KhingKhing Su shared Royal Hero Media's photo.
လေပြင်း မုန်တိုင်း ဒဏ်ကြောင့် ကွဲကွာသွားသော ကျေးသား ညီနောင် အနက် လူဆိုးများ လက်အတွင်း ရောက်သွားေ...သာ ကျေးသားငယ်၏ ကြမ်းကြုတ် မှုနှင့် ရသေ့ သူတော်စင် တို့ထံ ရောက်သွားသော ကျေးသား ငယ်၏ နူးညံ့ သိမ်မွေ့မှုကို လူငယ်တိုင်း ကြားဖူးနားဝ ရှိကြပါသည်။ ထိုနည်းတူ မသူတော် ဒေဝဒတ်နှင့် ပေါင်းမိပြီး အဖသတ်သား ဟူသော ဘွဲ့ကို ယူခဲ့သော အဇာတသတ် အကြောင်းကိုလည်း လူငယ် တော်တော် များများ ကြားဖူး၊ ဖတ်ဖူး ကြပါသည်။
လူမိုက်ဆိုလျှင် ရှောင်သွေ လွှဲလို့၊ မမှီဝဲနဲ့ ကင်းအောင်နေ၊ ပညာရှိကို အရှည်တွဲလို့၊ မှီဝဲ ဆည်းကပ် နည်းယူစေ --- ဟူသော မင်္ဂလာ တရားကို ဆရာဒဂုန် ဦးထွန်းမြင့်သည် လူငယ်များ အလွယ်တကူ ကျက်မှတ် နိုင်အောင် ဤသို့ စာဖွဲ့ခဲ့သည်။ အချို့သော ဗုဒ္ဓဘာသာ အခြေခံ သင်တန်းများ၊ စာရိတ္တ ဓမ္မ သင်တန်းများတွင် ယခုတိုင် သင်ကြား ပေးနေဆဲ ဖြစ်ပါသည်။ လူမိုက်နှင့် မပေါင်းသင်းခြင်းသည် မင်္ဂလာ မည်၏။ ပညာရှိ လူလိမ္မာနှင့် ပေါင်းဖော် ဆည်းကပ်ခြင်းသည် မင်္ဂလာ မည်၏ ဟုဆိုပါသည်။
လူတစ်ယောက်၏ ဘဝ၌ မိမိ၏ ကိုယ်ပိုင် ဆုံးဖြတ် လုပ်ကိုင်မှုသည် အဓိက ဖြစ်သော်လည်း ထိုဆုံးဖြတ် လုပ်ကိုင်မှု မှန်အောင် မှားအောင် လှုံ့ဆော် ပေးနိုင်သော တွန်းအားကြီး တစ်ခုမှာ အပေါင်း အသင်းပင် ဖြစ်ပေသည်။ အထူးသဖြင့် လူငယ်များ၏ သဘော သဘာဝမှာ အပေါင်းအသင်းကို ခင်မင် တွယ်တာပြီး အပေါင်းအသင်း၏ အငြိုအငြင်ကို မခံနိုင် ကြသူများ ဖြစ်ခြင်းကြောင့် အပေါင်းအသင်း မမှားမိ ကြစေရန် အထူး အရေးကြီး လှပေသည်။
မကောင်းသော အပေါင်းအသင်း များကြောင့် မူးယစ်ဆေးဝါး သုံးစွဲသော လူငယ်များသည် ဥပဒေ အရ ထောင်ဒဏ် ငါးနှစ်မှ ၁ဝ နှစ် ကျခံလိုက်ရသည် ဆိုပါစို့။ အညွန့်ထွက်စ ပင်ပျို ကလေးအား အမြစ်မှ ခုတ်ပိုင်း လှဲလိုက်သကဲ့သို့ ထောင်ထွက် လူငယ်လေး၏ ဘဝမှာ တွေးပင် မတွေးဝံ့ စရာ ဖြစ်ပါသည်။ လူငယ်များ မူးယစ် ဆေးဝါး သုံးစွဲမှုကို သုတေသန ပြုလုပ်ရာတွင် အများစုမှာ အပေါင်းအသင်း များ၏ ဆွဲဆောင်မှုနှင့် မြှောက်ပေးမှုကို မလွန်ဆန် နိုင်သောကြောင့် သုံးစွဲ မိခြင်း ဖြစ်ကြောင်း တွေ့ရပေသည်။
လူမိုက်နှင့် ပေါင်းမိ၍ လူမိုက် ဖြစ်သွား ကြတာတွေ ရှိ၍ လူမိုက်နှင့် ကင်းအောင် နေပါဟု လူကြီးမိဘ အဆက်ဆက် တို့က စကားလုံး အမျိုးမျိုးဖြင့် ဆိုဆုံးမ ခဲ့ကြသည်။ လူဆိုသည်မှာ အသိုက် အဝန်းနှင့် နေရသော သဘောရှိရာ အပေါင်းအသင်း မှားမည်စိုး၍ အထီးတည်း နေ၍လည်း မရချေ သို့မဟုတ် အပေါင်းအသင်း များလွန်းလျှင်လည်း ကောင်းသည်ဟု ပြော၍မရပါ။ မိမိ ပတ်ဝန်းကျင်တွင် ထိတွေ့ ဆက်ဆံ နေရသော လူပေါင်း များစွာ ထဲမှ မိတ်ကောင်း၊ ဆွေကောင်းများကို ရွေးချယ် ပေါင်းသင်းခြင်း သည်သာ မိမိဘဝ အောင်မြင်ရေးကို အထောက်အကူ ပြုပါမည်။ မိတ်ကောင်း၊ ဆွေကောင်းကို ရွေးချယ် ပေါင်းသင်း အပ်ကြောင်း သာဓက မြောက်မြားစွာ ရှိပါသည်။
