မြန်မာလူမျိုး အောင်ဂေါ် ခေါ် မိုက်ကယ်လ် ဂေါ်ကို ကလေးသူငယ် လိင်ဗီဒီယို၊ ဓာတ်ပုံ၊ စာပေဖြန့်ဖြူးသည့် ဝက်ဘ်ဆိုက်တွင် ပါဝင်ပတ်သက်မှုဖြင့် ဖရီးမောင့်မြို့ နေအိမ်မှ ဖမ်းဆီးခေါ်ဆောင်သွားစဉ် တွေ့ရပုံ ဖြစ်ပါသည်။
အမေရိကန်နိုင်ငံတွင် ဖော်ထုတ်ဖမ်းဆီးခဲ့သော ကလေးသူငယ် လိင်ကိစ္စအမှုများတွင် အကြီးဆုံးဖြစ်သည့် ညစ်ညမ်းလိင်ဝက်ဘ်ဆိုက်ဂိုဏ်းဝင်ဟု စွပ်စွဲဖမ်းဆီးခံရသော မြန်မာအမျိုးသားသည် အပြစ်ရှိကြောင်း ဇွန်လ ၄ ရက်၊ ဗုဒ္ဓဟူးနေ့က ဝန်ခံလိုက်ပြီ ဖြစ်ပါသည်။
အောင်ဂေါ် (ခေါ်) မိုက်ကယ်လ် ဂေါ် (၂၆ နှစ်) သည် ကလေးသူငယ် လိင်ဝက်ဘ်ဆိုက်အမှုဖြင့် အဖမ်းခံရသော ၂၀၁၃ ခုနှစ် နိုဝင်ဘာလကတည်းက ၎င်းတွင် အပြစ်မရှိကြောင်း နှစ်ကြိမ် ငြင်းဆိုခဲ့ပြီး ယခုမှ ဝန်ခံလိုက်ခြင်း ဖြစ်သည်။ အောင်ဂေါ်နှင့် အပေါင်းပါများ၏ အမှုကို ဂျူရီ ခုံအဖွဲ့ဖြင့် ကြားနာစစ်ဆေးရန် လာမည့်ဇွန်လ ၂၃ ရက်ကို ရုံးချိန်းပေးထားပါသည်။ ဂျူရီအဖွဲ့က အပြစ်ရှိကြောင်း ဆုံးဖြတ်ပါက ၎င်းသည် ထောင်ဒဏ် အနှစ် ၃၀ အထိ အပြစ်ပေးခံရဖွယ် ရှိသည်။
ဆန်ဖရန်စစ္စကိုမြို့ မြန်မာနွယ်ဖွား တိုင်းရင်းသား အများအပြား နေထိုင်သည့် ဘေးဧရိယာရှိ ဖရီးမောင့်မြို့မှ အသက် ၂၆ နှစ်ရှိ အောင်ဂေါ် (ခေါ်) မိုက်ကယ်လ် ဂေါ်သည် ရန်ကုန်မြို့၊ ပညာရေးတက္ကသိုလ် လေ့ကျင့်ရေးကျောင်း TTC မှ ကျောင်းသားဟောင်း တစ်ဦးဖြစ်ကြောင်း သိရှိရသည်။
လူဝီဆီယားနားပြည်နယ်မှ အသက် ၂၇ နှစ်အရွယ် ဂျွန်နာသန် ဂျွန်ဆင် ဦးဆောင် တည်ထောင်ခဲ့သော ကလေးသူငယ် ညစ်ညမ်းလိင်ဝက်ဘ်ဆိုက်တွင် ပါဝင်လုပ်ကိုင်နေသူများကို ဖော်ထုတ် ဖမ်းဆီးရာတွင် အောင်ဂေါ်နှင့်အတူ အခြားပြည်နယ်များမှ တရားခံ စုစုပေါင်း ၁၄ ဦးကိုလည်း ဖမ်းဆီးခဲ့သည်။
အောင်ဂေါ် (ခေါ်) မိုက်ကယ်လ် ဂေါ်သည် ကလေးသူငယ် လိင်ဝက်ဘ်ဆိုက်ကို အဖွဲ့ဝင်အဖြစ် အသုံးပြုသည့်အပြင် ၎င်းကိုယ်တိုင်လည်း ညစ်ညမ်းဗီဒီယိုနှင့် ဓာတ်ပုံများကိုဝက်ဘ်ဆိုက်ပေါ်သို့ တင်ကြောင်း ဥပဒေအရာရှိများက စွပ်စွဲထားသည်။
အောင်ဂေါ်သည် အိမ်ထောင်မရှိ၊ ကလေးမရှိသူ လူလွတ်တစ်ဦးဖြစ်သည်။
လျှို့ဝှက်နည်းပညာ အသုံးပြု၍ တစ်ကမ္ဘာလုံးကို ဖြန့်ဖြူးသော ၎င်းကလေးသူငယ် လိင်ဝက်ဘ်ဆိုက်တွင် သုံးစွဲသူအဖွဲ့ဝင် ၂၇,၀၀၀ ကျော် ရှိသည်ဟု ဇာတိမြေလုံခြုံရေးဌာနမှ စုံစမ်းစစ်ဆေးရေး အရာရှိများက ပြောကြားသည်။
ဆယ်ကျော်သက် မိန်းကလေးယောင်ဆောင်
မြန်မာအမျိုးသား ဂိုဏ်းခေါင်းဆောင်အဖြစ် စွပ်စွဲဖမ်းဆီးခံရသူ ဂျွန်နာသန် ဂျွန်ဆင်သည် အဖွဲ့ဝင်များကို ကလေးသူငယ်များထံမှ လိင်မှုကိစ္စဗီဒီယိုများ ရရှိအောင် မည်သို့ သွေးဆောင်လှည့်ဖြားရမည်ကိုလည်း သင်ကြားပို့ချပေးသည်ဟု သိရသည်။
