ကား ချောဆီ အကြောင်း သိကောင်းစရာ

YoYarLay

ကား ချောဆီ အကြောင်း သိကောင်းစရာ
-------------------------------
အောင်ခမ်း (ရိုးရာလေး)

စက်ဆီ၊ချောဆီ ဆိုတာမျိုးကလည်း ကားမှာ အရေးကြီးပါတယ်။ သူမပါရင် ကားမောင်းလို့ မရပါဘူး။ မောင်းလို့ ရလည်း နာရီပိုင်းတောင် မကြာပါဘူး။ ကားပျက်ကိုပျက်ပါတယ်။ ဘာကြောင့်ပါလဲ။

ချောဆီ နှင့်ရည်ရွယ်ချက်

- အင်ဂျင်နှင့် စက်အစိတ်အပိုင်းများအား အအေးခံရန်
- စက်ပစ္စည်းများ ပွန်းပဲ့မှု ကင်းဝေးစေရန်
- သံချေးတက်ခြင်းနှင့် အခြားပျက်ဆီးမှုများမှ ကာကွယ်ရန်
- စက်ပစ္စည်းများ လည်ပတ်ရန်ထောက်ပံ့ခြင်း

အင်ဂျင်နှင့် စက်အစိတ်အပိုင်းများအား အအေးခံရန်

အဓိက ရည်ရွယ်ချက်ကတော့ အအေးခံဖို့ပါပဲ။ ပူလောင်နေတဲ့ ကားအင်ဂျင်နဲ့ အခြားအစိတ်အပိုင်းများကို အအေးခံဖို့ ကျတော့ ချောဆီကို အသုံးပြုပေးရပါတယ်။ ချောဆီက ပူတော့ မနေပါဘူး။ သာမန် ဆီများထက် အဆင့်ပေါင်းများစွာ သန့်စင်ထားတဲ့ ယင်းဆီဟာ အပူတွေကို သယ်ဆောင်ပေးပါတယ်။ အရှင်းဆုံး ဥပမာ ပေးရမယ်ဆိုရင် ပူနေတဲ့ ဖန်ရေနွေးခွက်ကို ရေအေးထဲ ချလိုက်တဲ့အခါ အပြင်ပိုင်းဟာ ပြန်အေးသွားပါတယ်။ ဒီလိုပါပဲ ပူလောင်နေတဲ့ အင်ဂျင်အစိတ်အပိုင်းတွေကို အအေးခံဖို့ အတွက် ချောဆီက အပြင်ကနေ အေးသွားစေပါတယ်။ အအေးခံခြင်း မှာ ရေနဲ့အအေးခံတာလည်း ရှိပေမယ့် ယခုက ချောဆီ အကြောင်းဆိုတော့ ချောဆီနဲ့ အအေးခံတာကိုပဲ ရှင်းလင်းပါ့မယ်။


စက်ပစ္စည်းများ ပွန်းပဲ့မှု ကင်းဝေးစေရန်
--------------------------------------------

စက်ပစ္စည်းများ ပွန်းပဲ့မှု ကင်းဝေးစေရန် အပေါ်တစ်ချက်က ရှင်းပြီးပြီ။ ဒုတိယတစ်ချက်ကို သိပ်မရှင်းဘူးထင်ပါတယ်။ ကျနော်တုိ့ လက်စွတ်ကို ချွတ်မရ ဖြစ်တဲ့အခါ ဆီလေးနဲ့ လိမ်းပြီးချွတ်ရင် ကျွတ်သလိုပါပဲ။ အဲ့ဒီမှာ လက်ကလည်း မနာမကျင်၊ မပွန်းမပဲ့၊ လက်စွတ်ကလည်း မပျက်မစီး မပွန်းမပဲ့နဲ့ ကျွတ်သွားပါတယ်။ ဒီတော့ နှစ်ခုစလုံး မပျက်ဆီးပါဘူး။ ဒီလိုပါပဲ အင်ဂျင်နဲ့ လှုပ်ရှားနေတဲ့ ကားအစိတ်အပိုင်းတွေက တစ်ခုနဲ့ တစ်ခု ထိဆက်ပြီး အလုပ်လုပ်နေပါတယ်။ ဒီလိုထိခိုက်ပါများ၊ ပွတ်တိုက်ပါများတဲ့ အပိုင်းတွေကို နှစ်ခုနှစ်ဖက်စလုံး မထိခိုက်စေအောင် ချောဆီက ကြားခံ ကာကွယ်ပေးထားပါတယ်။