မိတ်ဆွေကောင်းကို ရွေးချယ်ေ ပါင်းသင်းမည် ဆိုလျှင် မိမိ ကိုယ်တိုင်က မိတ်ဆွေစစ်၊ မိတ်ဆွေကောင်း လက္ခဏာနှင့် ညီရန် လိုအပ်ပေသည်။ မိတ်ဆွေ ကျင့်ဝတ် ငါးပါး ရှိကြောင်း မှတ်သား ခဲ့ဖူးပါသည်။ မိတ်ဆွေတို့အား အခါ အားလျော်စွာ ကျွေးမွေး ပေးကမ်းခြင်း၊ ချစ်ခင် ပြောဆို ဆက်ဆံခြင်း၊ သူ့အကျိုးကို ဖြောင့်မှန်စွာ ဆောင်ကြဉ်းပေးခြင်း၊ ဂုဏ်တုဂုဏ်ပြိုင် မပြုလုပ်ခြင်း၊ မိမိကိုယ်ကို ယုံကြည် စိတ်ချမှုကြောင့် မည်သည့် ကိစ္စမှ ချွတ်ယွင်းမှု မရှိစေခြင်း ဟူသော မိတ်ဆွေ ကျင့်ဝတ် ငါးပါးကို မကျိုးပေါက်အောင် ဖြည့်ဆည်း ဆောင်ရွက်ရန် လိုပါသည်။
လူချစ်လူခင် များသောနည်း၊ မျက်နှာ ပွင့်လန်း သောနည်း၊ လူအများ အပေါ် ကျော်ဇော အောင်မြင် သောနည်း စသည့် နည်းမျိုးစုံ ရှိပါသည်။ စာအုပ် စာပေ များတွင် ဖော်ပြ ထားပါသည်။ အထူးသဖြင့် နိုင်ငံရပ်ခြား တိုင်းပြည်များတွင် အသုံးများသော ထိုနည်းလမ်း ကောင်းများကို ဘာသာပြန် ဖော်ပြထားသည့် စာအုပ် အများအပြား ရှိသဖြင့် ဖတ်ဖူး မှတ်ဖူးသူတွေ များပါသည်။ သို့သော် မိမိ အပေါင်းအသင်း မိတ်ဆွေများ အပေါ် စိတ်နှလုံး ရိုးသား ဖြူစင်စွာ မည်သည့် အရာမျှ မမျှော်ကိုးဘဲ ကောင်းကျိုး ဆောင်ရွက် ပေးခြင်းကား မိမိကိုယ် မိမိပင် လေးစား ကြည်ညိုရသော လုပ်နည်း ဖြစ်ပါသည်။
မိမိက ဖြောင့်မတ် မှန်ကန်စွာ ရပ်တည်ပြီးလျှင် မိတ်ဆွေစစ် များကို စိစစ် ရွေးချယ် ပါက မိတ်ဆွေစစ် များသည် မိမိနှင့် ပို၍ နီးကပ် လာပါမည်။ မရဲတရဲ ချဉ်းကပ် လာသော မိတ်ဆွေတု များကိုလည်း ပြတ်သားစွာ စည်းခြား လိုက်ရန် လိုပေသည်။ မိမိက ကျွေးတုံ့ ကျွေးလှည့် ရှိပါက ကျွေးမွေး ပေးကမ်း လိုက်ပြီး သူ့အလို မလိုက်မိ စေရန် သတိကြီးစွာ ထားရန် ဖြစ်ပါသည်။ မိတ်ဆွေတုသည် မိမိကို ချစ်ခင်ယောင်ဖြင့် အမှောင်ထဲသို့ လက်တွဲ ခေါ်ပေလိမ့်မည်။ မိမိ အကျိုး ပျက်စီး စေမှုသည် သူ့အကျိုး ဖြစ်ထွန်းစေမှု ဖြစ်အောင် ဖြားယောင်း တတ်ပါသည်။
အချို့လူငယ် များသည် လူမိုက်များ၊ မိတ်ဆွေတု များနှင့် ပေါင်းမိ၍ အကျင့် စာရိတ္တ ပျက်သွား တတ်ကြသည်။ လူငယ်ဘဝ ဖြစ်နေ၍ အတွေ့အကြုံ ကလည်း မကြွယ်ဝ၊ အမှန်နှင့် အမှားကိုလည်း ခွဲခြားနိုင်ခြင်း မရှိ၍ လူမိုက်များ၊ မိတ်ဆွေတု များ၏ သွေး ဆောင်ရာသို့ လိုက်ပါ မိသဖြင့် ဒုက္ခမျိုးစုံ ကြုံရ တတ်ပေသည်။
ဤမျှဆိုလျှင် လူမိုက်နှင့် လူလိမ္မာ တို့၏ သရုပ်သကန် ပေါ်ပေါက် ပါပြီဟု ယူဆ ပါသည်။ ဤအတွေး အရေးသည် လူငယ် လူရွယ်များသို့ တိုက်ရိုက် ရည်ညွှန်းခြင်း ဖြစ်ရာ လူငယ်လူရွယ် တို့၏ ဘဝခရီး တစ်လျှောက် အပေါင်း အသင်းကို စိစစ်ပြီး ရွေးချယ် ပေါင်းသင်း ကြခြင်းဖြင့် ဘဝလမ်းကြောင်း ကို ကောင်းအောင် လျှောက်လှမ်း နိုင်ပါစေဟု ဆန္ဒပြု တိုက်တွန်း လိုက်ရ ပါသည်။
မြဝတီဆောင်းပါး
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။