News of Myanmar
Google ဆိုတာ နည်းပညာလောကမှာ လက်ရှိ အခြေအနေအရ ဘရင်တစ်ပါး ပါပဲ။ မြန်မာပြည် အပါအ၀င် တကမ္ဘာလုံးမှ အင်တာနက် အသုံးပြု သူများ Google Searchကိုမှ မသုံးရရင် လိုချင်တဲ့ အဖြေ ရှာမတွေ့သလိုလို ဘ၀င်မကျ ဖြစ်တတ် ကြပါတယ်။ ထိုနည်းတူပဲ Googleရဲ့ အခြား ထုတ်ကုန်များ နှင့် ၀န်ဆောင်မှုများထဲမှ Gmailလို့ ခေါ်တဲ့ အီးမေးလ် ၀န်ဆောင်မှုသည်လည်း မြန်မာလူမျိုး တိုင်းရဲ့ မူပိုင်လိ...ု ဖြစ်နေခဲ့တာပါ။ အီးမေးလ် ဆိုတာနဲ့ Gmail ကောက်ဖွင့်တတ်ကြတဲ့ အကျင့်ကလည်း ကမ္ဘာနဲ့ ရင်ဘောင်တန်းနေပြီ မဟုတ်လား။
သို့ပေမယ့် Googleမှ ၎င်းရဲ့ အခြား စီးပွားရေးနှင့် ပတ်သက်သည့် ၀န်ဆောင်မှုများ ကိုတော့ မြန်မာပြည်မှ ၀ယ်ယူအားပေးမှုအတွက် ပိတ်ပင်ထားဆဲဆိုတာကတော့ အံ့သြစရာပါပဲ။ UKလို နိုင်ငံမျိုးမှာတော့ အရှေ့တစ်ပတ်က ရုံးခွဲများကို ငှားရမ်းနေခြင်းကနေ ရပ်နားပြီး ပိုမို ကောင်းမွန်တဲ့ ၀န်ဆောင်မှုများ ပေးသွားနိုင်ရန် အတွက် မြေနေရာများကို အပြီးအပိုင် ၀ယ်ယူပြီး ရုံးခွဲ အသစ်များ ဖွင့်လှစ်သွားမည် ဖြစ်ကြောင်း သတင်းများအရ သိရပါတယ်။
အခြေအနေ အရပ်ရပ်ကြောင့် Googleဟာ သူရဲ့ဝန်ဆောင်မှုများကို ယနေ့လို အချိန်မျိုးမှာ အရေးတကြီး လိုအပ်နေသည့် မြန်မာပြည်သို့ လှည့်မကြည့် သေးသော်ငြားလည်း ဖြေသိမ့်စရာ လေးများ ရှိကြောင်း မျှဝေချင်ပါတယ်။
၂၀၁၂ နှစ်လယ်ပိုင်းလောက်က စပြီး ပြည်တွင်းမှာ ၀ယ်ယူရရှိနိုင်တဲ့ မြန်မာပြည် ကိုယ်စားပြု “.com.mm” ဒိုမိန်းလိပ်စာများကို Google၏ Search စာမျက်နှာများပေါ်တွင် ရှာဖွေ တွေ့ရှိလာနိုင်ခြင်းဟာ ပြည်တွင်းမှ စီးပွားရေး လုပ်ငန်းရှင်များအတွက် မြန်မာကို ကမ္ဘာမှ အသိအမှတ်ပြုလိုက်သည့် အတိုင်းကို ခံစားခဲ့ရပါတယ်။
ဒီမှာတင် မရပ်သွားပဲ ယခုအခါမှာတော့ ကမ္ဘာမှာ မြန်မာလို့ ၀ံ့ကြွားစွာ ထောက်ပြနိုင်တဲ့ Google Maps ပေါ်က မြန်မာပြည်ဟာ လမ်းတွေ၊ တံတားတွေ၊ စေတီတွေ၊ ဘုရားတွေ၊ စားသောက် ဆိုင်တွေ၊ ဟိုတယ်တွေ၊ ကွန်ပျူတာ ဆိုင်ကြီးတွေ နှင့် ကျက်သရေ ရှိလာပါပြီ။ ထို့ကြောင့် Googleရဲ့ မြန်မာပြည်အတွက် ၀န်ဆောင်မှု ပေးနေသည် များကို အိုင်စီတီ ပရိသတ်ကြီးအတွက် မျှဝေပေးလိုက်ပါတယ်။
ကမ္ဘာ့နိုင်ငံ တော်တော်များများတွင် နိုင်ငံခြားသား ဧည့်သည်များ၊ နိုင်ငံအတွင်းရှိ မည်သူမဆို တစ်နေရာနှင့် တစ်နေရာ လွယ်ကူစွာ သွားရောက်နိုင်ဖို့အတွက် အရင်ခေတ်ကလို လမ်းညွှန် စာအုပ်များ ကိုင်ဆောင်စရာ မလိုသည့် Google၏ နာမည်ကျော် ၀န်ဆောင်မှု တစ်ခု ဖြစ်သော Google Maps ကို တွင်ကျယ်စွာ အသုံးပြုလျက် ရှိကြပါတယ်။
