မိန်းကလေးစကား

 

နှိုင်းရင့်နွေ

မိန်းကလေးစကား
----------------------------------------------------------------
နှိုင်းရင့်နွေမှတင်ဆက်သည်...
https://www.facebook.com/hnaingyintnway
----------------------------------------------------------------
♀ ကောင်းပြီလေ
ဒီစကားကို မိန်းကလေးတွေက အငြင်းပွားမှုကို အဆုံးသတ်ဖို့အတွက် သုံးပါတယ်... ဒီလိုပြောနေပြီဆိုရင် သူတို့ကိုယ်သူတို့ မှန်တယ်လို့ ယူဆထားပြီး သင့်ပါးစပ်ပိတ်ဖို့လိုပြီလို့ ပြောလိုက်တာပါပဲ... သူ့ရဲ့ "ကောင်းပြီလေ" ဆိုတဲ့စကားဟာ ဘယ်လိုပုံပေါက်နေလဲဆိုတာကိုတော့ ဘယ်တော့မှ သွားမပြောပါနဲ့... ဒီလိုဆိုရင် ဒါနဲ့ပတ်သက်လို့ နောက်ထပ်ဆက်ပြီး ငြင်းနေရလိမ့်မယ်..

♀ ငါးမိနစ်
ဒါက နာရီဝက်ကိုဆိုလိုတာပါ... ဒါဟာ သင်ဘောလုံးပွဲကြည့်နေတုန်း အမှိုက်သွားသွန်ခိုင်းရင် ပြန်ပြောလိုက်တဲ့ "ငါးမိနစ်" နဲ့ ညီပါတယ်.. ဒါကြောင့် ဒီအချိန်ဟာ အပြန်အလှန်အားဖြင့် ညီမျှတဲ့သဘောရှိနေပါတယ်...

♀ ဘာမှမဖြစ်ဘူး
ဒီအဓိပ္ပာယ်ကတော့ တစ်ခုခုဖြစ်နေပြီဆိုတဲ့ သဘောပါ... ဒီစကားကြားရင် သင်သတိထားနေသင့်ပါတယ်... ဘာမှမဖြစ်ဘူးဆိုတာကို အမျိုးသမီးတွေက သင့်ကို ဘယ်ပြန်ညာပြန်.. ဇောက်ထိုးမိုးမျှော်.. နေရာလပ်မကျန်အောင် သမ ချင်နေတဲ့အခါမျိုးမှာ ပြောတတ်ပါတယ်... "ဘာမှမဖြစ်ဘူး" ဆိုတာဟာ "ငါးမိနစ်" လောက်ကြာပြီး "ကောင်းပြီလေ" နဲ့အဆုံးသတ်တဲ့ အငြင်းပွားစကားများမှုတစ်ခုကို ဖော်ညွှန်းနေတာဖြစ်ပါတယ်...

♀ ဆက်လုပ်ပေါ့ (မျက်ခုံးနှစ်ဖက်ပင့်ပြီး)
ဒါဆိုရင်တော့ သင့်ကိုစိန်ခေါ်လိုက်တာပါ... "ဘာမှမဖြစ်ဘူး" ဆိုတဲ့အပေါ်မှာ ဝမ်းနည်းခဲ့ရပြီး "ကောင်းပြီလေ" နဲ့ အဆုံးသတ်ခဲ့ရတဲ့ အမျိုးသမီးတစ်ယောက်ရဲ့ နောက်ဆက်တွဲဖြစ်လာမယ့် အခြေအနေကို ဖော်ပြတာဖြစ်ပါတယ်...

♀ ဆက်လုပ်ပေါ့ (ပုံမှန်အကြည့်ဖြင့်)
ဒီအဓိပ္ပာယ်ကတော့ "ငါစိတ်ကုန်သွားပြီ" ဒါမှမဟုတ် "လုပ်ချင်တာလုပ် ငါဂရုမစိုက်ဘူး" လို့ဆိုလိုပါတယ်... ဒီဆက်လုပ်ပေါ့ရဲ့နောက်မှာ မိနစ်အနည်းငယ်အတွင်း မျက်ခုံးနှစ်ဖက်ပင့်ပြီးပြောတဲ့ ဆက်လုပ်ပေါ့ဆိုတာကို ထပ်ပြောလာနိုင်ပါတယ်... ပြီးရင် "ဘာမှမဖြစ်ဘူး" နဲ့ "ကောင်းပြီလေ" ဆိုတာတွေဆက်လာလိမ့်မယ်... သူမ တည်ငြိမ်သွားတဲ့အထိ "ငါးမိနစ်" လောက်သင့်ကို ဆက်ပြောနေပါလိမ့်မယ်...

♀ သက်ပြင်းပူ
ဒါက စကားလုံးတော့မဟုတ်ပါဘူး... ဒါပေမဲ့ ယောက်ျားတွေ အဓိပ္ပာယ်ကောက်လွဲတတ်တဲ့ စကားလုံးမဲ့ဖော်ပြချက်တစ်ခုဖြစ်ပါတယ်... သက်ပြင်းတစ်ခုကို ခပ်ပြင်းပြင်းချလိုက်တာဟာ အဲ့ဒီအချိန်မှာ သင့်ကို ငတုံးငအတစ်ယောက်လို့ သူမက ထင်နေတဲ့သဘောပါပဲ... ပြီးတော့ "ဘာမှမဖြစ်" တဲ့ အရာတစ်ခုကို သင်နဲ့ရပ်ပြီး ဘာကြောင့်များ အငြင်းပွားနေမိသလဲလို့ သူမကိုယ်သူမ အံ့သြမိနေပါလိမ့်မယ်...

