အရှုံးကိုရိုးသားစွာရင်ဆိုင်လိုက်ခြင်းဟာ၊ ပန်းများကိုပွင့်စေခြင်းပါပဲ

 

U Kyi Nyunt

၃၀ အောက်တိုဘာ ၂၀၁၅နေ့ထုတ် စောင့်ကြည့်ဂျာနယ်မှ။ ။

အရှုံးကိုရိုးသားစွာရင်ဆိုင်လိုက်ခြင်းဟာ၊
ပန်းများကိုပွင့်စေခြင်းပါပဲ

(မင်းဒင်)

(တစ်)
ဒီမယ်ဆရာရဲ့။ကျုပ်စကားနည်းနည်းပြောပါရစေ။ဟမ်၊ဆရာမဟုတ်ဘူး။
ငါကဗိုလ်ချုပ်ဟောင်းဟုတ်လား။ခက်ပါ့ကွာ။ကျုပ်ပြောတဲ့ဆရာဆိုတာ၊
ဒုတပ်ကြပ်ကိုရည်ညွှန်းတာမဟုတ်ဘူးလေ။
အနန္တောအနန္တဂိုဏ်းဝင်စာရင်းသွင်းပြီးဆရာလို့တလေးတစားခေါ်လိုက်တာဟ။

မင်းတို့ဟာလေ၊အဘ၊အဘလို့အခေါ်ခံရတာကို၊ဘဝင်လေဟပ်ပြီး၊
ကိုယ့်ကိုယ်ကိုလောကသုံးပါးရဲ့ကျေးဇူးရှင်ကြီးတွေလို့
ထင်တလုံးဖြစ်နေတဲ့သောက်ကျင့်ကအခုထက်ထိမပျောက်ချင်သေးပဲကိုး။

တကယ်တမ်းကျတော့မင်းတို့ဟာနွားဂွေးထုတဲ့ဆရာလောက်တောင်၊
စိတ်ဓာတ်မရင့်ကျက်ဘူး။မင့်ဟာဗိုလ်ချုပ်ဟောင်းလို့သာဆိုတယ်။
လူကြားထဲတောင်ရဲရဲတိုးဝံ့တော့လို့လား။သတ္တိရှိရင်မင်းနဲ့ငါလူကြားထဲမှာ၊
လမ်းအတူလျှောက်ကြည့်လိုက်ကြစို့ရဲ့။ဘယ်သူကရင်ကော့ပြီးလျှောက်ရဲ
သလဲဆိုတာချက်ခြင်းအဖြေပေါ်လာပါလိမ့်မယ်။

မင့်စည်းစိမ်အကြောင်းထည့်မပြောနဲ့။ပစ္စည်းသခါင်္ရလူသခါင်္ရ
၊သေရင်ကိုယ့်နောက်ဘာမှမပါဘူး။သမာအာဇီဝနည်းနဲ့ရှာဖွေထားတာ
မဟုတ်လို့၊နေ့စဉ်နဲ့အမျှသံတွေသံခဲမျိုချရသလိုဖြစ်နေတာလည်း
သတိ ထားဦး။

ဟော၊မင်းနဲ့ငါနဲ့ပြောပြန်တော့၊မျက်နှာကရှစ်ခေါက်ချိုးဖြစ်ပြန်ပြီ။
မင်းထက်ရာထူးကြီးတဲ့ဗိုလ်ချုပ်ကြီးတွေတောင်ငါနဲ့တနှစ်တည်း
ဆယ်တန်းအောင်ခဲ့တဲ့ကောင်တွေပါကွာ။ငယ်ငယ်တုန်းက၊
ငါလိုအညာသားငနုံငအလောက်တောင်သောက်ဖြစ်ရှိတဲ့ကောင်တွေ
မဟုတ်ပါဘူး။

