မေတ္တာ၏အနက်အဓိပ္ပါယ်ကိုဆန်းစစ်ခြင်း

 Ohn Mar Oo

မေတ္တာ၏အနက်အဓိပ္ပါယ်ကိုဆန်းစစ်ခြင်း

ကျွန်တော်တို့အလွယ်တကူအဓိပ္ပါယ်ဖွင့်ဆိုကာလှိုင်လှိုင်ကြီးပြောနေကြသောစကား

တစ်လုံးရှိသည်။“မေတ္တာ”။

တကယ်တော့မေတ္တာ၏အနက်အဓိပ္ပါယ်သည်လေးနက်ကျယ်ဝန်းလှသည်။ကျွန်တော်တို့

သည်သိသလိုနှင့်ထိုအနက်အဓိပ္ပါယ်အနီးမှပွတ်ကာသီကာဖြတ်သွားခြင်းသာဖြစ်သည်။

တကယ်တော့မေတ္တာဟူသောအဓိပ္ပါယ်၏လေးနက်ကျယ်ဝန်းလှသောအကြာင်းတရားအတွင်းထဲသို့ကျွန်တော်တို့၏အသိဥာဏ်များသည်ဝင်ရောက်နိုင်ခြင်းမရှိလှပေ။အဘယ်ကြောင့်
နည်း။ဝန်ခံရပေမည်။အဓိကမှာမေတ္တာ၏အနက်အဓိပ္ပါယ်ကိုတိတိကျကျမသိခဲ့သောကြောင့်ပင်ဖြစ်သည်။အခုကောသိပြီလားဟုမေးစရာရှိသည်။ကျွန်တော်အပြည်အ၀မသိသေးပါ။ရေးတေးတေးလောက်တော့သဘောပေါက်သလိုရှိပါသည်။ထိုရေးတေးတေးလောက်မှသိလာသောသဘောတရားကိုသာကျွန်တော်ပြောပြ၀ံ့ပါသည်။

“မင်းကိုငါမေတ္တာထားပါတယ်။မင်းအပေါ်မှာငါရဲ့ချစ်ခြင်းမေတ္တာတွေဘယ်လောက်ရှိပါတယ်”ဟုကျွန်တော်ပြောခဲ့ဘူးသည်။သိုသော်ထိုသို့ပြောခဲ့သူကိုပင်ကျွန်တော်၏အကျိုးစီးပွားကိုထိခိုက်လာသောအခါတွင်ကျွန်တော်အပြင်းအထန်မုန်းခဲ့ဖူးပါသည်။ဒီတော့ကျွန်တော်သည်ထိုသူအပေါ်ထားခဲ့သည်ဆိုသောမေတ္တာသည်မှန်ကန်ပါရဲ့လား။

တကယ်ရင်ထဲကလာတာဟုတ်ပါသလားဟုကျွန်တော်ကိုယ်ကျွန်တော်ဆန်းစစ်မိပါသည်။
မှန်ကန်မှုမရှိဟုအဖြေထုတ်၍ရပါသည်။

“အနှစ်နှစ်အလလကပြောချင်နေတဲ့စကားလေးတစ်ခွန်းရှိခဲ့ပါတယ်။ဒါကိုပြောပြနိုင်ဖို့ကြိုးစားနေတာလဲကြာပြီ။ဒါပေမဲ့ပြောနိုင်ပြီလားလို့ကိုယ့်ကိုယ်ကိုမေးကြည့်တော့မပြောနိုင်သေးတာနဲ့ပဲနေခဲ့တာ။အခုတော့ပြောကြည့်မယ်ဆိုပြီးဒီစကားလုံးလေးရဲ့အနက်
အဓိပ္ပါယ်ကိုပြောကြည့်မလို့ပါ။ဒါပေမဲ့သိသလောက်တော့ပြောပါ့မယ်။အဲဒါဘာလဲဆိုတော့What is Love?မေတ္တာဆိုတာဘာလဲ?တဲ့။တကယ်တော့Loveဆိုတာကိုမေတ္တာလို့အကြမ်းဖျင်းသာအဓိပ္ပါယ်ပြန်လို့ရပေမဲ့တကယ့်တကယ်မှာပြီးပြည်စုံတယ်လို့မရှိပါဘူး။

