အပြင်မှာမိုးလေးတဖွဲဖွဲဆိုပေမယ့် အထဲမှာယမ်းငွေ့တွေနဲ့ ဘဝခြား

ထွဏ်းသွေး အိမ်

 

အပြင်မှာမိုးလေးတဖွဲဖွဲဆိုပေမယ့်
အထဲမှာယမ်းငွေ့တွေနဲ့ ဘဝခြား
----------------------------------

စစ်သေနတ်အလက် (၂၀၀)
ခိုးထုတ်သွားတာလည်းသိတယ်
သူ့ကိုတိုက်ခိုက်ဖြိုခွဲမယ်ဆိုတာလည်း
ကြားတယ်
ဒါလည်းအေးလိုက်တဲ့သွေး
“ ကျုပ်တို့ဟာ တိုင်းပြည်ကောင်းစားအောင်
ဒီလောက်ကြိုးစားနေတာပဲ ၊ အဲဒါ သူတို့က
မကျေနပ်လို့ သတ်ချင်လည်းသတ်ပေါ့တဲ့ "

ရွှေဖလားရောင် ဘန်ကောက်လုံချည်
မန္တလေးပိုးတိုက်ပုံ ဝတ်လို့
သူ့ဘဝရဲ့
နောက်ဆုံးအစည်းအဝေးဆိုတာ
သူမသိခဲ့ဘူး
သူ့ဘေးနားက
ဗိုလ်ထွန်းလှလည်းမသိခဲ့ဘူး ၊

မူလတန်းကျောင်းစထားတဲ့နေ့ပဲ
ကကြီးကနေ အ အထိအလွတ်ရခဲ့သူ
ငယ်ငယ်ထဲက
သူငယ်ချင်းတွေကို တစ်မတ်ပေးပြီး
စစ်ခေါင်းဆောင်နေရာ သူလုပ်ခဲ့ပြီး
ဦးသောဘိတ ကျောင်းဝင်းထဲက
တမာပင်ကြီးတွေဟာ
သူ့ရဲ့တိုက်ပွဲလေ့ကျင့်ရာနေရာ၊

၁၉၃၂
ရန်ကုန်တက္ကသိုလ်ရောက်လာတော့
ဆံပင်စုတ်ဖွား
မန္တလေးလုံချည်တစ်ပတ်နွမ်း
ပင်နီတိုက်ပုံအင်္ကျီဝတ်ပြီး
တခြား
ပိုးဖဲကတ္တီပါ
ဘိုကေပြောင်ကျောင်းသားတွေကြားမှာ
ခြေညှပ်ဖိနပ်နဲ့သူ ၊

နိုင်ငံရေး
စာပေ
ဂီတ
စတာတွေနဲ့ပျော်မွေ့ရင်း
၁၉၄၇ ၊ ဇူလိုင်လ (၁၉) ရက်နေ့

ဂ ငယ်ပုံ ခင်းထားတဲ့
စားပွဲအလယ်မှာသူထိုင်တယ်
ဘေးနားပတ်ပတ်လည်မှာ ဝန်ကြီးတွေ

ဘယ်လိုဖြစ်ဖြစ် အသေသတ်ဖို့လာပြီ
ဘညွှန့်၊ခင်မောင်ရင်၊မောင်နီ၊မှုံကြီး
ဒါကတစ်စီး
သုခ၊မောင်စိုး၊သက်နှင်း၊စိန်ကြီးနဲ့
ရန်ကြီးအောင်
မည်းမည်းမြင်တာအကုန်ပစ်ကြမှာ၊

ဦးစောဆွဲပေးလိုက်တဲ့
မြေပုံအညွှန်းအတိုင်း စပြီ ၊

နံနက် ၁၀ နာရီခွဲ
ခဏတာအဖြစ်အပျက်လေးတစ်ခု
စပစ်ပြီဆိုထဲက သူ့ကို
သူ တစ်ခုခုလှမ်းအော်သေးတယ်
သေနတ်ဒဏ်ရာတွေနဲ့တရွေ့ရွေ့
နောက်ကွယ်က စားပွဲနားကို
လျှောက်သွားကြည့်သေးတယ်
သူ့ကိုပစ်မှတ်ထားတိုက်တော့
သူ့နားထိုင်တဲ့
ဦးအုန်းမောင်၊သခင်မြ၊ဦးရာဇတ်
ဦးဘချို၊ဦးဘဝင်း၊မန်းဘခိုင်
ဘာမှလုပ်ချိန်မရခဲ့ဘူး၊

တော်သေးတာပေါ့
ဦးရွှေဘော်၊ဦးမြကလျင်လို့
ဦးဗဂျမ်းနဲ့ဦးအောင်ဇံဝေက
ကြမ်းပြင်ပေါ်သေချင်ယောင်ဆောင်ခဲ့လို့

ကမ္ဘာတစ်ခြမ်းတော့မှောင်ခဲ့ပြီ
ကမ္ဘာမြေကြီးပေါ်သူနေခဲ့ရတာ
၃၂ နှစ် ၅ လ ၆ ရက်
“ကျုပ်အရာရှိလည်းမလုပ်ချင်ဘူး
မော်တော်ကားလည်းမစီးချင်ဘူး
ကျုပ်လိုချင်တာ ဗမာ့မြေကို ဗမာတွေ
ပြန်ရရေးနဲ့ လူတိုင်း လူတန်းစေ့
နေနိုင်ထိုင်နိုင်ရေးပဲ လိုချင်တယ်တဲ့ ”

သတင်းဟာ ခဏနဲ့ပြည်သူထဲတိုးဝင်
တောရော၊မြို့ပါ
ဝမ်းနည်းကြေကွဲမဆုံး၊ယူကျုံးမရဖြစ်ကြ

ကောင်းကင်ဟာအုံ့မှိုင်းလျက်
မိုးစက်တွေနဲ့
မျက်ရည်ပူတွေရောလို့

နှုတ်ဆက်ခဲ့ပါတယ် ဗမာပြည်
နှုတ်ဆက်ခဲ့ပါတယ် ကြည်နဲ့ကလေးတွေ
နှုတ်ဆက်ခဲ့ပါတယ်နတ်မောက်
နောက်လူအားလုံး
လွတ်လပ်သောဒီမိုကရေစီနိုင်ငံဖြစ်အောင်
အေးချမ်းသောတိုင်းပြည်တစ်ခုဖြစ်အောင်
မျှတမှုရှိသောလွှတ်တော်တစ်ခုဖြစ်အောင်
တည်ဆောက်ကြပါ
တမလွန်ကနေ
စိတ်ချယုံကြည်စွာ
စောင့်ကြည့်နေပါ့မယ် ၊၊. ၊၊

ထွဏ်းသွေးအိမ်