အမေရိကားရဲ့ ကျေးလက်ဆီသို့
ကျေးလက်ဒေသဘက်သွားဖို့ ကားလမ်းတွေကို အမေရိကားမှာ ပြည်နယ်အစိုးရတွေက တာဝန်ယူ ဖောက်လုပ် ပေးပါတယ်။ တောအထပ်ထပ် တောင်အသွယ်သွယ်ကို ဖြတ်ကျော်ဖောက်လုပ်ကြတယ်။ ကားလမ်းတွေရဲ့ ခိုင်ခံ့မှုကိုလည်း ကွန်တိန်နာတွေသွားလို့ရတဲ့အ
ကားလမ်းတွေကို ဝှေ့ဝိုက်ဖောက်လုပ်တဲ့အခါ ညာကွေ့လမ်းကို ညာဘက် စောင်းထားပြီး၊ ဘယ်ကွေ့လမ်းကို ဘယ်ဘက်စောင်းလို့ စနစ်တကျဖောက်ထားတာ တွေ့ရတယ်။ ကားကို ညာဝိုက်မောင်းတဲ့အခါ ညာဘက်လမ်း အခြမ်းဟာ နိမ့်နေတဲ့အတွက် ကားကို အရှိန်နဲ့မောင်းတဲ့အခါ ကားရဲ့ဟန်ချက်က ပိုပြီးကောင်းသွားတယ်။ ဒီတော့ ကားက မမှောက်တော့ဘူး။ ဘယ်ကွေ့လမ်းကို ဘယ်နိမ့် ညာမြင့်လုပ်ထားတော့ ဘယ်ဘက်ကို အရှိန်နဲ့ဝိုက်လို့ရပြန်တယ်
ဆီးနှင်းတွေကျတဲ့အချိန် လမ်းတွေမချောအောင် ကပ်တရားလိုလို၊ ရာဘာလိုလိုဖြစ်နေအောင် လမ်းခင်းတဲ့ စနစ်ကိုလည်း အခုမှ မြင်ဘူးတယ်။ ကျေးလက်တွေဆီသွားတဲ့ ကားလမ်းတွေဟာ တောင်တွေတောတွေကို ဖြတ်ဖောက် ရတာကြောင့် ပိုပြီး safety ဖြစ်အောင် ဖောက်လုပ်ကြတာကို အတုယူဖွယ် တွေ့ရတယ်။ မတိုးတက်တဲ့ နိုင်ငံတွေမှာတော့ တောရွာသွားတဲ့ လမ်းတွေကို ပစ်စလက်ခတ် ဖြစ်သလိုဖောက်ကြတယ်။ အတွေးအခေါ် ပြောင်းပြန်ဖြစ်နေတယ် ဆိုပါတော့။
လမ်းတွေရဲ့ မချောမကြမ်းမျက်နှာပြင်ကလည်
ကျေးလက်တွေဆီ သွားတဲ့အခါ နိမ့်လိုက်မြင့်လိုက် လမ်းတွေမှာ ညိမ့်ညိမ့်ညောင်းညောင်း ကားကို မောင်းရင်း ဘေးဘက်ဝဲယာစိုက်ခင်းတွေကို တမျှော်တခေါ်ငေးမော စိတ်ကူးယဉ်ရတာ ကာရံတွေ၊သံဇဉ်တွေ ခေါင်းထဲရောက်ရောက် လာ သလိုပါဘဲ။ မြေပဲခင်း၊ အာလူးစိုက်ခင်း၊ မြက်စိုက်ခင်း၊ ပြောင်းစိုက်ခင်းတွေဆီက ဖြတ်သန်းတိုက်ခတ်လာတဲ့ သန့်ရှင်းတဲ့ သဘာဝလေကို ရှူရတာဟာလည်း နောက်ကျိနေတဲ့ စိတ်တွေကို လန်းဆန်းသွားစေတယ်။ တောင်တွေကို ကွေ့ကာဝိုက်ကာ ဖောက်ထားတဲ့ ကားလမ်းတွေကို အရှိန်နဲ့မောင်းရင်း အဝေးတဖက်ဆီက