စာစီစာကုံး (Essay) ကောင်းတစ်ပုဒ်ရေးနိုင်ရန် နည်းလမ်းများ

3L Education

 

စာစီစာကုံး (Essay) ကောင်းတစ်ပုဒ်ရေးနိုင်ရန် နည်းလမ်းများ
____________________________________

စာစီစာကုံး (Essay) ရေးသားခြင်းဟာ ကျောင်းသင်ခန်းစာ အစိတ်အပိုင်း တစ်ရပ်အနေနဲ့တင် အရေးကြီးတာမဟုတ်ပါဘူး။ ပညာသင်ကြားမှုအပြီး လက်တွေ့လုပ်ငန်းခွင် ဝင်တဲ့အခါမှာလည်း ရုံးပိုင်းဆိုင်ရာနဲ့ တခြား အကြောင်းအရာတွေကို ပြေပြေပြစ်ပြစ် ရေးသားနိုင်ဖို့ အခြေခံကောင်းတွေလည်း ဖြည့်ဆည်းပေးနိုင်ပါတယ်။ ပညာသင်ယူဆဲ အဆင့်မှာလည်း ဘာသာစကား (Language) ကို သင်ယူရတဲ့ မြန်မာစာနဲ့ အင်္ဂလိပ်စာလို ဘာသာရပ်တွေမှာ ဂုဏ်ထူးအတွက် အဓိက အကဲဖြတ်စိစစ်တဲ့ ကဏ္ဍတစ်ခု ဖြစ်နေပါတယ်။ ကျောင်းသူ ကျောင်းသားတစ်ယောက်ရဲ့ ရေးသားတင်ပြမှု စွမ်းရည်ဟာ အထင်ကြီးလောက်စရာ ဟုတ်မဟုတ်ဆိုတာကို စာစီစာကုံး (Essay) တွေမှာ ဆရာဆရာမတွေက အကဲဖြတ်လေ့ ရှိပါတယ်။

ဒါကြောင့် အရေးအသား ပြေပြစ်ထက်မြက်ပြီး ဆွဲဆောင်မှုရှိတဲ့ စာစီစာကုံး (Essay) ကောင်းတစ်ပုဒ် ရေးသားဖို့ သတိပြုလိုက်နာရမယ့် အကြုံပြုချက် ၇ ခုကို ဖော်ပြလိုက်ပါတယ်။

၁။ ခေါင်းစဉ်ရဲ့ ဆိုလိုရင်း

အခြေခံအကျဆုံးက ပေးထားတဲ့ခေါင်းစဉ်ရဲ့ ဆိုလိုရင်းကို တိတိကျကျ လိုက်နာပုံဖော်ထားတဲ့ စာစီစာကုံးမျိုး ကိုယ့်ဘက်က တင်ပြနိုင်ဖို့ဖြစ်ပါတယ်။ ခေါင်းစဉ်ရဲ့ တောင်းဆိုမှုနဲ့ အံချော်သွားပြီဆိုရင် ကိုယ်ရေးထားတဲ့ စာစီစာကုံးက ဘယ်လောက် ထူးခြားပြောင်မြောက်နေပါစေ၊ အမှတ်ပေး စည်းမျဉ်းအရ အကျုံးဝင်ဖို့ ခက်သွားပါပြီ။ အထက်တန်း ဆရာဆရာမတွေ ကိုယ်တိုင်က စာမေးပွဲအဖြေလွှာမှာ ခေါင်းစဉ်နဲ့ ဆိုလိုရင်းလွဲနေတဲ့ စာစီစာကုံး တော်တော်များများကို နှမြောစရာ ကောင်းလောက်အောင် တွေ့မြင်ခဲ့ဖူးကြောင်း ဝန်ခံထားကြပါတယ်။ ဥပမာ ဇွဲရှိမှုအကြောင်း ရေးသင့်တဲ့နေရာမှာ လုံ့လနဲ့ ဝီရိယအကြောင်း အသားပေး ရေးမိတာမျိုး၊ မိတ်ဆွေကောင်း တစ်ယောက်ရဲ့ တန်ဖိုးတွေအကြောင်း ရေးရမယ့်နေရာမှာ ကိုယ့်သူငယ်ချင်း တစ်ယောက်ရဲ့ အရည်အချင်းတွေကို ချရေးပြမိတာမျိုးတွေပေါ့။ ဒါကြောင့် သံတူကြောင်းကွဲ ဖြစ်မသွားဘဲ ခေါင်းစဉ်ရဲ့ စံသတ်မှတ်ချက်နဲ့အညီ လမ်းကြောင်းမချော်ရေးဟာ နံပါတ်တစ် ဦးစားပေး အရေးကြီးပါတယ်။

