အလိမ်မခံရအောင် ဒါလေးဖတ်ပါ

 

Akarii

အလိမ်မခံရအောင် ဒါလေးဖတ်ပါ

ဒါလေးသိအောင်ရှယ်ပေးပါလို့ အကူအညီတောင်းလို့ ပြန်ရှယ်ပေးထားပါတယ်

ဘိတ် (မြိတ်) မြို့မှာ ဖြစ်နေတဲ့ network marketing လို့ ခေါ်တဲ့ multi level marketing အဖွဲ့ အကြောင်း ပြောပြ ချင်လို့ပါ
====================

အရမ်း အရေးကြီးလို့ ပထမဆုံးအနေနဲ့ ကျွန်မ ရေးထားတဲ့ Post ကိုပြီးအောင် ဖတ်စေချင်ပါတယ်။ ကျွန်မ့သူငယ်ချင်းတွေ အားလုံးကို Tag လိုက်ရတဲ့အတွက် လည်း တောင်းပန်ပါတယ် ရှင်။ အခုဆိုရင် ကျွန်မ နေထိုင်တဲ့ ဘိတ် (မြိတ်) မြို့မှာ ဖြစ်နေတဲ့ network marketing လို့ ခေါ်တဲ့ multi level marketing အဖွဲ့ အကြောင်း ပြောပြ ချင်လို့ပါ အတွက် လည်း တောင်းပန်ပါတယ် ရှင်။ အခုဆိုရင် ကျွန်မ နေထိုင်တဲ့ ဘိတ် (မြိတ်) မြို့မှာ ဖြစ်နေတဲ့ network marketing လို့ ခေါ်တဲ့ multi level marketing အဖွဲ့ အကြောင်း ပြောပြ ချင်လို့ပါ

။ သူတို့ အဖွဲ့ ပေါ်လာတာ အခု ဆိုရင် သုံးလေးလ လောက်ရှိပါပြီ။ အရင်ကလည်း ဘိတ်မှာ တခြား တခြား သော multi level marketing အဖွဲ့တွေ ပေါ်ဖူးပါတယ်။ ဒါပေမယ့် အခု ပေါ်လာတဲ့ သူတို့အဖွဲ့က ဘိတ် မြို့သူ မြို့သားတွေကို အချဉ်ဖမ်းလို့ရမှန်း သိလာတော့ သူတို့ ရဲ့ လုပ်ဆောင် မှုတွေကို မြန်မြန် ဆန်ဆန် နဲ့ တစ်ဆင့်တိုးပြီး လုပ် ဆောင်လာပါတယ်။ ( အခုဆိုရင် သိန်း တစ်ထောင် နီးပါး လောက် အထိ လည်း ဘိတ် မြို့သူ မြို့သား များဆီ မှ သူတို့ လက်ဝါးကြီး အုပ် ပြီးပါပြီ)။ အမှန်တော့ ကျွန်မ ဒီစာကို ရေးချင်တာ ကြာပါပြီ ။ ကျွန်မ ကိုယ်တိုင် သူတို့ ရဲ့ သားကောင် ဖြစ်ခဲ့ယုံမက တခြားတခြားသော ငဲ့ညှာစရာလေးတွေ ကြောင့် ကျွန်မ မရေးဖြစ်ခဲ့ပါဘူး။ ကျွန်မ ကိုယ်တိုင်လည်း အယုံလွယ်ခဲ့ပြီး လောဘ သားကောင် ဖြစ်ခဲ့ပါတယ်။