ဆယ်တန်းအောင်ပြီးစက်မှုလုပ်အားပေးကျောင်းသားဘဝနဲ့
သမိုင်းကောလိပ်ထဲမှာဆုံခဲ့တုန်းက၊ငါဖတ်ဖူးတဲ့အစ္စရေးနိုင်ငံသား
စိတ်စွမ်းအင်ပညာရှင်ယူရီဂယ်လာအကြောင်း၊ငါပြောပြတော့၊
ဇွန်းတွေခရင်းတွေကိုမျက်စိနဲ့သေချာစိုက်ကြည့်လိုက်ရုံနဲ့ကွေးပြနိုင်တယ်
ဆိုတာဟုတ်လို့လားဆိုပြီး၊မျက်လုံးလေးကလယ်ကလယ်နဲ့၊
ပါးစပ်ကြီးအဟောင်းသားဖြစ်နေခဲ့တာအခုမင်းအဘလို့ခေါ်နေတဲ့
ဗိုလ်ချုပ်ကြီးပေါ့ကွာ။

ကဲပါ။မင်းရောငါပါအသက်အရွယ်အားဖြင့်ခြောက်ဆယ်တန်းတွေဆိုတော့
၊ငယ်မူငယ်သွေးအခေါ်အပြောလေးတွေကိုအောက်မေ့တသတဲ့အနေနဲ့၊
မင်း၊ငါဆိုတဲ့အသုံးအနှုန်းနဲ့သာပြောပါရစေတော့။

မင်းကဒုံးသိပ်ဝေးလွန်းတော့စကားပလ္လင်ခံရတာနဲ့တင်၊လိုရင်းမရောက်ပဲအတော်အာပေါက်နေပြီကွာ။ဒါပေမဲ့သေရေးရှင်ရေးကိစ္စမို့၊အာပေါက်ရုံမကလို့၊ဟောနေရင်းမတ်တတ်က၊ပျံလွန်တော်မူရမယ်ဆိုရင်တောင်၊မဖြစ်မနေပြောရမဲ့ကိစ္စဖြစ်နေတယ်ဟေ့။

(နှစ်)
တကယ့်သေရေရှင်ရေးပါသူငယ်ချင်း။တိုင်းပြည်နဲ့လူမျိုးအတွက်သေရေး
ရှင်ရေးကိစ္စဖြစ်ရုံတင်မကဘူး။မင်းတို့ငါတို့ဘဝအတွက်တင်မက
၊နောင်လာမဲ့မင်းတို့ငါတို့ရဲ့မျိုးဆက်သစ်တွေအတွက်ပါသေရေး
ရှင်ရေးဖြစ်နေလို့ပါကွာ။

အခုမင်းကဗိုလ်ချုပ်အရေခွံချွတ်တာနှစ်ရက်တပိုင်းတောင်
မပြည့်သေးဘူး။အစိမ်းရောင်ပါတီကြီးကနေ၊အမတ်လောင်းအဖြစ်
ဝင်ပြိုင်တော့မှာမဟုတ်လား။တကယ်တော့၊မင်းတို့လုပ်သမျှ
လုပ်ရပ်အားလုံးဟာ၊ရိုက်ကွင်းဆယ့်တကွင်းတကွင်းမှမလွတ်ဘူး။
တုတ်ကိုခုန်ခုန်တိုးပြီးလူထုချဉ်ဖတ်မဖြစ်ဖြစ်အောင်၊ရည်ရွယ်ချက်ရှိရှိ
အားထုတ်နေကြတာများလားကွာ။

မင်းတို့ဗိုလ်ချုပ်ဟောင်းတွေအဲဒီပါတီကြီးထဲအကုန်စုပြုံဝင်ပြီး၊
အမတ်ရူးရူးကြတော့၊မင်းတို့စစ်တပ်ဟာအဲဒီပါတီကြီးနဲ့၊
တကျိတ်တည်းတဥာဏ်ပုလင်းတူဗူးဆို့ဆိုတာ၊ပိုထင်ရှားနေတာပေါ့။
မင်းတို့စစ်တပ်ကအဲဒီပါတီကိုနောက်ကွယ်ကနေ
အခိုင်အမာကျောထောက်နောက်ခံပေးထားတယ်ပြောရင်လည်း
၊မင်းတို့အနာပေါ်တုတ်ကျကြဦးမယ်။

တကယ်တော့အဲဒီအစိမ်းရောင်ပါတီကြီးဟာ၊တိုင်းပြည်ဘဏ္ဍာငွေတွေကို
ပုံအောအသုံးချပြီးလူမှုရေးအသင်းပုံစံနဲ့စဖွဲ့ခဲ့တာပါကွာ။
မင်းတို့လုပ်ပေါက်က၊ရပ်ကွက်ဆွမ်းလောင်းအသင်းဓမ္မာရုံကိုမောင်ပိုင်စီးပြီး၊
ကိုယ်ပိုင် ဘီယာစတေရှင်ဖွင့်သလိုပါပဲ။
ရှက်တတ်ရင်လဲသေဖို့တောင်ကောင်းတယ်ကွ။

