သြော်..၊စပျစ်သီးတွေက ချဉ်သတဲ့လား (မင်းဒင်)

မင်း ဒင်

ယနေ့ထုတ်သည်ဗွိုက်နယူးဒေးလီးစ် သတင်းစာမှ။

သြော်..၊စပျစ်သီးတွေက ချဉ်သတဲ့လား

(မင်းဒင်)
(တစ်)
ဟုတ်တာဆိုနာလိုခံခက်အမျက်ထွက်သတဲ့။အနာပေါ်တုတ်ကျ
သလိုဖြစ်မဲ့၊မြန်မာ့နိုင်ငံရေးကျားသေတွေအတွက်
ကြုံတုန်းမှာလူတိုင်းသိနေတဲ့အီစွပ်ပုံပြင်တစ်ပုဒ်ကို
အပ်ကြောင်းထပ်ပါရစေ။

တခါတုန်းကမြေခွေးတစ်ကောင်ဟာ စပျစ်သီးစားချင်တာနဲ့၊ လမ်းမှာတွေ့တဲ့စပျစ်ပင်ကစပျစ်သီးတွေကိုခုန်ခုန်ဟပ်သတဲ့။
။လေးငါးကြိမ်ခုန်ဟပ်လို့လည်းမမီရော..၊အဲဒီမြေခွေးက၊ “’ဒီစပျစ်သီးကချဉ်မှာပါကွာ”ဆိုပြီးမြည်တွန်တောက်တီးရင်း၊
အဝေးကိုထွက်သွားသတဲ့။

(နှစ်)
(၂၀၁၅)ရွေးကောက်ပွဲကြီးပြီးသွားပြီ။လူထုထောက်ခံတဲ့ပါတီက
အပြတ်အသတ်အနိုင်ရခဲ့ပြီ။ကာကွယ်ရေးဦးစီးချုပ်ကလည်း
နောက်တက်လာမဲ့အစိုးရနဲ့၊လက်တွဲဆောင်ရွက်သွားပါ့မယ်လို့
ကတိပြုပြီးပြီ။သမ္မတကိုယ်တိုင်ကလည်း၊ပြည်သူတွေရဲ့ဆန္ဒ
အတိုင်းအေးချမ်းစွာအာဏာလွှဲပြောင်းပေးပါ့မယ်လို့
အကြိမ်ကြိမ်ပြောပြီးပြီ။

ဒီလိုအချိန်မျိုးမှာတချို့သတင်းမီဒီယာ၊သတင်းစာဂျာနယ်၊
လူမှုကွန်ယက်စာမျက်နှာတွေမှာ၊တိုင်းပြည်ကိုချောက် ထဲပြန်တွန်းချနေတဲ့အရေးအသားအပြောအဆိုတွေ၊
ပလူပျံအောင်မြင်တွေ့လာရတော့၊အံ့သြလွန်းလို့ သေတော့ မယ်လို့ညည်းယူရတဲ့အထိပါပဲ။

သတင်းဌာနနာမည်ရဖို့၊ကိုယ့်ဂျာနယ်စောင်ရေတက်ဖို့၊ကိုယ့်ကိုယ်ကို
နာမည်ကြီးဖို့လုပ်တဲ့နည်းတွေအများကြီးပါဗျာ။အခုလိုတိုင်းပြည်
အကောင်းဖက်ကိုဦးတည်နေချိန်မှာ၊ဒီလိုရေးသား ပြောဆိုမှု မျိုးကိုဇောင်းပေးနေကြတာပါလိမ့်ဆိုတာစဉ်းစားရကြပ်ပါဘိတော့ဗျာ။

အဲဒီအထဲမှာအဆိုးဆုံးကတော့၊အာဏာရပါတီကနေမဲရှုံးတဲ့အမတ်တွေ၊
မဲတစ်ပြားမှမရတဲ့ခါတော်မီပါတီတွေပါပဲ။

ဒီမိုကရေစီစနစ်မှာဝေဖန်စောကြောခွင့်အပြည့်ရှိပါတယ်။
ဒါပေသည့်၊အဲဒီဝေဖန်ရေးဟာအပြုသဘောကိုဦးတည် သင့်တယ်။ပုဂ္ဂိုလ်ရေးမုန်းတီးလို့တိုက်ခိုက်တာမျိုးမဖြစ်စေသင့်ပါဘူး။