၎င်းတို့သည် အင်တာနက်ပေါ်တွင် ဆယ်ကျော်သက် မိန်းကလေးများ အယောင်ဆောင်ကာ ယောက်ျားလေးများ ဗီဒီယိုကင်မရာရှေ့တွင် မဖွယ်မရာ လိင်ကိစ္စများ လုပ်ပြအောင် ဖြားယောင်းကြသည်။
၂၀၁၂ ခုနှစ် ဇွန်လမှ စတင်ထူထောင် လုပ်ကိုင်သော ၎င်းဝက်ဘ်ဆိုက်တွင် ကလေးသူငယ်များ လိင်မှုကိစ္စ မဖွယ်မရာကျူးလွန်နေသည့် ဗီဒီယိုပေါင်း ၂,၀၀၀ ကျော် တင်ထားသည်။ လိင်ကိစ္စအသုံးပြုခံရသော ကလေးသူငယ် စုစုပေါင်း ၂၅၁ ဦးကို တွေ့ရှိရသဖြင့် ဖော်ထုတ်ဖမ်းဆီးခဲ့သမျှ အမှုများတွင် ကျူးလွန်ခံရသော ကလေးဦးရေ အများဆုံး အမှုဖြစ်သည်။
ကလေးသူငယ်အများစုမှာ အသက် ၁၃ နှစ်မှ ၁၅ နှစ်ဖြစ်ကြပြီး အငယ်ဆုံးကလေးမှာ အသက် ၃ နှစ်အောက်ဖြစ်၏။ ကလေးသူငယ်အများစုမှ အမေရိကန် ပြည်ထောင်စု ပြည်နယ် ၃၉ ခုမှ ဖြစ်၍ ယူကေ၊ ကနေဒါ၊ နယူးဇီလန်၊ ဩစတြေးလျ၊ ဘယ်လ်ဂျီယမ်စသည့် အခြား ၅ နိုင်ငံမှလည်း ပါဝင်သည်။ မြန်မာလူမျိုးများ အနေများသည့် တက္ကဆက်စ်ပြည်နယ်၊ အမာရီလိုမြို့မှ ကလေးတစ်ဦးလည်း ကျူးလွန်ခံရသူ စာရင်းတွင် ပါဝင်ကြောင်း တွေ့ရသည်။
ကျူးလွန်ခံရသော ကလေးသူငယ်များ၏ မိဘအုပ်ထိန်းသူများကို သက်ဆိုင်ရာတာဝန်ရှိသူများက ဆက်သွယ် အကြောင်းကြားပြီး လိုအပ်သည့် ပြုစုကုသ စောင့်ရှောက်မှုများ လုပ်ဆောင်ပေးနေသည်။
အောင်ဂေါ် ခေါ် မိုက်ကယ်လ် ဂေါ်သည် ဖရီးမောင့်မြို့မှ အိုလုံးကောလိပ်တွင် တက်ရောက်ခဲ့ပြီးနောက် ကယ်လီဖိုးနီးယားတက္ကသိုလ် ဘာကလေတွင် ပညာသင်ကြားခဲ့သော်လည်း ဘွဲ့မရခဲ့ကြောင်း သိရသည်။ အိမ်ဝယ်ချေးငွေကုမ္ပဏီတစ်ခုတွင် စာရင်းကိုင်အရာရှိအဖြစ် အလုပ်လုပ်နေရင်း ကလေးသူငယ် လိင်ဝက်ဘ်ဆိုက် ပြစ်မှုဖြင့် ဖမ်းဆီးခံရခြင်း ဖြစ်သည်။
အောင်ဂေါ်အား ပြစ်မှုနှစ်ခုဖြင့် စွဲချက်တင်ထားပါသည်။ ပထမအမှုမှာ ကလေးသူငယ် ဖန်တီးထုတ်လုပ်ရာတွင် ပူးပေါင်းကြံစည်မှုဖြစ်၍ ပြစ်မှုထင်ရှားလျှင် မပေးမနေ အနည်းဆုံး ပြစ်ဒဏ် ၁၅ နှစ်မှ အများဆုံး နှစ် ၃၀ အထိ စီရင်ခံရမည်။
ဒုတိယအမှုမှာ ကလေးသူငယ် လိင်ဗီဒီယို၊ ဓာတ်ပုံ၊ စာပေတို့ကို လက်ခံမှု ဖြစ်၍ မပေးမနေ အနည်းဆုံး ထောင်ဒဏ် ၅ နှစ်မှ အများဆုံး နှစ် ၂၀ အထိ ချမှတ်နိုင်ပါသည်။ ထောင်မှ လွတ်လျှင်လည်း ၅ နှစ်မှ တစ်သက်တာလုံး ကြပ်မတ် စောင့်ကြည့်ခံရမည့်အပြင် လိင်မှုဆိုင်ရာ အပြစ်ကျူးလွန်သူအဖြစ် မှတ်ပုံတင် စာရင်းသွင်းခံရမည် ဖြစ်သည်။
http://kabarthit.com/
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။