ထားပါလေ။ကလေးရောခွေးပါသိပြီးသားကိစ္စမို့ချေးခြောက်ကိုရေမနှူးတော့ပါဘူး။
ပစ္စုပ္ပန်တည့်တည့်ကိုပဲရှုကြရအောင်။

အခုမင်းက၊အမတ်လောင်းအဖြစ်ရွေးကောက်ပွဲဝင်မယ်ဆိုတော့
၊နိုင်ငံရေးမှာမင်းတတ်တာဆိုလို့ဟုတ်ဟုတ်ငြားငြားဘာများရှိလို့တုန်း။
သြ၊စိတ်ဆိုးသပေါ့။မင်းပြောတဲ့မဲဆွယ်မိန့်ခွန်းကို
မင်းကိုယ်တိုင်ပြန်နားထောင်ကြည့်လေ။

အမှန်တော့မင်းဟာကမိန့်ခွန်းပြောတာမဟုတ်တာပါဘူးကွာ။ကြိုပြီးရေးလာတာကို
ဖတ်ပြတဲ့(ပါတာဖတ်)ပါ။ဒါတောင်၊မင်းမှာအသံနေအသံထားမှန်အောင်
မဖတ်နိုင်ရှာဘူး။နောက်ပြီးမင်းပြောပေါက်တွေကိုကြည့်ဦး။

။ကျောင်းတွေ၊ဆေးရုံတွေဆောက်ပေးမယ်။လမ်းတွေဖောက်ပေးမယ်လို့
ကတိပေးသတဲ့။ခက်တော့နေပါပြီ။ဒါတွေကိုအခုမှ
ကယောင်ကတမ်းထပြောနေရအောင်၊မင်းတို့စစ်အစိုးရနှစ်ပေါင်း
ငါးဆယ်ကျော်အာဏာယူထားတုန်းက၊အဲဒါတွေလုပ်မပေးပဲ၊
ဘယ်သွားအလေလိုက်နေကြသတုန်းဟင်။နောက်ပြီး
အဲဒါတွေလုပ်ပေးမှာက၊မင့်အိတ်ကပ်ထဲကပိုက်ဆံတွေထုတ်ပြီး
လုပ်ပေးမှာလားဟင်။

(သုံး)
ပြောပြမိလို့ဒေါတော့မပွလေနဲ့သူငယ်ချင်း။မင်းမဲဆွယ်ပွဲကိုတက်မဲ့သူမရှိလို့
၊နေ့တွက်ကြေးငါးထောင်ပေး၊ထမင်းထုပ်၊ဆိုင်ကယ်ဆီဘိုး၊
ဦးထုပ်အလံတွေအလကားဝေပြီးအစည်းအဝေးဇွတ်တက်ခိုင်းလို့
တက်လာကြတာ၊မင်းတို့ကိုချစ်လို့များထင်နေရော့သလား။
မင်းပြောတဲ့မဲဆွယ်မိန့်ခွန်းကို၊ဝင်းတံခါးပိတ်ထားလို့၊အောင့်အီးသည်းခံ
နားထောင်နေတဲ့ပရိသတ်တွေရဲ့စိတ်ထဲမှာဘယ်လိုများရှိကြမလဲတော့
မဆိုနိုင်ဘူး။ဒါပေမဲ့၊ငါကတော့၊မင်းမြတ်မောင်ဆိုတဲ့
ငါ့မိတ်ဆွေတစ်ယောက်သူ့ဖေ့စ်ဘွတ်ပေါ်မှာရေးတင်ထားတဲ့
ဟာသစတေးတပ်လေးတစ်ပုဒ်ကို၊ချက်ချင်းပြေးသတိရမိတာပါပဲ။
မင်းနားလည်လွယ်အောင်အတိုခြုံ့ပြီးပြန်ရေး ပြရရင်..၊

