ကို စိန်သန်း shared 7Day News Journal's photo.
ရေးသားသူ- သတင်းအဖွဲ့
“သင်္ချိုင်းစောင့်စံအိမ်”၊ “သုသာန်စောင့်မဖဲဝါ”၊ “သရဲမလင်”၊ “တစ်နပ်စားခင်မှုန်”၊ “...ခြတောင်ပို့ဖြို၍ ကြမ္မာဆိုးနှင့်
သေကြသူများ”၊ “၀က်မိစာ”၊ “အမေကို ပစ်မှားတဲ့ဘီလူးဝင်စားသား”၊ “မကျွတ်မလွတ်ကျော်မမ”၊ “လက်ပြတ်ဝင်စား မလှရီ”
မြန်မာ ဗီဒီယိုဈေးကွက် ဗဟိုချက်ဖြစ်သော ရန်ကုန်မြို့လယ် ၃၅ လမ်းနှင့် ၃၆ လမ်းရှိ ဗီဒီယိုလုပ်ငန်းများတွင် ကြော်ငြာထားသော ဇာတ်ကားဆိုင်းဘုတ်အမည်များဖြစ်၏
“သရဲကားတွေချည်းပဲနော်” “အေး သရဲခေတ်ရောက်နေပြီလေ” ရန်ကုန်မြို့လယ် ၃၆ လမ်း တွင်းသို့ ဖြတ်လျှောက်လာသည့် သားအမိ နှစ်ဦးထံမှ ထွက်ပေါ်လာသော စကားသံဖြစ်သည်။
လွန်ခဲ့သည့်တစ်နှစ်ကျော်က တရားမ၀င်ပျံ့နှံ့ခဲ့သော “မိုင်တိုင် ၇၆” ဇာတ်ကားမှ အစပြု၍ သရဲတစ္ဆေဇာတ်ကားများ တစ်ခေတ် ပြန်ထလာခဲ့သည်။ ယင်းမှာ သရဲကားများကို ဈေးကွက်က တောင်းဆိုလာချိန်နှင့်အချိန်ကို
ဆင်ဆာဖြေလျှော့မှုအလွန်တွင် သရဲကားများနည်းတူ ဖြစ်ရပ်မှန်ဇာတ်လမ်းများ၊ ချစ်ခန်း၊ ကြိုက်ခန်းများ ပိုမိုအတင့်ရဲလာကာ ယခင်မတွေ့ရသော ဇာတ်ဝင်ခန်းများပါရှိသော ဇာတ်လမ်းများ ခပ်စိပ်စိပ်ထွက်လာသည်။
သရဲကားများကို ထုတ်လုပ်ရေးတိုက်များက စရိတ်နည်းနည်းဖြင့် ကန်ထရိုက်ပေးကာ သုံးရက်နှင့် တစ်ကားအပြီးရိုက်ကူးလာသည်။ ယင်းဇာတ်ကားများကို နယ်မြို့များက တစ်ခဲနက်အားပေးလာရာ ရန်ကုန်မြို့ ပေါ်တွင်မကြားဖူးသော မင်းသားမင်းသမီးများမှာ နယ်မြို့များတွင် အောင်မြင်နေကြသည်။
“နယ်မှာ အခုအပေါက်ဆုံးမင်းသားကတော့ဂျိမ်
သို့သော် ဗီဒီယိုဈေးကွက်အခေါ်အောက်ကားဟု သတ်မှတ်ထားသော ယင်းဇာတ်ကားများက ဗီဒီယိုထုတ်လုပ်ရေးမှ အောက်ခြေလူတန်းစားများ နေ့စဉ်ထမင်းစားနိုင်ရန် ဖန်တီးပေးနေပြန်သည်။
ထိုဇာတ်ကားများတွင် အပေါ်ကားများကဲ့သို့မင်းသား၊ မင်းသမီးကြေးနင့်နေအောင်ပေးရန်မ
