ငတက်ပြား(သူခိုးကြီး)

ပြောချင်လွန်းလို့

 

ငတက်ပြား(သူခိုးကြီး)

မြန်မာသက္ကရာဇ် ၇၆၂-ခုနှစ် အင်းဝကို တည်၍ နန်းတက်သော သတိုးမင်းဖျား လက်ထက်တွင် ‘ငတက်ပြား’အမည်ရှိ သူခိုးကြီးတစ်ယောက် ရှိခဲ့ဖူးကြောင်း မှန်နန်း ရာဇ၀င်၌ ပါရှိလေသည်။ သူက စစ်ကိုင်း ရေ၀န်းသားဖြစ် ၏။ ရေ၀န်း ဆိုသည်မှာ ယခု စစ်ကိုင်းမြို့ ထုံးဘိုရပ်ကွက်နှင့် စိန်ကုန်းရပ်ကွက် အကြားရှိ ရပ်ကွက်ကလေးတခုပင် ဖြစ်သည်။ “သတိုးမင်းဖျား ငါ့ကိုရလျှင်သော် သတ်အံ့။ မရသော်ကား အသူရအံ့နည်း” ဟု ငတက်ပြားက ကြုံးဝါးလိုက်သည်။ ငတက်ပြား၏ ကြုံးဝါးသံကို ဘုရင်ကြားသောအခါ သူကိုယ်တိုင် ဖမ်းမည်ဟု သတိုးမင်းဖျားက စိတ်ထဲ တေးထားလိုက်သည်။

ငတက်ပြားသည် စစ်ကိုင်းကနေ ဧရာဝတီမြစ်ကို ဖြတ်ကူးပြီးနောက် အင်းဝမြို့ သို့သွား၍ လူချမ်းသာများဆီကနေ ခိုးယူနေခြင်းဖြစ်သည်။ သူက ဆင်းရဲသူများ ထံမှ လုံးဝမခိုး။ သူနေထိုင်ရာ စစ်ကိုင်းတွင်လည်း မခိုးဟု ဆို၏။ ညတညမှာ ဧရာဝတီမြစ်ကို ဖြတ်ကူးပြီး နောက် အင်းဝဘက်ခြမ်းသို့ရောက်ေ သ်ာအခါ မြစ် ဆိပ်တွင် လူတယောက်ကို တွေ့လိုက်ရသည်။ လှေပေါ်က မဆင်းသေးဘဲ အဘယ်သူနည်း လှမ်းမေးလိုက်သည်။ သူခိုးတစ်ယောက်ပါ။ ဆရာကြီးထံ တပည့်ခံလို၍ စောင့်နေခြင်းဖြစ်ကြောင်း ဆိုလေသော် တပည့် အဖြစ်လက်ခံ ၍ မြို့ထဲသို့ဝင်ကြ၏။ အတားအဆီး၊ ခြံစည်းရိုးစသည်တို့ကို ငတက်ပြား ခုန်လျှင် သတိုးမင်းဖျားလည်း လိုက်ခုန်၏။ ငတက်ပြား ပြေးလျှင်လည်း ထပ်ကြပ်မကွာ လိုက်ပြေးနိုင်၏။ သူ့အရည်အချင်းကို မီသူဖြစ်၍ ငတက်ပြား သဘောကျသွား သည်။ ခိုးတဲ့နေရာမှာတော့ မင်းအရည်အချင်းက မသေးဘူးပဲဟု ငတက်ပြားက ချီးမွမ်းသည်။ “နန်းတော်သို့ဝင်၍ ဘုရင့်ပစ္စည်းများ ခိုးကြရအောင်”ဟု သတိုးမင်းဖျားက တိုင်ပင်သော အခါ ငတက်ပြားက “ငါ့တပည့်၊ ငါတို့က မရှိလို့ ခိုးစားသည်မှန်သော်လည်း ဘုရင် ပစ္စည်းကိုတော့ မခိုးသင့်။ ဘုရင့်ပစ္စည်းဟု ဆိုသော်လည်း တိုင်းပြည်အရေးကြုံလျှင် ပြည်သူတွေအတွက် အသုံးပြုရန် အလို့ငှာသာလျှင် ဘုရင်က ခေတ္တခဏ သူ့ဆီမှာသိမ်း ထားသည့် သဘောဖြစ် သည်။ ဘုရင့်ပစ္စည်းသည် တိုင်းပြည်ပစ္စည်းဖြစ်သည်။ မခိုးချင်ပါနှင့်၊ ဘယ်တော့မှ မခိုးလေနှင့်”ဟု တပည့်ဖြစ်သူကို ဆုံးမလေသည်။ သတိုးမင်းဖျား သဘောကျသွားသည်။ အင်းဝမြို့ရှိ သူဋ္ဌေးသူကြွယ်များအိမ်မှ ပစ္စည်းများကို ခိုးယူပြီးနောက် မြို့တံခါးအနီး မီးသွေးတိုက်သို့ ပြန်လာကြသည်။

