အခုခေတ်မှာ စာအုပ်ဖတ်ရတာ ပိုလွယ်တယ်။

 

Bamaw Thein Pe

 

အခုခေတ်မှာ စာအုပ်ဖတ်ရတာ ပိုလွယ်တယ်။

ကျနော်ဟာ အင်ဂျင်နီယာဘွဲ့ရ တစ်ယောက်ပါ။ လွန်ခဲ့တဲ့အနှစ်အစိပ်ကျော်လောက်က နိုင်ငံခြားကို ရောက်ပြီး အလုပ်စလုပ်တဲ့အခါ လူတွေအများကြီးကို အုပ်ချုပ်ပြီး ဋ္ဌါနတစ်ခုကို စီမံခန့်ခွဲရလို့ လေ့လာစရာအများကြီး လိုလာတယ်။ ဒီတော့အင်ဂျင်နီယာဘာသာရပ်စာအုပ်တွေသာမကပဲ လုပ်ငန်းစီမံခန့်ခွဲရေး၊ အုပ်ချုပ်မှုပညာ၊ ခေါင်းဆောင်မှုပညာ၊ ငွေကြေးစာရင်းဇယားဆိုင်ရာ၊ စီးပွားရေးဆိုင်ရာ စာအုပ်တွေလည်း ဝယ်ဖတ်ရတော့တယ်။

အဲဒီမှာ ဘာအခက်အခဲ တွေ့ရသလဲဆိုတော့ ကိုယ်သိထားတာက အင်ဂျင်နီယာဘာသာရပ် တခုထဲပဲ။ ကျန်တဲ့ ဘာသာရပ်စာအုပ်တွေကို ဖတ်တဲ့အခါ အခြေခံမရှိတော့ တချို့စာလုံး term တွေကို နားမလည်ဘူး။ အဲဒါတွေက အဘိဓါန်ထဲမှာ မပါသလို မေးစရာလူလည်း အနားမှာ မရှိတော့ စာအုပ်ကို အကြိမ်ကြိမ်ပြန်ဖတ်ပြီး နားလည်အောင် လုပ်ခဲ့ရတယ်။ ပင်ပန်းလိုက်တာ။ ညတိုင်း အနည်းဆုံး ၄ - ၅ နာရီလောက်ဖတ်ခဲ့ရတယ်။ အဲဒီအတွက် ရာထူး လစာတွေ အများကြီး တိုးလာခဲ့တယ်။ ပင်ပန်းခံရကျိုးနပ်ပါတယ်။

ကျနော် ပြောချင်တာက ခေါင်းစဉ်မှာ ရေးပြထားတဲ့ အခုခေတ်မှာ စာအုပ်ဖတ်ရတာ ပိုလွယ်တယ်ဆိုတာပါ။ အဲဒီအချိန်တုန်းက အင်တာနက်ဆိုတာ မပေါ်သေးလို့ပါ။

အခုကျတော့ အင်္ဂလိပ်စာအုပ်တစ်အုပ်ကို ဖတ်လိုက်တယ်။ မသိတဲ့ အသုံးအနူန်းတစ်ခု တွေ့ပြီ။ စကားလုံးကို ပြောတာမဟုတ်ဘူးနော်။ စကားလုံးရဲ့ အဓိပ္ပါယ် meaning ကတော့ dictionary အဘိဓါန်မှာ ရှာလို့ ရပါတယ်။