သံချေးတက်ခြင်းနှင့် အခြားပျက်ဆီးမှုများမှ ကာကွယ်ရန်
--------------------------------------------------------------

တတိယ တစ်ချက်ကတော့ အားလုံးသိလောက်ပါမယ်။ ဘယ် သံ အစိတ်အပိုင်းမဆို ဆီသုတ်လိမ်းအား ကောင်းရင် တောရုံ နဲ့ ချေးမတက်ပါဘူး။ မတိုက်စားပါဘူး။ မပျက်ဆီးပါဘူး။ အကြောင်းအရင်းက ဒီလိုပါ။ သံချေး တက်တယ်ဆို တာ လေမှာပါ တဲ့ အောက်ဆီဂျင်နဲ့ သံမှာပါဝင်တဲ့ Iron (Fe) သံဓာတ်တို့ ပေါင်းစပ်မိ သွားပြီး သံအောက်ဆိုဒ် (အိုင်းရွန်းအောက်ဆိုဒ်) ကို ဖြစ်ပေါ်စေ ပါတယ်။ ဆိုးကျိုးကတော့ နဂိုကတည်းက သန်မာနေတဲ့ သံဟာ အောက်ဆီဂျင်နဲ့ ရောစပ်သွားမှုကြောင့် ပျက်ဆီး သွားခြင်း ဖြစ်ပါတယ်။ အောက်ဆီဂျင်နဲ့ တင်မကပဲ အခြား ဓာတ်ငွေ့ များနဲ့လည်း ဓာတ်ပြုပြီး Corrosion အကြီးစား၊ Rusting အကြီး စားတွေ ဖြစ်ပေါ်စေတယ်။ ယင်းပြဿနာကို ချောဆီမှာပါဝင်တဲ့ ဓာတ်များက ဖြေရှင်းပေးပါတယ်။ ချောဆီမှာ အဲကာလိုင်းတို့လို ဓာတ်ပါပြီး အက်ဆစ်တွေ၊ သံအောက်ဆိုဒ်တွေကို ချေဖြတ်ပေး ပါတယ်။


စက်ပစ္စည်းများ လည်ပတ်ရန် ထောက်ပံ့ခြင်း
-------------------------------------------------

ကားမှန်တွေမှာပါ။ ပါဝါဝင်ဒိုးစနစ် အလုပ်လုပ်နိုင်ဖို့အတွက် ချောဆီ တစ်မျိုး(အမဲဆီ) တစ်မျိုးကို အသုံးပြုပါတယ်။ အပေါ်တက်အောက် ဆင်းဖြစ်အောင် လျှပ်စစ်ခလုပ်က အလုပ်လုပ်တယ် ဆိုပေမယ့် စက်ပိုင်းဆိုင်ရာ အလုပ်လုပ်မှုကိုကျ ယင်းချောဆီ က ထောက်ပံ့ပေး ပါတယ်။ ဥပမာ မြင့်အောင် တင်ပေးလိုက်တာမျိုး၊ ကျအောင် ချပေးလိုက်တာမျိုးက အထဲမှာ Grease က ကောင်းကောင်း အလုပ်လုပ်လို့ ဖြစ်ပါတယ်။ ဟိုက်ဒရောလစ်နဲ့မတူသေးပါဘူး။ ဘရိတ်မှာကျ ဟိုင်းဒရောလစ်ကို သုံးပါတယ်။ ရေမြှုပ်သော် လည်းကောင်၊ လေအိုးသော်လည်းကောင်း အသုံးပြုတာမျိုးက သက်သက် ရှိပါသေးတယ်။ ယခုက ချောဆီရဲ့  အသုံးပြုမှုကိုသာ ခွဲခြားဖော်ပြတာပါ။

