ကျောက်စိမ်းမှရသည့် သန်းပေါင်းထောင်ချီသော ဒေါ်လာများ ဘယ်သူတွေရဲ့အိတ်ကပ်ထဲ သွားသလဲ

 

Win Oo

ကျောက်စိမ်းမှရသည့် သန်းပေါင်းထောင်ချီသော ဒေါ်လာများ ဘယ်သူတွေရဲ့အိတ်ကပ်ထဲ သွားသလဲ
23 October 2015

မြန်မာနိုင်ငံမြောက်ပိုင်း၊ ကချင်ပြည်နယ်အတွင်း ကျောက်စိမ်းထုတ်လုပ်ငန်းသည် တနှစ် အမေရိကန်ဒေါ်လာ ခြောက်ဘီလီယံမှ ကိုးဘီလီယံအထိရှိသည်။ သို့သော်အစိုးရရရှိသော အခွန်ငွေမှာမူ မဖြစ်စလောက်သာဖြစ် သည်။ ဒေသခံ ကချင်ပြည်သူလူထုအကျိုး ခံစားရမှုမှာလည်း အနည်းအကျဉ်းမျှသာရှိသည်။ သို့ဖြစ်ပါက ကျောက်စိမ်းမှရသော သန်းပေါင်းထောင်နှင့်ချီသော ဒေါ်လာများ ဘယ်ရောက်သွားသနည်း မေးစရာဖြစ်လာ သည်။ အစိုးရက အဂတိလိုက်စား အကျင့်ပျက်ပြားမှုတိုက်ဖျက်ရန် ကြိုးစားနေသည်။ ကချင်ဒေသ အေးချမ်း တည်ငြိမ်ရေးကို ကြိုးပမ်းနေသည်။ ဤသို့ဆိုပါက ကျောက်စိမ်းမှရသောငွေများ မည်သူ့ဆီရောက်သွားသနည်း မေးခွန်းမှာ အရေးကြီးသောမေးခွန်း ဖြစ်လာသည်။

၂၀၁၁ ခုနှစ်တွင် ဦးသိန်းစိန်အစိုးရ တက်လာစဉ်က ရေနံ၊ ဓာတ်ငွေ့နှင့် သတ္တုလုပ်ငန်းများတွင် ပွင့်လင်းမြင်သာ မှုရှိစေရမည်ဟု ကတိပြုခဲ့သည်။ ယခုနှစ် ဇူလိုင်လတွင် မြန်မာနိုင်ငံသည် သယံဇာတတူးဖော်ရေး ပွင့်လင်းမြင် သာမှုရှိရေး လုပ်ငန်းဖော်ဆောင်မှုအဖွဲ့ (Extractive Industries Transparency Initiative) တွင် အဖွဲ့ဝင် ဖြစ်လာခဲ့သည်။ ယင်းအဖွဲ့သည် နိုင်ငံတကာ အကျင့်ပျက်အဂတိလိုက်စားမှုတိုက်ဖျက်ရေး စီမံချက်အဖွဲ့ဖြစ်ပြီး နိုင်ငံပေါင်း ၄၈ နိုင်ငံ ပါဝင်သည်။ EITI သည် မြန်မာပြည်သူများ ယင်းစီမံချက်ကို လျင်မြန်စွာနှင့် ကျယ်ပြန့်စွာ ကျင့်သုံးနိုင်အောင် ကူညီပေးသောအဖွဲ့ဖြစ်သည်။ မြန်မာအစိုးရအနေနှင့်လည်း ၎င်း၏ ကတိအတိုင်း အကောင် အထည်ဖော်ရန် လိုအပ်သည်။ သို့သော်လည်း EITI ၏ မြန်မာနိုင်ငံနှင့်ပတ်သက်၍ အများဆုံးဆွေးနွေးနေ သည့် ကမ္ဘာမှာ ရေနံနှင့်သဘာဝ ဓာတ်ငွေ့တူးဖော်ရေးလုပ်ငန်းများ၌သာ ဖြစ်သည်။ ကျောက်စိမ်းထုတ်လုပ်မှု လုပ်ငန်းသည် အကျိုးအမြတ်ကြီးမားသောလုပ်ငန်းတခုဖြစ်သည်။ ယင်းလုပ်ငန်း၌ အဂတိလိုက်စားမှုကင်းပြီး ရသင့်ရထိုက်သော အခွန်ဘဏ္ဍာများရရှိပါက ပြုပြင်ပြောင်းလဲရေး လုပ်ငန်းလျင်မြန်စွာ အောင်မြင်မှုရရှိနိုင် သည်။

