ရောက်လေရာဘ၀က သိရှိကျေနပ်နိုင်ပါစေ

BrainWave ဉာဏ်လှိုင်း

ရောက်လေရာဘ၀က သိရှိကျေနပ်နိုင်ပါစေ
ᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒᵒ

အခုလို NLD က ရွေးကောက်ပွဲ၌ အပြတ်အသတ် အနိုင်ရရှိချိန်မှာ ချစ်ခင်ခဲ့ရတဲ့ သူငယ်ချင်းဖြစ်သူကို သတိရမိတယ်။ သူ့နာမည်က ကိုဉာဏ်လင်းသိန်း။ ဉာဏ်လှိုင်းကို ဖန်တီးခဲ့သူ။

ပရိသတ်အချို့က ဉာဏ်လှိုင်းကိုမီဒီယာတစ်ခုလို့ ထင်ခဲ့ကြတယ်။ တကယ်တော့ မဟုတ်ပါ။ ဉာဏ်လှိုင်းသည် တစ်ဆင့်ခံ တင်ပြခြင်း မဟုတ်သလို၊ ကြားခံတစ်ခု မဟုတ်ပါ။ ဉာဏ်လှိုင်းသည် ကျွန်တော်တို့ရင်ထဲ ရှိတာတွေကို ရေးချင်သလို ချရေးနေခြင်း ဖြစ်ပါတယ်။ ဉာဏ်လှိုင်းရဲ့ Admin အားလုံးသည် ဘယ်ပါတီဝင်မှ မဟုတ်သလို၊ မည်သည့်အဖွဲ့အစည်း၏ လက်အောက်ခံများ မဟုတ်ကြပါ။ ပြည်သူ့ဘက်က ရပ်တည်ပြီး ဘယ်အစိုးရပဲ အုပ်ချုပ်၊ အုပ်ချုပ်မှု မကောင်းရင်တော့ ဝေဖန်ထောက်ပြနေမှာ ဖြစ်ပါတယ်။ ဉာဏ်လှိုင်းဖြစ်ပေါ်ပုံကို အလျဉ်းသင့်သလို တင်ပြခဲ့ဖူးတာကြောင့် ပရိသတ်တချို့လည်း သိရှိပြီး ဖြစ်နေပါလိမ့်မယ်။ ဒါပေမဲ့ နေ့စဉ် ပရိသတ်က တိုးများလာတာကြောင့် စကားကြုံတုန်း ထပ်ပြောပါရစေ။

ကျွန်တော် အစိုးရအလုပ်ကနေ ထွက်ပြီးနောက် အလုပ်မရှိသေးခင် အချိန်တွေ ပိုနေတယ်။ ပိုနေတဲ့အချိန်မှာ ပေါ်လာတဲ့အတွေးတွေကို စာအနေနဲ့ ချရေးဖြစ်တယ်။ ပြီးတော့ ဂျာနယ်တိုက်ပို့ခဲ့တယ်။ စာရေးတစ်ယောက်ကို လေးစားရမယ့် လေးစားမှုမျိုး ဂျာနယ်တိုက်ထံမှ မရရှိခဲ့ပါ။ စာမျက်နှာ တစ်ဝက်ကျော် ရှိတဲ့စာမှုအတွက် ရရှိခဲ့တာက မြန်မာငွေ ၂၅၀၀ ကျပ်ထည့်ထားတဲ့ စာအိတ်ဟောင်းလေး တစ်လုံးပါ။

ဂျာနယ်တိုက်က အပြန် ငါ့ရဲ့စာမူတွေကို နောက်နောင် ဘယ်ဂျာနယ်တိုက်မှ မပို့တော့ဘူးလို့ ဆုံးဖြတ်ချက်ချပြီး Website ထောင်ဖို့ လုပ်ခဲ့တယ်။ စင်္ကာပူမှာရှိတဲ့ သူငယ်ချင်း ကိုဝင်းနိုင်ထွန်းက Network Solution ကနေ Hosting နဲ့ Domain name ကို ၀ယ်ပြီး အလကားပေးတယ်။ Website နာမည်က freethinker4myanmar.com ဖြစ်တယ်။ မလုပ်တတ်၊ လုပ်တတ်နဲ့ ကိုယ့်ဖာသာကိုယ် စမ်းလုပ်နေရင်း Network Solution က စီးပွားရေးပိတ်ဆို့မှုကြောင့် ကိုဝင်းနိုင်ထွန်းဆီ ငွေပြန်အမ်းလိုက်တယ်။ ဘာဆက်လုပ်ရမှန်း မသိဖြစ်နေတဲ့အချိန်မှာ ကူညီမယ့်သူက ပေါ်လာခဲ့တယ်။ သူက ကိုဉာဏ်လင်းသိန်း။

