၂၀၀၈ - ဖွဲ့စည်းပုံအခြေခံဥပဒေ ဖြစ်ပေါ်လာပုံ သမိုင်းအကျဉ်း (သို့မဟုတ်) ပြည်သူအပေါ် လိမ်ခဲ့သူများ၏ သမိုင်းကြောင်း

လွှမ်း ပိုင် with ချစ် သမီး and 28 others

၂၀၀၈ - ဖွဲ့စည်းပုံအခြေခံဥပဒေ ဖြစ်ပေါ်လာပုံ သမိုင်းအကျဉ်း (သို့မဟုတ်) ပြည်သူအပေါ် လိမ်ခဲ့သူများ၏ သမိုင်းကြောင်း
♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♣
{သမိုင်းကြောင်းအမှန်ကို သိလိုလျှင် စာဖတ်ဖို့ မပျင်းပါနဲ့}
---------------------------------------------------------------
၈၈၈၈ အရေးတော်ပုံကြီး၊ ၁၉၈၈ စက်တင်ဘာ(၁၈)ရက်မှာ တပ်မတော်ဟာ နိုင်ငံတော်အာဏာကို ထပ်မံ သိမ်းခဲ့ပြန်ပါတယ်။
အာဏာသိမ်း ဗိုလ်ချုပ်ကြီးစောမောင်က ရွေးကောက်ပွဲ အမြန်ဆုံး လုပ်ပေးမည်ဖြစ်ကြောင်း၊ ပြီးလျှင် စစ်တန်းလျား ပြန်မည်ဖြစ်ကြောင်း၊ ဖွဲ့စည်းပုံကို တပ်မတော်က မရေးဘူး။ ရွေးကောက်ပွဲမှာ အနိုင်ရပြီး တက်လာတဲ့အစိုးရက ရေးပါလို့ တရားဝင် ကြေငြာခဲ့ပါတယ်။ ဗိုလ်ချုပ်စောမောင်ဟာ ၁၉၉၀ ရွေးကောက်ပွဲကိုလည်း တရားမျှတစွာနဲ့ ပြုလုပ်ပေးခဲ့ပါတယ်။ အဲ့ဒီနောက် ၂/၉၀ အမိန့်ကြေငြာစာ၊ အပိုဒ်(၂၀)မှာ “ရွေးကောက်ပွဲမှ တက်လာတဲ့ ပြည်သူ့ရွေးကောက်ခံ အမတ်များသည် ဖွဲ့စည်းပုံဥပဒေကို ရေးဆွဲရမည့်တာဝန် ဖြစ်သည်”လို့ အတွင်းရေးမှူး(၁) ဗိုလ်ချုပ်ခင်ညွန့် လက်မှတ်နဲ့အတူ ထုတ်ပြန်ကြေငြာခဲ့ပါတယ်။

ထို့နောက် ၁၉၉၂-ခုနှစ်မှာ ဗိုလ်ချုပ်စောမောင်ကို ကျန်းမာရေးကြောင့်ဆိုပြီး အငြိမ်းစားပေးခဲ့ပါတယ်။ ၁၉၉၂ ခုနှစ်အတွင်းမှာပင် ကြေငြာချက်အမှတ်- ၁၂ နဲ့ ၁၃ ဆိုပြီး ကြေငြာချက်(၂)ခု ထုတ်ပါတယ်။ အဲ့ဒီကြေငြာချက်တွေမှာ ဖွဲ့စည်းပုံအခြေခံဥပဒေကို တပ်မတော်က ဦးဆောင်ရေးမယ်။ အဲဒီအတွက် အမျိုးသားညီလာခံကို ကျင်းပပေးမယ်။ ကျင်းပရေးကော်မရှင်ကို ဖွဲ့ပေးမယ်ဆိုပြီး ကြေငြာခဲ့ပါတယ်။ ဒီကော်မရှင်က အနာဂတ် မြန်မာနိုင်ငံရဲ့ဖွဲ့စည်းပုံအတွက် မူတွေချမှတ်ရမယ်။ အဲ့လိုချမှတ်ရာမှာ အနာဂတ် မြန်မာနိုင်ငံရေးကို တပ်မတော်က အမြဲတမ်း ဦးဆောင်သွားနိုင်ဖို့ အတွက်ကို ထည့်ရေးရမယ်ဆိုပြီး အနိုင်ကျင့်ကာ လမ်းကြောင်းချပါတော့တယ်။

