Expressionism)လို့ခေါ်တဲ့
လူ့ရဲ့အတွင်းစိတ်ခံစားမှုအဇ္စျိတ္တကိုအသားပေးရေးဆွဲတဲ့ပန်းချီဆရာကြီးပေါ့။သူ့ရဲ့The Scream (အော်သံ)ဆိုတဲ့ကားကနာမည်ကြီးလူသိများပါတယ်။နောက်ထပ်အနုပညာရှင်တယောက်ကအခု
ပြောနေတဲ့ ပန်းပုဆရာကြီးဘစ်ဂ်ဂယ်လဲန့်(Gustav Vigeland-၁၈၆၉-၁၉၄၃)ဖြစ်တယ်။
အော်စလိုကိုလာမယ်ဆိုရင်သူတို့၂ယောက်ရဲ့လက်ရာတွေရှိတဲ့နေရာသွားမကြည့်ရင်မတန်ဘူး၊လာရကျိုးနပ်မှာမဟုတ်ဘူးလို့ပြောချင်တယ်။
အော်စလိုက အမျိုးသားပြတိုက်ကပန်းချီကားတွေ(မွန့်ခ်ရဲ့ကားတွေလည်းရှိတယ်)နဲ့မွန့်ခ်ပန်းချီပြခန်းကို
မရောက်ရောက်အောင်သွားကြည့်ဘို့လိုမယ်။
ပန်းပုဆရာကြီးဘစ်ဂ်ဂယ်လဲန့်ဟာဒီပန်းခြံကြီးနဲ့သူ့ရဲ့ပန်းပုရုပ်တွေကိုကွယ်လွန်ချိန်ထိလုပ်ဆောင်သွားခဲ့တယ်၊ဒါပေမဲ့သူ့စိတ်ကူးအိပ်မက်တွေအားလုံး
အဆုံးမသပ်သွားခဲ့ပါဘူး။ဒီပန်းခြံရဲ့နာမည်ကိုလည်းသူရဲ့နာမည်ပေးထားပါတယ်။
ဒါပေမဲ့
ကျနော်တို့နော်ဝေးရောက်မြန်မာတွေကတော့အဲဒီရုပ်ထုတွေနဲ့ဥယျာဉ်ကြီးကို
ဗမာပီပီ အလွယ်တကူပဲနာမည်ပေးထားတယ်။“ကိုယ်တုံးလုံးပန်းခြံ”တဲ့။
ဟုတ်လည်းဟုတ်တယ်လေ။ပန်းပုဆရာကြီးက၊ဘယ်ရုပ်ထုကိုမှအ၀တ်မ၀တ်ပေးထားဘူး။
မြန်မာ့ယဉ်ကျေးမှုမျက်စေ့နဲ့ကြည့်ရင်တော့ရိုင်းတယ်ထင်မှာဘဲ၊မောင်နှမမိသားစု၊သားနဲ့အမိ
အတူသွားလည်ကြည့်ဘို့ခက်မယ်ထင်တယ်၊(ရှေးရိုးကျတဲ့မိသားစုဆိုရင်ပေါ့လေ)
ဒါပေမဲ့တကယ်လို့များမိတ်ဆွေတို့အော်စလိုမြို့ကိုရောက်ခဲ့ရင်အဲဒီပန်းခြံတော့မရောက်ရောက်
အောင်သွားပါလို့ကျနော်ကတော့ညွှန်းချင်တယ်။ နော်ဝေးနိုင်ငံရောက်ရင် ပန်းချီပြခန်းတွေဖြစ်ဖြစ်၊ လမ်းဆုံလမ်းခွနဲ့ ပန်းခြံတွေမှာ ပန်းပုရုပ်တွေ ထုထားတတ်တယ်။ ကျောက်ရုပ် ပန်းပု၊ ကြေးရုပ်ပန်းပု။ လူရုပ် တိရိစ္ဆာန်ရုပ်နဲ့ တခြား အင်စတော်လေးရှင်း အနုလက်ရာတွေပါ ရှိတတ်တယ်။ ဆောင်းအခါနှင်းတွေဖုံးလို့ ရုပ်ထုတွေရဲ့ အနုလက်ရာကို အပြည့်အ၀ခံစားမရပေမဲ့ နွေဆိုရင် အဲဒီပန်းပုလက်ရာတွေက သိတ်ကိုဆွဲဆောင်တယ်။ သိတ်ခန့်ငြားတယ်။ လူပုံပန်းပုရုပ် အများစုက အ၀တ်ဗလာ။ ဗမာတွေဆို ရှက်စရာလို့များ မြင်နေမလားမသိ။ ရုပ်ထုအများစုက ခန္ဒာကိုယ် ကြွက်သား အရိုးအဆစ် အဖုအထစ် အမို့အချိုင့် အဖောင်း အကြွ အကြောပြိုင်းပြိုင်း နဲ့ တကယ့်ကိုအနုစိပ်။ အသက်ဝင်တဲ့ သက်မဲ့ရုပ်။ ဥရောပ ပန်းချီ နဲ့ ရုပ်ထု တော်တော်များများ အ၀တ်မပါဖူး။ ကျနော် ရောက်စ မြင်စ က အမျိုးသမီးတွေ အနီးအနားမှာ ရှိနေရင် မကြည့်ရဲဖူး။ တချက်ပဲဝေ့၀ဲကြည့်ပြီး ရုပ်ထုနဲ့ ပန်းချီကားတွေရဲ့ ကိုယ်လုံးတီးကို အသာ ကျော်သွားလိုက်တယ်။ အခုတော့ ရိုးသွားပြီ။ ကိုယ်လုံးတီး အရုပ်တွေကို အနုပညာ မျက်လုံး အနုပညာ နှလုံးသားနဲ့ ကြည့်တတ်စပြုလာပြီ။ ရေးဆွှဲ ထုလုပ်သူတွေ ဘာအဓိပ္ပါယ်နဲ့ ထုထု ကိုယ့်ဖာသာ ဆွဲယူခံစား အတွေးပွားပြီး အနုပညာရဲ့ ရသကို ကြည်နူးတတ်စပြုနေပြီ။ တကယ်တော့ အ၀တ်အစားဆိုတာ ခေတ်ကာလ အလိုက် အမျိုးမျိုး ပြောင်းလဲနေတတ်တာပါ။ အရုပ်တခုကို အ၀တ်ဝတ်ပေးလိုက်ရင် အဲဒီအရုပ်က သူရပ်တည်နေတဲ့ ခေတ်ကာလတခုပိုပဲ ပုံဖော်နေလိမ့်မယ်။ အဲဒီခေတ်ထဲမှာဘဲ မလှုပ်မရှား ရပ်နေလိမ့်မယ်။ ကြည့်ရှုခံစားသူကို ရသတခုသာ ပေးနေလိမ့်မယ်။ အ၀တ်မ၀တ်ပေးထားဖူးဆိုရင် အဲဒီအရုပ်မှာ အတိတ် ပစ္စပ္ပန် အနာဂတ်ဆိုတဲ့ အချိန်ကာလတွေရဲ့ စက်ကွင်းတွေကနေ လွတ်မြောက်နေလိမ့်မယ်။ ပိုပြီး ရသမြောက်လာမယ်၊ အဲဒီအရုပ်ရဲ့ အဓိပ္ပါယ်က ပိုပြီး ကျယ်ဝန်းလာမယ်၊ နက်ရှိုင်းနေမယ်။ အနုပညာပစ္စည်းရဲ့ လွတ်လပ်တဲ့ စိတ်နဲ့ အနုပညာသမားရဲ့ နှလုံးသားကို ဒိုးယိုပေါက်ကြီး မြင်ရလိမ့်မယ်။ အ၀တ် အစားတွေနဲ့ ဖုံးကွယ်မထားဖူး။ မဖျက်ဆီးတော့ဖူး။ ဟန်ဆောင်မထားဖူး။ နောက်တခုက အ၀တ်ဗလာနဲ့ဆိုတော့ ဖုံးကွယ်ထားတဲ့ အ၀တ်ရဲ့ ပျော့ပြောင်းမှု အစား ခန္ဒာရဲ့ ပကတိ သဘော၊ စစ်မှန်တဲ့ အကွေးအညွှတ် အပျော့ အပြောင်း အမို့ အရှိုက် စတဲ့ ခန္ဒာကိုယ်ရဲ့ ဖြစ်တည်မှု ပကတိ အစစ်အမှန်ကို ပိုခံစားရမယ်။ ကြည့်တတ်သူပဲ မြင်နိုင်တဲ့၊ ကြည့်တတ်သူနဲ့သာ တိုက်ရိုက် သက်ဆိုင်တဲ့ ခံစားမှုမျိုးပါ။ အဲဒီမှာ ဘာမှ ဟန်ဆောင်မှုမပါဖူး။ အော်စလိုမြို့ကVigelandsparken ပန်းခြံမှာတွေ့ရတဲ့
ရုပ်ထုတွေအားလုံးမှာနက်နဲတဲ့ဘ၀အတွေးအမြင်
ဒဿနတွေရှိနေတယ်လို့ခံစားရတယ်။
ဥပမာ၊လူသားအရွယ်ပေါင်းစုံကိုယ်လုံးတီးပုံတွေကိုဟန်အမျိုးမျိုးနဲ့ရစ်ပတ်ပုံ ဖော်ထုလုပ်ထားတဲ့လူ့ဘ၀ ပန်းပုတိုင်လုံးကြီးဆိုအံ့မခန်းလက်ရာကိုမြင်ရမယ်ပြီးတော့
လူ့ဘ၀ရဲ့သံသရာစက်ဝိုင်းအကြောင်းထုထွင်းထားတဲ့စက်ဝိုင်းပုံ၊
ခလေးဘ၀ကနေသေလွန်တဲ့အထိဘ၀ရဲ့အချစ်၊ အမုန်း၊
