''မဒမ်အောင်ဆန်းစုကြည်ဆီသွားရင် ကျွန်တော် ဘာဝတ်ရမလဲ''

 The Irrawaddy (Burmese Version) added 2 new photos.

''မဒမ်အောင်ဆန်းစုကြည်ဆီသွားရင် ကျွန်တော် ဘာဝတ်ရမလဲ''
မြန်မာနိုင်ငံကို ပထမဆုံးအကြိမ် ရောက်လာခဲ့တဲ့ ၁၁ နှစ်သား ဗီယက်နမ် ကလေးငယ်တစ်ယောက်ဟာ အကြီးအကျယ် စိတ်လှုပ်ရှားနေပါတယ်။
သူဟာ သူ့မေမေနဲ့အတူ တက္ကသိုလ်ရိပ်သာလမ်းက အိမ်တစ်အိမ်ကို ဒီနေ့ လိုက်သွားရမယ်။ သူ ဖတ်ထားတဲ့ အထုပ္ပတ္တိစာအုပ်ထဲက အမျိုးသမီးကြီး နေတဲ့အိမ်။ သူမမွေးခင်ကတည်းက၊ ဗီယက်နမ်ကို သူ့မေမေ ရောက်လာပြီး မိဘမဲ့ဂေဟာက သုံးနှစ်သားကလေး သူ့ကို မွေးစားပြီး အမေရိက ခေါ်မသွားခင်ကတည်းက ဒီအမျိုးသမီးကြီး အဲဒီအိမ်မှာ အကျယ်ချုပ်ခံလာခဲ့ရတာ နှစ်တွေ အကြာကြီးဆိုပဲ။

မိသားစုပိုင် လေယာဉ်နဲ့ တစ်ကမ္ဘာလုံး ပတ်နေကျ သူတို့မောင်နှမတွေအတွက် ကမ္ဘာတစ်လွှား ခရီးထွက်ရတာ၊ ထင်ရှားတဲ့ ပုဂ္ဂိုလ်ကြီးတွေနဲ့ တွေ့ရတာ အထူးအဆန်း မဟုတ်တော့ပါဘူး။ မိဘနှစ်ပါးလုံးက ကမ္ဘာကျော် ရုပ်ရှင်မင်းသားမင်းသမီးတွေ ဖြစ်နေတော့ ပွဲလမ်းသဘင်တွေမှာ မိဘတွေနဲ့အတူ ကော်ဇောနီပေါ် လျှောက်ရတာလဲ ရိုးတောင်နေပါပြီင်္။
မနှစ်ကမှ အယ်လစ်ဇဘက် ဘုရင်မကြီး ချီးမြှင့်တဲ့ Honorary Dame ဘွဲ့ကို လက်ခံယူဖို့ သူတို့မေမေ ဘက်ကင်ဟမ် နန်းတော်ကို သွားတော့လဲ ၀မ်းမြောက်နေတဲ့ အဖေကြီး ဘရက်ပစ်နဲ့အတူ မောင်နှမခြောက်ယောက်လုံး လိုက်သွားခဲ့သေးတယ်။ အခု သွားရမယ့် အိမ်ဟာ ဘက်ကင်ဟမ် နန်းတော်ကြီးလောက်လဲ မခမ်းနားပါဘူး။ သူ တွေ့ချင်နေတဲ့ အမျိုးသမီးကြီးကလဲ အယ်လစ်ဇဘက် ဘုရင်မကြီးလို ခမ်းနားအဖိုးတန်တဲ့ ဂါဝန်ဝတ်ပြီး သရဖူ ဆောင်းထားမှာ မဟုတ်တာ သေချာတယ်။ ဘာလို့ သူ ဒီလောက် စိတ်လှုပ်ရှားနေရပါလိမ့်။