အစိမ်းရောင်ပါတီ အမတ်လောင်းအဖြစ် တာဝန်ပေးခံရတဲ့
ဗိုလ်ချုပ်တစ်ယောက်ဟာ ဘယ်တုန်းကမှ စကား ရှည်ရှည်မပြောခဲ့ဖူးတော့၊
ဘယ်လို မဲဆွယ်တရားဟောရမှန်းမသိရှာဘူး။

ယူနီဖောင်းချွတ်ပြီး ပုဆိုး၊ တိုက် ပုံ၊ ခေါင်းပေါင်း ဝတ်ပေမယ့်
မဲဆွယ်တရားဟောဖို့ အခက်အခဲဖြစ်နေတဲ့ ဗိုလ်ချုပ်ခမျာ ကြံရာမရ တော့ သမ္မတတွေ၊ဝန်ကြီးချုပ်တွေကိုမိန့်ခွန်းရေးပေးနေတဲ့
နိုင်ငံခြားသားနိုင်ငံရေးပညာရှင် တစ်ယောက် ကို ငှားလိုက်ရတယ်။

ဒီတော့၊အဲဒီမိန့်ခွန်းရေးပေးဖို့အငှားခံရတဲ့နိုင်ငံခြားသားက
၊မြန်မာလိုတစ်လုံးမှမတတ်လေတော့၊ဟောနည်းပြောနည်း
အတိုချုပ်ကိုသာသင်ပေးလိုက်ရသတဲ့ကွာ။

သူသင်ပေးလိုက်တဲ့အချက်တွေကတော့၊

"မဲဆွယ်တရားဟောတယ်ဆိုတာ ရှည်ရှည်ဝေးဝေး ပြောစရာမလိုဘူး၊

ကိုယ်ဘာလိုချင်တယ်ဆိုတာ ပွင့်ပွင့်လင်းလင်း ပြောရမယ်။

ကိုယ်လိုချင်တဲ့ အချက်ကို ရှင်းရှင်းလင်းလင်း တိုတိုတုတ်တုတ် ပြောနိုင်ရင် အကောင်းဆုံးပဲ"

"နောက်တစ်ချက်အနေနဲ့၊ လူတွေဟာ ဟန်ဆောင်ဖုံးကွယ်တာ မကြိုက်ဖူး၊ ကိုယ့်ရင်ထဲက စိတ်ဆန္ဒကို အမှန်အတိုင်း ပြောရမယ်"

"ပြီးတော့၊အိုက်တင်တွေထုတ်ပြီး အမူအရာလုပ်စရာမလိုဘူး၊ ရိုးရိုးသားသားပြောဆိုတတ်သူကို လူတွေ သဘောကျတယ်"

“ဗိုလ်ချုပ်နေ့စဉ်ပြောဆို ဆက်ဆံနေကျပုံစံအတိုင်းသာပြောပါ။
လူတွေကတမင်ဟန်လုပ်ပြောတာ မျိုး ထက် သဘာဝကျကျ
ပြောဆိုသူတွေကို ပိုနားထောင်ချင်ပါတယ်"စသည်ဖြင့်ပေါ့ကွာ။

ဒီမှာတင်အမတ်လောင်းဗိုလ်ချုပ်စိတ်ထဲမှာအိုကေပြီ၊
ဒီလိုဆိုတော့မဲဆွယ်ဟောပြောတယ်ဆိုတာ ဘာမှ
မခက်ခဲပါလားဆိုပြီးဟောပြောပွဲ စင်မြင့်ပေါ်ကို ရဲရဲဝံ့ဝံ့
ရင်ကော့တက်လာခဲ့တယ်။ စင်ပေါ်လည်း ရောက်ရော၊မိုက်ကရိုဖုန်းရှေ့မှာ ခါးထောက်ရပ်လိုက်ပြီး၊

"ဟေ့ကောင်တွေ၊ကောင်မတွေ၊မင်းတို့အားလုံးဟောပြောပွဲမပြီးခင်
ထပြန်ရင်ယီးပဲ၊ ငါပြောတာသေသေ ချာချာ နားထောင်စမ်း
၊ရွေးကောက်ပွဲမှာငါ့ကိုမဲပေး၊
ငါတို့အစိမ်းရောင်ပါတီကိုပဲမဲပေး၊ ငါ့ဆီက နေ့တွက် ပိုက်ဆံယူပြီးငါပြောသလိုမလုပ်တဲ့မအေရိုးတွေ၊ဖေယိုးမတွေ
အကုန်ပါးရိုက်ပြီးထောင်ထဲထည့်မယ်၊နားလည်လား၊
ကဲတန်းဖြုတ်၊ဟေ့နေဦး၊တစ်ယောက်ကိုဒံပေါက်တစ်ထုပ်ထက်
ပိုယူတဲ့ကောင်ကိုနားရင်းအုပ်မယ်၊ ကြားလား၊သွားနိုင်ပြီ"လို့ ပြတ်ပြတ်သားသား ပြောကြားလိုက်ပါရောတဲ့ ကွာ။