အမှန်တရားကိုအခြေခံရမယ်။သစ္စာထိုက်ရမယ်။အများအတွက်
တိုင်းပြည်အတွက်အကျိုးရှိဖို့ရည်ရွယ်သင့်တယ်။ကိုယ်ကျိုးမမျှော်ရပါဘူး။
တစ်ဘက်စောင်းနင်းမလုပ်ရပါဘူး။အခုတော့ဗျာ….။

အနိုင်ရပါတီဟာနောက်လေးလအကြာမှအာဏာလွှဲပြောင်းယူရမှာမို့၊
ဘာလုပ်ပိုင်ခွင့်မှမရှိသေးတဲ့အချိန်မှာ ဘယ် သူ့ကိုသမ္မတတင် မှာလဲ၊အမတ်တွေလစာတစ်ပြားမှမယူပဲလုပ်ကြပါလား။
ဟိုဥပဒေတော့ဖျက်မယ် မကြံနဲ့နော်။

အမတ်တွေထဲမှာမသန်မစွမ်းဒုက္ခိတတွေပါတယ်။အုပ်ချုပ်ရေး
အတွေ့အကြုံမရှိဘူး။အစိုးရအဖွဲ့ဖွဲ့ဖူးတဲ့ပါတီမဟုတ်ဘူး။
လူထုကအသိဥာဏ်မရင့်ကျက်သေးလို့၊စဉ်းစားဆင်ခြင်နိုင်စွမ်း
မရှိသေးလို့အဲဒီပါတီနိုင်တာပါ။ဗီနိုင်းအကြီးကြီးတွေကပ်နိုင်လို
့နိုင်တာပါ။တိုင်းရင်းသားခံစစ်ကြောင်းပျက်သတဲ့။

တိုင်းရင်းသား(၁၃၅)မျိုးပါတဲ့အစိုးရဖွဲ့ပါ။အနိုင်ရပါတီဥက္ကဋ္ဌကိုနိုင်ငံတော်
ပုန်ကန်မှုနဲ့တရားစွဲပါဆိုပြီးငါ့စကားနွားရ၊မစားရတဲ့အမဲသဲနဲ့
ပက်နေကြလေရဲ့။

(သုံး)
တကယ်ဆိုဘာမှရှည်ရှည်ဝေးဝေးစဉ်းစားစရာအကြောင်းမမြင်ပါဘူး။
အခုအာဏာလက်လွှတ်ရမဲ့အစိုးရဟာ၊ လွန်ခဲ့တဲ့နှစ်ပေါင်း ငါးဆယ်ကျော်ကစပြီး၊ကိုယ်ကျိုးရှာခဲ့တဲ့၊တိုင်းပြည်ကိုစနစ်တကျ
ဖျက်ဆီးခဲ့တဲ့၊လူထုကိုအသိမှားတွေပေးခဲ့တဲ့၊စစ်တပ်ကို
ကျောထောက်ခံပြုထားတဲ့အာဏာရှင်ချန်ထားရစ်ခဲ့တဲ့နောက်ချန်တပ်
အစိုးရပါ။

။ပြီးခဲ့တဲ့ရွေးကောက်ပွဲမှာလည်းမသမာမှုတွေတပုံတပင်ကြီးနဲ့
အာဏာလက်မလွတ်ရေးအတွက်၊နည်းပေါင်းစုံနဲ့အားထုတ်ခဲ့တဲ့
အစိုးရပါ။ဒီလိုအစိုးရမျိုးကိုသွေးထွက်သံယိုမှုမပါပဲ၊မဲလိမ်မဲခိုးကြိုတင်မဲ
စတဲ့မသမာမှုပေါင်းသောင်းခြောက်ထောင်ကိုကျော်ဖြတ်ပြီး
၊ဖြုတ်ချနိုင်ဖို့ဆိုတာ၊ဖြစ်နိုင်ခဲတဲ့အရာပါ။

အခုအကြောင်းကြောင်းတွေပေါင်းစုံပြီးအတိုက်အခံအာဏာပါတီရလာ
တာဟာ၊တိုင်းပြည်အနာဂတ်ရဲ့ရောင်နီသစ်မို့၊ကျွန်တော်တို့ကြိုဆိုကြရ
ပါမယ်။တိုင်းပြည်ပြန်လည်ထူထောင်ရေးမှာကျရာတာဝန်တွေကို
ကိုယ်တတ်နိုင်တဲ့ ဖက်ကနေဝိုင်းဝန်းအားဖြည့်ကြရ ပါလိမ့်မယ်။
တကယ်တော့ဒီမိုကရေစီစနစ်ဟာကြောက်လန့်စိုးရိမ်စရာမဟုတ်ပါဘူး။