ဂုဏ်သရေရှိ လူကြီးလူကောင်းတွေနဲ့တွေ့ရင် ၀တ်ရတဲ့ ကုတ်အင်္ကျီနဲ့ နက်တိုင်နဲ့ အနောက်တိုင်းဝတ်စုံကိုပဲ လူကြီးလေးတစ်ယောက်လို ၀တ်သွားရင် ကောင်းမလား။ ဒါပေမယ့် ဒီအမျိုးသမီးကြီးက သူ့ရိုးရာ ၀တ်စုံကိုပဲ အမြဲဝတ်တတ်တာ ဓာတ်ပုံထဲမှာ သူ တွေ့တွေ့နေရတယ်။ မြန်မာပြည်လို အရှေ့တောင်အာရှ နိုင်ငံတစ်ခုမှာ မွေးဖွားခဲ့တဲ့ ဗီယက်နမ် ကလေးတစ်ယောက်ဖြစ်တဲ့ သူဟာ ဘယ်လို ၀တ်လာရင် ဒီအမျိုးသမီးကြီး နှစ်သက်မှာပါလိမ့်။

ရုပ်ရျင်မင်းသမီး အင်ဂျလီနာဂျိုလီဟာ ဒေါ်အောင်ဆန်းစုကြည်ဆီ လိုက်ဖို့ အ၀တ်အစားရွေးရင်း သားငယ် ပက်စ် အကြီးအကျယ် စိတ်လှုပ်ရှားနေတာကို မိခင်တစ်ယောက်ရဲ့ ချစ်ခြင်းနဲ့ ကြည့်နေတယ်။
သူ့အစ်ကို ၁၄ နှစ်သား မက်ဒေါ့စ်က ကမ္ဘောဒီးယားသား။ ၁၀နှစ်ရွယ် ညီမအကြီး ဇာဟာရာက ဆိုမာလီသူ။ သူ့လိုပဲ ကမ္ဘောဒီးယားနဲ့ ဆိုမာလီ မိဘမဲ့ဂေဟာတွေကနေ မေမေ လာခေါ်ပြီး နောက်တော့ ဖေဖေနဲ့မေမေ အတူမွေးစားခဲ့တာ။ ညီမငယ် ရှိုင်လိုနဲ့ အငယ်ဆုံးအမြွှာမောင်နှမ နော့ခ်စ်ရယ် ဗစ်ဗီယန်ရယ်ကိုပဲ မေမေ ဂျိုလီနဲ့ အဖေကြီး ဘရက်ပစ်က မွေးတာ။ အသားရောင်စုံ မောင်နှမတွေနဲ့ ဖွဲ့စည်းထားတဲ့ သူတို့မိသားစုကို သက်တံ့ရောင်စုံ မိသားစု (Rainbow family) လို့ မီဒီယာတွေက သုံးနှုန်းကြတယ်။
တစ်နိုင်ငံစီမှာ မွေးတဲ့ မောင်နှမတွေနဲ့ တစ်အိမ်တည်း အတူကြီးပြင်းလာတဲ့ ပက်စ်အတွက် လူမျိုးမတူ ယဉ်ကျေးမှုခြားနားသူတွေနဲ့ တွေ့ရဆုံရတာ ဘာမှမထူးဆန်းပါဘူး။ မောင်နှမ ခြောက်ယောက်မှာ မွေးတဲ့နိုင်ငံ တူတာဆိုလို့ ပြင်သစ်မှာ မွေးတဲ့ အငယ်ဆုံးနှစ်ကောင် ညီလေး နော့ခ်စ်နဲ့ ညီမလေး ဗစ်ဗီယန်ပဲ ရှိတယ်။ ညီမလေး ရှိုင်လိုက နမီးဘီးယားမှာ မွေးတယ်။ သူတို့ အကြီး သုံးယောက်က ကမ္ဘောဒီးယား၊ ဗီယက်နမ်နဲ့ ဆိုမာလီ ချာတိတ်တွေ။ ပြင်သစ်သား