လေယာဉ်ပြန်ပေးဆွဲဖြစ်ရပ်မှန်နှင့် ရုပ်ရှင်သမားတွေ စိတ်ဝင်စားနေသော ဇာတ်လိုက်ကျော်ကြီးဦးစောကျော် အေးကိုတွေ့ဆုံခြင်း

 

 

မြန်မာနိုင်ငံ၏ ‘ကမ္ဘာ့ ပထမဆုံး လေယာဉ်ပြန်ပေးဆွဲမှု ကြီး’ စာအုပ်ကို ရေးသားခဲ့သော စာရေးဆရာလှသောင်းကို သွား ရောက် တွေ့ ဆုံေ မးမြန်းဖြစ် ခဲ့ရာစာရေးသူက လေယာဉ်ပြန် ပေးဆွဲခဲ့သူ ဦးစောကျော်အေး သည် ယခုတိုင်ကျန်းမာစွာဖြင့် ရွှေပြည်သာမြို့တွင်နေထိုင်လျှက်ရှိေ ကြာင်း၊အနယ်နယ်အရပ်ရပ်သို့ ခရီးထွက်၍ ခရစ် ယာန် ဓမ္မအကြောင်းများကို ဟောပြောနေသူဖြစ်ကြောင်း၊ ယခုအခါတွင်ဦးစောကျော် အေးသည် နယ်ခရီးမှနေအိမ် သို့ပြန်လည်ရောက်ရှိနေပြီး ပေါ်ပြူလာဂျာနယ်မှ အင်တာ ဗျူးလုပ်လိုပါက ဦးစောကျော် အေးထံလိုက်လံပို့ဆောင်ပေး မည်ဟု ဆိုလာတာ ကြောင့်ဆရာ ဦးလှသောင်း၏အကူအညီဖြင့် ရွှေပြည်သာရှိ ဦးစောကျော် အေးနေထိုင်ရာ နေအိမ်သို့ ဇွန်လ၃ရက်နေ့က သွားရောက် တွေ့ဆုံဖြစ်ခဲ့ကြသည်။ ဆရာ ဦးလှသောင်းက ဦးစောကျော် အေးနှင့်မိတ်ဆက်ပေးခဲ့ပြီး နောက်ဦးစောကျော်အေးက နယ်မှာ ရောက် ရှိနေစဉ် တွင် လေယာဉ် ပြန်ပေးဆွဲမှု အကြောင်းကို ရုပ်ရှင်ရိုက်ဖို့ စိတ်ဝင်စားကြသည်ကို ကြားသိ ရကြောင်း ပြန်ပြောပြခဲ့သည်။ ထို့နောက်အချို့သတင်းစာ၊ ဂျာနယ်များတွင်သူ၏ဖြစ်စဉ် လေယာဉ်ပြန်ပေးဆွဲမှုကြီးကို ခုနှစ်သက္ကရာဇ်မှားယွင်း ဖော်ပြ ထားသလို အကြောင်းအရာများ လွဲမှားစွာ ဖော်ပြ ထားမှုများ အပေါ်စိတ်မကောင်းဖြစ်နေမိ ကြောင်း¤င်းကိုယ်တိုင် မိတ္တူဆွဲ ထားကာ သိမ်းဆည်းထားသော ဂျာနယ်စာမျက်နှာများဖြင့် ထုတ်ပြ ခဲ့သည်။ဖြစ်ရပ်မှန်ကို သာသိသွားစေချင်တာက သူ၏ ဆန္ဒပင်ဖြစ်သည်။ တချို့စကား အသုံးအနှုန်းများသည် ဂုဏ် သိက္ခာကို ထိခိုက်စေသည်ဟု သူကဆိုသည်။ ဖြစ်ရပ်မှန် ကို သိစေလိုသောစိတ်ဆန္ဒဖြင့် ၁၉၅၄ ခုနှစ်က သမိုင်းတွင်ခဲ့သည့် သူ ၏ စွန့်စားမှုဖြစ်ရပ်များနှင့် ဘဝအကြောင်းများ ကို ပြောပြ ခဲ့သည်။ ဦးစောကျော်အေးသည် ယခုအချိန်တွင်အသက်၈၈ နှစ် ရှိနေပြီဖြစ်ပြီး သူ့တွင်သမီး ၃ယောက် နှင့်သား၁ယောက် ရှိကာ သားဖြစ်သူမှာလွန်ခဲ့တဲ့ ၁ဝနှစ်ခန့်က ဆုံးပါးသွားခဲ့ ကြောင်းသိရသည်။အသက် ၈၈နှစ်ပင်ရှိနေသော်လည်းတစ်ဦး ထဲပင်အနယ်နယ်အရပ်ရပ်သို့ သွားကာခရစ်ယာန်ဘာသာ၏ဘုရား အမှုတော်ကိုထမ်းရွက်နေသူ တစ်ဦးပင်ဖြစ်သည်။

နယ်စဉ်လှည့်နေသော
ခရစ်ယာန်ဓမ္မ ဟောပြောသူ

ခရစ်ယာန်ဓမ္မအမှုတော်ထမ်းပြီး အနယ်နယ်အရပ်ရပ်ကို သွား ဖြစ်နေရခြင်းနှင့်ပတ်သက်ပြီး”မြစ်ဝကျွန်းပေါ် တစ်ခုလုံး လျှောက်သွားတာပဲ။ လွန်ခဲ့ တဲ့ အနှစ်၂ဝတုန်းကဆိုရင် မအူ ပင်နယ်၊ပန်းတနော်နယ်၊ ဟင်္သတ နယ်တစ်ခွင်သွားတယ်။ အခု တဖြည်းဖြည်းနဲ့ဟိုးတောင်ပေါ် ရောက်နေ ပြီ။အ ခုတော့ မြန်အောင် နယ်ထဲကပြန်လာတာ။ ထူးကြီး က အသင်းတော်များတယ်။အခု အဲဒီဘက်ကပြန်လာတာ။ ခရီးက တော့ ဆက်သွားဦး မှာပါပဲ” ဟု ဆိုပါသည်။