♀ သက်ပြင်းအေး
ဒီသက်ပြင်းကလည်း စကားလုံးမဲ့ ဖော်ပြချက်တစ်ခုပါပဲ... သက်ပြင်းတစ်ခုကို ညင်ညင်သာသာချလိုက်တယ်ဆိုရင်တော့ သူမ ကျေနပ်သွားတဲ့သဘောပါ... သင့်အတွက် အကောင်းဆုံးကတော့ လှုပ်လည်းမလှုပ်နဲ့ အသက်လည်းမရှူနဲ့ ပြီးတော့ သူမရဲ့ကျေနပ်မှုလေး ဒီအတိုင်း ဆက်ရှိနေဖို့ပါပဲ...

♀ အဆင်ပြေပါတယ်
ဒီစကားဟာလည်း အမျိုးသမီးတွေက အမျိုးသားတွေကိုပြောတဲ့အထဲမှာ အန္တရာယ်အရှိဆုံး စကားတစ်ခုဖြစ်ပါတယ်... "အဆင်ပြေပါတယ်" ဆိုတဲ့ အဓိပ္ပာယ်ဟာ သင်လုပ်ခဲ့တဲ့အရာတစ်ခုခုအပေါ်မှာ သင့်ကိုခွင့်လွှတ်ဖို့ အချိန်ယူပြီး သေချာစဉ်းစားချင်တဲ့သဘောပါပဲ... "အဆင်ပြေပါတယ်" ဆိုတာကို "ကောင်းပြီလေ" ဆိုတဲ့ စကားနဲ့ တွဲသုံးတတ်ပြီး ကြားထဲမှာ မျက်ခုံးနှစ်ဖက်လည်း ပင့်ပြပါလိမ့်မယ်...

♀ ဆက်လုပ်လိုက်ပါ
ဒီစကားကြားရရင်တော့ သိပ်မကြာခင်အတွင်းမှာ သင့်အနေနဲ့ ကြီးမားတဲ့ ပြဿနာနဲ့ ရင်ဆိုင်ရပါတော့မယ်...

♀ ရပါတယ်.. ရှင့်သဘောအတိုင်းပါ
ဒါကတော့ ဖော်ပြချက်တစ်ခုမဟုတ်ပါဘူး... ကမ်းလှမ်းမှုတစ်ခုဖြစ်ပါတယ်... သင်လုပ်ခဲ့တဲ့ အရာတစ်ခုခုအတွက် ဘယ်လိုအကြောင်းပြချက်မျိုးပဲရှိနေပါစေ သင့်ကိုပြင်ဆင်ဖို့ အခွင့်အရေးပေးလိုက်တာပါပဲ... အမှန်အတိုင်းရွေးချယ်ဖို့ သင့်မှာ မျှတတဲ့ အခွင့်အရေးရှိပါတယ်... ဒါကြောင့် သေချာဂရုတစိုက်ရွေးချယ်ပါ... "အဆင်ပြေပါတယ်" ဆိုတာကို သင်မကြားရဖို့လိုပါတယ်...

♀ ကျေးဇူးတင်ပါတယ်
အမျိုးသမီးတစ်ယောက်က သင့်ကို ကျေးဇူးတင်နေတာပါ... ငေးကြောင်မနေပါနဲ့... ရပါတယ်ဗျာလို့ ပြောလိုက်ရုံပါပဲ...

♀ ကျေးဇူးအရမ်းတင်ပါတယ်
ဒါဆိုရင်တော့ " ကျေးဇူးတင်ပါတယ်" ဆိုတာနဲ့ တော်တော်ကွာသွားပါပြီ... "ကျေးဇူးအရမ်းတင်ပါတယ်" ဆိုတဲ့စကားကို အမျိုးသမီးတစ်ယောက်ကပြောပြီဆိုရင် သင့်ကိုဆူပူကြိမ်းမောင်းတဲ့သဘောနဲ့ ပြောတာဖြစ်ဖို့များပါတယ်... ဒီစကားဟာ သင်က သူမကို တစ်နည်းနည်းနဲ့ ဆိုးဆိုးဝါးဝါး ပြုမူဆက်ဆံခဲ့တယ်ဆိုတာကို ညွှန်ပြနေပါတယ်... အဲ့ဒီစကားရဲ့နောက်မှာ "သက်ပြင်းပူ" လည်းလိုက်လာပါလိမ့်မယ်... အဲ့ဒီ "သက်ပြင်းပူ" ရဲ့နောက်မှာ ဘာဖြစ်လို့လဲလို့ သွားမမေးမိအောင် သတိထားပါ... သင့်ကိုပြန်ပြောမှာက "ဘာမှမဖြစ်ဘူး" ဆိုတာပဲ ဖြစ်နေပါလိမ့်မယ်...
----------------------------------------------------------------
Ref: A Joke A Day