အငယ်နှစ်ကောင်တောင် နေရာခွဲ မွေးလို့မရတဲ့ အမြွှာမို့လို့ မွေးရာဇာတိ တူနေတာ။ တစ်ကမ္ဘာလုံးလဲ သူတို့ ရောက်ဖူးတဲ့နိုင်ငံတွေ တော်တော်နှံ့နေပြီ။ ဒီမြန်မာပြည်က အမျိုးသမီးကြီးနဲ့ တွေ့ရမှာ ဘာလို့ သူ ဒီလောက် ရင်ခုန်နေရပါလိမ့်။
''ပက်စ် extra-nervous (အလွန်အကျူး စိတ်လှုပ်ရှား) ဖြစ်နေခဲ့တယ်''လို့ သူ့မေမေက နောက်ပိုင်း ပြန်ပြောပြပါတယ်။
''အောင်ဆန်းစုကြည်နဲ့တွေ့ဖို့ ဘာအင်္ကျီ ၀တ်ရမလဲဆိုတာ သူ အရမ်းကို စိတ်ပူပန်နေတာကြည့်ပြီး ကျွန်မပါ လှုပ်ရှားလာတယ်။ သူက ရုပ်ရှင် စ,ရုံတင်တဲ့ ပရီမီယာပွဲကြီးတွေ သွားရင်တောင် စိတ်ပူတတ် လန့်တတ်တာ မဟုတ်ဘူး။ အောင်ဆန်းစုကြည်နဲ့ တွေ့ရမယ်ဆိုမှ တုန်လှုပ်နေတာ''
နောက်ဆုံးတော့ ရိုးရှင်းတဲ့ အနက်ရောင် တီရှပ်လေး တစ်ထည်ကိုပဲ လူငယ်ဆန်ဆန် ၀တ်သွားဖို့ ပက်စ် ဆုံးဖြတ်ခဲ့တယ်။ ရင်ဘတ်မှာ ဘာကြောင်ကြောင်ကျားကျား အရုပ်မှ မပါတာကို သူရွေးတယ်။ မဒမ်အောင်ဆန်းစုကြည် သူ့ကို တွေ့တဲ့အချိန် လူကြီးမျက်စိမှာ အဆင်ပြေစေ့ချင်တယ်လေ။ သူ့မေမေက မီးခိုးနုရောင် ဂါဝန်ပေါ်မှာ အနက်ရောင် ပုဝါခြုံလိုက်တော့ ဒေါ်အောင်ဆန်းစုကြည်ဆီ အတူသွားကြမယ့် သားအမိနှစ်ယောက် ၀တ်ထားတဲ့ အရောင်ချင်းလဲ လိုက်ဖက်အဆင်ပြေသွားတယ်။
The Lady ရုပ်ရှင်ထဲက ဇာတ်လိုက်၊ ကမ္ဘာ့သတင်းစာတွေရဲ့ မျက်နှာဖုံးမှာ ခဏခဏ တွေ့ရတဲ့သူ၊ သူ့လို သားယောက်ျားလေး နှစ်ယောက်ရဲ့ မိခင်၊ အာဏာသိမ်း ဗိုလ်ချုပ်ကြီးတွေကို နှစ်ပေါင်းများစွာ အာခံလာခဲ့တဲ့ နိုဘယ်ဆုရှင် အမျိုးသမီးကြီးရဲ့ တစ်ချိန်က ''အကျဉ်းကျ စံအိမ်''ကို ရောက်ပါပြီ။