(လေး)
မရှက်ပါနဲ့သူငယ်ချင်း။ဒီလိုစောက်ရမ်းပဒဲကောအဖြစ်တွေဟာ
မင်းတစ်ယောက်တည်းကြုံနေရတာမဟုတ်ပါဘူး။မင်းတို့တပ်ထွက်
ဗိုလ်ချုပ်အားလုံးနီးပါးပါပဲ။မင်းတို့ဟာလူလိုသူလိုဟောဖို့ပြောဖို့လည်း
မတတ်သလို၊တိုင်းပြည်ကောင်းရာကောင်းကြောင်းအတွက်လည်း
ဘာတစ်ခုမှ၊လုပ်တတ်တဲ့သူတွေမဟုတ်ပါဘူး။

ဒီမိုကရေစီလမ်းကြောင်းပေါ်တက်ခဲ့ပါပြီဆိုတဲ့လွန်ခဲ့သောငါးနှစ်တာကာလမှာ
မင်းတို့ဆရာ့ဆရာကြီးတွေ၊ဘာတွေစွမ်းစွမ်းတမံလုပ်သွားနိုင်သလဲဆိုတာ
သေချာပြန်စဉ်းစားကြည့်ပါ။

ကမ္ဘာ့လှည့်ငွေချေး၊လည်ပင်းနစ်နေတဲ့ကြွေးမြီတွေကိုလျှော်ပေးဖို့
၊နိုင်ငံတကာကိုမျက်နှာချိုသွေး၊ရှိသမျှသယံဇာတတွေကို
အရှိန်အဟုန်မပျက်ဆက်ရောင်း၊တရုတ်ကိုဖင်ပေးပေါင်း၊
လယ်တွေသိမ်းယာတွေသိမ်း၊နေစရာမရှိတဲ့သူတွေရဲ့
တဲအိမ်တွေကိုဘူဒိုဇာနဲ့ထိုး၊

စစ်ဗိုလ်တမတ်သားက၊လွှတ်တော်ထဲ
ဇွတ်ဝင်ထိုင်ပြီးအိပ်ငိုက်၊အမေမှာတဲ့ဆန်တခွဲသုံးစိတ်နဲ့
မလဲဆိုသလိုလူထုအတွက်အကျိုးရှိမဲ့အဆိုတွေကိုအိပ်ချင်မူးတူး
ဇွတ်အတင်းပယ်ချ၊အချင်းချင်းခွက်စောင်းခုတ်။မင်းတို့ဒါပဲတတ်တယ်လေ။

အခုတပြည်လုံးမှာရာဇဝတ်မှုတွေအဆမတန်ထူပြောလာနေပြီ၊
ထူပြောလာမှာပေါ့၊မင်းတို့ကိုယ်တိုင်ရာဇဝင်လူဆိုးလူမိုက်တွေကို၊
လက်ပတ်နီပတ်ပေး၊မတန်မရာနေရာပေးမြှောက်စားပြီး၊
အာဏာတည်မြဲရေးအတွက်လက်ကိုင်တုတ်အဖြစ်အသုံးချနေကြတာကိုး။

ကမ္ဘာကြီးအကြောင်းကိုမင်းတို့နကန်းတစ်လုံးမှနားမလည်ပါဘူး။နိုင်ငံရေး
စီးပွားရေးဆိုဝေလာဝေး။ဆင်းရဲမွဲတေမှုပပျောက်ဖို့၊စက်မှုနိုင်ငံထူထောင်ဖို့၊
သဘာဝပတ်ဝန်းကျင်ကိုထိန်းသိမ်းစောင့်ရှောက်ဖို့၊လူ့အခွင့်အရေး
ကာကွယ်မြှင့်တင်ဖို့ဆိုတာတွေဟာ၊မင်းတို့လက်လှမ်းမမီတဲ့ကိစ္စတွေပါ။