အငို၊ အပြုံး၊ အလွမ်း၊ အသော၊ သောကဗျာပါဒတွေနဲ့ မေတ္တာ၊ ဂရုဏာ၊ နာကျည်းချက်၊ ရွံရှာမှု၊ ၀န်သိုမှု၊ ငြိမ်းချမ်းမှု…
စတဲ့..စတဲ့…ဘ၀ရဲ့ခံစားမှုရသတွေ၊ တရားသံဝေဂတွေအားလုံးကို အဲဒီရုပ်ထုတွေထဲ ဒေါင့်စေ့အောင်ပုံဖော်ထားတာကိုခံစားမြင်တွေ့ရမယ်။
နော်ဝေးနဲ့ဥရောပပုံဝတ္တုတွေနဲ့ဒဏ္ဍာရီတွေ၊သမိုင်းတွေကအကြောင်းတွေအပြင်
ဒီကနေ့လူ့ဘ၀ရဲ့နမိတ်ပုံရိပ်တွေကို ကိုယ်တုံးလုံးပန်းပုရုပ်လေးတွေက ညွှန်းနေလိမ့်မယ်။
ဒါကြောင့်အော်စလိုရောက်ရင်ဝင်ကြေးပိုက်ဆံတပြားမှမကုန်ဘဲအရင်ဆုံးသွားကြည့်သင့်တဲ့နေရာကကိုယ်တုံးလုံးပန်းခြံ(Vigelandsparken)ဘဲဆိုတာပြောချင်တယ်။
ဗမာပြည်မှာတော့ အခုထိ ၀တ်လစ်စလစ် ယဉ်ကျေးမှုဟာ ငြင်းပယ်ခံနေရတုံး။ ကျနော်ကတော့ ဟန်ဆောင်မှု၊ ဖုံးကွယ်မှု၊ ငြင်းပယ်မှုတွေ နဲ့ ကင်းကွာပြီး လွတ်လပ်တဲ့ အနုပညာနဲ့ လွတ်လပ်တဲ့ ခံစားတွေးမြင် ရတာကို သဘောကျတတ်နေပြီ။ ဥရောပသားတွေရဲ့ စိတ်လွတ်လပ်မှု၊ အတွေးအခေါ် လွတ်လပ်မှုနဲ့ ခံစားမှုတွေကို တဖြေးဖြေးရိပ်မိလာပြီ။ သူတို့ရဲ့ အနုပညာကို ကြည့်တတ်စပြုနေပြီ၊ ခံစားနားလည် ပေးတတ်လာပြီ။ ကိုယ်က လက်ခံတာ လက်မခံတာထက် သူ့ရဲ့အနုပညာခံစားမှု အမြင်သဘောထား အတွေးအခေါ်နဲ့ သူတို့ခံယူတဲ့ လောကအမြင် လောက သဘောထားတွေကို နည်းနည်းသဘောပေါက်သလို ရှိလာပြီ။ ဒါကပဲ စနစ်မကျနမှုတွေနဲ့ ခေါက်ရိုးကျိုးနေတဲ့ ကျနော့ရဲ့ဘ၀က ဒီမိုရက်တစ် တယောက်ဖြစ်ဖို့ နီးစပ်လာတာလားမသိ။ ကိုယ့်ကိုယ်ကို ဟန်ဆောင်ရတာ ပင်ပမ်းပြီး လေးလံလွန်းတယ်။ ဟန်ဆောင်မှုဆိုတဲ့ အပေါ်ယံအရေခွံတွေခွါချလိုက်မှ ကိုယ်ဟာပေါ့ပါးပြီး ကိုယ့်ရဲ့ ပကတိစိတ်သဘောတွေကို ကိုယ်က ပြန်တွေ့လာတယ်။ အပေါ်ယံတွေကို ကျေနပ်နေတဲ့ ကျနော့ကိုယ် ကျနော်ရွံသွားတယ်။ သဘောပေါက်သွားတယ်။ ပြီးတော့ ဟန်ဆောင်နေသူတွေကိုလည်း သဘောပေါက်သွားတယ်။ သနားစရာကောင်းလိုက်တာ။ လောကကြီးကိုရော လောကထဲက လူသားတွေကိုရော စိတ်တံခါးကို ရဲရဲဖွင့်ပြီး ပွင့်ပွင့်လင်းလင်းပဲကြည့်လိုက်တယ်။ ခလေးတယောက်ရဲ့ ရိုးစင်းတဲ့ စိတ် နဲ့ ကျယ်ပြောတဲ့ မိုးကောင်းကင်ကြီးရဲ့ လွတ်လပ်မှု၊ အလှတရား နဲ့ ဘ၀ရဲ့ နက်ရှိုင်းတဲ့ မတည်မြဲမှု နဲ့ တည်မြဲမှု သဘောတရားတွေ၊ လှို့ဝှက်ချက်တွေကို အဓိပ္ပါယ်ရှာ ကြည့်ရတာ လူဖြစ်ရကျိုး နပ်သလိုလိုပဲ။

ကိုညို(အော်စလို)