ကျွန်မ ကို ဆွယ် တုန်းက ဆိုရင် အရင်းအနှီးကို သုံးလ လောက်လုပ်တာနဲ့ ပြန်ကျေနိုင်ပြီး ငွေ များကို လွယ်လွယ်နဲ့ ရနိုင်တဲ့ အလုပ် ဖြစ်ကြောင်း ဆိုပြီး ကျွန်မ့ ယောင်္ကျား ရဲ့သူငယ်ချင်းက လာဆွယ်ပါ တယ်။ သူတို့ ပြောတဲ့ အလုပ် ကို လုပ်ဖို့အတွက် ပထမ ဆုံး ငွေ ဆယ်သိန်းဖိုး ပစ္စည်း တစ်ခု ၀ယ်ပြီး ရင်းနှီး မြုပ်နှံ ရပါတယ်။ ဆယ်သိန်း ဆိုတဲ့ ငွေ ပမဏာ က များလွန်းတဲ့အတွက် ကျွန်မ မှာ ပိုက်ဆံ မရှိခဲ့ပါဘူး။ ကျွန်မနဲ့ ကျွန်မ့ ယောင်္ကျား ကို လာဆွယ်တဲ့လူက သူတောင်မှ ပိုက်ဆံ ချေးပြီး လုပ်ကြောင်းနဲ့ ကျွန်မ တို့ကို လည်းပိုက်ဆံ ချေးပြီး လုပ်သင့်ကြောင်း အမျိုးမျိုး ပြောပြီး လာဆွယ်ပါတယ်။ လောဘသားကောင် ကျွန်မတို့လင်မယား လည်း ငါးစာ သာမြင်ပြီး ငါးမျှားချိတ်ကို မမြင်ခဲ့တဲ့အတွက် ပိုက်ဆံ ဆယ်သိန်း မရ ရအောင် ချေးပြီး သူတို့အဖွဲ့ထဲ ၀င်ခဲ့ပါတယ်။

network marketing အမည်ခံ သူတို့ company ဟာ ကမ္ဘာ မှာ ထိပ်ဆုံး မှာ ပြေးနေပြီး ဘောလုံး အသင်းကြီး ကို လည်း Sponsor ပေးထားကြောင်း၊ ပညာရေးနဲ့ ပတ်သက်ပြီး လည်း တက္ကသိုလ် ကြီးတွေ သူတို့ ဖွင့်ထား တဲ့အတွက် ကုမ္ပဏီ ခိုင်မာ မှု ရှိ ကြောင်း သူတို့ ပြောပြီး စည်းရုံးပါတယ်။ တခြားသော multi level marketing တွေ လိုလည်း ခဏ ခဏ ပစ္စည်း ၀ယ်စရာ မလိုဘဲ တစ်သက်မှ တစ်ခါ ဆယ်သိန်းဖိုးဝယ်ယုံနဲ့ နှစ်ဘ၀စာ အထိ ခံစားခွင့် ရှိပါတယ် ဆိုတဲ့ အကြောင်းတွေ ပြောပါတယ်။ သူတို့အဖွဲ့ဟာ တခြားသော multi level marketing ကုမ္ပဏီ တွေ ရဲ့ အားနည်း ချက် ကိုဖြည့်စွက် ပြီး ဘိတ်သူ ဘိတ်သားတွေ ရဲ့ ရိုးသားမှု ကို အသုံးချ ဖို့ ကြိုးစားနေကြပါတယ်။ သူတို့ရောင်းချတဲ့ ပစ္စည်းတွေက တော့ ကျန်းမာရေးနဲ့ ဆိုင်တဲ့ ပစ္စည်းတွေ၊ နာရီတွေ၊ ရေသန့်စက်တွေ ၊ ခရီးသွား အစီအစဉ်တွေ၊ ဆယ်သိန်းဖိုးမတန်တဲ့ လက်ဝတ်လက်စားတွေ ( ဒီဇိုင်း ဆန်းတဲ့အတွက် ဈေးကြီးကြောင်း သူတို့ ပြောပါလိမ့်မည်)။ ကျွန်မ လည်း သူတို့ ပြောတဲ့ ပစ္စည်းတွေထဲ က ကျန်းမာရေးနဲ့ ဆိုင်တဲ့ ဖန်ပြား တစ်ပြားကို ဆယ်သိန်း ပေးပြီး အရင်းအနှီး လုပ် ဖို့အတွက် ၀ယ်လိုက်ပါတယ်(နောက်ပိုင်းကျမှ ပြန်သိရတာ က ကျွန်မ ၀ယ်လိုက်တဲ့ ပစ္စည်းလေးက တစ်သိန်း ပင် မတန် ကြောင်း ပြန်သိရပါတယ်။)