အခြားနေရာများတွင် အသုံးပြုခြင်း
-------------------------------------

အခြားနေရာ ဆိုတာ ဒီလိုပါ။ စက်ပစ္စည်းတွေ အဖြုတ်အတပ် ပြုလုပ် တဲ့အခါ ချောဆီကို အသုံးပြု ရပါတယ်။ ဒီမှာတော့ ကိုယ်ဖြုတ်တပ်တဲ့ စက်ပစ္စည်းအပေါ် မူတည်ပြီး ချောဆီ အမျိုးမျိုးကို အသုံးပြု ပါတယ်။ ဈေးအပေါဆုံး အမဲဆီက စလို့ ဈေးအကြီးဆုံး ဆီအမျိုးစုံ ထိအောင်ကို အသုံးပြု ပါတယ်။ ကားဝပ်ရှော့တွေမှာ ဆို ချောဆီအမျိုးမျိုးကို အမြော်ကအများစုဆောင်းသိမ်း ဆည်းထား ရပြီး ကားပြင်ဆင်ခြင်းမှာ အသုံးပြုရပါတယ်။ ရှင်းရှင်း ပြောရ ရင် ရေချိုးပေးတဲ့ သဘောပါပဲ။ ကားမှာပါတဲ့ အစိတ်အပိုင်းတွေကို သန့်ရှင်းဖို့ကျ ရေနဲ့ သွားလောင်းလို့ မရပါဘူး။ ပိုတောင် ပျက်ဆီးသွားစေပါတယ်။ ချောဆီရေနဲ့ လောင်းပေးရပြီး သေချာ သုတ်လိမ်း ပေးခြင်းဖြင့် စိတ်ပစ္စည်းများရဲ့  သက်တမ်းကို ရှည်ကြာစေ ပါတယ်။

အသုံးပြုသည့် နေရာ ဥပမာ

ကားမှာပါတဲ့ ဝက်အူရစ်တွေ၊ ဂွေတွေ၊ အကွင်းအဆက်တွေ၊ ဂီယာတွေကို တပ်ဆင်တာ ဒီတိုင်း ပလိန်းကြီး တပ်ရ၊ ဖြုတ်ရတာ မဟုတ်ပါဘူး။ တပ်ပဲတပ်တပ်၊ ဖြုတ်ပဲ ဖြုတ်ဖြုတ် ချော ဆီလောင်း ထားပေးရပါတယ်။ ကားတစ်စီးရဲ့  အစိတ်အပိုင်းတွေကို ခွဲထုတ်ကြည့်တဲ့အခါမှာ ဆီတွေနဲ့ ပေနေတာကို အလွယ်တကူ မြင်တွေ့ သိရှိနိုင်ပါတယ်။

အင်ဂျင် ပစ်စတင်နဲ့ အင်ဂျင်ဆလင်ဒါ ကြားက ဆက်စပ်မှုကလည်း ဒီတိုင်းပလိန်းကြီးမဟုတ်ပါဘူ။ အပေါ်တက် အောက်ဆင်း အလုပ် လုပ်နေရတဲ့ အင်ဂျင် ပစ်စတင် ဘေးပတ်လည်မှာ ချောဆီများ သွားလာနေပြီး အအေးခံရန် သော်လည်းကောင်း၊ မပျက်ဆီးရန်သော် လည်းကောင်း၊ အလွယ်တကူ မထစ်မငေါ့ပဲ သွားလာလည်ပတ်နိုင် ရန်လည်ကောင်း အသုံးပြုရပါတယ်။ ဒါကြောင့် ကားကြီးတွေမှာ ဆို ချောဆီတိုင်ကီဆိုပြီး သီးသန့်တောင် ရှိလာပါတယ်။ ယင်းတိုင်ကီကနေ ချောဆီက တစ်ကားလုံးက အင်ဂျင်အစိတ်အပိုင်း များဆီ ပို့လွတ်ပေးရေသလိုပဲ ဖြစ်ပါတယ်။

