အီကောနောမစ်

ကျောက်သင်ပုန်း

 

သာမန်အတိုးနှုန်းနှင့် ငွေရောင်းငွေဝယ်
နေ့စဉ်နေ့တိုင်း ကမ္ဘာ့နိုင်ငံခြားငွေဈေးကွက်တွင် ဒေါ်လာ (၅) ထရီလီယံ(၁ ထရီလီယံ=၁၀၀၀ ဘီလီယံ)ခန့်ငွေကြေး အရောင်းအ၀ယ်ဖြစ်နေကြောင်း ၊ကမ္ဘာ့အကြီးဆုံးဗဟိုဘဏ်များက ဦးဆောင်ပြုလုပ်သည့် စစ်တမ်းတစ်ခုကဆိုသည်။ တစ်ဖက်၌ကုန်စည်နှင့် ၀န်ဆောင်မှု၊ကမ္ဘာတစ်ဝှမ်းကုန်သွယ်မှု၏ တန်ဖိုးသည်တစ်နှစ်လျှင် ဒေါ်လာ ၁၈ ဒဿမ၃ ထရီလီယံ (သို့မဟုတ်) တစ်နေ့ဒေါ်လာ (၅၀)ဘီလီယံမျှသာရှိသည်။ နိုင်ငံခြားငွေဈေးကွက် အရောင်းအ၀ယ်က အဆတစ်ရာမျှပိုမိုကြီးမားသည်။

တစ်နည်းပြောရလျှင် ငွေကြေးဈေးကွက်သည် ကုန်စည်ဈေးကွက်အပေါ်အားကိုးနေခြင်းမဟုတ်ပေ။ ဂျာမန်ကားထုတ်လုပ်သောကုမ္ပဏီတွေက ပို့ကုန်မှရသော ဒေါ်လာငွေတွေကို ယူရိုငွေတွေပြန်ဝယ်ရန်အတွက်လောက်သာ ငွေကြေးဈေးကွက်က အရေးပါခြင်းမဟုတ်ပေ။ ဘဏ်အချင်းချင်း အရောင်းအ၀ယ်လုပ်ကြသောစာရင်းကို ဖယ်ထားလျှင်ပင် ငွေကြေးအဖွဲ့အစည်းအချင်းချင်းအကြား နိုင်ငံခြားငွေအရောင်းအ၀ယ် အပေးအယူတွေက အခြားစီးပွားရေးလုပ်ငန်းများ ပြုလုပ်သောအရောင်းအ၀ယ်၊ အပေးအယူတွေထက်ပိုမိုများပြားသည်။ ကမ္ဘာတစ်ဝှမ်းအရင်းအနှီးရွှေ့ပြောင်းမှုတွေက ကုန်ပစ္စည်းအပြောင်းအရွှေ့တွေထက် ငွေကြေးတွေကိုပို၍ အပြောင်းအလဲဖြစ်စေသည်။

ရင်းနှီးမြှုပ်နှံသူတွေက အချို့ငွေတွေကို အခြားငွေတွေထက် အဘယ့်ကြောင့်ပိုပြီး မက်မက်စက်စက်ဖြစ်ရသနည်း။

လွန်ခဲ့သော အနှစ် (၂၀)အတွင်း သေချာပေါက်ပြောနိုင်သော ကိစ္စမှာ ငွေရောင်းငွေဝယ်လုပ်ကြသောကြောင့်ဖြစ်သည်။ အတိုးနှုန်းနိမ့်သည့် နိုင်ငံမှငွေကိုချေးသည်။ထိုချေးငွေကို အတိုးနှုန်းမြင့်သည့် နိုင်ငံတွင် သွားရောက်မြှုပ်နှံသည်။ ဤသို့ဖြင့်ခြားနားသော အတိုးနှုန်းကြောင့် ရင်းနှီးမြှုပ်နှံသူအတွက် အကျိုးရှိသည်။

သီအိုရီအရဆိုလျှင် တစ်နိုင်ငံမှချေးပြီး အခြားတစ်နိုင်ငံတွင် ပြန်လည်ရင်းနှီးမြှုပ်နှံသည့်နည်းသည် အဆင်မပြေနိုင်ပေ။တစ်နိုင်ငံတွင် အတိုးနှုန်းမြင့်နေခြင်းမှာအခြားတစ်နိုင်ငံထက် ငွေဖောင်းပွမှုနှုန်းဆက်တိုက်မြင့်မားနေ၍ဖြစ်သည်။ ငွေဖောင်းပွမှုနှုန်းမြင့်မားသောနိုင်ငံတွင် ပို့ကုန်များ ပြိုင်ဆိုင်နိုင်စွမ်းကျဆင်းလာပြီးငွေတန်ဖိုးလည်း ကျဆင်းနိုင်သည်။