သတိုးမင်းဖျားက ငတက်ပြားကို ဖျားယောင်း၍ အရက်မူးအောင် တိုက်လေ သည်။ ထို့နောက် ခြေချင်း ခတ်၍ မီးသွေးတိုက်ထဲတွင် သော့ခတ်ထားခဲ့လေ သည်။ နံနက်မိုးလင်းသောအခါ ငတက်ပြားကို ရှေ့တော်သို့ ခေါ်ပြီးနောက် ဓား လှံ လက်နက်အမျိုးမျိုးပြ၍ “ယခု သင့်ကို ဖမ်းမိလေပြီ။ သင့်ကိုသတ်မည်။ ကြိုက်ရာလက်နက်ကို ရွေးပါ”ဟု ဘုရင်က ပြောလေ သော် “အရှင်မင်းကြီး ကျနော်မျိုး ကြိုက်တာကို တောင်းရလျှင်ဖြင့် မိဖုရားကြီး စောဥမ္မာ ကိုသာ အလိုရှိပါသည်”ဟု ပြန်ပြောလေ၏။ ငတက်ပြား၏ ရဲဝံ့မှုကိုကြည့်၍ သည်လို သတ္တိရှိသည့်ယောကျာ်းတယောက်ကို အကြောင်းမဲ့ မသေစေကောင်း။ နောင် တိုက်ပွဲ ရှိသောအခါ အမှုတော်ထမ်းစေဟု အမိန့်ချလေ၏။
လေးကိုချစ်သောယောက်ျားသည် မြားကိုချစ်သကဲ့သို့ ပြည်ထဲရေးကို ချစ်သောကြောင့် လည်းကောင်း၊ ငါးကိုလိုသော တံငါသည်သည် ကွန်ကိုချစ်သကဲ့သို့ ပြည်ထဲစီးပွါးကို ချစ်သောကြောင့်လည်းကောင်း သူခိုးငတက်ပြားကို မသတ်ဘဲ အမှုတော်ထမ်းစေသည်။ နောင်တွင် တောင် တွင်းမြို့စားက ပုန်ကန်သောအခါ ငတက်ပြားအကူအညီဖြင့် အဓိက ရုဏ်းငြိမ်းခဲ့ဖူးသည်ဟု မှန်နန်းရာဇ၀င်က ဆိုပါသည်။ သတိုးမင်းဖျားက ငတက်ပြားကို ရွှေတိုက်စိုးရာထူးပေးပြီး ဘုရင့်ဘဏ္ဍာများကို ထိန်းသိမ်းစောင့်ေ ရှာက်စေသည်။ ထိုမှ “သူခိုးကိုရွှေတိုက်စိုးခန့်သည်”ဟူသော စကားဖြစ်ပေါ်လာသည်ဟုလည်း ဆိုကြသည်။ သူက ရွှေတိုက်စိုးရာ ထူးယူပြီးနောက် မခိုးတော့။ သူခိုးဇာတိကို စွန့်နိုင်သူဖြစ်သည်။

မြို့ထဲဘက်မှအထွက် စစ်ကိုင်းတောင်အတက်တွင်ရှိသော ‘မရှိခဏ’ဘုရားကို ယနေ့တိုင် ဖူးတွေ့နိုင်ပါသည်။ ထို’မရှိခဏ’ဘုရားကို သူခိုးကြီးငတက်ပြား တည်ခဲ့သည်ဟု အဆိုရှိ ပါသည်။ ဘုရားတည်စဉ်က ငွေလို ငွေမရှိလျှင်လည်း ခဏသာဖြစ်သည်။ ငတက်ပြား သွားခိုးလိုက်လျှင် ခဏလေးဖြင့်ပင် ရလာေ သာကြောင့် မရှိခဏ ဘုရားဟုအမည် တွင်ကြောင်း ဆိုသည်။ သို့သော ကျေးဇူးရှင်သီတဂူဆရာတော်ဘုရားကြီးကတော့ ‘မဟိယင်္ဂဏ’ကနေ ‘မရှိခဏ’ အဖြစ် ပြောင်းလဲလာသည်။ ‘မရှိခဏ’မဟုတ်။ ‘မဟိယင်္ဂဏ’ ဖြစ်သည်ဟု အမိန့်ရှိဘူးပါသည်။