Google Maps သွင်းထားသည့် Android, iOSအစရှိသည့် စမတ်ဖုန်းများသည် GPS နည်းပညာကို အသုံးပြုကာ တစ်နေရာနှင့် တစ်နေရာ မိုင် ဘယ်လောက် ဝေးကွာလဲ၊ အချိန်ဘယ်လောက် ကြာနိုင်လည်းဆိုတာကို တွက်ချက်မှုများပေးနိုင်ပါတယ
နိုင်ငံခြား ခရီးသွားများ ကျိတ်ကျိတ်တိုး ၀င်ရောက်လာနေပြီဖြစ်သော ယနေ့ မြန်မာပြည်အတွက်လည်း စမတ်ဖုန်း သုံးစွဲသူများမှာ အိုင်စီတီ ဂျာနယ်သို့ screenshotsများ ပေးပို့ခဲ့ကြပါတယ်။ အိုင်စီတီ ဂျာနယ်မှ လေ့လာကြည့်ချက်အရ မြန်မာစာ မသွင်းထားသော စမတ်ဖုန်းများတွင် Google Mapsမှာ မြန်မာလို ရေးသား ဖော်ပြထားသော လမ်းများကို ဖတ်ရှု၍ မရသေးခြင်း၊ မြန်မာပြည်မှ တိုးတက်နေသော ဘတ်စကားလမ်းကြောင်းနှင့် အချိန်ဇယားကို နာမည်ကျော် Googleမှ အာကာသပေါ်ရှိ စတလိုက်ရဲ့ ကူညီမှုနှင့်တောင် ဖြေရှင်း၍ မရနိုင်သေးခြင်းများကို တွေ့ရပါတယ်။
သို့ပေမယ့် အထက် ဖော်ပြပါအတိုင်း အဓိက နေရာဒေသများနှင့် လမ်း အများစုမှာ အင်္ဂလိပ်လို ရေးသားထားသည့်အတွက်ကြောင့် စိတ်ပူစရာတော့ မလိုပါဘူး။
စမတ်ဖုန်း အသုံးပြုပြီး စမ်းသပ်ထားသည့် Screenshot အရ ဗိုလ်တထောင်ဘုရားမှ ရွှေတိဂုံဘုရားသို့ သွားရောက်ရမည့် လမ်းကြောင်း၊ ရွှေဘဲ စားသောက်ဆိုင်၊ Sedona ဟိုတယ်တိုသို့ သွားရောက်နိုင်သည့် လမ်းကြောင်းများနှင့်အတူ အချိန် အကွာအဝေး တွက်ချက်မှုများကိုပါ ဖော်ပြထားသည့် အတွက်ကြောင့် နည်းပညာ လိုက်စားသော နိုင်ငံခြားသား ခရီးသည်များအတွက် ယခင်ကထက် ပိုမို အဆင်ပြေစေမှာ အမှန်ပါပဲ။ တစ်ဘက်မှာလည်း ပြည်တွင်းရှိ စီးပွားရေး လုပ်ငန်းရှင်များ၏ ပြောဆိုချက်အရတော့ Google ဟာ Facebookလိုမျိုး မဟုတ်ပဲ ၎င်းတို့၏ စီးပွားရေးလုပ်ငန်းများကို မြေပုံပေါ်၌ ထည့်သွင်းချင်သည်ကို ယခုထက်ထိ လက်မခံသေးကြောင်း ဆိုကြပါတယ်။ ထို့ကြောင့် နိုင်ငံခြားသား ဧည့်သည်များကို Google Mapsပေါ်မှ ဆွဲဆောင်နိုင်ဖို့ရာ အခက်အခဲ များစွာ ရှိနေသေးသည့် အတွက်ကြောင့် ရသင့်ရထိုင်သည့် အခွင့်အရေးများကို လက်လွတ် ဆုံးရှုံးနေရကြောင်း ပြောဆိုကြပါတယ်။
ထို့ကြောင့် ပြည်တွင်းမှ တိုင်းပြည် အကျိုးထမ်းပိုးနေသော ပညာရှင်များလည်း နည်းလမ်းသိရင် Googleကို နည်းနည်းလေးမှ များများကြီး အာရုံစိုက်လာစေရန် ကူညီကြပါလို့ တိုက်တွန်းနှိုးဆော်ရင်း Google မြန်မြန် လာပါတော့လို့သာ အဆုံးသတ်လိုက်ရပါတယ်။
==========================
Credit to MyanmarICT
Posted By Admin Team[NOM]
(email:newsofburma.myanmar
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။