မြင်နေရတဲ့ တောတောင် ရှုခင်းတွေဟာလည်း ကဗျာတွေ၊စာတွေ ဖွဲ့ပြနေသလိုပါဘဲ။ တခါလေ ကာရံတွေ၊ တခါတလေ စကားလုံးအနုနုတွေ၊ တခါတလေ ပန်ချီကား လှလှတွေ ရင်ထဲရောက်ရောက်လာတယ်။ ချစ်သူစုံတွဲတွေအတွက် တေးတပုဒ်၊ စာရေးဆရာ တွေအတွက် ကဗျာတပုဒ်၊ စာတပုဒ်ကို သယ်ငင်ယူဆောင်လာလေသလား သဘာဝပန်းချီကားကြီးရယ်။
အမေရိကန်နိုင်ငံမှာ ကျေးလက်တွေဆီ သွားတဲ့အခါ တချို့သောနေရာတွေမှာ National Park တွေကို တွေ့ရမယ်။ National Park တွေကို ပြည်နယ်အစိုးရက ပြုလုပ်ပေးထားတယ်။ အပန်းဖြေအနားယူနိုင်ဖို့ camping နေရာတွေ ပြုလုပ်ပေးထားတယ်။ မိသားစုအလိုက် အပန်းဖြေကြတယ်။ သူငယ်ချင်းတွေစုပြီး ပျော်ပွဲစားထွက် အပန်းဖြေကြတယ်။ ထိုထို နေရာများမှာ ချစ်သူတွေ ချစ်တင်းနှောကြတယ်။ မိသားစုတွေ ပျော်ကြတယ်။ သူငယ်ချင်းတွေ ဘီယာနဲ့ ကြက်ကင် မြီးကြတယ်။ တောတောင်တွေရဲ့အလှမှာ ဘဝရဲ့ ပင်ပန်းမှုအမောတွေကို အပန်းဖြေကြတယ်။ ဒီအခါ မြို့ပြ အလှတွေ ထိုင်ငိုသွားတယ်။ သူတို့ကို ဘယ်သူ ကမှ အဘက်လုပ်ဖော်မရကြလို့။
မြို့ပြအလှတွေ လိုက်မမီနိုင်တဲ့ သဘာဝအလှကို ကျေးလက်မှာသာ တွေ့နိုင်တယ်။ စိုက်ပျိုးရေး၊ မွေးမြူရေး ထွက်ကုန်တွေကို ကျေးလက်ဒေသမှာ အမြောက်အများ ရနိုင်တယ်။ လတ်လတ်ဆတ်ဆတ် အသီးအနှံတွေကိုလည်း ကျေးလက်တောရွာတွေမှာသာ စားသုံးနိုင်တယ်။ မြို့ပြရဲ့ ကုန်တိုက်ကြီးတွေပေါ်က ရက်သိတ်အသီးအနှံတွေကို ငြီးငွေ့နေ တဲ့ ကျွန်တော့်အဖို့တော့ အခုလို ကျေးလက်တွေဆီ ရောက်တဲ့အခါကြတော့မှဘဲ လတ်ဆတ်တဲ့ သီးနှံတွေကို ငမ်းငမ်း ဆမ်းဆမ်း စားဖြစ်ပါတော့တယ်။
ကျေးလက်ဒေသ ထွက်ကုန်တွေကို ကွန်တိန်နာကားကြီးတွေနဲ့ မြို့ပြတွေဆီ သယ်ဆောင်ကြတယ်။ ဒါကြောင့် လည်း ကျေးလက်တွေဆီသွားတဲ့ ကားလမ်းတွေကို ကွန်တိန်နာကားကြီးတွေ မောင်းလို့ရတဲ့အထိ ခိုင်ခံ့အောင် တည်ဆောက် ထားတာဖြစ်တယ်။
သိုး၊ဆိတ်၊နွားမွေးမြူရေးတေ