အနာဂတ် သတ်မှတ်သည့်ကာလတစ်ခုတွင် ကြိုတင်သတ်မှတ်ထားသည့်ဈေးနှုန်းနှင့် ရောင်းချသည့်ကြိုတင်ဈေးကွက် (forward market)များ၌ ဤဥပဒေသကို တင်းတင်းကျပ်ကျပ်လိုက်နာလေ့ရှိသည်။ နိုင်ငံတစ်နိုင်ငံ၏ အတိုးနှုန်းက အခြားနိုင်ငံတစ်နိုင်ငံထက်မြင့်နေလျှင်ထိုနိုင်ငံ၏ငွေကြေးကို လျှော့ဈေး (discount)ဖြင့် ရောင်းဝယ်ကြသည်။ ထိုလျှော့ဈေးကြောင့် အတိုးနှုန်းခြားနားချက်ကို ပပျောက်စေသည်။

အကယ်၍ ယူရိုဇုန်၏အတိုးနှုန်းသည် အမေရိကန်နိုင်ငံ၏အတိုးနှုန်းထက်၂ ရာခိုင်နှုန်းပိုများနေလျှင် (၁၂)လကြိုတင်ဈေးကွက်၌ ယူရိုငွေကို ၂ ရာခိုင်နှုန်းဈေးလျှော့၍ရောင်းသည်။ ထိုသို့မလုပ်လျှင် အရောင်းအ၀ယ်သမားတွေက ဘာမျှမစွန့်စားရဘဲ အမြတ်ထွက်မည်။

တကယ်တော့ ကြိုတင်ဈေးကွက်သည် အနာဂတ်ငွေကြေးအလားအလာကို သေသေချာချာခန့်မှန်းခြင်းမပြုနိုင်။

အကြီးဆုံးငွေကြေး (၅)ခု၏ (၃၃)နှစ်တာစာရင်းကို ကောက်ယူလေ့လာသုံးသပ်မှုတစ်ခုတွင် အတိုးနှုန်းမြင့်မားသော နိုင်ငံ၏ငွေကြေးသည် အခြားငွေကြေးထက် အခြေအနေပိုကောင်းနေတတ်သည်ကို မကြာခဏတွေ့မြင်ကြရသည်။ ထို့ကြောင့်ပင် ရင်းနှီးမြှုပ်နှံသူတွေအတွက် လစဉ်အကျိုးအမြတ် အနည်းငယ်ရရှိစေသည်။

ကမ္ဘာသုံးငွေကြေးကို ထုတ်လုပ်နိုင်သောအခွင့်ထူးခံ အမေရိကန်မှလွဲ၍ သာမန်စာရင်းတွင် အမြဲတမ်းလိုငွေပြနေသောနိုင်ငံများသည် ပိုငွေပြနိုင်ငံများထက် အမှန်တကယ်အတိုးနှုန်း (အတိုးနှုန်းမှ ငွေဖောင်းပွမှုနှုန်းကို နှုတ်၍ရသောနှုန်း) မြင့်မားလေ့ရှိသည်။ ဆိုလိုသည်မှာ သွင်းကုန်တွေတင်သွင်းမှု စွဲလမ်းနေသောနိုင်ငံတွေက ရင်းနှီးမြှုပ်နှံသူတွေ သူတို့ငွေကိုဝယ်ယူရင်းနှီးမြှုပ်နှံစေရန် ဆွဲဆောင်သည့်အနေဖြင့် အပိုဆောင်းကာ အတိုးနှုန်းပေးလေ့ရှိသည်။ တွေ့ကြုံရမည့်အန္တရာယ်နှင့်ကာမိစေရန် အတိုးနှုန်းပိုပေးတတ်သည်။

သို့သော်လည်း တစ်နိုင်ငံမှချေးကာအခြားတစ်နိုင်ငံတွင် မြှုပ်နှံသူတို့က အမှန်အတိုးနှုန်းကို စိတ်မ၀င်စား။ သာမန်အတိုးနှုန်းနှစ်ခုအကြား ခြားနားချက်ကိုသာ စိတ်ဝင်စားကြသည်။ ကနေဒါဘဏ်၏လေ့လာချက်အရ အတိုးနှုန်းမြင့်ဈေးနှုန်းတက်ရိပ်ရှိနေသော ငွေကိုဝယ်ပြီး အတိုးနှုန်း(Yield) နိမ့်သည့်ငွေကိုရောင်းသည့် မဟာဗျူဟာကို ကျင့်သုံးလေ့ရှိကြောင်းတွေ့ရသည်။ လွန်ခဲ့သည့်အနှစ် (၂၀)အတွင်းအမှန်အတိုးနှုန်းထက် သာမန်အတိုးနှုန်း(Nominal Interest Rate) ကိုသာ အလေးထားခဲ့ကြောင်းတွေ့ရသည်။

