တစ်ဦးတစ်ယောက် တစ်ဖွဲ့တစ်သင်း၏ အမွေအနှစ် မဟုတ်

Zawzaw Zaw

တစ်ဦးတစ်ယောက် တစ်ဖွဲ့တစ်သင်း၏ အမွေအနှစ် မဟုတ်

“ငါတို့နိုင်ငံတော်ကြီးသည် မည်သူတစ်ဦးတစ်ယောက် တစ်ဖွဲ့တစ်သင်း၏အမွေ အနှစ်မဟုတ်၊ မည်သူ တစ်ဦးတစ်ယောက် တစ်ဖွဲ့တစ်သင်း၏ ပုဂ်္ဂလိကပိုင်ပစ္စည်း မဟုတ်၊ မည်သူ တစ်ဦးတစ်ယောက် တစ်ဖွဲ့ တစ်သင်းက ချုပ်ကိုင်အနိုင်သိမ်းယူ အကျိုးခံစားအပ်သောနိုင်ငံမဟုတ်၊ အတိတ်ကာလ၌ လည်းကောင်း၊ ယခုမျက်မှောက်ကာလ၌ လည်းကောင်း၊ နောင်လာလတ္တံ့သော အနာဂတ်ကာလ၌ လည်းကောင်း၊ ငါတို့ ပြည်ထောင်စုကြီးအတွင်း၌ မှီတင်းနေထိုင်ကြသော ကြီးငယ်ဝေးနီးကား မခြား၊ သစ္စာတော်ခံ နိုင်ငံသား ဟူသရွေ့တို့၏ အမွေအနှစ်ပိုင်ပစ္စည်း အကျိုးခံစားရာဖြစ်သည် ဟူသော လူ့ဘာသာ၊ လူ့တရားနှင့်အညီ ကမ္ဘာဦးကာလ လူတို့၏ ပထမစည်းရုံးမှု၌ လူ အပေါင်းတို့၏ဆန္ဒအရ လူ့အ၀ှမ်း၏အကျိုးကို ကောင်းစွာ ရွက်ဆောင်နိုင်အပ်သော ပုဂ်္ဂိုလ်ကိုရွေးကောက်၍ သမ္မတတင်မြှောက်ကြသော မဖောက်မပြန် မစွန်းမငြိ ပကတိ သန့်ရှင်းဖြူစင်သော မူလလူ့ဝါဒနှင့် လျော်ညီစွာ၊ စည်းကမ်းဥပဒေ သေချာထင်ရှားစွာ ပိုင်းခြား သတ်မှတ် တူညီသောတရား၊ တူညီသောအခွင့်အရေး၊ တူညီသော အဆင့်အတန်းအားဖြင့် ကမ္ဘာအရှည် တည်စိမ့်သောငှာ လူအပေါင်းတို့၏ဆန္ဒသာလျှင် အဓိကဖြစ်သော သမ္မတ မြန်မာနိုင်ငံတော် တည်းဟူ သော မြတ်သောအဖြစ်ကို လက်ဆုပ်လက်ကိုင် ငါတို့အပိုင်ရပြီ”

အထက်ပါစာပိုဒ်က ယုံတမ်းစကား တစ်ခွန်းမဟုတ်ပါ။ နားထောင်ကောင်းအောင် ရေးသားထားတဲ့ ပုံပြင် တစ်ပုဒ်မဟုတ်ပါ။

၁၉၄၈ ခုနှစ်၊ ဇန်န၀ါရီ ၄ ရက်မှာ ကျွန်တော်တို့ အမိမြန်မာပြည်နိုင်ငံကြီး နယ်ချဲ့တိုင်းတစ်ပါးသားတို့ လက်အောက်မှ လွတ်လပ်ရေးရရှိစဉ်က ထုတ်ပြန်ကြေညာခဲ့တဲ့ “လွတ်လပ်ရေး ကြေညာစာတမ်း” ပါ အချက် ခြောက်ချက်ထဲက ပဉ္စမမြောက် အချက်ပါ။

ဖတ်ကြည့်ပြီး “ဟင် ဟုတ်လို့လား”၊ တစ်ခါမှလည်း မကြားဖူး မဖတ်ဖူးဘူး၊ အဲဒီ အချက်ထဲကလိုလည်း တစ်ခါမှ မရဖူးဘူး” လို့ မေးခွန်းထုတ်လာရင်၊ စောဒက တက်လာရင်တော့ ကျွန်တော့်အနေနဲ့ နိုင်ငံခြား ရုပ်ရှင်တွေထဲကလို လက်နှစ်ဖက်ဖြန့်ပြီး ပုခုံးတွန့်ပြရုံကလွဲလို့ ဘာမှမတတ်နိုင်ပါ။
ဟုတ်ပါတယ် ...