တကယ်တမ်းခေတ်ဆိုးကြီးကိုပြောင်းလဲလာနိုင်တဲ့အခါဒီအသီးအပွင့်
ကိုအားလုံးခံစားကြရမှာပါ။အဲဒီအထဲမှာ အခုအနိုင်ရ ပါတီကိုပြစ်တင်ရှုံ့ချနေတဲ့သူတွေရဲ့အကျိုးစီးပွားလည်းပါဝင်နေပါတယ်။

အခုလတ်တလောအချိန် မြန်မာပြည်မှာဒီမိုကရေစီစစ်စစ်အစိုးရ
တက်လာတော့မယ်ဆိုတဲ့သတင်းတွေနဲ့တင်၊နိုင်ငံတကာမှာ
ကျွန်တော်တို့လူမျိုးရဲ့ဂုဏ်သိက္ခာတက်စပြုလာတာကိုမြင်နေကြားနေ
ရပါပြီ။

တကယ်လို့များပေါ့ဗျာ။အနိုင်ရပါတီဟာအစိုးရအဖွဲ့ဖွဲ့ပြီးနောက်ပိုင်း
၊ကိုယ်ကျိုးရှာလာမယ်။တိုင်းပြည်ကိုပြန်လည် မထူထောင်နိုင်ဘူး ဆိုရင်၊အဲဒီအစိုးရကိုလူထုဆန္ဒနဲ့အယုံအကြည်မရှိတင်သွင်းပြီး
အချိန်မရွေးဖြုတ်ချနိုင်တဲ့အခွင့်အရေးရှိပါတယ်။သေချာတဲ့အချက်တော့
အရင်အစိုးရတွေလို၊ကုလားထိုင်ဖက်ပြီးသေမဲ့လူစားမျိုးတွေမဟုတ်ကြပါဘူး။

လက်နက်နဲ့အာဏာနဲ့ထင်ရာစိုင်းလို့ရတဲ့အစိုးရမဟုတ်တော့ပါဘူး။
ဒီအခြေအနေမျိုးမှာစစ်တပ်ကလည်း ပြည်သူဘက်ကနေ၊အချိန်နာရီ
မဆိုင်းပဲပျော်ပျော်ကြီးလျင်မြန်စွာရပ်တည်အားဖြည့်မှာမြေကြီးလက်ခတ်
မလွဲပါပဲ။

(လေး)
သေချာစဉ်းစားကြပါဦးဗျာ။အခုအနိုင်ရပါတီက၊လွှတ်တော်အမတ်တွေဟာ၊
မဲလိမ်မဲခိုးပြီးတက်လာသူတွေမဟုတ်ပါဘူး။တိုင်းပြည်ဘဏ္ဍာကို
အလွဲသုံးစားလုပ်ဖူးသူတွေမဟုတ်ပါဘူး။လယ်သိမ်းမြေသိမ်းလုပ်ခဲ့
သူတွေမဟုတ်ပါဘူး။နိုင်ငံ့သယံဇာတတွေကိုစိတ်တိုင်းကျ
ထုတ်ရောင်းခဲ့တဲ့သူတွေမဟုတ်ပါဘူး။ထစ်ကနဲရှိပြည်သူလူထုကို
ပစ်သတ်ဖို့၊မီးလောင်ဗုံးသုံးဖို့၊ဖမ်းဆီးရိုက်နှက်ထောင်ချပစ်ဖို့
အမိန့်ပေးခဲ့ဖူးသူတွေမဟုတ်ပါဘူး။