ခိုပြာရောင် မြန်မာဝတ်စုံ ဆင်မြန်းပြီး ပန်းဖြူဖြူလေးတွေ ခေါင်းမှာ ပန်ထားတဲ့ ''သူ သိပ်တွေ့ချင်နေတဲ့ အမျိုးသမီးကြီး''က သူတို့သားအမိကို အပြုံးနဲ့ ကြိုဆိုတယ်။ ဒီအမျိုးသမီးကြီးရဲ့ဖခင်၊ ၁၉၄၀ ပြည့်လွန်နှစ်တွေတုန်းက အာရှရဲ့ လွတ်လပ်ရေးသူရဲကောင်း ဂျန်နရယ်အောင်ဆန်းရဲ့ ပုံတူပန်းချီကားကြီးရှေ့မှာ မေမေရယ်၊ သူရယ်၊ မဒမ်စုကြည်ရယ် ၀ိုင်းဖွဲ့ထိုင်ကြတယ်။ ပန်းချီကားထဲက စစ်ဗိုလ်ချုပ်ဟာ ငြိမ်းချမ်းရေးတိုက်ပွဲဝင် သူ့သမီးဆီ လာတွေ့တဲ့ ဗီယက်နမ် လူငယ်ကလေးနဲ့ သူ့အမေ အမေရိကန် ရုပ်ရှင်မင်းသမီးကို ကြည့်နေလေရဲ့။
ဗီယက်နမ် မိဘမဲ့ဂေဟာမှာ ဘ၀စခဲ့တဲ့ ပက်စ်ဟာ အဖေကြီး ဘရက်ပစ်နဲ့ မေမေ ဂျိုလီရဲ့ မေတ္တာတရားတွေအောက်မှာ ရဲရင့်သွက်လက်တဲ့၊ တောက်ပတဲ့ အနာဂတ် ရှေ့မှာ စောင့်နေတဲ့ ကျောင်းသားကလေးတစ်ယောက် ဖြစ်နေပါပြီ။ ၁၀ နှစ်ကြာ လက်တွဲလာခဲ့တဲ့ ဖေဖေနဲ့မေမေ သူတို့မောင်နှမတွေ ဆန္ဒနဲ့အညီ မနှစ်က မင်္ဂလာဆောင်တော့လဲ သူနဲ့ အစ်ကိုကြီး မက်ဒေါ့စ်က အဖြူရောင် သတို့သမီးဝတ်စုံနဲ့ မေမေ့ကို ၀ဲယာ ခြံရံပြီး သတို့သား ဖေဖေ့လက်ထဲ လွှဲပြောင်းအပ်နှံပေးတဲ့ တာဝန်ကို ယူခဲ့တယ်။ မင်္ဂလာကိတ်မုန့်ကိုတောင် ပက်စ်ကိုယ်တိုင် ဖုတ်ပေးခဲ့တာ။ အခုမှ သူ ဘာလို့ ဒီလောက် စိတ်လှုပ်ရှားနေရပါလိမ့်။
အမျိုးသမီးကြီးက အမေနဲ့ လိုက်လာတဲ့ ၁၁ နှစ်သားကလေးကို အေးချမ်းဖော်ရွေတဲ့ အပြုံးနဲ့ နှုတ်ဆက်တယ်။ သူ့ကိုပါ လူကြီးလေးတစ်ယောက်လို စကားပြောတယ်။ ပက်စ်ရဲ့ စိတ်လှုပ်ရှားမှုတွေကို လျှော့ချပေးခဲ့တယ်။
ကုလသမဂ္ဂ ချစ်ကြည်ရေးသံတမန် သူ့မေမေ အင်ဂျလီနာ ဂျိုလီကတော့ မဒမ်အောင်ဆန်းစုကြည်နဲ့ စကားပြောနေတဲ့ သားငယ် ပက်စ်ကို ဗိုလ်ချုပ်အောင်ဆန်း ပုံတူကားချပ်ကြီး အောက်ကနေ မိခင်တစ်ယောက်ရဲ့ ဂုဏ်ယူတဲ့အပြုံးနဲ့ ကြည့်နေလေရဲ့။ (Credit: Mya Kyay Mon)
မူရင်းလင့် https://www.facebook.com/myakyaymon/posts/10206378656238748