သို့သော်လည်း မကြာသေးမီက ကချင်ပြည်နယ် ကျောက်စိမ်းလုပ်ငန်းကို သုတေသနပြုချက်များအရ ယင်းလုပ် ငန်းတွင် လျှို့ဝှက်ချက်များ၊ အကျင့်ပျက်ခြစားမှုများနှင့် စစ်ဘက်မှ ထိန်းချုပ်မှုများပြုလုပ်ထားကြောင်း တွေ့ရှိခဲ့ သည်။
ယင်းဒေသတွင် မည်သည့်ကုမ္ပဏီက သတ္တုတူးဖော်ခွင့်လိုင်စင်ရရှိထားကြောင်း အများပြည်သူသိရှိနိုင်သည့် အချက်အလက်များ မရှိသလောက်ဖြစ်သည်။ ၎င်းအပြင် ကုမ္ပဏီကို မည်သူက အမှန်တကယ်ပိုင်ဆိုင်သည်။
အစိုးရကို ဘာတွေပေးရသည်၊ ဘာတွေထုတ်လုပ်နေသည် စသည့်အချက်များမှာလည်း ထင်သာမြင်သာ မရှိချေ။
ယင်းဒေသရှိ အရပ်ဘက်နှင့် စစ်ဘက်အရာရှိများအတွင်း အဂတိလိုက်စားအကျင့် ပျက်ပြားမှုများနှင့် ကျောက် စိမ်းမှောင်ခိုကွန်ရက်များရှိနေပြီး ကျောက်စိမ်းအများစုမှာ တရုတ်ပြည်ဘက် ခိုးထုတ်နေကြောင်း ကျောက်စိမ်း လုပ်ငန်းအတွင်းစည်း ပုဂ္ဂိုလ်များက ပြောပြခဲ့ကြသည်။

ကျောက်စိမ်း အဓိကထုတ်လုပ်ရာ ဖားကန့်ဒေသသည် မြန်မာတပ်မတော်နှင့် ကချင်ကေအိုင်အိုအဖွဲ့များ မကြာ ခဏ တိုက်ပွဲဖြစ်ပွားရာဒေသဖြစ်သည်။ သို့သော်လည်း အဓိကကျောက်စိမ်းတွင်းများကိုမူ မြန်မာ့တပ်မတော်က အဓိကထိန်းချုပ်ထားသည်။
ဒေသခံ ကချင်တိုင်းရင်းသားပြည်သူများကမူ မိမိတို့၏ သယံဇာတအမွေအနှစ်များကို ခရိုနီလုပ်ငန်းရှင်ကြီးများ၊ တရုတ်လုပ်ငန်းရှင်ကြီးများနှင့် စစ်ဘက်နှင့် နီးစပ်သောလူများက ကြီးမားလှသော အကျိုးအမြတ်များ ရရှိခံစား နေကြသည်ဟု ရှုမြင်နေကြသည်။

၂၀၁၂ ခုနှစ် မေလတွင် ကျောက်စိမ်းတူး ဖော်ခွင့်လိုင်စင်များကို ရပ်ဆိုင်းခဲ့သည်။ ယင်းမှာ ကေအိုင်အိုများ အခွန်အကောက် မကောက်နိုင်ရန်ဖြစ်သည်။ သို့သော်လည်း ယခုနှစ် စက်တင်ဘာလတွင် ယင်းတားမြစ်ချက် ကို ရုတ်တရက် ပြန်လည်ရုပ်သိမ်းခဲ့သည်။ ကျောက်စိမ်းလုပ်ငန်းတွင် ဖြစ်ပွားနေသည့် အကျင့်ပျက်မှုများနှင့် မတရားမှုများကို ဖြေရှင်းရန် ဆောင်ရွက်သည့် သဘောပင် ဖြစ်သည်။ ထို့ကြောင့် EITI အနေနှင့် ကျောက်စိမ်း တူးဖော်မှုလုပ်ငန်းတွင် ပွင့်လင်းမြင်သာမှုရှိစေလိုကြောင်း၊ မည်သည့်ကုမ္ပဏီကို မည်သည့်လိုင်စင်ချပေးထား ကြောင်း၊ ယင်းကုမ္ပဏီကို မည်သူတွေက အမှန်တကယ်ပိုင်ဆိုင်ကြောင်း အခွန်အထုပ်များ မည်မျှပေးဆောင်နေ ကြောင်း ကျောက်စိမ်းမည်မျှထုပ်လုပ်နေကြောင်း စသည့်အချက်များနှင့်ပတ်သက်ပြီး မေးခွန်းများ ထုတ်လျက်ရှိ သည်။

ထွဋ်ဝင်းထွဋ်
Ref : Global witness
News Watch(စောင့်ကြည့်သတင်းဂျာနယ်)