Dr. Martens ဖိနပ်များအကြောင်း တစေ့တစောင်း

Scorpion Soup For Soul added 4 new photos — with KyeeKan Chucky and 7 others.

Dr. Martens ဖိနပ်များအကြောင်း တစေ့တစောင်း
----------

ဂီတသမားနဲ့ သူတို့ရဲ့ဖက်ရှင်ဒီဇိုင်းနဲ့က ဘယ်လိုဆက်စပ်သလဲ ပညာရှင်တွေပဲသိကြမှာပါ။ ကျွန်တော်တို့လို သာမန်သူတွေသိတာတခုတော့ရှိတယ်။ Slash ဆိုတဲ့ဂစ်တာသမားဆိုတာ ဦးထုပ်ဆောင်းချင်ဆောင်း၊ မဆောင်းရင်လဲ ဆံပင်ဖွာဆလန်ကျဲကြီးနဲ့ပေါ့ဗျာ။ ဒါဟာသူ့အမှတ်အသားပဲ။ အဲဒီလိုပဲ မက်တယ်လစ်ကာတို့ဆိုရင် အဝတ်အစားအနက်ရောင်ပဲဝတ်လေ့ရှိတယ်။ အဆိုတော် ဂျိမ်းကို တီရှပ် အနီရောင်နဲ့တွေ့ရမှာမဟုတ်ပါဘူး။ နှစ်တွေကြာလာတော့ ဂီတသမားရဲ့ သီချင်းတွေနဲ့အတူ သူတို့ရဲ့ဝတ်စားဆင်ယင်မှုဟာလဲ ပူးတွဲပြီး အမှတ်အသားအဖြစ် ကျွန်တော်တို့ရင်ထဲမှာ မသိစိတ်အဖြစ်ကိန်းအောင်းမိတတ်ကြပါတယ်။

၁၉၆၀ ပြည့်နှစ်က ပန်ခ့်ရော့ခ်သမားတွေကနေပြီး စတင်လိုက်တဲ့ Dr. Martens ဖိနပ်တွေဟာ ၁၉၈၀ ပြည့်နှစ်တွေတင်မကပဲ ၁၉၉၀ ပြည့်နှစ်ရဲ့ Grunge ဂီတတော်လှန်ရေးအထိသြဇာသက်ရောက်မှုရှိခဲ့တယ်။ အခုထိလဲရော့ခ်အင်ရိုးဖက်ရှင်အဖြစ် အခိုင်အမာရပ်တည်နေတုန်းပါပဲ။ ဒီဖိနပ်တွေစတင်ထုတ်လုပ်ခဲ့တဲ့ လွန်ခဲ့တဲ့နှစ်ပေါင်း (၅၀) လောက်ကတည်းက ဒေါက်တာမာတင်ဖိနပ်တွေကို အခြေခံလူတန်းစားအတွက်ရည်ရွယ်ပြီးထုတ်လုပ်ခဲ့တာဖြစ်ပါတယ်။

သမိုင်းကြောင်းပြန်ကောက်ကြည့်ရင် ဂျာမန်ဒေါက်တာဖြစ်တဲ့ Klaus Mäertens ဟာ ဒဏ်ရာရထားတဲ့ စစ်သားတွေဟာ စစ်ဖိနပ်ကိုစီးရင် အဆင်မပြေဖြစ်လို့ သူက ဖိနပ်ကိုအဆင်ပြေအောင် ဒီဇိုင်းလုပ်ဖြစ်သွားရကစပြီး ဒေါက်တာမာတင်ဆိုတာဖြစ်လာပါ။ အဲဒီမှာ Britain နိုင်ငံက ဖိနပ်ချုပ်တဲ့ R. Griggs Group Ltd ပူးပေါင်းပြီးတော့ ဖိနပ်လုပ်ငန်းစတင်လုပ်ကိုင်တာဖြစ်ပါတယ်။ ဒေါက်တာမာတင်ဖိနပ်မှာ အသုံးပြုတဲ့ အပ်ချည်ကြိုးအဝါရောင်ဟာ သူတို့ရဲ့ထင်ရှားတဲ့အမှတ်အသားတခုဖြစ်ပါတယ်။

ခိုင်ခန့်မှုကို အသားပေးတဲ့ ဒေါက်တာမာတင်ဖိနပ်ဟာ အမြင်မှာ လေးပင်တယ်လို့ထင်ရပေမယ့် တကယ်တန်းစီးကြည့်တော့ အတော်လေးပေါ့ပါးတာကိုတွေ့ရမှာပါ။ ပထမဆုံးအကြိမ် ရော့ခ်ဂီတထဲမှာ နာမည်စပြီးကြီးတာဟာ မက်ဂါစတားအဖွဲ့ဖြစ်တဲ့ The Who ရဲ့ ဂစ်တာသမား Pete ကြောင့်ဖြစ်ပါတယ်။ သူဟာ ၁၉၆၆ ခုနှစ်မှာ ဒေါက်တာမာတင်ဖိနပ်စီးပြီး အတော်လေးကြိုက်သွားတော့ ရော့ခ်အင်ရိုးအသိုင်းအဝိုင်းမှာ လူသိပိုများလာခဲ့တယ်။ အဲဒီအချိန်မှာ ပန့်ခ်ရော့ခ်ကလဲ အရှိန်စပြီးရခါစဆိုတော့ ဒေါက်တာမာတင်ဖိနပ်တွေကို ပန့်ခ်ရော့ခ်သမားတွေ အကြိုက်တွေ့ခဲ့ကြတယ်။

England နိုင်ငံထွက်ဖိနပ်ဖြစ်လို့ Made in England ဆိုတဲ့စာတမ်းကြီးကို မမြင်ချင်မှအဆုံးပါ။ ချွင်းချက်အနေနဲ့ကတော့ ၂၀၀၃ မှာ ရောင်းအားကျလို့ ထိုင်းနိုင်ငံနဲ့ တရုတ်နိုင်ငံမှာ ထုတ်လုပ်စေခဲ့တယ်။ အဲဒီမှာMade in England တံဆိပ်ကြီးပြုတ်သွားတယ်။ နောက်တနှစ် ၂၀၀၄ မှာ ထုတ်လုပ်မှုဟာ အင်ဂလန်ကိုပြန်ရောက်လာပြီး Made in England တံဆိပ်ကို ပြန်တပ်ခဲ့တယ်။ အဲဒီမှာ ဖိနပ်ဟာ အတော်လေးဈေးကြီးသွားခဲ့တယ်။ တချို့ဖိနပ်တွေက ဒေါ်လာ ၂၀၀ တွေအထိဖြစ်ကုန်တယ်။

ဒေါက်တာမာတင်ဖိနပ်တွေက အကြမ်းခံတယ်။ ပေါ့ပါးတယ်။ မိုက်တိမိုက်ကန်းရုပ်ထွက်တော့ ရော့ခ်ကာတွေ ပန့်ခ်ရော့ခ်သမားတွေကြိုက်ကြတာ မထူးဆန်းလှဘူး။ အသပြာအဆင်ပြေသူတိုင်း တရံလောက်တော့ ဆွဲသင့်ကြောင်းပါ။

ခင်တဲ့
ကိုဝီ