မော်ဒယ်ဘဝကနေ ပရိသတ်အချစ်တော် အနုပညာရှင်တစ်ဦးအဖြစ် ခံယူခွင့်ရလာတဲ့ သူကတော့ နန်းခင်ဇေ ယျာပဲဖြစ်ပါတယ်။ နန်းခင်ဇေယျာက အနုပညာအလုပ်တွေ အပြင်ပရဟိတလုပ်ငန်းတွေမှာ ပါဝင်ရောက်အားဖြည့်ကူညီနေသူတစ်ယောက်ဖြစ်ပါတယ်။ကလေးသူငယ်တွေအတွက် ပညာရေး၊ ကျန်းမာရေးတွေအတွက်လည်း လိုအပ်သလို ကူညီမှုတွေ ပေးနေတဲ့အပြင် ကလေးတွေ အတွက် စိတ်ဓာတ်မြင့်တင်ရေးအတွက်လည်းနယ်တွေအထိပါဟော ပြောလှုံ့ဆော်ခဲ့သူဖြစ်ပါတယ်။
ဒီကလေးတွေဟာ တိုင်းပြည်ရဲ့အနာဂတ်တွေဖြစ်တဲ့အတွက်သူတို့အတွက်တတ်နိုင်သမျှ လုပ်ဆောင် ပေးသွားမှာပါလုိ့ပြောပြခဲ့ပြီး ကလေးတွေရဲ့ စိတ်ဓာတ်မြှင့်တင်ရေး အပိုင်းနဲ့ဆောင်ရွက်ခဲ့ဖူးတာတွေ ကို နန်းခင်ဇေယျာက “လူငယ်တွေက တိုင်းပြည်ရဲ့ အနာဂတ် တွေလေ။ သူတို့ကို နန်းခင်အတွေ့အကြုံ တွေ၊နန်းခင်ရဲ့ဘဝ အကြော င်းတွေ ပြောပြတယ်။ ဘဝမှာ ကြိုးစားဖို့တွေ ပြောပြတယ်။ နယ်မှာ တချို့ ကလေးတွေ ၁ဝတန်းအောင်ပေမယ့်လည်း ရှေ့ဆက်ကြိုး စားချင်စိတ်တွေမရှိဘဲအပြင်မှာ ဟေး လားဝါးလားလုပ်ကြတာတွေ ကို ကျောင်းတွေဆက်တက်ဖို့ ပညာရေး ကို ရှေ့ဆက်ကြိုးစားဖို့အတွက် မိဘတွေက ဖြစ်စေချင်တော့ နန်းခင်ကို ခေါ်ပြီးတော့ နန်းခင်ရဲ့ အတွေ့အကြုံတွေ၊ဖြတ်သန်းခဲ့ ပုံတွေ၊ ခုချိန်မှာဆိုရင် နန်းခင်တတ် ထားတဲ့ ပညာရေးက ခုချိန်မှာ ကြီး မားတယ်။ ဘယ်လောက်ပညာရေးပါ တယ်ဆိုတာတွေနန်းခင် က ပြောပြပေးတယ်။စိတ်ဓာတ်မကျဖို့ အတွင်း စိတ်ဓာတ် ခွန်အားတွေရှိလာအောင် လမ်းပြပြောပြပေးခဲ့တယ်။ ဒီအလုပ်ကိုလုပ်ချင်တာလည်း နန်းခင်လက်လှမ်းမီ သလောက်နဲ့ သူတို့လေးတွေ တိုးတက်အောင်ကူညီပေး ခဲ့တာ ပါ။သထုံကိုသွားတုန်းကဆိုရင် အဲဒီကလေးတွေ ပညာသင်ဖို့အတွက် စာအုပ်တွေလှူခဲ့တယ်။ သူတို့ ဘဝ လေးတွေကိုလမ်းမှန်ရောက်စေချင်တယ်။တချို့ကလေး တွေဆိုရင် ဆေးစွဲနေတဲ့ကလေးတွေတောင်ရှိတယ်။ အဲဒီတော့မိဘတွေကအစကိုယ်က အနုပညာရှင် တစ် ယောက်ဖြစ်တဲ့ အတွက်ကိုယ့်စကားတစ်လုံးကမိဘတွေပြောတာထက်ပိုထိရောက်ခဲ့တယ်။ အဲဒီလိုတွေ သိရ တော့ပီတိဖြစ်ရတယ်။နန်းခင်မှမဟုတ်ပါဘူး။ အနုပညာ ရှင် တွေရဲ့စကားလုံးတွေဆိုရင် သူတို့ကလက်ခံကြတယ်ဆိုတာကိုလည်းတွေ့ခဲ့ရတယ်” လို့ပြောပြခဲ့ပါတယ်။နန်းခင်ဇေယျာကတီဗီ ကြော်ငြာတွေ ရိုက်ကူးဖြစ်လာပြီးေ နာက် ပရိသတ်တွေရဲ့အားပေးမှုကြောင့်ပဲ ဇာတ်ကားတွေ စတင်ရိုက်ကူးတော့မယ်လို့ သိရပါတယ်။