အပြစ်မဲ့ ကျောင်းသား တွေကိုရိုက်နှက်ဖမ်းဆီး၊ထောင်ချဖူးတဲ့
သူတစ်ယောက်မှမပါပါဘူး။ပြီးခဲ့တဲ့လွှတ်တော်သက်တမ်းငါးနှစ်မှာ၊ အာဏာရပါတီထဲကဘယ်နှစ်ယောက်ဟာဒီမိုကရေစီလွှတ်တော်ရဲ့
အတွေ့အကြုံရှိသတုန်း။တိုင်းပြည်နဲ့လူထုအကျိုးအတွက်ဘာတွေများ
စွမ်းစွမ်းတမံလုပ်ခဲ့သတုန်း။စားဖားတွေညီညွတ်ပြီး ကိုယ်ကျိုးရှာ တာကလွဲလို့တိုင်းပြည်ကိုအကျိုးပြုတဲ့ဘာပညာတတ်သတုန်းဗျာ။

သူတို့ဘာတွေလုပ်ခဲ့သလဲ၊တိုင်းပြည်ဘယ်အခြေစိုက်သွားသလဲဆိုတာ၊
အများသိမြင်နေပြီးတာမို့ထွေထူးပြီးသက်သေပြစရာမလိုအပ်တော့ပါဘူး။

မြင်နေကြားနေရသမျှထဲမှာအဆိုးဝါးဆုံးကိစ္စတစ်ခုကတော့
အနိုင်ရလွှတ်တော်အမတ်ထဲမှာမသန်စွမ်းသူတွေပါနေတာကိုဝေဖန်
ပုတ်ခတ်တဲ့အချက်ပါပဲ။ဒါဟာလူသားဆန်မှုကနေသွေဖယ်ခြင်းပါပဲ။
စာနာတရားခေါင်းပါးခြင်းပါပဲ။

ဒီနေ့(၂၁)ရာစုရဲ့အတော်ဆုံးဥာဏ်ကြီးရှင်စတီဖင်ဝီလျံဟော့ပ်ကင်းဟာ၊
ဘီးတပ်ကုလားထိုင်(Wheel Chair) ပေါ် ကနေမဆင်းနိုင်တဲ့၊ မသန်စွမ်းသူပါဗျာ။ဟယ်လင်ကယ်လားဆိုတဲ့ကမ္ဘာကျော်အမျိုးသမီးကြီး
ဟာလည်း၊နိုင်ငံတကာအသိအမှတ်ဘွဲ့ဒီဂရီတပွေ့တပိုက်နဲ့
လူ့လောကကောင်းကျိုးကိုသယ်ပိုးသွားခဲ့သူပါပဲ။ကိုယ်ကျိုးချည်း
နင်းကြည့်ပြီးပြည်သူကိုဒုက္ခပေးတာကမှလူသားဥာဏ်ရည်မမီတဲ့၊
တကဲ့ဒုက္ခိတအစစ်လို့ဆိုရပါလိမ့်မယ်။

သမ္မတအထက်မှာ၊အနိုင်ရပါတီခေါင်းဆောင်ရှိနေမယ်ဆိုတာကို
ပုတ်ခတ်ကြပြန်သတဲ့။သူမဟာနိုင်ငံတကာက အသိအမှတ်လေးစား ရတဲ့၊ကမ္ဘာသိလူထုခေါင်းဆောင်ဆိုတာဘယ်လိုငြင်းချက်ထုတ်မလဲဗျာ။

သူမလိုပုဂ္ဂိုလ်မျိုး နိုင်ငံကိုဦးဆောင်မယ်ဆိုရင်၊နိုင်ငံထူထောင်ရေးမှာ
သူမအပေါ်ယုံကြည်လေးစားမှုနဲ့နိုင်ငံတကာကဆက်သွယ်ဆောင်ရွက်
မှုတွေ၊ငွေကြေးနည်းပညာပံ့ပိုးတွေအလျင်အမြန်ရောက်မလာနိုင်
ဘူ့းလားဗျာ။နိုင်ငံအတွက်ပိုပြီးအကျိုးမရှိပေဘူးလားဗျာ။

အလွန်သေချာတဲ့အချက်ကတော့သူမဟာဒီနေ့အချိန်အထိအာဏာကို
အလွဲသုံးစားလုပ်ပြီးကိုယ်ကျိုးရှာခဲ့သူမဟုတ်ဘူးဆိုတာပါပဲ။