ရန်မလို၊ ရှုတင်တစ်မနက်ခင်းလေးအတွင်း နံနက်၁၁ နာရီမကျော်ခင်မှာပင် အခန်းစဉ် ၈ ခန်းလောက်ရိုက်နိုင်သည်။ ဗီဒီယိုတစ်ကားလုံးစာ ကုန်ကျစရိတ်သိန်း ၂၅၀ ခန့်ရှိနေချိန်တွင် အောက်ကားထုတ်လုပ်ရေးတိုက်များက တစ်ကားလုံး
စာ ၁၅ သိန်းနှင့်ရိုက်နိုင်သည်။
ကန်ထရိုက်ယူရိုက်ကူးမည့် ဒါရိုက်တာက ရိုက်လိုသည့် ၀ါသနာရှင် သရုပ်ဆောင်သစ်ကလေးများ၏ စိုက်ထုတ်ပူးပေါင်းမှုဖြင့်စရိတ်
“ရိုက်တဲ့သူတွေမှာ စုမိဆောင်းမိတော့မရှိဘူး။ ဒါပေမယ့်ထမင်းတော့မငတ်ဘူးပေါ့” ဟု ရှုတင်မန်နေဂျာ ကိုဆာမိကရှင်း ပြသည်။
စူပါမင်းသားများ၏ မူပိုင်ကြေး ကျပ်သိန်းငါးဆယ်၊ ခြောက်ဆယ်ပေါက်နေချိန်တွင် အောက်ကားများက ငါးသိန်းခန့်ရသည်။ ထုတ်လုပ်ရေးတိုက်လေးများမှာ ငွေရင်းစိုက်ထုတ်မှု နည်းပါး၍ ချက်ချင်းငွေပေါ်သည့် ဇာတ်ကလေးများ ရှာရိုက်ရင်းဖြင့် အောက်ကားဈေးကွက် ပေါ်ပေါက်လာခြင်းဖြစ်သည်။ “ဆယ်သိန်းလောက်
ရင်းရင် နှစ်သောင်းလောက်တော့ ကျိန်းသေပြန်မြတ်တယ်။ အမြတ်မများပေမယ့် အောက်ကားတွေကြောင့် အဖွဲ့သားတွေ ထမင်းပုံမှန်စားနေရတယ်” ဟု ရှုတင်မန်နေဂျာ ကိုဆာမိကပြောသည်။
အောက်ကားများအတွက် ဇာတ်လမ်းမှာလည်း မရှားလှ။ သတင်းဂျာနယ်များပါ ထူးထူးခြားခြား သဘာဝလွန်ဖြစ်ရပ်များ၊ နယ်အနှံ့က ထူးခြားဆန်းကြယ်ဖြစ်ရပ်များကို သတင်းတစ်စလောက် ရရုံဖြင့် တစ်ဇာတ်လုံးစာ ဖန်တီးနိုင်သည်။
“ယင်ကောင်ဝင်စားကားတောင်ရှိတယ်”
အဖွဲ့သားတစ်ယောက်၏ တစ်ကားလုံးစာ ၀င်ငွေမှာ သောင်းဂဏန်းသာပေးရသည်။ “သရဲလုပ်ရတာ နေ့ခင်းဘက်ဆို သိပ်မကြောက်ဘူး။ ညဘက်ဆို ကြောက်ကြောက်နဲ့လုပ်ရတာ” ဟု သရဲကို အရမ်းကြောက်သော်လည်း ၀မ်းရေးအရ သရဲဇာတ်ရုပ်လုပ်ရသည့် ဇာတ်ရံ ကိုဖိုးသဲကပြောသည်။
“သရဲဖြစ်နေတဲ့ ကိုယ့်ရုပ်ကိုယ် ကြည့်ပြီးရယ်ချင်တယ်” ဟု ဆိုသူက ဇာတ်ရံကိုချက်ကြီး ဖြစ်သည်။