ဒါကိုမင်းတို့စစ်ဗိုလ်ချုပ်တွေပီပီစစ်သည်တော်ကောင်းစိတ်ဓာတ်နဲ့ရဲရဲကြီး
ဝန်ခံလိုက်စမ်းပါ။

တိုင်းပြည်ကိုတိုးတက်အောင်လုပ်ဖို့မဆိုထားနဲ့။ကွမ်းယာဆိုင်တောင်
ဖွင့်လို့ရတဲ့ဥာဏ်ရည်ဥာဏ်သွေးလောက်တောင်၊မင်းတို့မှာမရှိပါဘူးကွာ။
တကယ်တော့မင်းတို့ဟာ၊ကိုယ့်ကိုယ်ကိုဘဝရှင်
မင်းတရားကြီးတွေအဖြစ်သွေးနားထင်သာရောက်နေပြီး၊

ငါ့ခြေထောက်နဲ့ကန်လိုက်ရင်ကမ္ဘာကြီးလှုပ်သွားသဟဲ့လို့ထင်နေတဲ့၊
ဝမ်းတွင်းကသန္ဓေသားအဆင့်သာရှိပါသေးတယ်။

ဒီတော့ဘာဖြစ်မလဲဟုတ်လား။လာမဲ့ရွေးကောက်ပွဲမှာ
မင်းတို့ခွက်ခွက်လန်အောင်ရှုံးမယ်။မရှုမလှရှုံးမယ်။
လူထုဟာမင်းတို့ရဲ့မသမာတဲ့လုပ်ရပ်၊မဟုတ်မဟတ်
အကြံအစည်တွေကိုကောင်းကောင်းကြီးသဘောပေါက်နေကြပါပြီ။
လူထုဟာဘယ်ပါတီကိုအကြီးအကျယ်ထောက်ခံမှုပေးနေတယ်။
ယုံကြည်လက်ခံနေတယ်ဆိုတာ၊မင်းတပ်ထားတဲ့
မျက်မှန်စိမ်းကိုချွတ်ကြည့်လိုက်ရင်၊ချက်ချင်းသဘောပေါက်သွားမှာပါ။

(ငါး)
ဒီအခြေအနေမျိုးမှာမင်းတို့ဘယ်လိုကြံစည်တွေးတောနေမလဲဆိုတာ၊
ငါအသိဆုံးပါသူငယ်ချင်း။ငါဟာ တချိန်တုံးကမင်းအဘတွေကို လာဘ်စားနည်းသင်ပေးခဲ့ဖူးတဲ့သူကွ။မင်းအဘတွေအကြောင်း
အူမချေးခါးမကျန်အကုန်သိနေတဲ့ကောင်။လာမဲ့ရွေးကောက်ပွဲမှာ
မင်းတို့မနိုင်နိုင်အောင်၊နည်းမျိုးစုံနဲ့လိမ်လည်လှည့်ဖျားကောက်ကျစ်
ယုတ်မာကြမယ်ဆိုတာ၊ငါသေချာပေါက်ပြောနိုင်တာပေါ့။

ငါတင်မဟုတ်ပါဘူး။တတိုင်းပြည်လုံး၊တကမ္ဘာလုံး၊ထမင်းစားပြီးကြီးပြင်းတဲ့
လူမှန်ရင်အကုန်သိနေကြပါပြီ။ရန်ကုန်လိုမြို့ကြီးမှာတောင်မင်းတို့ပါတီက
မဲဆွယ်ကားတွေသီချင်းဖွင့်ပြီးလျှောက်လှည့်ရင်၊အဖက်လုပ်ပြီးလှည့်ကြည့်တဲ့သူ
တောင်မရှိတဲ့အပြင်၊သံပုံးတီးပြီးတောထုတ်နေကြပါပြီကွာ။

လက်ရှိအခြေအနေမှာမင်းတို့ထင်တိုင်းမပေါက်နိုင်တော့ဘူးဆိုတာ၊
မင်းသေချာပေါက်ယုံလိုက်ပါ။မြန်မာတပြည်လုံးရူးနေကြတာမဟုတ်သလို၊
ကမ္ဘာကြီးကလည်းစိတ်ပေါ့သွပ်နေတာမဟုတ်ဘူး။