လေယာဉ် ပြန်ပေးဆွဲဖို့
ဇာတ်လိုက်ကျော်၏စိတ်ကူး

လွန်ခဲ့သော၁၉၅၄ခုနှစ်က အဖြစ်အပျက်များကို ပြန်တွေး ကြည့်လျှင် ထိုအချိန်တုန်းက လေယာဉ်ပြန်ပေးဆွဲမှု ဆိုတာ မျိုးကြားခဲ့ဖူးခြင်းရှိ၊ မရှိနှင့်လေ ယာဉ်ပြန်ပေးဆွဲဖို့ဘယ်လို စိတ် ကူးရဖြစ်ခဲ့ကြောင်းကို မေး ကြည့်ရာ “ရုပ်ရှင်ဇာတ်ကားများ ရှေးရှေးတုန်းကတစ်ခါမှ မကြား မိပါဘူး။ စိတ်ကူးတာမဟုတ်ဘူး။ တော်လှန်ရေးအောင်မြင်ဖို့ လုပ် တာ၊တော်လှန်ရေးအောင်မြင်ဖို့ အတွက် လက်နက်၊ ခဲယမ်း၊ မီး ကျောက်တွေလိုအပ် တယ်။ စစ်ရေးအနေနဲ့ ကြည့်လိုက်မယ် ဆိုရင်အစိုးရနဲ့တို့နဲ့က အမြဲ တမ်း ထိပ်တိုက်တွေ့နေတာ။တို့ တွေကထွက်ထွက်ပြေးရ တယ်။ ပြေးရ တာ၊ရှုံးတာဘာဖြစ်လို့ လဲ ဆိုရင်လက်နက်ကြီးပြဿနာပဲ။ အစိုးရက လက်နက်ကြီးနဲ့ ဖိ တိုက်တော့ ဘယ်လိုမှ လုပ်လို့ မရဘူး။ အစိုးရသင်္ဘောတွေ က လည်းပစ်တယ်။တို့မှာရှိတဲ့လက် နက်တွေနဲ့ပစ်လည်း ဘယ်တော့ မှ မရဘူး။ အစိုးရလေယာဉ်ပျံ တွေ၊ သင်္ဘောတွေ၊ သူတို့တင့် ကားကြီးေ တွနဲ့ပစ်တော့ ဘယ် လိုမှ မလုပ်တတ်ဘူး။ တို့ကပဲ ခံနေရတယ်။ အဲဒီတော့မဖြစ် ဘူး။တို့လည်းလက်နက်တွေရှာ မှပဲ။လက်နက်ကြီးတွေက သတင်း
ရထားတယ်လေ။ အဲဒီလက် နက်ကြီးတွေက အထူးသဖြင့် တရုတ်ဖြူပြေးတုန်းက ထားပစ် ခဲ့တာ အများကြီးပဲ။ ဂျပန်ပြေး တုန်းကလည်း ထားပစ်ခဲ့ တာပဲ။ အသုံးမတည့်တဲ့ တောင်ပေါ်မှာ သွားရှိနေတယ်။ ဒီမှာ သင်္ဘော ကြီးတွေပစ်ခွဲဖို့လိုတယ်။ သူတို့ကရေတပ်နဲ့တိုက်နေတယ်။ တောင် ထိပ်ပေါ် လက်နက်တွေက သွား စုနေတာ အဲဒီလက်နက်တွေရ အောင် ကြံကြတာပေါ့။ တခြား နည်းနဲ့ သွားကြည့်သေးတယ်။ ကံကောင်းလို့ မျိုးပြုတ်မသွား တယ်။ သွားတာက အရှေ့ရိုး မကြီး။သွားတဲ့ ခရီးက နည်းတာမဟုတ်ဘူး။ဒီကထွက်ကတည်း ကရထားလမ်းမှာ အစိုးရတပ် တွေလည်း အများကြီးပဲ။ ပဲခူး ရိုးမကြီး တစ်ခုလုံးကျော်ပြီးမှ ဟိုးဘက်အရှေ့ရိုးမထိ တစ်လ လောက် သွားရသေးတယ်။ မအောင်မြင်ပါဘူး။ အဲဒီလက် နက်တွေတွေ့တယ်။ သယ်တယ်။ ဒါပေမဲ့ဘာမှမတတ်နိုင်ပါဘူး။ အပေါ်ရောက်တာ့ ငှက်ဖျား တက်လို့ဆိုပြီး လက်နက်တွေ မကြည့်ဖြစ်တာလည်းရှိတယ်” ဟု ဆရာကြီးေ စာကျော်အေးက ရင်ဖွင့် ပြောဆိုခဲ့ပါသည်။

ဆက်လက်ဖော်ပြပါမည်။
 ခိုင်ဝေလွင်

http://popularmyanmar.com/mpaper/2013/06/%e1%80%b1%e1%80%9c%e1%80%9a%e1%80%ac%e1%80%a5%e1%80%b9%e1%80%bb%e1%80%95%e1%80%94%e1%80%b9%e1%80%b1%e1%80%95%e1%80%b8%e1%80%86%e1%80%b2%e1%80%bc%e1%80%bb%e1%80%96%e1%80%85%e1%80%b9%e1%80%9b%e1%80%95/်