သရဲတစ္ဆေလူဝင်စား ဇာတ်ကားများကြောင့် ဗီဒီယိုဈေးကွက်တွင် ပိုနိမ့်ကျနိုင်သည်ဆိုသော ဝေဖန်မှုနှင့်ပတ်သက်၍ သရုပ်ဆောင် အာကာမြင့်အောင်က ယခုကဲ့သို့ ပြောသည်။ “အောက်ကားကြောင့် မဟုတ်ပါဘူး။ ဇာတ်ကားတစ် ကားကိုကောင်းကောင်းမွန်မွန်နဲ့ ပိုက်ဆံကိုမကြည့်ဘဲ အနုပညာမြောက်အောင် လုပ်ရင်ကောင်းမှာပဲ”
စူပါမင်းသားများပင် ဈေးကွက်အ၀ယ် နှေးနေချိန်တွင် အောက်ကားများကြောင့် ဈေးကွက်ပျက်သည်ဟု အပြစ်မတင်သင့် ကြောင်း၊ တစ်ပတ်လျှင် ကားနှစ်ဆယ်ခန့် ထွက်နေရာ ၀ယ်လိုအားနှင့်ရောင်းလိုအား မမျှတမှုကြောင့်
သာ ဈေးကွက်ကျရခြင်းဖြစ်ကြောင်း ဦးတင်ကိုကပြောသည်။ “ကားထုတ် အရမ်းများတော့ ဈေးလျှော့ရောင်းရရော။ အဲဒီမှာဈေးကွက်ပျက်တာ” ဟု ၄င်းကပြောသည်။ သရဲကားနည်းတူ ပွင့်လင်းလွန်လာသော ဇာတ်ဝင်ကားအချို့ကို ဝေဖန်သူများလည်းရှိသည်။
မကြာမီက ထွက်ရှိထားသည့် အမျိုးသမီး အဆိုတော်နှစ်ဦး၏ အမ်တီဗီမှာ ဆင်ဆာခေတ်လွန် တင်ပြပုံ စူးရဲလွန်း၍ လူငယ်ပိုင်း ပရိသတ်များကြား ဝေဖန်မှုများ ပေါ်ထွက်လာသည်။ မိန်းကလေးချင်း အချစ်တော်ထားသည့်ပုံစံ၊ မိန်းကလေးများ ဆေးလိပ်သောက်၊ နိုက်ကလပ်တက်သည့် ပြကွက်များ ပါဝင်သော အမျိုးသမီးအဆိုတော်၏ ဂီတဗီဒီယိုမှာ အွန်လိုင်းပေါ်ထိ ဂယက်ထခဲ့သည်။ “မိန်းကလေးချင်းချင်း ကြိုက်နေတဲ့ပုံစံ ရိုက်ထားတာ ရွံဖို့ကောင်းတယ်” ဟု အသက် ၁၈ နှစ်အရွယ် GTC ကျောင်းသူ မမြတ်သီရိမိုးက ပြောသည်။
“ဒီလိုသီချင်းခွေတွေဆိုတာ ကလေးတွေကအစ ကြည့်တာလေ။ သူတို့အဲဒီလိုတွေ ရိုက်တော့ အတုယူမှားမှာပေါ့” ဟု အဝေးသင်ကျောင်းသားတစ်ဦးက ပြောသည်။ ဝေဖန်မှုများရှိသလို ထောက်ခံကြိုဆိုကြသည့် ယောကျာ်းလေးပရိသတ်အချို့ကမူ “နိုင်ငံခြား အမ်တီဗီတွေက ဒီထက် ဆယ်ဆလောက်တောင် ဆိုးတာ။ ဒါလောက်တော့ လက်ခံနိုင်တယ်” ဟု အသက် ၁၈ နှစ်အရွယ် အင်္ဂလိပ်စာမေဂျာမှ ကျောင်းသားတစ်ဦးကပြောသည်။