အဲဒီနောက် အမျိုးသားညီလာခံကို ကျင်းပဖို့အတွက် လူ(၇၀၀)နဲ့ ဖွဲ့စည်းပါတယ်။ ပြည်သူ့ ကိုယ်စားလှယ် (၁၀၀)နဲ့ (န၀တ) စစ်အာဏာရှင်ဘက်က လူ(၆၀၀)ကို ထည့်သွင်းပါတယ်။ ညီလာခံ အစည်းအဝေး ကျင်းပရာမှာ ပြည်သူ့ကိုယ်စားလှယ်တွေနဲ့ န၀တ အာဏာရှင်အုပ်စုဟာ အမြင်ခြင်း ကွဲလွဲမှုတွေ ရှိတဲ့အတွက် အံသြဖွယ်ရာ ကောင်းလောက်အောင်ပဲ ပြည်သူ့ ကိုယ်စားလှယ်(၁၀၀)အုပ်စုနဲ့ န၀တအာဏာရှင် (၆၀၀)အုပ်စုကို မဲခွဲဆုံးဖြတ်ခိုင်းပါတယ်။ (၆၀၀)နဲ့(၁၀၀) မဲခွဲကြတဲ့အတွက် ပြည်သူ့ကိုယ်စားလှယ်တွေသာ အမြဲတမ်းရှုံးနိမ့်ပါတယ်။
ဒါကြောင့် ပြည်သူ့ကိုယ်စားလှယ်တွေဟာ ၁၉၉၄-ခုနှစ်မှာ ညီလာခံဆိုတာ မဲခွဲရတာမဟုတ်ကြောင်း၊ ညှိနှိုင်းဆွေးနွေး အဖြေရှာရတာဖြစ်ကြောင်း၊ လုပ်ထုံးလုပ်နည်းနဲ့ မညီတဲ့ကိစ္စဖြစ်ကြောင်းကို စာ(၄)မျက်နှာခန့် ရေးသားပြီး ကော်မရှင်ဥက္ကဋ္ဌထံကို တင်ပြပါတယ်။ နောက်တစ်နေ့ညနေမှာဘဲ ပြည်သူ့ကိုယ်စားလှယ်များကို ညီလာခံမှ ဖြုတ်လိုက်ကြောင်း စာပြန်ပေးပို့ပါတော့တယ်။ ဒါကြောင့် အမျိုးသားညီလာခံမှာ ပြည်သူ့ကိုယ်စားလှယ် အမတ်တွေ မရှိတော့ဘဲ န၀တ အာဏာရှင်အဖွဲ့နဲ့သာ ဖွဲ့စည်းပုံဥပဒေကို ရေးဆွဲပါတော့တယ်။

၁၉၉၆-ခုနှစ်မှာ ကြေငြာချက်အမှတ်(၅/၉၆)နဲ့ အမျိုးသားညီလာခံကို နှောင့်ယှက်ခြင်းမှ ကာကွယ်သည့် ဥပဒေဆိုပြီး ဥပဒေတစ်ခု ထုတ်ပြန်ပါတယ်။ ဘာတွေရေးထားလဲဆိုတော့ ဖွဲ့စည်းပုံဥပဒေ သူတို့ရေးနေတာကို ဝေဖန်တာမျိုး ပြောတာဆိုတာမျိုး မလုပ်ရဘူးဆိုပြီး ပြည်သူတွေက ရေးဆွဲရမယ် ဖွဲ့စည်းပုံကို ၄င်းတို့ အာဏာရှင်အုပ်စု စိတ်ကြိုက်သာ ရေးဆွဲပြီး ပြည်သူတွေက ဘာမှမပြောနိုင်အောင် ပြည်သူ့ပါးစပ်တွေကို ဥပဒေထုတ်ပြီး ပိတ်ပါတော့တယ်။ ထောင်(၅)နှစ်မှ ထောင်(၂၀)နှစ်အထိ ကျခံရမည်ဖြစ်ကြောင်း ခြိမ်းခြောက်ပါတော့တယ်။