ရှင်းအောင် ဥပမာလေး တစ်ခုပြောပါမယ်။ တလောက ဂျက်မားရဲ့ အလီဘာဘာအကြောင်း အင်္ဂလိပ်စာအုပ်တစ်အုပ် ဝယ်ဖတ်တယ်။ စဖတ်တာနဲ့ B2B တို့၊ C2C ဆိုတဲ့ term အသုံးအနူန်းတွေ စတွေ့တာပဲ။ dictionary မှာ ရှာလိုက်တော့ B2B = Business-to-Business; C2C = Customer-to-Customer တဲ့။ ဒါပဲ တွေ့ရတယ်။ အရင်တုန်းကဆိုရင် ဒုက္ခရောက်ပြီပေါ့။ အခုတော့ မပူပါဘူး။ Google မှာ ဝင်ရှာလိုက်တယ်။ B2B ဆိုတာ ကုမ္ပဏီတွေအချင်းချင်း အင်တာနက်ကနေ ပစ္စည်းရောင်းဝယ်တာ၊ C2C ဆိုတာ ရောင်းသူ ဝယ်သူ တစ်ဦးချင်း အင်တာနက်က ပစ္စည်းရောင်းဝယ်တာတဲ့။ အသေးစိပ်သိချင်လို့ ဖတ်လိုက်တယ်။ အဲဒီ term တွေ သိသွားပြီဆိုတော့ စာအုပ်ကို ဆက်ဖတ်လို့ ရသွားပြီ။ အရသာခံစားလို့ ရသွားပြီ။

ပြီးတော့ အခုခေတ်မှာ အင်္ဂလိပ်-အင်္ဂလိပ်၊ အင်္ဂလိပ်-မြန်မာ အဘိဓါန် application တွေကို ဖုန်းထဲ သွင်းထားနိုင်လို့ အရင်လို အဘိဓါန်စာအုပ် ပြေးလှန်ကြည့်စရာ မလိုတော့ဘူး။

အဓိက ပြောချင်တာက အခုခေတ် စာအုပ်ဖတ်ပြီး ပညာရှာရတာ အရမ်းလွယ်ကူသွားပြီ။ ဖတ်ချင်တဲ့ စာအုပ်ကို download ဆွဲချင်ဆွဲ၊ ဖတ်ချင်တဲ့ စာမျက်နှာတွေကို scan လုပ်၊ ဓါတ်ပုံရိုက်ပြီး ဖုန်းထဲ ထဲ့ထားလို့ ရပြီ။ စာအုပ်ဖတ်လိုက်လို့ စကားလုံး အဓိပ္ပါယ်ကို မသိရင် ဖုန်းထဲက dictionary မှာ ရှာလို့ရတယ်။ term ကို နားမလည်ရင် ဒါမှမဟုတ် ပြည့်ပြည့်စုံစုံ သိချင်ရင် Google ထဲ ရှာပြီး ဝင်ကြည့်လိုက်ရုံပါပဲ။ ရှင်းပြမယ့်ဆရာ မလိုတော့ပါဘူး။ အင်တာနက်နဲ့ Smart phone တစ်လုံးပဲ လိုပါတယ်။

တခုတော့ ရှိတာပေါ့။ စာအုပ်ဖတ်ချင်စိတ်ရှိဖို့နဲ့ အင်္ဂလိပ်စာကို ကျွမ်းကျွမ်းကျင်ကျင် ဖတ်တတ်ဖို့တော့ လိုပါတယ်။

အခုခေတ်ဟာ knowledge ပညာခေတ်ကြီးပါ။ Knowledge ကို မရှာလို့ ပညာမရရင် သူများခိုင်းဖတ်ဘဝနဲ့ လူ့သက်တမ်းကို ကုန်ဆုံးသွားရပါလိမ့်မယ်။ အသက်ကြီးတဲ့အခါမှာ အလှူအတန်းလုပ်ဖို့ နေနေသာသာ သားသမီးကို ပညာသင်မပေးနိုင်သလို မိဘကိုလည်း ပြန်မကြည့်နိုင်တဲ့ ဘဝနဲ့ နေသွားရလိမ့်မယ်။

# သိသူဖေါ်စားပြီး မသိသူကျော်သွားတဲ့ နည်းလေးပါ။ အများသိအောင် ရေးပြလိုက်ပါတယ်။ ယူတာ မယူတာကတော့ ဖတ်သူ့အပိုင်းပါ #

ဗန်းမော်သိန်းဖေ
၀၁-၀၈-၂၀၁၆