ချောဆီအမျိုးမျိုး

ကားအင်ဂျင်မှာ သုံးတော့ ကားအင်ဂျင်ဆီ၊ ကားမှာသုံးတော့ ကားဆီ၊ ပါဝါဝင်းဒိုးမှာ သုံးတော့ ပါဝါဝင်းဒိုးဆီ၊ ဘရိတ်မှာ သုံးတော့ ဘရိတ်ဆီ၊ ကား အူလည်တိုင်မှာ သုံးတော့ အူလည်တိုင်ဆီ၊ ဘို့နဲ့ နတ်ချောင်းတွေ မှာ အသုံးပြုသော ဘို့နဲ့ နတ်ဆီ အမျိုးအစားအမျိုးမျိုးကွဲပါတယ်။ နတ်ဆိုလုိ့ မိုးပေါ်က နတ်ကိုဆိုလိုတာ မဟုတ်ပါဘူး။ Nut လို့ခေါ်တဲ့ အစွတ်အတပ်လုပ်ရတဲ့ အချောင်းအတံပစ္စည်းလေး ဖြစ်ပါတယ်။ ဒီတော့ ကားတစ်စီးမှာတင် အသုံးပြုတဲ့ ချောဆီက ၁၀ မျိုးမက ကွဲသွားရပါတယ်။ ကွဲရတဲ့အကြောင်းအရင်းက ယင်းအစိတ်အပိုင်း အားလုံးမှာ အသုံးပြုတဲ့ သံအမျိုးအစားများ ကွဲပြားနေ ရခြင်းကြောင့် ဖြစ်ပါတယ်။ ဒါတောင် ကားပဲ ရှိပါသေးတယ်။ ဆိုင်ကယ်မှာသုံးတဲ့ချောဆီ၊ လေယာဉ်မှာ သုံးတဲ့ ချောဆီ၊ သင်္ဘောမှာ သုံးတဲ့ချောဆီ အစရှိသဖြင့်တို့လည်း ထပ်မဲ ကွဲပြားနေပြန်ပါသေး တယ်။ ထုတ်လုပ်တာကတော့ ရေနံကနေ အဆင့်ဆင့်ကြိုချက်တာပါပဲ။ အဆင့်ဆင့် ကြိုချက်ပြီး ထပ်မံ ပေါင်းထပ်ပေးရတဲ့ ဓာတုဓာတ်ပေါင်းမျးလည်း ရှိပါသေးတယ်။ ဓာတု ဓာတ်ပေါင်းများ ထပ်မံပေါင်းစပ်လို့ နောက်ဆုံးမှာ အဆင့်အမျိုးမျိုးခွဲတဲ့ ချောဆီများ ရရှိပါတော့တယ်။


ကားတစ်စီးမှာ ချောဆီသာ ပါမလာခဲ့ရင်
-------------------------------------------

ကားလို့တောင် မခေါ်ချင်တော့ပါဘူး။ ကားရယ်လို့ ဖြစ်မလာခင် စက်အစိတ် အပိုင်း တစ်ခုချင်းဆီ စတင်ပေါ်ပေါက် ကတည်းက ချော ဆီဆိုတာ အသုံးပြုရတာပါ။ ဥပမာ ဂီယာဘီးတွေ စတင်ပေါ်ကတည်း က ချောဆီကို အသုံးပြုနေပြီ ဖြစ်ပါတယ်။ ကားအင်ဂျင်နဲ့ ကားအစိတ်အပိုင်းများ စတင်မွေးဖွားလာကတည်းက ချောဆီ က ဘေးကနေ ကန့်လန့်ပါလာပါတယ်။ ကားတစ်စီးမှာ ချောဆီ ၊စက်ဆီတွေသာ ကောင်းကောင်း ထောက်ပံ့ မပေးနိုင် နောက်ဆုံး သွားရမယ့် ခရီးက ပျက်ဆီးခြင်းပါပဲ။

အနှစ်ချုပ်

ဒါကြောင့် ကားတစ်စီးဝယ်တော့မယ်ဆိုရင် အဟောင်းပဲ ဖြစ်ဖြစ်၊ အသစ်ပဲ ဖြစ်ဖြစ် ချောဆီ၊စက်ဆီ ကိစ္စကို ဂရုစိုက်ပေးသင့်ပါတယ်။ သူ့ကိုမှ သေချာဂရုမစိုက်ရင် ကားတစ်စီး အသက်တိုရပြီးမြန်မြန်ပျက် ရပါတယ်။ ပျက်လို့ ဝပ်ရှော့ပို့ပြီးပြင်၊ သနပ်ခါးပြန်လူးပေးတော့ ကောင်းတယ်လို့ အပေါ်ယံက ထင်ရ၊မြင်ရပေမယ့် တကယ်ကျ အဲဒီလိုမဟုတ်ပါဘူး။ အချိန်ကြာလာ တာနဲ့အမျှ ပိုပြီး ပျက်ဆီးရပါတယ်။ ဒီလောက်ဆိုရင် ကားတစ်စီးရဲ့  ချောဆီအကြောင်း အကြမ်းဖျင်း လေ့လာမိပြီလို့ မျော်လင့်ပါတယ်။

http://www.yoyarlay.com/book/article/38144-all-bout-car-oil