ဒီပဲယင်း အရေးအခင်းပြီးနောက် ဒေါ်အောင်ဆန်းစုကြည်ဟာ လုပ်ကြံခံရတဲ့အတွက် နေအိမ်အကျယ်ချုပ်နဲ့ အဖမ်းခံရပါတော့တယ်။ (လုပ်ကြံခံရသူကို ဖမ်းတဲ့ ကမ္ဘာ့အထူးဆန်းဆုံး နိုင်ငံဟာ မြန်မာနိုင်ငံဖြစ်ပါတယ်။) အဲ့ဒီနောက် ဒေါ်အောင်ဆန်းစုကြည် ထံကို နိုင်ငံတော်တာဝန်ရှိသူ(၃)ဦးလာရောက်ပြီး အမျိုးသား ညီလာခံကို ပြန်တက်ရေး ဆွေးနွေးပါတယ်။ ဒေါ်အောင်ဆန်းစုကြည်ဟာ အာဃာတ လုံးဝ မထားဘဲ အမျိုးသားညီလာခံကို ကိုယ်တိုင် တက်ရောက်မည် ဖြစ်ကြောင်း ဖြေကြားခဲ့ပါတယ်။
ညီလာခံကျင်းပရန် (၂)ရက်အလိုမှာ ဒေါ်အောင်ဆန်းစုကြည် နေအိမ်ကို နိုင်ငံတော် တာဝန်ရှိသူတစ်ဦး ရောက်ရှိလာပြီး အမျိုးသားညီလာခံတက်ဖို့ သဘောတူထားတဲ့ သဘောတူညီချက်ကို ဖျက်သိမ်းလိုက်ကြောင်း၊ တက်စရာ မလိုတော့ကြောင်း၊ ရွေးကောက်ခံ ပြည်သူ့ ကိုယ်စားလှယ်များလည်း တက်ရန် မလိုတော့ကြောင်း၊ ညီလာခံကို ၄င်းတို့သာ ဆက်လက် ပြုလုပ်မည်ဖြစ်ကြောင်း လာရောက်ပြီး ထပ်မံ၍ ပြောပြန်ပါတယ်။

အဲ့ဒီနောက်မှာတော့ လူမှုရေးလုပ်ငန်းတွေလုပ်ဖို့ ဖွဲ့စည်းထားတာပါဆိုတဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်းမှ လူ(၅၀၀)ကို ညီလာခံ ကိုယ်စားလှယ်ဆိုပြီး စစ်အာဏာရှင်များဟာ ၄င်းတို့အလိုကျ ထည့်သွင်းခဲ့ပါတယ်။ အမျိုးသားဒီမိုကရေစီအဖွဲ့ချုပ်မှ ခွဲထွက်သွားသူ စစ်အာဏာရှင် အလိုတော်ရိ (၇)ဦးနဲ့ အခြားပါတီမှ(၆)ဦး စုစုပေါင်း(၁၃)ဦးသာပါဝင်တဲ့ အာဏာရှင်အုပ်စု အဖွဲ့ဝင် စုစုပေါင်း (၁၀၅၆)ယောက်နဲ့ ဖွဲ့စည်းပုံဥပဒေကို ရေးဆွဲပါတော့တယ်။

ထို့နောက် (၂၀၀၈)ခုနှစ်၊ မေလမှာ နာဂစ်မုန်တိုင်းကြီး တိုက်ခတ်ပြီး လူပေါင်းများစွာ သေကြေပျက်စီး ဆုံးရှုံးရတဲ့အတွက် ဖွဲ့စည်းပုံအတည်ပြုရေး ဆန္ဒခံယူပွဲကို မလုပ်ပါနဲ့ဦးလို့ ပြည်သူမြောက်များစွာက တောင်းဆိုနေတဲ့ကြားကနေ (၂၀၀၈)ဖွဲ့စည်းပုံအခြေခံဥပဒေ ဆိုတာကို နိုင်ငံရဲ့ (၉၂.၄၈)ရာခိုင်နှုန်းက အတည်ပြုပါတယ်ဆိုပြီး အတင်းအဓမ္မကို ပြဌာန်းလိုက်ပါတော့တယ်။

♣♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♣

လွှမ်းပိုင်
4.6.2014
wed ; (9:12 pm)