ဆယ်သိန်း ဖိုး ၀ယ်ပြီး ယုံနဲ့လည်း မပြီးသေးပါဘူး ။ ကျွန်မ အနေနဲ့ နောက်ထပ် ကျွန်မ အသိနှစ်ယောက် ကို သူတို့ အဖွဲ့ထဲ ၀င် လာအောင် လုပ် ပေးပြီးမှ ကျွန်မ က တရားဝင် သူတို့ အဖွဲ့ဝင် ဖြစ်ပါတယ်။ လူနှစ်ယောက် ကို ၀င်အောင် လုပ်ပေးနိုင်တဲ့အတွက် ကျွန်မ ဟာ တစ်ယောက်ကို ဒေါ်လာ ၅၀ နဲ့ နှစ်ယောက်ဖြစ်တဲ့အတွက် ဒေါ်လာ တစ်ရာ ခံစားခွင့်ရှိပါတယ်။ ပြီးတော့မှ သူတို့ အပြော ၃း ၃ လို့ ခေါ်တဲ့ ကျွန်မ လက်အောက်မှာ လူခြောက်ယောက် ရမှ ကျွန်မ က ဒေါ်လာ နှစ်ရာ ကို ခံစားခွင့် ရှိပါတယ်။ ကျွန်မ အပါအ၀င် နောက်ထပ်လူခြောက် ယောက် ပါ မှ သိန်း ၇၀ ဖိုး သူတို့ ကုမ္ပဏီ အတွက် ရှာပေးနိုင်မှ ကျွန်မ ကို နှစ်သိန်း ပေးတာပါ။ ငါးကြင်းဆီ နဲ့ ငါးကြင်း ပြန်ကြော် တာဖြစ်ပါတယ်။ တိုက်ရိုက် ရောင်းချတဲ့ စနစ် ဖြစ်တဲ့အတွက် ကြော်ငြာခ တွေ ၀န်ဆောင်ခတွေကို ကုမ္ပဏီက မသုံးဘဲ သိမ်းထားပြီး ကျွန်မ တို့ လို အဖွဲ့ဝင်တွေကို ပြန်ပေးတာ ဖြစ်ကြောင်း ၊ အဲသည်ငွေ တွေကို ဆင့်ပွားရောင်းပေးတဲ့ လူတွေ ခွဲယူကြ ရတာ ဖြစ်ကြောင်း ဆွယ်ပြီး စိန်အဆင့် ဘာအဆင့် ထိ ရောက် အောင် တက်လှမ်း သွားကြပါတယ။် တန်ကြေး ထက် အဆမတန် ပိုပေးပြီး ပစ္စည်းတွေကို ၀ယ်ရ ပါတယ်။ ပိုက်ဆံ အရမ်းလို နေပြီး မြန်မြန် ချမ်းသာချင်တဲ့ အခြေခံ လူတန်းစားတွေရဲ့ လောဘကို အသုံးပြုပြီး ဘယ်သူ ဘာဖြစ်ဖြစ် သူတို့ အဆင်ပြေရင် ပြီးရော့ ဆိုပြီး စည်းရုံးကြပါတယ်။