သိုး၊ဆိတ်၊နွားစတဲ့ တိရစ္ဆာန်ချေးတွေကနေ ထုတ်လုပ်တဲ့ သဘာဝ မြေသြဇာစက်ရုံတွေကိုလည်း ကားလမ်းနဲ့ အလွန်ဝေးတဲ့ တောင်ခြေတွေနားမှာ လှမ်းတွေ့နေရတယ်။ အံ့သြစရာကောင်းတာက ဘယ်လိုအနံ့အသက်မှ မရတဲ့ အချက်ပါဘဲ။ ရလို့ကတော့ လေထုညစ်ညမ်းမှုနဲ့ ငြိပြီသာမှတ်ပေတော့။ စက်ရုံအများစုဟာ ကားလမ်းနဲ့ အဝေးမှာ တည်ဆောက်ထားကြတာ ထူးခြားချက်တခုလိုဖြစ်နေတယ်
အမေရိကန်နိုင်ငံမှာ ကျေးလက်နဲ့ မြို့ပြဟာ အလှမ်းဝေးနေပေမယ့် လမ်းပန်းဆက်သွယ်ရေး အလွန်ကောင်းတာ ကြောင့် နာရီပိုင်းအတွင်း အရောက်သွားနိုင်တယ်။ တနာရီကို ၅၅-မိုင်ကနေ ၆၅-မိုင်၊ မိုင် ၇၀ နှုန်းအထိမောင်းခွင့် ပေးထားတဲ့ ကားလမ်းတွေကြောင့် မိုင် သုံးလေးရာခရီးလည်း ခဏလေးပါဘဲ။ အိမ်ဦးနဲ့ ကြမ်းပြင်လို သွားနေကြတာပါ။ ကျွန်တော်ကိုယ်တိုင် အမေရိကန် ကျေးလက်တွေဆီ အကြိမ်ကြိမ် နေ့ချင်းပြန်သွားနေခဲ့တာ အကြိမ်မနဲတော့ပါ။ လမ်းပန်း ဆက်သွယ်ရေးရဲ့ အရေးပါမှုဟာ တိုးတက်မှုအတွက် ဘယ်လောက်အရေးပါတယ်ဆိုတာ အမေရိကန်နိုင်ငံရဲ့ တိုးတက်မှု ကို ကြည့်ပြီး ပိုသိလာတယ်။
ခရီးလမ်းရဲ့အရေးပါမှု၊ ဆက်သွယ်ရေးစနစ်ရဲ့ အရေးပါမှုတွေကြောင့် စီးပွားရေး၊ လူမှုရေး အခြေအနေတွေဟာ အမေရိကားမှာ ကျေးလက်နဲ့ မြို့ပြ အတူတူပါဘဲ။ ဒါကြောင့် ကျေးလက်ဒေသဟာ အနေခေါင်လှပါလားဆိုတဲ့ ဝေါဟာရ အမေရိကားတွင် သုံးစားမရပါ။ ကျေးလက်နေ ပြည်သူအများစုသည် ကိုယ်ပိုင်စိုက်ပျိုးရေး၊ မွေးမြူရေး လုပ်ငန်းတွေနဲ့ ငွေကြေးပို၍ ပြည့်စုံကြတယ်။ အိမ်ကြီးအိမ်ကောင်း၊ ကားကြီးကားကောင်းတွေ၊ ထွန်စက်မျိုးစုံတွေ ပိုင်ဆိုင်ကြတယ်။ မြို့ပြနေလူတန်းစားအများစုက
မြို့ပြလူတန်းစား အများစုက ကုမ္ပဏီတွေမှာ အလုပ်သမားလုပ်ကြတယ်။ ကျေးလက်နေ လူတန်းစားက ကိုယ်ပိုင်လုပ်ငန်းတွေနဲ့ အသက်မွေးဝမ်းကြောင်းပြုကြတယ
မင်းကျော်ကျော်ထွန်း (မော်လမြိုင်)
၂၀၁၃ စက်တင်ဘာလ ၃၀၊ တနလာင်္နေ့။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။