၂။ နိဒါန်း၊ စာကိုယ်၊ နိဂုံး

စာစီစာကုံးတစ်ပုဒ်မှာ အင်္ဂါရပ်သုံးခု ပါဝင်တယ်ဆိုတာကို အားလုံးလိုလို သိပြီးသားပါ။ ဘယ်လောက်ကောင်းတဲ့ အရေးအသားမျိုးဖြစ်ဖြစ် အဲဒီအင်္ဂါသုံးရပ်မစုံလင်ရင် ဂုဏ်ထူးမှတ်အတွက် မျှော်လင့်လို့မရနိုင်ပါဘူး။ နိဒါန်းဟာ ရေးသားမယ့် အကြောင်းအရာကို တစ်ပိုဒ်တည်းနဲ့ ဆွဲဆောင်မှုရှိရှိ မိတ်ဆက်တဲ့ အပျိုးမျိုး ဖြစ်ဖို့လိုပါတယ်။ တိတိကျကျ သတ်မှတ်ထားတာ မဟုတ်ပေမယ့် အရမ်းရှည်လျားတဲ့ နိဒါန်းမျိုးကို ရှောင်ကိုရှောင်သင့်ပါတယ်။ စာကိုယ်ကတော့ အပိုဒ်ရေများများ ခွဲထုတ်ပြီး အကြောင်းကိစ္စတစ်ခုစီကို စီကာပတ်ကုံး ရေးရမှာဖြစ်ပါတယ်။ အပိုဒ်များများခွဲတာ အမှားမရှိပါဘူး။ ပြီးတော့ ကိုယ့်ရဲ့ အရေးအသားပညာခန်းကို အပြည့်အဝ သွန်ချပြရမယ့် နယ်ပယ်လည်း ဖြစ်ပါတယ်။ နိဂုံးက စာစီစာကုံးတစ်ခုလုံးရဲ့ အနှစ်ချုပ်သဘော ဖြစ်ရပါမယ်။ အားကောင်းတဲ့ အပြီးသတ်ကောက်ချက်မျိုး ထည့်ပေးနိုင်ရင် ပိုပြည့်စုံမှာပါ။ အရေးကြီးတာတစ်ချက်က ရေးကောင်းကောင်းနဲ့ စွတ်ရေးနေတဲ့အခါ နိဂုံးချုပ်ဖို့ အချိန်မလောက်တာမျိုး ဖြစ်တတ်ပါတယ်။ ဒါကြောင့် နိဂုံးအတွက် သတ်သတ်မှတ်မှတ် အချိန်ယူနိုင်အောင် ပြင်ဆင်ထားပါ။

၃။ အချက်အလက်တွေ ဆွဲထုတ်ပါ

စာမေးပွဲမတိုင်ခင် ကြိုကြိုတင်တင် လေ့ကျင့်ပြင်ဆင်ထားတယ် ဆိုရင်တော့ ခေါင်းစဉ်တစ်ခုနဲ့ ကိုက်ညီတဲ့ အကြောင်းအရာ တော်တော်များများကို သိထားပြီး ဖြစ်နေနိုင်ပါတယ်။ စာစီစာကုံး ခေါင်းစဉ်တစ်ခုအတွက် ဘယ်အချက်တွေကို ထည့်ရမလဲ၊ ဘယ်အကြောင်းအရာတွေက သင့်တော်မလဲဆိုတာကို စဉ်းစားပြီးတာနဲ့ အတိုကောက် အချက်လေးတွေ ဆွဲထုတ်ပြီး ချရေးထားပါ။ ဘယ်အချက်ကို အကျယ်ချဲ့ပြီး ဖွဲ့ဖွဲ့နွဲ့နွဲ့ ရေးသင့်သလဲ၊ ဘယ်အချက်ကတော့ လိုရင်းတိုရှင်းပဲ ထည့်သင့်သလဲ ဆိုတာတွေကို တစ်ခါတည်း အမှတ်အသား ပေးထားပါ။ ဖြစ်နိုင်ရင်တော့ သင့်တော်တဲ့စကားပုံလေးတွေ၊ ဥပမာကောင်းလေးတွေကိုပါ စာရင်းတို့ထားပါ။