သာမန်အတိုးနှုန်းကို အမှန်အတိုးနှုန်းထက် ပို၍အလေးထားရခြင်းမှာ ချိန်ဆရာ၌ လွယ်ကူခြင်းကြောင့်ဖြစ်နိုင်သည်။အချို့အစိုးရများက ငွေဖောင်းပွမှုနှုန်းနှင့်ချိတ်ဆက်ကာ အမှန်အတိုးနှုန်းအတိုင်းပေးသော ငွေချေးစာချုပ်များကို ထုတ်ဝေရောင်းချလေ့ရှိကြသည်။ သို့သော် ထိုငွေချေးစာချုပ်များကို ငွေပြန်ဖေါ်ရာ၌ ကြန့်ကြာသည်၊ မြန်မြန်ဆန်ဆန် ငွေမဖော်နိုင်။အခြားငွေချေးစာချုပ်များအတွက်လည်းသေသေချာချာ စဉ်းစားချင့်ချိန်ပြီးမှသာ အမှန်အတိုးနှုန်းကို သိရှိနိုင်သည်။

ငွေကြေးမဟာဗျူဟာပညာရှင်တစ်ဦးက အကယ်၍ ငွေကြေးနှစ်ခုအကြားအတိုးနှုန်းကွာဟချက်ကို ရင်းနှီးမြှုပ်နှံသူကကြိုတင်တွက်ဆနိုင်လျှင် ရရှိမည့်အကျိုးကျေးဇူးကိုတွက်ကြည့်သည်။ ထိုသို့တွက်ကြည့်ရာ၌လည်း အမှန်တကယ်အတိုးနှုန်းထက် သာမန်အတိုးနှုန်းနှင့် ပတ်သက်သော ဗဟုသုတကပို၍အရေးကြီးသည်ကိုတွေ့ရသည်။

တကယ်တော့ ငွေဖောင်းပွမှုနှုန်းအတိုင်း ငွေကြေးအပြောင်းအလဲအရွှေ့အပြောင်းလိုက်ဖြစ်သည်မှာ ရေရှည်၌သာဖြစ်သည်။ (ငွေဖောင်းပွမှုနှုန်းတွေနှိုင်းယှဉ်ပြီး စဉ်းစားသောသီအိုရီကို ၀ယ်နိုင်စွမ်းအားညီမျှခြင်း သီအိုရီဟုခေါ်သည်။)ရေတိုတွင် အတိုးနှုန်းကတခြား၊ ငွေဖောင်းပွမှုကတခြားဖြစ်မည်။ ငွေကြေးကုန်သည်တွေက ရေရှည်ငွေလဲလှယ်နှုန်းအပြောင်းအလဲတွေထက် လာမည့်တစ်ပတ်နှစ်ပတ်၏အလားအလာကို ပို၍စိတ်ဝင်စားသည်။

အကယ်၍ နိုင်ငံတစ်နိုင်ငံတွင် အခြားနိုင်ငံများထက် အလွန်တရာမြင့်မားသော ငွေဖောင်းပွမှုနှုန်းရှိနေလျှင် ၎င်းင်း၏ငွေကြေးတန်ဖိုး လျင်မြန်စွာကျဆင်းမည်။(အထင်ရှားဆုံး သာဓကမှာ အဆမတန်မြင့်မားသော ငွေဖောင်းပွမှုဒဏ်ကို ခံရသည့် ဇင်ဘာဘွေနိုင်ငံဖြစ်သည်။)သို့သော် ဖွံ့ဖြိုးပြီးနိုင်ငံများအကြားငွေဖောင်းပွမှုနှုန်း ကြီးကြီးမားမားကွာခြားခြင်းမရှိပေ။ ထို့ ကြောင့်အဆိုပါနိုင်ငံတစ်နိုင်ငံနှင့် တစ်နိုင်ငံအကြား ပြိုင်ဆိုင်နိုင်စွမ်းကွာဟပုံနည်းသည်။

သာမန်အတိုးနှုန်း ခြားနားချက်ကိုသာကြည့်သော ငွေကုန်သည်တွေက သူတို့အလုပ်ကို သူတို့ကောင်းကောင်းနားလည်သည်။ ငွေဖောင်းပွမှုလို ရှုပ်ရှုပ်ထွေးထွေးကိစ္စတွေအတွက် ပူပန်စရာမလို။ငွေဖောင်းပွမှုတိုင်းတာပုံ တိုင်းတာနည်းကွဲပြားမှုရှိသည် မရှိသည်ကိုလည်း အလေးထားစရာမလို။

အတိုးနှုန်းနိမ့်သောနိုင်ငံမှ ငွေချေးယူပြီး အတိုးနှုန်းမြင့်သောနိုင်ငံတွင် သွားရောက်မြှုပ်နှံသောအလုပ်သည် အလွန်တရာ လွယ်ကူရိုးစင်းသော်လည်း အကျိုးအမြတ်ရှိသည်ကိုတွေ့ရသည်။

(အီကောနောမစ်)

ခင်မောင်ညို (ဘောဂဗေဒ)