ဒိုင်နမို (Dynamo)

10 June 2013 |By The Voice Journal

ဘရာဇီးနိုင်ငံ ရီယိုဒီဂျနေရို မြို့တော်က နိုင်ငံခြားသား ဧည့်သည်တွေ လာလည်နေကျ ခရစ်တော် ဆင်းတုတော်ကြီး Chirst the Redeemer အနီးမှာ ဖြစ်ပါတယ်။ ဗြိတိန် နိုင်ငံသား အင်္ဂလိပ် လူငယ်တစ်ယောက်က ကမ္ဘာလှည့် ခရီးသည် အမျိုးသမီးနှစ်ယောက် အနားကိုကပ်လာပြီး သူ့ကို ယေရှု ကိုယ်တော်ပုံပါအောင် ဓာတ်ပုံရိုက်ပေးပါလို့ ပြောပါတယ်။

ကင်မရာ အသေးလေးကိုပေးလို့ အကူအညီ တောင်းခဲ့ပါတယ်။ အမျိုးသမီးတစ်ယောက်က ကင်မရာကို လှမ်းယူလိုက်ပြီး အင်္ဂလိပ်လူငယ်က လူအုပ် ကြားထဲကနေ ခရစ်တော် ရုပ်တုကြီးရှေ့မှာ ဓာတ်ပုံ ရိုက်ဖို့ အိုက်တင် ပေးပါတော့တယ်။ ရုပ်တုအောက်မှာ တခြားကမ္ဘာလှည့် ခရီးသည်တွေ အမှတ်တရ ရိုက်နေကျ ပုံစံ အတိုင်း လက်နှစ်ဖက်ကို တောင်ပံလို ကားလို့ပါ။ အမျိုးသမီးရဲ့ ကင်မရာမြင်ကွင်းထဲမှာ အင်္ဂလိပ်လူငယ်ရဲ့ ပုံကို မြင်နေရပါပြီ။ သူမလည်း ကင်မရာခလုတ်ကို နှိပ်လိုက်တော့မှာပါ။
ဒီအချိန်မှာပဲ အံ့အားသင့်ပြီး တခြားကမ္ဘာလည့် ခရီးသည်တွေပါ အုတ်အော်သောင်းတင်း ဖြစ်ရမယ့် ကိစ္စတစ်ခုကို သူမကိုင်ထားတဲ့ ကင်မရာထဲမှာ မြင်လိုက်ရပါတယ်။ ဒါကတော့ အင်္ဂလိပ်လူငယ်ဟာ ကမ္ဘာမြေ ဆွဲအားကို ဆန့်ကျင်ပြီး တဖြည်းဖြည်း လေပေါ်ကို ပျံသွားတာပါပဲ။ လူအုပ်ကြီးဟာ ဘာမပြော ညာမပြောနဲ့ လေပေါ်ကိုပျံသွားတဲ့ ဒီအင်္ဂလိပ် လူငယ်ကို ပါးစပ်အဟောင်းသားနဲ့ ကြည့်နေကြပါတယ်။
တချို့ကလည်း ကင်မရာတွေ ဖုန်းတွေ ထုတ်ပြီး ဓာတ်ပုံ ရိုက်ကြတာပေါ့။ သူက တော့ ဒိုင်နမိုပါ။ တီဗီရှိုးတွေမှာ နာမည်ကြီးနေတဲ့ ကမ္ဘာကျော် လမ်းမပေါ်မျက်လှည့် ဖျော်ဖြေ ပြကွက်ဆန်းတွေ၊ ထွင်ပြတဲ့ ပဉ္စလက် အနုပညာရှင်တစ်ယောက် ဖြစ်ပါတယ်။ ကူးခွေ ဒီဗီဒီများရဲ့ ကျေးဇူးနဲ့ မြန်မာပရိသတ် တော်တော်များများလည်း ဒိုင်နမိုကို ရင်းနှီးနေကြပါပြီ။ စင်တင် ပြပွဲကြီးတွေနဲ့ ခမ်းခမ်းနားနား မဟုတ်ဘဲ ဆူပါမားကက်တွေ၊ ကားလမ်း နံဘေးတွေ၊ ပန်းခြံတွေနဲ့ ကမ်းခြေတွေမှာ လမ်းဘေး အနုပညာ တင်ဆက်မှု Steet Performance ဆန်ဆန် လုပ်ပြပေမယ့် သူ့ ပြကွက်တွေကတော့ မြင်လိုက်ရ သူတိုင်း ထအော်ရင်အော်၊ မအော်ရင် ပါးစပ် အဟောင်းသား ဖြစ်သွားရတာချည်းပါပဲ။
အင်္ဂလန်က သိမ်းစ် မြစ်ရေပေါ် လမ်းလျှောက်ပြတာ၊ မျက်လှည့် ပြနေရင်းနဲ့ ပျောက်သွားတာ၊ အုန်းသီး ထဲကနေ ပရိသတ်တောင်းဆိုတဲ့ အချိုရည် ထွက်အောင် လုပ်ပြတာတွေက ရိုးရိုးရှင်းရှင်းနဲ့ နားမလည် နိုင်လောက်အောင်ကို ရှင်းလင်းသပ်ရပ် လွန်းပါတယ်။ လင်ဆေးလိုဟန် လို နာမည်ကျော် သရုပ်ဆောင်တွေ၊ ရီယိုဖာဒီနန်လို နာမည်ကျော် အားကစားသမားတွေနဲ့ တွဲပြီးတော့လည်း ရုပ်သံပရိသတ်ကို ဖျော်ဖြေပါတယ်။ လင်ဆေးလိုဟန်ကို ဆိုရင် လေပေါ်ပင် ပျံခိုင်းလိုက် ပါသေးတယ်။ ကဲ..ဒိုင်နမို ဆိုသူ အနုပညာရှင်ရဲ့ နောက်ကြောင်းလေးကို တူးဆွ ကြည့်ရအောင်…။ အင်္ဂလိပ် မျက်လှည့်ပညာရှင် ဒိုင်နမိုရဲ့နာမည်အရင်းက စတီဗင်ဖရိန်း ဖြစ်ပါတယ်။