ဒါကြောင့်မင်းတို့၊ကြံစည်နေတဲ့အကြမ်းဖက်နည်း၊မသမာနည်းတွေဟာ၊
မင်းတို့ထင်ထားသလိုအလုပ်ဖြစ်လာမှာမဟုတ်ပဲ၊
မင်းတို့သာမင်းတို့သေတွင်းမင်းတို့တူးသလိုဖြစ်မှာကို
ငါသေချာပေါက်ဟောကိန်းထုတ်လိုက်ပါတယ်။

သွေးရူးသွေးတန်းမလုပ်ကြပါနဲ့။မင်းတို့ဟာနေ့စေ့ကံကုန်နေပါပြီ။
ဖုတ်သက်ငွေ့ငွေ့သာကျန်နေတော့တာပါ။ပြောင်းလဲချိန်တန်ပြီ
ဆိုပြီးသေနတ်ပြောင်းကိုအသစ်လဲ၊လူထုကိုအသေသတ်တဲ့နည်းဟာလည်း
ခေတ်ကုန်သွားပြီသူငယ်ချင်း။အဲဒီလဲထားတဲ့ပြောင်းအသစ်ဟာ
မင်းတို့ဖက်ကိုကြိမ်းသေပေါက်လှည့်လာပါလိမ့်မယ်။

သြ၊ရွှေဘိုမှာအောင်မြေနင်းပြီးကြပြီဟုတ်လား။ရူးပါ့ကွာ။ဗေဒင်ဆရာနဲ့
ဘိုးတော်တွေကိုအားကိုးနေတဲ့မင်းတို့လုပ်ပေါက်ကတော့၊
ထမင်းလွတ်အရူးအဆင့်ကိုရောက်နေပါပြီကော။အောင်မြေကို၊
ဟိုအကောင်နင်းတော့၊အောင်ပြီထားပါဦး။ပုဏ္ဏားမန္တန်ကိုမြေခွေးရသလို
တိုင်းပြည်ပျက်ကိန်းပဲပေါ့။ဘယ်ဖက်ကကြည့်ကြည့်ဘယ်သူ့အတွက်မှ
မကောင်းပါဘူးကွာ။

ဒီတော့မင်းတို့အကြံအစည်ကိုလက်လျော့ပြီးအရှုံးကိုရိုးရိုးသားသား
လက်ခံလိုက်တာဟာ၊ရဟန်းရှင်လူပြည်သူအများကိုကယ်တင်ခြင်းပါပဲ။
တို့တိုင်းတို့ပြည်ကိုမင်းတို့ ကာကွယ်စောင့်ရှောက်ရာကျပါတယ်။ နတ်လူသာဓုခေါ်ကြမှာပါ။

တိုင်းပြည်ကိုတကယ်ချစ်ရင်လေးငါးနှစ်တန်သည်ကမ္ဘာ့အရေးမြန်မာ့အရေးကို
အချိန်ယူသေချာလေ့လာပါသူငယ်ချင်း။ပြီးမှရွေးကောက်ပွဲဝင်ပါ။
မင်းကိုငါကိုယ်တိုင်မဲထည့်ပါ့မယ်။

ငယ်သူငယ်ချင်းမို့၊အားမနာတမ်းပြောမိတာစိတ်မဆိုးကြေးနော်။
အသက်တွေလည်းကြီးလှပါပြီ။တရားသဘောလေးဘာလေးနှလုံးသွင်းပါကွာ။
သဗ္ဗေသင်္ခါရာအနိစ္စာတဲ့။မြင်မြင်သမျှသင်္ခါရဘယ်အရာမှ
မမြဲပါဘူး။ဖြစ်လာသမျှပျက်ရမှာပါကွာ။

ရော့၊ဝိုင်တခွက်မော့လိုက်ဦး။သူရာမေရယလို့စိတ်ထဲမှာမမှတ်နဲ့နော်။
ကျန်းမာရေးအလို့ငှာလို့နှလုံးသွင်း။သြဇီဝိုင်ကွ။တော်တော်ကြီးကိုကောင်းတယ်။
မင်းအဖော်ရအောင်ငါလည်းတခွက်မော့လိုက်မယ်။ချီးယားစ်သူငယ်ချင်း။