ဇာတ်ကားတွေကို လပ်ကီးဘော့စ်ထုတ်လုပ်ရေးနဲ့အောက်တိုဘာလမှာစတင်ပြီးရိုက်ကူးသွားမယ် လို့ပြောပြတဲ့ နန်းခင်ဇေယျာက “ပရိသတ်တွေတော်တော်များများက နန်းခင် ကို ဗီဒီယိုဇာတ်ကားတွေကြည့်ချင်တယ်၊စာတွေပို့၊ ဖုန်း တွေဆက်ပြီးပြောကြ တယ်။ နန်းခင်ဘက်ကလည်း လေ့လာစရာတွေ ရှိတာရော လေ့လာရင်းနဲ့ ပရိ သတ်တွေအတွက်ပါ ရိုက်ကူးဖြစ်သွားတာပါ။ ပထမဆုံးက ကိုခန့်စည်သူနဲ့ ရိုက်ကူးမယ်။ ဆရာဝန်မ ဇာတ်ရုပ်နေရာက ပါဝင်သရုပ်ဆောင်ရိုက်ကူးမှာပါ။ တအားလည်း ရင်ခုန်မိတယ်။ ပရိသတ်တွေ တအားကြည့်ချင်နေတဲ့ ဇာတ်ကားတွေကို ဆက်လက်ရိုက်ကူးသွားမှာပါ။ ကမ်းလှမ်း ထားတာတေ ရှိပါတယ်။ ကုမ္ပဏီတွေနဲ့စာချုပ်ချုပ် ဖို့တွေတော့ အခုထိမသိရသေးဘူး။ အခုလိုဇာတ် ကားရိုက်ဖြစ်တာက ပရိသတ်တွေရဲ့ အားပေးတဲ့ အားနဲ့ အကောင်းဆုံးဖြစ်အောင် ကြိုးစားမှာပါ။ ကင်မရာတစ်လုံးအနေ နဲ့ စိမ်းနေတာကို ကိုယ် နဲ့ ယဉ်အောင်အရင်ဆုံးကြိုးစားရမှာပေါ့” လို့ ပြောပြခဲ့ပါတယ်။
“နန်းခင်က ကြော်ငြာတွေရိုက် ကူးဖြစ်ပေမယ့် ကြော်ငြာဆိုတာက ဇာတ်ကားရိုက်တာနဲ့ မတူဘူးလေ။ ကြော်ငြာက သီချင်းတီးလုံးပေါ်မှာ သရုပ်ဆောင်သွားရတာ။ ဇာတ် ကားရိုက်တာကကျတော့ ဒိုင်ယာ လော့ခ်တွေကအစ၊ မျက်နှာအမူအရာ၊ မု(ဒ်)တွေရော အားလုံးလုပ်ရတော့ တော်တော်ခက်ပါတယ်။ မလွယ်ဘူး။ နန်းခင်သေေ သချာချာ လေ့လာရမှာ ပါ။ပရိသတ်တွေအတွက် ဒီထက်ပိုပြီးကြိုးစားသွားမှာပါ။ ကိုယ့် အတွက် တာဝန်ကြီးလာတယ်ဆိုပြီးတော့ မဖြစ်ပါဘူး။ နန်းခင် လုပ်သင့်တာတွေကို ဆက်လုပ်သွားမှာပါ။ နန်းခင်ကို အားပေး ဝေဖန်ပေးကြဦး” လို့ ပြောပြပါတယ်။မြန်မာနိုင်ငံမှာ ကျင်းပပြု လုပ်မယ့် ၂၇ကြိမ်မြောက် ဆီးဂိမ်းအတွက် ADMA Media က စီစဉ်ကျင်းပမယ့် ဆီးဂိမ်းအကြို လှုံ့ဆော်ဖျော်ဖြေပွဲမှာ Miss International 2012 ပြိုင်ပွဲမှာ ပါဝင်ယှဉ် ပြိုင်ခဲ့ကြတဲ့ အလှမယ်များထဲမှ ပါဝင်ယှဉ်ပြိုင်ခဲ့ကြတဲ့ အလှ မယ်များထဲမှ ပြင်သစ်၊ အီတလီ၊ အက်စ်တိုးနီးယား၊ မွန်ဂို လီးယား၊ စင်ကာပူ၊ ဘယ်ဂျီယံနဲ့ မြန်မာနိုင်ငံတို့မှ အလှမယ်များ ပါဝင်ကြမယ်လို့ သိရပါတယ်။ မြန်မာနိုင်ငံက နန်းခင်ဇေယျာလည်း အလှမယ် အဖြစ်ပါဝင်မှာဖြစ်ကြောင်းသိရပါတယ်။
မေမွန်မောင်၊သိမ့်သိမ့်
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။