“မည်သူတစ်ဦးတစ်ယောက် တစ်ဖွဲ့တစ်သင်း၏ အမွေအနှစ် မဟုတ်၊ မည်သူ တစ်ဦးတစ်ယောက် တစ်ဖွဲ့ တစ်သင်း၏ ပုဂ္ဂလိကပိုင်ပစ္စည်း မဟုတ်၊ မည်သူတစ်ဦး တစ်ယောက် တစ်ဖွဲ့တစ်သင်းက ချုပ်ကိုင် အနိုင် သိမ်းယူ အကျိုးခံစားအပ်သော နိုင်ငံမဟုတ်” လို့ ပါဝင်သော်လည်း သဘာဝသယံဇာတ အမွေအနှစ်တွေ ဖြစ်တဲ့ အဖိုးတန် ကျွန်းသစ်၊ အရည်အသွေးမြင့် ပတ္တမြား၊ ကျောက်စိမ်း၊ ရေနံ၊ သဘာဝဓာတ်ငွေ့ စတာ တွေရဲ့ အကျိုးအမြတ်တွေ၊ ခံစားခွင့်တွေကို သန်း ၆၀ သောပြည်သူတွေ မည်ရွေ့မည်မျှ ခံစားကြရပါ သလဲ” အဲဒီအကျိုးအမြတ်တွေကို မြန်မာပြည်သူများ ရရှိခံစားကြရမယ်ဆိုရင် ကျွန်တော်တို့မြန်မာနိုင်ငံ ဟာ ဆင်းရဲမွဲတေမှုနဲ့ ရင်ဆိုင်ကြုံတွေ့ရစရာ အကြောင်းရှိမယ် မထင်ပါဘူး။

ကျွန်တော်တို့ မြန်မာပြည်လောက် သဘာဝအရင်းအမြစ်၊ လူသားအရင်းအမြစ် မကြွယ်ဝတဲ့ ဒေသတွင်း နိုင်ငံတွေနဲ့ နှိုင်းယှဉ်ကြည့်ရင် စီးပွားရေး၊ လူမှုရေး၊ ပညာရေး၊ ကျန်းမာရေးစတဲ့ ကဏ္ဍတွေမှာ အောက် ကျနောက်ကျ ဖြစ်ကျန်နေခဲ့တယ်ဆိုတာ စီးပွားရေး၊ ကျန်းမာရေး၊ လူနေထိုင်မှု အရည်သွေးစတာတွေကို သုတေသနပြုထားတဲ့ နိုင်ငံတကာ သုတေသနညွှန်းကိန်း အချို့မှာ တွေ့နိုင်ပါတယ်။

ကောင်းမွန်ပြည့်စုံတဲ့ ရေမြေအနေအထား၊ သဘာဝသယံဇာတစတဲ့ အမွေအနှစ်တွေ ရရှိပိုင်ဆိုင်ထားပြီး ပြည်သူတွေ ဆင်းရဲနွမ်းပါးနဲ့ ရင်ဆိုင်နေရတာကတော့ လူနည်းစုဖြစ်တဲ့ အာဏာရတစ်ဖွဲ့တစ်သင်းနဲ့ ပူး ပေါင်းကာ ခေတ်ပျက်သူဌေးများ၊ အိမ်နီးချင်းတိုင်းတစ်ပါးသားများရဲ့ စီးပွားရေး လက်ဝါးကြီးအုပ်မှုတွေ၊ မြေယာသိမ်းပိုက် လက်ဝါးကြီးအုပ်မှုတွေ၊ ငွေကြေးခ၀ါချမှု တွေကြောင့်ဖြစ်မယ် ထင်ပါတယ်။