ပညာတတ်ဆိုတာကိုဘွဲ့ဒီဂရီတွေရမှမဟုတ်ပါဘူး။လူ့ဘဝဟာ
သင်ယူမဆုံးတဲ့ကျောင်းတော်ကြီးပါ။ အခြေအနေ နဲ့အချိန်အခါကို မှန်မှန်ကန်ကန်နဲ့ ဆင်ခြင်သုံးသပ်ပြီးတော့ ၊ပြည်သူလူထုကောင်းစားရေးအတွက်၊စေတနာမှန်တဲ့ လူတော်လူကောင်းတွေဖြစ်ဖို့သာပဓာနပါဗျာ။
အဲသလိုလူမျိုးကိုမှပညာတတ်လို့ခေါ်နိုင်ပါတယ်။

အမရပူရမဟာဂန္ဓာရုံကျောင်းရဲ့အဓိပတိဟောင်း၊မဟာဂန္ဓာရုံ
ဆရာတော်ရဲ့စာသင်တိုက်စည်းကမ်းမှာတောင်စိတ်ကောင်းရှိဖို့
ပထမဆုံးအချက်ဖြစ်ပြီးစာ(ပညာ)တတ်ဖို့က အမှတ်စဉ် တစ်ဆယ်မှာဖော်ပြထားပါတယ်။

(ငါး)
နောက်တစ်ချက်က၊ရှုံးနိမ့်သွားတဲ့ပြိုင်ဘက်ပါတီအသီးသီးက၊
တာဝန်ရှိသူတွေရဲ့အပြောအဆိုတွေကိုသေချာလေ့လာကြည့်ရင်၊
လူကြီးလူကောင်းစိတ်မကပ်နိုင်သေးတာ၊ဒီမိုကရေစီစနစ်အပေါ်
မကျေချမ်းမရှုစိမ့်နိုင်တာတွေအရမ်းထင်ရှားနေတယ်။

အများစုဟာရှုံးမဲမဲနေတာကိုမြင်သာပါတယ်။ အဲဒီပုဂ္ဂိုလ်တွေဟာ ပါတီစုံဒီမိုကရေစီစနစ်မှာဒီလိုစိတ်ဓာတ်အမူအကျင့်တွေနဲ့
ဘယ်လိုလုပ်ပြီးရှေ့ဆက်သွားကြမလဲ။

အမှန်တကယ်ဖြစ်သင့်ဖြစ်ထိုက်တာအခု(၂၀၁၅)ရွေးကောက်ပွဲမှာ
လူထုမကြိုက်လို့ရှုံးခဲ့ပြီ။ပါတီမူဝါဒတွေမှားလို့ အရေးနိမ့်ခဲ့ပြီ။ ဒါကြောင့်နောင်လာမဲ့သက်တမ်းမှာဒီအမှားတွေဒီအားနည်းချက်တွေကို
ဘယ်လိုပြုပြင်ကြမလဲ။

(၂၀၂၀)ရွေးကောက်ပွဲမှာပြန်လည်အနိုင်ရစေဖို့တိုင်းပြည်နဲ့လူမျိုးကို
အကျိုးပြုဖို့၊ဘယ်အရာတွေကိုလေ့လာသင်ယူဆည်းပူးကြမလဲ၊
အစရှိသည်ဖြင့်စိတ်သစ်လူသစ်နဲ့ခွန်အားမွေးကြရန်သာဖြစ်သင့်ပါတယ်။

အခုဟာကတော့သူခိုးလူမိပြီး၊ကြံရာမရ၊အရူးချီးပန်းအသံကောင်း
လျှောက်ဟစ်နေလို့ကတော့၊အရေးနိမ့်တဲ့ပါတီကြီးအဖို့လုံးဝ
စုန်းစုန်းမြုပ်တော့မဲ့ကာလဟာသိပ်မဝေးတော့ပါဘူး။

ပြီးခဲ့တဲ့ရွေးကောက်ပွဲမှာဘဲဥမကွဲတဲ့ပါတီခေါင်းဆောင်တစ်ချို့ကလည်း
အပြန်အလှန်ထိန်းသိမ်းကြပ်မတ်ရေး(Check and balance)လုပ်တဲ့
အနေနဲ့စောင့် ကြည့်ကြမယ်ဆိုတဲ့စကားကိုတွင်တွင် သုံးပါတယ်။စောင့်ကြည့်ရမှာ ပေါ့ခင် ဗျာ။

ခင်ဗျားတို့တင်မကပါဘူး။မြန်မာပြည်သူတစ်ရပ်လုံးက၊တကမ္ဘာလုံးက
စောင့်ကြည့်ထိန်းကျောင်းပဲ့ပြင်နေမှာပါ။အားနည်းချို့ယွင်းချက်၊
လိုအပ်ချက်တွေကိုစောင့်ကြည့်သတိပေးနေမှာပါ။