၎။ ကိုယ်တိုင်ရေး အကြောင်းကိစ္စတွေ

စာမေးပွဲအဖြေလွှာတွေကို အမှတ်ပေးမယ့် ဆရာ၊ ဆရာမတွေနေရာက ခဏဝင်ပြီး စဉ်းစားကြည့်ရအောင်။ သူတို့ဟာ အကြောင်းအရာတစ်ခုတည်းကို ပုံစံမျိုးစုံ ရေးထားတဲ့ စာစီစာကုံးတွေကို အမှတ်ပေးရမှာဖြစ်ပါတယ်။ ဒီနေရာမှာ ကျောင်းသူကျောင်းသား အများစုက စာစီစာကုံး အထူးထုတ်စာအုပ်တွေကို လေ့လာဖတ်ရှု မှီငြမ်းပြီး ပြန်ရေးကြမယ်ဆိုတာ အသေအချာပါပဲ။ ဒီတော့ အဖြေလွှာတွေမှာ အရေးအသားကွာပေမယ့် အကြောင်းအရာတွေက ထပ်နေနိုင်တယ်။ ကိုယ့်ရဲ့စာစီစာကုံးထဲမှာ ကိုယ်တွေ့ကြုံဖူးထားတာတွေ၊ ဒါမှမဟုတ် ခေါင်းစဉ်နဲ့ကိုက်ညီမယ့် ကြားဖူးနားဝအဖြစ်အပျက်တွေကို နေရာတကျ ထည့်ရေးပြနိုင်ရင် အမှတ်ပေးမယ့် ဆရာ၊ ဆရာမတွေရဲ့ စိတ်ကို ဖမ်းစားလာနိုင်ပါတယ်။ လုံးဝဥဿုံ ကွဲထွက်နေတဲ့ ဖြစ်တည်မှုအကြောင်းအရာတွေကို ဖတ်ရတဲ့အခါ ဆရာ၊ ဆရာမတွေကလည်း အမှတ်ပေးဖို့ ပိုပြီး ရက်ရက်ရောရော ရှိလာနိုင်တယ်။ အရေးကြီးတာက ထည့်ရေးမယ့် ကိုယ်တွေ့အကြောင်းအရာဟာ စာစီစာကုံးခေါင်းစဉ်နဲ့ လိုက်ဖက်ညီကိုညီရမယ် ဆိုတာပါပဲ။

၅။ အပြင်စာများများဖတ်ပါ

“အလိမ္မာ စာမှာရှိ”ဆိုတဲ့ စကားပုံ ရှိပါတယ်။ တကယ်က အလိမ္မာတင် မကပါဘူး။ ဗဟုသုတ အသိအမြင်တွေလည်း စာမှာရှိပါတယ်။ ကျောင်းစာမဟုတ်တဲ့ ပြင်ပစာပေတွေကို အားလပ်ချိန်တွေမှာ များများဖတ်ထားခြင်းက စာစီစာကုံး ရေးသားချိန်မှာ လိုအပ်တဲ့ဗဟုသုတတွေ ရရှိစေသလို စာအရေးအသား ပြေပြစ်မှုကိုလည်း သွယ်ဝိုက် အထောက်အပံ့ပေးပါတယ်။ ဒါပေမဲ့ ကိုယ်ဖတ်တဲ့စာဟာ ပညာရေးအတွက် ဆက်စပ် အထောက်အပံ့ပေးနိုင်တဲ့ အကျိုးရှိတဲ့ စာပေတွေဖြစ်ဖို့တော့ စိစစ်ရွေးချယ်ရပါမယ်။ ကျော်ကြားသူတွေရဲ့ အဆိုအမိန့်တွေ၊ ကဗျာဖွဲ့ဆိုမှုတွေကို ပြင်ပစာပေတွေထဲကနေ ကောက်နုတ် မှတ်သားထားပြီး စာစီစာကုံးအတွက် သင့်တော်တဲ့ အခြေအနေမှာ ထည့်သုံးပြတာက အမှတ်ပေးမယ့် ဆရာ၊ ဆရာမတွေရဲ့ အထင်ကြီးမှုကိုပါ လှုံ့ဆော်ယူနိုင်ပါလိမ့်မယ်။