သူတို့ System ဟာ ကျွန်မ တို့ အပေါ်က လူတွေ ကောင်းဖိုးအတွက်ပဲ ဖြစ်ပါတယ်။ သူတို့ အဖွဲ့မှာ တစ်ပတ်ကို သိန်း လေးဆယ် ၀င်နေတဲ့လူတွေ၊ သိန်းရှစ်ဆယ်၊ သိန်းရှစ်ရာ ၀င်နေတဲ့လူတွေ ရှိကြောင်း စသည့်ဖြင့် ဆွယ်ပါတယ်။ သူတို့ လည်း ဒီအလုပ်ကို ငွေချေးပြီး လုပ်တဲ့ အကြောင်း၊ တစ်လ တည်း နဲ့ သူတို့ အရင်းကြေသွားကြောင်းပြော ပြီး အယုံလွယ်လာအောင် လုပ်ပါတယ်။ သေချာရမယ့် သိန်း တစ်ရာ၊ သိန်းတစ်ထောင် ရဖို့ အတွက် ဆယ်သိန်းကို ရင်းနှီး သင့်ကြောင်း အမျိုးမျိုးပြောပြီး ဆွယ်ပါတယ်။ လွန်ခဲ့တဲ့ ရက်အနည်းငယ်က ဘိတ်မြို့က ဟိုတယ် ကြီး တစ်ခုမှ ပွဲလုပ်တော့လည်း ကျွန်မတို့ အဖွဲ့ဝင်တွေကပဲ ပိုက်ဆံ စိုက်ပေးပြီး ပွဲ လုပ်ရပါတယ်။ ကုမ္ပဏီ က ပွဲလုပ်ဖို့အတွက်လည်း ငွေကြေး ဘာမှ မစိုက်ပေးပါဘူး။ ရလာတဲ့ လူတွေက ကျွန်မ တို့အတွက်ပဲ လို့ပြောပြီး ပိုက်ဆံ ထပ်သွားချေးရပါတယ်။ ကျွန်မ အခုဆိုရင် သူတို့အဖွဲ့ထဲ ၀င်တာ သုံးလ နီးပါး လောက်ရှိပါပြီ။ ကျွန်မ အနေနဲ့ ပိုက်ဆံ တစ်သိန်းအောက်ပဲ ခံစားဖူးပါသေးတယ်။ သူတို့ပြောသလို မဟုတ်ဘဲ အရင်းကျေဖို့တောင် မလွယ်တဲ့ဘ၀ ဖြစ်နေပါတယ်။ ကျွန်မ ဒီအလုပ် လုပ်ပြီးကတည်းက လူ လိုက်ဆွယ်ရတဲ့အတွက် ကျွန်မ နဲ့သိတဲ့သူငယ်ချင်းတွေ တောင် ကျွန်မ ကိုတွေ့ရင် မခေါ်ချင်မပြောချင် ဖြစ်လာပါတယ်။ အချိန် နည်းနည်း ပေးယုံနဲ့ သူတို့ အလုပ် လုပ်လို့ရတယ် ပြောပြီး အခု ဆိုရင် တွေ့သမျှ လူကို သူတို့ အဖွဲ့ထဲ ၀င်လာအောင် တစ်နေ့မှာ ရှိတဲ့အချိန် တွေ အကုန်ပေးပြီး နည်းအမျိုးမျိုးနဲ့ ပိုက်ဆံ ဆယ်သိန်း ရ အောင် လုပ်ရပါတယ်။

သူတို့ဆီမှာလည်း လူတွေကို ဆွယ်တဲ့အခါ တစ်နှစ် လျှင် ဒေါ်လာ နှစ်သိန်း (မြန်မာငွေ သိန်းနှစ်ထောင်) ကို အသာလေး ရနိုင်ကြောင်း အာဘောင်အာရင်းသန်သန်ဖြင့်ဆွယ်ပြီး ခေါ်ပါတယ်။ သူတို့ အဖွဲ့ဟာ လူတွေကို အခွင့်အလမ်း တစ်ခု ကို မိတ် ဆက်ပေးနေတာ ဖြစ်ပြီး လူတွေကို ခေါ်နေတာ မဟုတ်ကြောင်း ယုံကြည်မှု ရလာအောင် လုပ်ပြီး ဆွယ်ပါလိမ့်မယ်။ စစချင်း သူတို့ပြောတဲ့ ESBI လို့ခေါ်တဲ့ လုပ်ငန်းအမျိုအစားအကြောင်းကို ရှင်းပြ ပါလိမ့်မယ်။ ပြီးတော့ စာရွက်ပေါ်မှာ ရေးချပြပြီး အမျိုးမျိုး ဆွယ်ပါလိမ့်မယ်။ အခုဆိုရင် ချေးထားတဲ့ ပိုက်ဆံလည်း မဆပ်နိုင်၊ အချိန် လည်းကုန် ၊ သူတို့ဆီက ဆယ်သိန်း ပေးပြီး ၀ယ်ထားတဲ့ ပစ္စည်းက ပြန်ရောင်းရင် တစ်သိန်း ပြန်ရအောင် တောင် မနည်းလုပ်ရမယ် တဲ့ ။ တကယ် ကို အခြေခံ လူတန်းစားတွေကို ချိန် ရွယ်ပြီး ကြွေးနွံကြားမှာ နစ်သထက် နစ်မှာ ဖြစ်ပါတယ်။