၁၉၈၂ခုနှစ်က အနောက်ပိုင်း ယော့ရှိုင်းယားမှာ ဖွားမြင်ခဲ့တာပါ။ မျက်လှည့် ပညာကို ဘိုးအေဆီက ပညာအမွေရ ခဲ့တယ်လို့ ဆိုကြပြီးတော့ အမေရိကန် ပြည်ထောင်စု လူစီယာနားနဲ့ နယူးစ်အော်လင်းတို့မှာ ထပ်ပြီး လေ့လာခဲ့ပါသေးတယ်။ Hip Hop ယဉ်ကျေးမှုနဲ့ မျက်လှည့် အနုပညာကို ပေါင်းပြီး တင်ဆက်မှု တွေကြောင့် လူကြိုက်များပြီး သူ့ရဲ့ Dynamo: Magician Impossible ဆိုတဲ့ မှတ်တမ်း ရုပ်ရှင်လေးက နာမည်ကျော်ပါတယ်။
အင်္ဂလိပ် ဘောလုံးအသင်း ဘရတ်ဖို့ဒ်စီးတီးရဲ့ ပရိသတ် တစ်ယောက်ဖြစ်တဲ့ ဒိုင်နမိုဟာ အူလမ်းကြောင်း ရောဂါကို ခံစားနေရသူလည်း ဖြစ်ပါတယ်။ Richard and Judy ဆိုတဲ့ ရုပ်သံအစီအစဉ်မှာ စပြီး ပါလာပြီးခဲ့တဲ့ နောက်ပိုင်း အောင်မြင်တဲ့ ရုပ်သံအစီအစဉ်တွေနဲ့ မျက်လှည့် ပြကွက် ဒီဗီဒီတွေမှာ ဦးဆောင် ဖျော်ဖြေခဲ့သူ ဖြစ်ပါတယ်။ Adidas နဲ့ Nokia မိုဘိုင်းလ်ဖုန်း ကြော်ငြာ တွေလည်း ရိုက်ကူးခဲ့တဲ့ ဒိုင်နမိုဟာ The Grind ဆိုတဲ့ ရုပ်ရှင် ဇာတ်ကားမှာလည်း ဝင်ရောက် သရုပ်ဆောင် ထားခဲ့ပါတယ်။ ဖက်ရှင် မော်ဒယ်လ် အကျော်အမော် နာအိုမီကင်းဘဲလ်ရဲ့ Fashion For Relief ရုပ်သံ အစီအစဉ်မှာလည်း Catwalk ပေါ်တက်ခဲ့ ပြန်ပါတယ်။
၂၀၁၂ မှာသူရခဲ့တဲ့ အောင်မြင်မှုကတော့ ပဉ္စလက် ပညာရှင်များ အဖွဲ့ချုပ် The Magic Circle က အတွင်းစည်း အဖွဲ့ဝင်အဖြစ် အသိအမှတ် ပြုလိုက်ပြီးတော့ ဆုတံဆိပ်လည်း ချီးမြှင့်ခဲ့ပါတယ်။ အဲဒီနှစ်မှာပဲ သူ့ရဲ့ Dynamo: Magician Impossible ဟာ ရုပ်သံ အစီအစဉ် ဆုတွေထဲက တစ်ခုဖြစ်တဲ့ အကောင်းဆုံး ဖျော်ဖြေရေး အစီအစဉ်ဆုကို ရရှိခဲ့ပါတယ်။ ဒီမျက်လှည့် ခွေရဲ့ ဒုတိယပိုင်းလည်း ဆက်ထွက် ခဲ့ပြီးတော့ အကောင်းဆုံး ဖျော်ဖြေရေး အစီအစဉ်ဆုကို ထပ်ဆွတ်ခူး ပြန်ပါတယ်။
ဒါ့အပြင် ဗာဂျင်း မီဒီယာရဲ့ နှစ်တစ်နှစ်မှာ အကောင်းဆုံး ရုပ်သံအစီအစဉ်ဆုကိုလည်း ရခဲ့ပါတယ်။ သူထွက်ရှိထားတဲ့ DVD တွေကတော့ Dynamo’s Underground Magic ၊ Dyanamo’s Estate of Mind ၊ Dyanmo’s Concrete Playground နဲ့ Dynamo: Magician Impossible တို့ ဖြစ်ကြပါတယ်။ www.dynamomagician.com မှာ သူ့ရဲ့ လတ်တလော သတင်းတွေ၊ အနုပညာ လှုပ်ရှားမှုတွေကို သွားရောက် ဖတ်ရှုနိုင်ပါတယ်။

သန့်ဇင်စိုး http://yoyarlay.com/health/health-article/36013-dynamo