မြန်မာပြည်သူများအနေနဲ့ အမွေအနှစ်များစွာနဲ့ အဲဒီအမွေအနှစ်တွေနဲ့ ပြည်သူ ပြည်သားတွေကို ကာ ကွယ်ပေးမယ့် ဒီလို တိကျကောင်းမွန်တဲ့ “လွတ်လပ်ရေး ကြေညာစာတမ်း” ရှိပါလျက်နဲ့ စီးပွားရေးနဲ့ သယံဇာတပိုင်ဆိုင်မှု၊ လက်ဝါးကြီးအုပ်လိုမှုတွေအတွက် ဖြစ်ပွားတဲ့ စစ်မက်ရဲ့ သားကောင်တွေအဖြစ် ကျရောက်ခံစားနေရပါ တယ်။ သဘာဝပတ်ဝန်းကျင်ပျက်စီးမှု၊ သစ်တောပြုန်းတီးမှုများကြောင့် နာဂစ် မုန်တိုင်း လို၊ အပူလွန်ကဲမှုလို၊ မိုးခေါင်မှုလို သဘာဝဘေးဒဏ်တွေ ခံစားနေကြရပါတယ်။

မြေယာလက်ဝါးကြီး အုပ်မှုများကြောင့် ကိုယ့်တိုင်းကိုယ့်ပြည်ထဲမှာနေပြီး မြေမဲ့ယာမဲ့၊ အိုးမဲ့အိမ်မဲ့ ဖြစ်နေ ကြပါတယ်။ စီးပွားရေး လက်ဝါးကြီးအုပ်မှုများကြောင့် နိမ့်ပါးတဲ့ဝင်ငွေနဲ့ ကြီးမြင့်လှတဲ့ လူနေမှုစားရိတ်ကို ရင်ဆိုင်နေကြရပါတယ်။ အရည်အသွေးနိမ့်တဲ့ ကျန်းမာရေးစောင့်ရှောက်မှု၊ မရှိသလောက် နည်းပါးတဲ့ ကျန်းမာရေး အသိပညာပေးမှုတွေနဲ့ လူ့သက်တမ်းတစ်လျှောက်ကို ပင်ပန်းဆင်းရဲစွာ ဖြတ်သန်းနေကြရပါ တယ်။ ဒါတွေဟာ ကြီးမားလှတဲ့ လွဲချော်မှု၊ လွဲမှားမှုကြီးပါ။

အမေရိကန်နှင့် အခြား ဒီမိုကရေစီနိုင်ငံကြီးများက နိုင်ငံကြီးသားတွေဟာ သူတို့ နိုင်ငံရဲ့ “လွတ်လပ်ရေး ကြေညာစာတမ်း” ကို အသက်တမျှ မြတ်နိုးတန်ဖိုးထားကြသလို အဲဒီ “လွတ်လပ်ရေးကြေညာစာတမ်း” ကို အခြေခံပြီးရေးသားလေ့ရှိတဲ့ “ဖွဲ့စည်းပုံ အခြေခံဥပဒေ” ကိုလည်း အမြတ်တနိုး လေးစားတန်ဖိုးထား ကြတယ်လို့ ကြားဖူးပါတယ်။ကျွန်တော်တို့ အမိမြန်မာပြည်ကြီးမှာရော “လွတ်လပ်ရေး ကြေညာစာတမ်း” ကို အမြတ်တနိုးတန်ဖိုးထားကြပါသလား။

ယခုလက်ရှိ “ဖွဲ့စည်းပုံ အခြေခံဥပဒေ” ကရော “လွတ်လပ်ရေးကြေညာစာတမ်း” ပါ အချက်တွေကို အခြေခံရဲ့လား။ စတဲ့ “လား” ပေါင်းများစွာဟာ မြန်မာပြည်သူတွေရဲ့ရင်ထဲမှာ ဖြစ်ပေါ်နေကြမှာပါ။ အဲဒီ “လား” ပေါင်းများစွာ အလျင်အမြန် ပျောက်ကင်းစေဖို့ ဆန္ဒပြုလိုက်ပါတယ်။

ထက်အောင်ဖေ ( Mizzima )