၆။ အားလုံးရှင်းပါစေ

ဖွဲ့နွဲ့ခြင်းဟာ စာပေအရေးအသား စွမ်းရည်ကို ထင်ရှားစေတဲ့ ပညာပြမှုတစ်ခုပါ။ ဒါပေမဲ့ ဆိုလိုရင်းတော့ ရှင်းဖို့လိုပါတယ်။ တစ်ခါတလေမှာ အကွန့်အညွန့်လွန်ပြီး လိုရင်းပျောက်သွားတဲ့ စာစီစာကုံးကောင်းတွေ မြင်ဖူးတယ်လို့ ဆရာ၊ ဆရာမတွေ ကိုယ်တိုင်က ပြောပြဖူးပါတယ်။ အမြဲတမ်း သတိကြီးကြီး ထားနေရမယ့်အချက်က ကိုယ့်ဆိုလိုရင်းကို အရှင်းဆုံးပြသနိုင်ဖို့ ဖြစ်ပါတယ်။ နောက်ထပ်ရှင်းရမှာက လက်ရေးပါ။ အဖြေလွှာမှာ ရေးဖြေရတဲ့အခါမှာ လက်ရေးက မလှရင်တောင် ရှင်းဖို့တော့လိုပါတယ်။ စာလုံးကို ကြီးကြီးနဲ့ ရှင်းရှင်း ရေးတတ်အောင် လေ့ကျင့်ထားသင့်ပါတယ်။ ရှင်းလင်းတဲ့ လက်ရေးမျိုးနဲ့ ရေးထားတဲ့ စာစီစာကုံးတစ်ပုဒ်ဟာ ဖတ်ရတာ ပိုကောင်းသလို ထင်သွားရစေတတ်ပါတယ်။

၇။ အချောသပ်ပါ

ငါးမိနစ်စာလောက်အချိန်ကို သေချာသတ်မှတ်ပြီး ချန်ထားသင့်ပါတယ်။ စာစီစာကုံးရေးပြီးချိန်မှာ ပြန်စစ်ဖို့ဖြစ်ပါတယ်။ ပြန်စစ်တဲ့အခါမှာ အဓိက အလေးထားရမယ့် နှစ်ပိုင်းရှိပါတယ်။ ပထမတစ်ခုက စာလုံးပေါင်းပါ။ ခပ်မြန်မြန် ရေးလိုက်တဲ့အခါ ကိုယ်သိပြီးသား စာလုံးပေါင်းအမှန်တွေမှာတောင် အမှားပါသွားတတ်ပါတယ်။ တချို့ စာလုံးပေါင်းအမှားတွေက တော်တော်လေး အမြင်ဆိုးသလို ဖြစ်နေတတ်တဲ့အတွက် ကိုယ်အားထုတ်ထားတဲ့ စာစီစာကုံးကောင်းမှာ အနာအဆာကြီးတစ်ခုလို ဖြစ်နေနိုင်ပါတယ်။ နောက်ထပ်စစ်ရမှာက အသုံးအနှုန်းပါ။ ပိုပြီးသင့်တော်တဲ့၊ ပြေပြစ်တဲ့ ဝေါဟာရမျိုး ရှိမယ်ထင်ရင် ပြန်အစားထိုး လဲလှယ်ပါ။ စာကြောင်းနှစ်ကြောင်း၊ သုံးကြောင်းလောက် အဆုံးသတ်ပုံ ဆက်တိုက်တူညီနေရင် ပုံစံကွဲအောင် ပြန်ပြင်ရေးသင့်ပါတယ်။ ဒါဆိုရင် အချိတ်အဆက်ပိုမိပြီး ဖတ်ရတာ ပြေပြစ်အရသာရှိတဲ့ စာစီစာကုံးကောင်းတစ်ပုဒ် အသွင်အပြင်မျိုး ပေါ်လွင်အောင် အပြီးသတ် အချောကိုင်ပြီးသား ဖြစ်လာမှာ သေချာပါတယ်။

Credit - Samsung Quiz Show 2017,7 Day News