စကားလုံးတစ်ခုကိုနောက်ထပ်စကားလုံးတစ်ခုနဲ့အစားထိုးလိုက်ခြင်းသာဖြစ်ပါတယ်။

ဘာကြောင့်လဲမေတ္တာရဲ့အဓိပ္ပါယ်ကကျယ်ဝန်းလွန်းလို့ပါ။”

ဆရာတော်ဦးဇောတိက(ပျဉ်းမနား)သည်“မေတ္တာတရား”ဟူသောတိတ်ခွေနဲ့“ချစ်တတ်တဲ့လူဖြစ်ဖို့လိုတယ်”တိတ်ခွေများတွင်အထက်ပါအတိုင်းဟောကြားခဲ့ဖူးသည်။ဆရာတော်သည်စက်မှုတက္ကသိုလ်မှဘွဲ့ရခဲ့သူဖြစ်သည်။ဘွဲ့မရခင်ကအိမ်ထောင်ကျခဲ့သည်။သမီး
နှစ်ယောက်ပင်ထွန်းကားခဲ့သည်။စက်မှုတက္ကသိုလ်နောက်ဆုံးနှစ်များတွင်ဘာသာရေးကိုလေ့လာလိုက်စားရာမှသတိပဌာန်ကိုကျင့်ကြံရင်းသတိပဌာန်တွင်မွေ့လျော်သွားခဲ့သူဖြစ်သည်။အချိန်ကိုတန်ဖိုးထားသည်။စာဖတ်သည်။ကြိုးစားသည်။သတိပဌာန်တွင်မွေ့လျော်မိရာမှအစဗုဒ္ဓဘာသာ၏သိမ်မွေ့နက်နဲပုံကိုနားလည်သွားသည်။ထို့နောက်လောကီကိုစွန့်လွှတ်သည်။ဘွဲ့ယူသည့်နေ့တွင်ရဟန်းဝတ်သည်။တောင်ပုလုဆရာတော်ကြီးထံတပည့်ခံသည်။တောကျင့်၊တောင်ကျင့်၊တစ်ပါးစံကျောင်းနှင့်တရားကျင့်ခဲ့သည်။ယခု
အသက်ငါးဆယ်ကျော်စပြုပေပြီ။ဆရာတော်၏တရားသက်နှင့်ရဟန်းဝါနှစ်(၂၀)ကျော်ခဲ့ပြီဖြစ်သည်။ပညာတတ်အသိုင်းအ၀ိုင်းမှလာသူဖြစ်သည်။သူ့ရဟန်းဝါအတွင်းပရိယတ္တိကိုလည်း(၁၀)၀ါခန့်သင်ယူခဲ့ပြီးပြီ။ပြီးတော့ပဋ္ဋိပတ္တိနှင့်တွဲ၍ကျင့်သည်။ထို့ကြောင့်ဆရာတော်၏ဟောကြားချက်များသည်လူ့လောကအတွင်းမှလူတို့၏စရိုက်နှင့်ထိစပ်နေသည်။ကိုယ်စရိုက်ကိုယ်ပြန်ဟောသည်ကိုး.....။

ဤသို့ဖြတ်သန်းမှုကြီးမားခဲ့သောဆရာတော်ပင်လျှင်မေတ္တာအကြောင်းကိုပင်တိတိပပမသိနိုင်သေးဟုဝန်ခံရသေးလျှင်ကျွန်တော်မှာအဘယ်သို့ပြောဝံ့ပါမည်နည်း။သို့သော်မေတ္တာသည်ထားတတ်လျှင်အေးချမ်းသည်ကိုသတိပဌာန်တရားအားထုတ်ရင်းမှတွေ့ရှိချက်တစ်ရပ်ကိုကျွန်တော်တင်ပြလိုပါသည်။