မည်သို့ဆိုစေ သူခိုးကြီး ငတက်ပြားကတော့ အင်းဝခေတ်တွင် အမှန်တကယ် ပင် ရှိခဲ့ဖူးပါသည်။ ငတက်ပြားလို သူခိုးမျိုးကတော့ဖြင့် ရှားမှရှားပင်ဖြစ်သည်။ သူ့ရဲ့ သူခိုး သက်တမ်းတလျှောက်မှာ ဆင်းရဲသားတွေ ဆီကနေ ဘယ်တုန်းကမှ မခိုးယူခဲ့ဘူးဖူးတဲ့။ သူ့နေထိုင်ရာအရပ်ဒေသမှာလည်း မခိုးခဲ့ဘူးတဲ့။ ဓား လှံလက်နက်ပြ၍ သူ့ကိုသတ်မည်။ ကြိုက်ရာရွေးပါဟု ဆိုလာသောအခါ သူတောင်းဆိုလိုက်သည်က မိဖုရားစောဥမ္မာ ဖြစ်သည်။ သူခိုးပင်ဖြစ်လင့်ကစား သစ္စာ သတ္တိ စာနာမှုနဲ့ ချစ်ခြင်းမေတ္တာကို သူ့သန္တာန် မှာ မြင်တွေ့ရသေးသည်။ အင်းဝဘုရင် သတိုးမင်းဖျားက ပြည်ထဲရေးကို ချစ်သော ကြောင့် ငတက်ပြားကို အပြစ်မယူရက်၊ မသတ်ရက်ဘဲ အမှုထမ်းစေခဲ့သည်။

မြန်မာပြည်သည် သဘာဝသယံဇာတ ပေါကြွယ်ဝသည့် တိုင်းပြည်ဖြစ်ကြောင်း အထူး ပြောစရာ မလိုပါတော့။ ယခုတော့ မြန်မာပြည် အရပ်ရပ်ရှိ ဓာတ်ငွေ့တွေ၊ သစ်တွေ၊ တွင်းထွက်သယံဇာတတွေ ကုန်သွားသည်။ သစ်တောတွေ၊ တောင်တွေသာ ပြောင်သွား သည်။ ပြည်သူတွေရဲ့ ဘ၀တွေ က တောက်တောက်ပြောင်ပြောင် ဖြစ်မလာခဲ့။ မြန်မာ နိုင်ငံ၏ ဆင်းရဲနွမ်းပါး မှုနှုန်းမှာ ၃၇ ဒသမ ၅ ရာခိုင်နှုန်းရှိပြီး အာဆီယံနိုင်ငံများတွင် ဆင်းရဲမှုနှုန်း အမြင့်မားဆုံးနိုင်ငံတနိုင်ငံဖြစ်သည်ဟု ကမ္ဘာ့ဘဏ်အစီရင်ခံစာက ဆိုပါ သည်။ မွေးကင်းစကလေးနှင့် ကလေးသူငယ်သေဆုံးမှုတွင် ကျနော်တို့ချစ်ရ ပါသော မြန်မာနိုင်ငံက ဒုတိယအမြင့်ဆုံးနိုင်ငံဖြစ်နေသည်။ ကျနော်တို့ ကိုယ့်ကိုယ်ကို အမှန် အတိုင်းသိမြင်ပြီး ဒီထက်ခြေလှမ်းတွေ အများကြီးလှမ်းဖို့ လိုပါသည်။

တချို့သော ပြည်သူ့လခစား ၀န်ထမ်းတချို့က ပြည်သူကို မျက်နှာမမူချင်ကြ။ ပြည်သူကို အလုပ်အကျွေး မပြုလိုကြ။ အင်တင်တင် လုပ်နေကြသည်။ အရင်အချိန်တွေကိုပဲ မျှော်မှန်းတမ်းတနေကြသူတွေ ရှိနေသေး တာကို တွေ့မြင်နေရပါသည်။ ပြစ်တင်ဝေဘန်မှုတွေမှာတင် လမ်းဆုံးနေ၍ မဖြစ်။ အားလုံးက ဒီထက်ပိုပြီး ၀ိုင်းတွန်းကြရပါမည်။ ပြည်ထဲရေး ကိုချစ်လို့ ကိုယ့်ကိုယ်ဆက်ပြီး အမှုထမ်းစေခဲ့တယ်ဆိုတာကို နားလည်သဘောပေါက် လျှင် ပြည်သူ့လခစားနေကြသည့် ပြည်သူ့ဝန်ထမ်းများအနေဖြင့် ပြည်သူကို မျက်နှာမူ ထားစေချင်ပါသည်။ ပြည်သူတွေကိုအလုပ်အကျွေး ပြုစေ ချင်ပါသည်။

#credit