လွန်လေပြီးသောနှစ်များကလိုထားရာနေစေရာသွားရမဲ့ခေတ်မှ
မဟုတ်တော့တာဗျာ။တစ်ခုတော့ရှိတာပေါ့ဗျာ။အနိုင်ရပါတီအစိုးရ
အဖွဲ့မြန်မြန်ကာလနာတိုက်ပါစေဆိုတဲ့အဘိဇ္ဇျာစိတ်ပါခြင်း၊မပါခြင်း
ကတော့၊ကွာခြားပါလိမ့်မယ်။

(ခြောက်)
တကယ်တော့ဗျာ။အာဏာရှင်စနစ်ကနေဒီမိုကရေစီခေတ်သစ်ဆီကို
အေးချမ်းတည်ငြိမ်စွာပြောင်းလဲနိုင်တဲ့တိုင်း ဆိုတာကမ္ဘာပေါ်မှာ မရှိသလောက်ရှားပါတယ်။ကျွန်တော်သိသလောက်တောင်အာဖရိက
နဲ့မြန်မာနှစ်နိုင်ငံတည်းပဲရှိပါတယ်။ဒါတောင်မြန်မာလူထုခမျာရွေးကောက်
ပွဲရလာဒ်အားလုံးသိပြီးချိန်မှာတောင်၊ဘယ်နည်းနဲ့ညစ်ဦးမလဲဆိုတာ
ရင်တထိတ်ထိတ်နဲ့ လွတ်လွတ်ကျွတ်ကျွတ်မပျော်နိုင်တဲ့ ဘဝမှာပဲရှိပါသေးတယ်။

ဒါကြောင့် ဒီအခြေအနေ ကိုအဆိုးဖက်တွန်းမပို့ကြပါလေနဲ့။ ကိုယ့်အုပ်စုတစ်စုကောင်းစားဖို့၊ကိုယ့်စိတ်ဖြေရာရရင်ပြီးရော
တိုင်းပြည်ရေစုန် မျောချင်မျောပေ့စေဆိုတဲ့စိတ်မျိုးမမွေးကြပါလေနဲ့။

ဟုတ်ကဲ့။မြန်မာလူထုနှစ်ပေါင်းငါးဆယ်ကျော်မျှော်လင့်စောင့်စား
ခဲ့တဲ့ဒီမိုကရေစီစပျစ်သီးဟာဆင်းရဲသားကျောမွဲတွေအတွက်
ချိမြိန်ပါတယ်။

အဖိနှိပ်ခံပြည်သူတွေအတွက်ချိုပါတယ်။အာဏာရှင်စနစ်ဒဏ်ကို
အလူးအလဲခံစားနေရသူတွေအတွက်ချိုပါတယ်။လူအများကောင်းစားစေ
လိုသူတွေအတွက်ချိုပါတယ်။လူသားဆန်တဲ့လူသားစိတ်ရှိသူတွေအတွက်
ချိုပါတယ်။မြန်မာနိုင်ငံရဲ့အနာဂတ်အတွက်ချိုမြိန်ပါတယ်။

ကိုယ်တိုင်အမတ်နေရာရချင်ဇောနဲ့၊ဂုဏ်သိက္ခာရောငွေကြေးပါချရင်း
၊ကြိုးစားပြီးကာမှ၊မအောင်မြင်တဲ့အဆုံး၊လုံးလုံးကြီးမရှုမလှရှုံးကာမှ၊
ပတ်မကြီးထိုးဖောက်မဲ့လေသံမျိုးပစ်လာတဲ့သူတွေဟာ၊ပုံပြင်ထဲက
စပျစ်သီးချဉ်ပါတယ်လို့ညည်းညူပြီးအဝေးကိုထွက်သွားတဲ့မြေခွေးထက်
အဆပေါင်းများစွာပိုမိုယုတ်မာကောက်ကျစ်တဲ့၊စပျစ်ပင်ကြီးကိုပါ
မြေလှန်ပစ်ဖို့ကြိုးစားတဲ့လူယုတ်မာတွေပါပဲ။
ဟုတ်ကဲ့။ ကျွန်တော့် စာဒီမှာဆုံးပါပြီ။