သရဲတစ္ဆေခေတ်မထခင်က ဖိုက်တင်နှင့်အက်ရှင် တော်လှန်ရေးစသည့် ဇာတ်ကြမ်းကားများကို တစိုက်မတ်မတ်အားပေးလာသော ပရိသတ်မှာ ယခုအချိန်တွင် သရဲမှသရဲ၊ ဖြစ်ရပ်မှန်သာ ဖြစ်ပါစေ၊ ကြောက်စရာ ကောင်းအောင်သာ ရိုက်ပြနိုင်ပါက နယ်မြို့များတွင်သာမက ရန်ကုန်ရှိ အချို့မြို့နယ်များတွင်ပါ ခွေဆိုင်တက်မဆိုးလှ ဟုခွေဆိုင်များက ပြောသည်။
“အခုအောက်ကားတွေပါ ၀ယ်နေရတယ်။ သရဲကားတွေက အငှားရဆုံးပဲ” ဟု အင်းစိန်မြို့နယ်ရှိ ချယ်ရီအခွေငှားဆိုင်ရှင်ကပြောသည
“တစ်ပတ်ကို သရဲကားက ခုနစ်ကားလောက် ထွက်တယ်။ မင်းမော်ကွန်းတို့၊ ကျော်ရဲအောင်တို့ ရိုက်တဲ့ကားတွေဆိုပိုတောင် ငှားရတယ်။ ကလေးတွေ ပိုကြိုက်ကြတယ်” ဟု အင်းစိန်ရွာမမှ MP ခွေဆိုင်ရှင် ကိုစိုးမင်းက ပြောသည်။
သရဲကားများ ရိုးအီလာချိန်တွင် ဖြစ်ရပ်မှန်လူဝင်စားများ၊ တိရစ္ဆာန်ဝင်စားဇာတ်များ ပြောင်းရိုက်လာကြသည်။ ယင်းဇာတ်
များ အပ်ကြောင်းထပ်လာချိန်တွင် ဇာတ်လမ်းရေစီးကြောင်းက ပြောင်းလဲစပြုနေပြီဟု အောက်ကားထုတ်လုပ်သူများက ပြောလာကြသည်။
“အခု သရဲမရိုက်သလောက် ပြန်ဖြစ်လာပြီ။ ဖိုက်တင်ဘက်ကိုပြောင်းချင်နေပြီ
လက်ရှိတွင် ၃၅ လမ်းဈေးကွက်၌ မကြာမီရက်ပိုင်းက ထွက်ရှိထားသော စီအိုင်ဒီဘဦးဇာတ်ကားမှာ ဈေးကွက်တွင်း လှုပ်လှုပ်ခတ်ခတ်ရှိနေရာ မှုခင်းနွယ်သော အက်ရှင်ဇာတ်ကြမ်းကားများဆီသို့ တစ်ပတ်ပြန်လည်လာပြီဖြစ်ကြောင်း အောက်ကားထုတ်လုပ်သူတို့က ဈေးကွက်ကို ခန့်မှန်းလာကြသည်။
ရေစီးကြောင်းဘယ်လို ပြောင်းလဲပါစေ၊ ရေစုန်ရာ လိုက်ပါမည့် ကိုချက်ကြီးတို့လို ဇာတ်ရံများကတော့ ရိုက်ကွင်းရှိသည့်အချိန် ခေါ်ရိုက်ခံရန် အသင့်အနေအထားဖြင့် မိုးလင်းမှ မိုးချုပ် ၃၅ လမ်းတစ်ဝိုက်ရှိ လမ်းဘေး လက်ဖက်ရည်ဆိုင်တွင် ဘ၀တူ လောကသားများနှင့်အတူ ဖြတ်သန်းနေကြသည်သာ ဖြစ်သည်။
ဓာတ်ပုံ- ကျော်ဇင်သန်း
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။