တစ်နေ့နံနက်စောစောသတိပဌာန်အားထုတ်စဉ်ခြင်တစ်ကောင်တ၀ီဝီပျံသန်းလာသည်ကိုကျွန်တော်သတိထားမိသည်။ခြင်ကကျွန်တော်ပါးပြင်ကိုလာနားသည်။သူ့အော်သံရပ်သွားသည်။ကျွန်တော်မျက်ခွံလေးယားယံလာသည်။ကျွန်တော်သွေးကိုစုပ်ရန်နေရာရှာနေသည်။ကျွန်တော်စိတ်ထဲတွင်အတွေးတစ်မျိုးပေါ်လာသည်။“ဒီခြင်ဟာကျွန်တော်သွေးကိုစုပ်ချင်လို့လာတာပဲ”ကျွန်တော်လိုလိုလားလားပေးရမည်။ပေးသင့်သည်။ကျွန်တော်သည်သတ္တ၀ါတွေရဲ့အသားကိုမျိုးစုံအောင်စားခဲ့ပြီးပြီ။ထိုအချိန်တုန်းက

ကျွန်တော်သည်ရွှင်လန်းအားရစွာ......။ယခုကျွန်တော်သွေးကိုစုပ်ယူမည်ဆိုသောအခါကျွန်တော်နည်းနည်းတွန့်ဆုတ်ချင်မိသည်။ထပ်မံသတိပေးလိုက်သည်။ခြင်တစ်ကောင်သည်ငါ့ကိုယ်ထဲကသွေးအားလုံးကိုမစုပ်နိုင်ပါဘူး။အစိတ်အပိုင်းနည်းနည်းလေးပဲသူစုပ်
နိုင်မှာပါ။ဒါဆိုရင်ဘာလို့မပေးနိုင်ရမှာလဲ။ပေးနိုင်ရမှာပေါ့။

ပေးသည့်အခါမလွှဲသာလို့ပေးခြင်းမျိုးမဟုတ်။အကယ်ကိုလိုလိုလားလားပေးနိုင်ရမည်။

ဆရာတော်၏စကားသံနားထဲကြားလာပြန်သည်။

“မေတ္တာဆိုတာဘာလဲဆိုတော့သူတစ်ပါးအကျိုးကိုလိုလားခြင်းပဲ”

ခြင်ကလေးသည်ကျွန်တော်သွေးကိုလိုချင်နေရှာသည်။သူလိုချင်မှုကိုကျွန်တော်ဖြည့်စွမ်းပေးရမည်။သူ့အကျိုးကိုဆောင်ကြဉ်းပေးရမည်။ကျွန်တော်အကျိုးကိုထည့်တွက်စရာမလို။

ထိုသို့သဘောထားလိုက်သောအခါလက်ခနဲဖြစ်သွားသည်။ကျွန်တော်သဘောပေါက်လိုက်ပါပြီ။ဒါသည်......မေတ္တာစိတ်။

ကျွန်တော်သတိတရရှိနေသည်ကခြင်ကလေးသည်ကျွန်တော်ပါးပြင်ကိုသူ့နှုတ်သီးဖြင့်ထိုးဖောက်ရင်းကျွန်တော်ခန္ဒာကိုယ်မှသွေးစုပ်နေချိန်သူ့နှာမောင်းမှသူ့ခန္ဒာကိုယ်ထဲသို့ကျွန်တော်သွေးတွေစီးဝင်သွားချိန်မှာကျွန်တော်ကြည်နှုး၍ပြုံးမိသောအပြုံးလေး......။

မေတ္တာစိတ်ကြောင့်ဖြစ်ပေါ်လာသောထိုအပြုံးလေးကိုဘ၀တလျှာက်လုံးဘယ်နေရာဘာလုပ်လုပ်အမြဲတမ်းနှလုံးသွင်းအမှတ်ရနိုင်ဖို့ကျွန်တော်စွဲစွဲမြဲမြဲမှတ်ထားရပေဦးမည်။

သြော်....သတိပဌာန်ကြောင့်သိမြင်လာသောမေတ္တာ၏အနက်ကားအမှန်တကယ်အေးချမ်းလွန်းလှသည်ကိုကျွန်တော်သတိထားနေမိတော့သည်။
်
ဆရာမြသန်းစံရဲ့နှစ်သက်မိတဲ့စာစဉ်လေးပါပဲ။အမြဲတမ်းထိတွေ့နေပေမဲ့အဝေးကြီးမှာလိုပဲခံစားနေရတဲ့စကားလုံးလေးအဓိပ္ပါယ်ကိုလေးလေးနက်နက်ကိုယ်တိုင်ခံစားရသလိုပါပဲ။
khayaeyeik blogspot