အနည်းငယ် သော လူတန်းစားကောင်းစားဖို့အတွက် အသေခံ ကြရမယ့်ဘ၀တွေ ဖြစ်ပါတယ်။ ပိုက်ဆံ ချမ်းသာသော လူအဖို့ ပိုက်ဆံ ဆယ်သိန်းက ဘာမှ မဟုတ်ပေမယ့် ကျွန်မ တို့လို လူတန်းစားတွေ အတွက် ကတော့ ဘ၀ပျက်လုနီး ခံစားရတာဖြစ်ပါတယ်။

အခုဆိုရင် ကျွန်မ နဲ့ ကျွန်မ့ ခင်ပွန်း လည်း ကတောက်ကဆ ခဏခဏ ဖြစ်ပြီး ကွဲဖို့ကွာဖို့အထိကို ဖြစ်ရပါတယ်။ အခုလို ကျွန်မ သူတို့အဖွဲ့ အကြောင်းဖော်ထုတ်ပြရတာက ကျွန်မ အတွက် ကိုယ့်သေတွင်း ကိုယ်တူးတာဖြစ်မယ် ဆိုတာ သိပါတယ်။ ဒါပေမယ့် ၀ဋ်ကြွေး ရှိသမျှ ကြေရပါလို ၏ ဆိုသော စိတ်တစ်ခု တည်းဖြင့် ကျွန်မ လို မျိုး အဖြစ်ဆိုး နဲ့ ထပ် မကြုံ ရစေဖို့ အားလုံးကို ပြောပြခြင်း ဖြစ်ပါတယ်။ ဘိတ် မြို့သား မြို့သား များသာမက မြန်မာ နိုင်ငံမှာ နေထိုင် သော လူတန်းစားအကုန် network marketing လို့ ခေါ်တဲ့ multi level marketing ရဲ့ သားကောင် ဘ၀မှ ရုန်းထွက်နိုင်ကြပါစေရှင်။ တတ်နိုင်သမျှ မိမိ သူငယ်ချင်း၊ မိဘ ၊ဆွေမျိုးများသိအောင် ဒီ post လေးကို Share ပေးခြင်း ဖြင့် ကုသိုလ်ယူနိုင်ကြပါစေရှင်။ ဘယ်သူမပြု မိမိမူ ဆိုပေမယ့် မသိတဲ့လူတွေအတွက် အခု ကျွန်မ ရေးထားတဲ့ post ဟာ multi level marketing (network marketing ) မလုပ်ခင် စဉ်းစား ရမယ့် အချက်လေးတွေပါ။

ကျွန်မ အနေနဲ့ ကုမ္ပဏီ နာမည် ဖော်ပြချက် မပြုနိုင်တာကို နားလည်ပေးပါရှင်။ လူငယ်လေးတွေကို ဦးတည် ပြီး ဆွယ်တဲ့အတွက် လူငယ်လေးတွေ အားလုံးလည်း လောဘ နောက် လိုက်ပြီး နစ်မယ့် အဖြစ်မှ ကင်းဝေ နိုင်ကြပါစေရှင်။ မည်သူ တစ်ဦး တစ်ယောက်ကို မှ တိုက်ခိုက်ထားခြင်း မဟုတ်ဘဲ မှန်ကန်တဲ့ စီးပွားရေး လေး လုပ်ပြီး လောဘသားကောင် အဖြစ် မှ လွတ်ကင်းနိုင်ကြပါစေ ရှင်။

Thiri May Thu