ကိုဉာဏ်လင်းသိန်း သူ့ဇာတိမန္တလေးရောက်တုန်း ကိုအောင်နိုင်မြင့်ကို ကျွန်တော် ဘာလုပ်နေတုန်းလို့ မေးတော့ Website လုပ်နေတယ်လို့ ပြန်ဖြေတယ်။ ဒီမှာတင် ကျွန်တော့်ဆီ ဖုန်းဆက်၊ သူ ကူမယ်ဆိုပြီး ခရီးအဆုံးအထိ ကူညီသွားတယ်။ Website နာမည်ကို ဉာဏ်နဲ့ လှိုင် ပေါင်းပြီး ဉာဏ်လှိုင်ကနေ ဉာဏ်လှိုင်းဖြစ်သွားတယ်။ ပြီးတော့ Facebook မှာ Page ထောင်တယ်။

ကျွန်တော်က ဉာဏ်လှိုင်းကို ဇွဲရှိရှိ မလုပ်ဘူး။ စိတ်ကူးပေါက်တဲ့အချိန်မှ ထလုပ်တတ်တယ်။ ကိုဉာဏ်က ပျက်ရက်မရှိ၊ ဉာဏ်လှိုင်းကို ဖွံ့ဖြိုးလာအောင် နေ့စဉ် လုပ်ပေးခဲ့တယ်။ ဆုံးခါနီးအထိ ဉာဏ်လှိုင်းအတွက် အချိန်တွေ ပေးခဲ့တယ်။ ကျွန်တော် စာရေးအားနည်းတာကို အားမရလို့ ကျွန်တော့်တို့အကိုကြီး HSW ထံ အကူအညီ တောင်းခဲ့တယ်။ ဒီကြားထဲ ကျွန်တော်တို့ အားလုံးရဲ့အကိုကြီး apalar.blogspot.com ရဲ့ စာတွေကိုလည်း ယူပြီး ဖော်ပြခဲ့တယ်။

အခုတော့ သူဖြစ်ချင်သလို ဉာဏ်လှိုင်းက အောင်မြင်တဲ့ Page တစ်ခုတော့ ဖြစ်ခဲ့ပါပြီ။ ဒါပေမဲ့ Website ကတော့ သူ ကွယ်လွန်ပြီးနောက် ပျောက်ကွယ်ခဲ့ရပါတယ်။ အများအကျိုးကို ဆောင်ရွက်လိုသူ၊ မူးယစ်ဆေးဝါး၊ အရက်၊ ဆေးလိပ်၊ ကွမ်း၊ မိန်းမအပျော်အပါး၊ လောင်းကစား ကင်းစင်သူ၊ ဘာသာတရားကိုင်းရှိုင်းသူ၊ သူလို သူတော်ကောင်း၊ သူငယ်ချင်းကောင်းတစ်ယောက် ဆုံးရှုံးရတာဟာ ကျွန်တော့်အတွက်တော့ သွေးရင်းသားရင်းထဲက ညီတစ်ယောက် ဆုံးရှုံးခဲ့ရသလိုပါပဲ။ အခုအချိန်မှာ အပြောင်းအလဲရဲ့ ပထမခြေလှမ်းဖြစ်တဲ့ ရွေးကောက်ပွဲမှာ ပြတ်ပြတ်သားသား အနိုင်ရရှိမှုကို သူရှိနေဦးမယ်ဆိုရင် ဘယ်လောက်များ ၀မ်းသာပီတီ ဖြစ်လိုက်မလဲလို့ တွေးနေမိတယ်။

ဒီနေ့ဟာ ကိုဉာဏ် ကွယ်လွန်ခဲ့တာ လေးလတိတိ ပြည့်တဲ့နေ့ ဖြစ်ပါတယ်။ ဉာဏ်လှိုင်းအဖွဲ့အနေနဲ့ ကိုဉာဏ်ကို ရည်စူးပြီး ကာတွန်းဆရာများရဲ့ ရေဘေးကယ်ဆယ်ရေးမှာ လှူဒါန်းခဲ့ခြင်း၊ ဒေါ်ခင်ကြည်ဖောင်ဒေးရှင်းမှာ လှူဒါန်းခဲ့ခြင်းများကို ကိုဉာဏ်ရောက်လေရာဘ၀က သာဓုခေါ်နိုင်အောင် အမျှပေးဝေပါတယ်။ အမျှရပြီး သာဓုခေါ်နိုင်ပါစေ။ ကိုဉာဏ် ကောင်းမွန်ရာဘုံဘ၀ကနေ သံသရာစက်ဝိုင်းထဲ ကျင်လည်နေရခြင်းကို အဆုံးသတ်နိုင်ပါစေ။

သုသိလှိုင်

— with ဉာဏ်လင်းသိန်း.