Burma-Newselite
ဘမ်ဂါဇီ မဲခေါင်မြစ်နဲ့  ဆာလာရမ်း
ထားထားမြင့်( 7days သတင်းစာတွင် ဖော်ပြပြီးဆောင်းပါး)
ထားထားမြင့်( 7days သတင်းစာတွင် ဖော်ပြပြီးဆောင်းပါး)
အမေရိကန်နိုင်ငံခြားရေးဝန်ကြီးဟောင်းဟီလာရီကလင်တန် ဆိုသည်မှာ များသောအားဖြင့်  အမေရိကန်လွှတ်တော်တွင် တော်ရုံတန်ရုံ အမျိုးသားအမတ်တွေပြန်မလှန်ရဲသည့်
အရှိန်အ၀ါကြီးသည့် အမျိုးသမီးတဦး။ ခင်ပွန်းဖြစ်သူသမ္မတဟောင်းဘီကလင်တန်က အရည်အချင်းရှိသောသမ္မတအဖြစ်ကျော်ကြားကာ သမ္မတသက်တမ်းနှစ်ကြိမ် ပြန်လည်အရွေးခံခဲ့ ရသည့်အတွက် အမေရိကန်သမ္မတကတော်အဖြစ် နှစ်ကြိမ်ဆက်တိုက်အိမ်ဖြူတော်တွင် နေခဲ့ရသူဖြစ်သည်။ ထို့ အပြင် ၂၀၀၈ခုနှစ်ရွေးကောက်ပွဲတွင်လည်း ဒီမိုကရက်တစ်ပါတီက သမ္မတကိုယ်စားလှယ်လောင်းအဖြစ် လက်ရှိသမ္မတ အိုဘားမားနှင့် အကြိတ်အနယ်နေရာလုခဲ့ သူ။ ပြီးတော့ ကမ္ဘာမှာစစ်ရေးအင်အားအကြီးဆုံးဖြစ်သည့် အမေရိကန်နိုင်ငံ၏ နိုင်ငံခြားရေးဝန်ကြီးအဖြစ် အောင်မြင်စွာတာဝန်ထမ်းဆောင်ခဲ့သည်။
ထိုသို့သောအမျိူးသမီးကြီးမှာနိုင်ငံခြားရေးဝန်ကြီးအဖြစ်ရာထူးမှ အနားမယူခင်လေးမှာ အမေရိကန်လွှတ်တော်၌ တခြားလွှတ်တော်အမတ်များ၏ ပြင်းထန်သော စွပ်စွဲပြစ်တင်ချက်များကြောင့် ကြားနာခြင်းကိုရင်ဆိုင်ခဲ့ရပါသည်။ အဘယ်ကြောင့်ဆိုသော် လစ်ဗျားနိုင်ငံ ဘမ်ဂါဇီဒေသတွင် အမေရိကန်သံအမတ်နှင့် သံအရာရှိသုံးယောက် မွတ်ဆလင်အကြမ်းဖက် ဆန္ဒပြသူများကြောင့် သေဆုံးခဲ့မှုနှင့်ပတ်သတ်ပြီး တာဝန်ရှိသူအဖြစ်က အမေရိကန်လွှတ်တော်က ဟီလာရီကို ကြားနာစစ်ဆေးခဲ့ သောကြောင့်ဖြစ်သည်။ အလွန်တရာမှ သြဇာအာဏာကြီးသော အမျိူးသမီးကြီးမှာ ရီပါဘလက်ကန်လွှတ်တော်များ၏ ပြင်းထန်သော စွဲချက်များအကြားမှာ စကားပြောရင်းပင် သီးသွားပြီး မျက်ရည်များပင်ကျခဲ့ ရ၏ ။လွှတ်တော်အမတ်ပေါလ်အပါအ၀င် ရီပါဘလစ်ကန်အမတ်တွေက ဟီလာရီသည် လစ်ဗျားမှ နောက်ဆုံးဝင်လာသော ကြေးနန်းသတင်းများကို လစ်လျူရှူပြီး ထိုကိစ္စကို ထိထိရောက်ရောက်မကိုင်တွယ်သဖြငိ့ အမေရိကန်သံတမန်များသေဆုံးရသည်ဟု လွှတ်တော်တွင် လက်ညိူးငေါက်ငေါက်ထိုးကာ အပြင်းထန်ဆုံးစကားလုံးများဖြင့် နှိပ်ကွပ်ခဲ့ သည်။
လစ်ဗျားကအမေရိကန်နိုင်ငံသားများသေဆုံးရသည်ကိုနိုင်ငံခြားရေးဝန်ကြီးတဦးအနေဖြင့် မျက်နှာလွှဲခဲပစ်မလုပ်ရပါကြောင်း အားလုံးရှေ့ မှာ ဟီလာရီကလင်တန်ကမျက်ရည်လည်ရွဲဖြေရှင်းခဲ့ရပါသည်။
“ကျမအကြိမ်ကြိမ်ပြောပြထားတဲ့ အတိုင်း ကျမမှာတာဝန်ရှိပါတယ် ။ကျမအတွက်တော့ဒီကိစ္စဟာ ကိုယ်ရေးကိုယ်တာပါဘဲ သေဆုံးသွားသူတွေရဲ့ အလောင်းကို အင်ဒရုးလေဆိပ်ကို ပြန်သယ်လာတော့ ကျမလဲ သမ္မတအိုဘားမားရဲ့ ဘေးမှာရှိခဲ့ပါတယ်။ သေဆုံးသူတွေရဲ့ အမေအဖေနဲ့  မိဘညီအကိုမောင်နှမတွေကို ကျမပွေ့ ဖက်နှစ်သိမ့်ခဲ့ပါတယ်”
နိုင်ငံရေးရည်မှန်းချက်အလွန်ကြီးမားသူ ဟီလာရီကလင်တန်က ၂၀၁၆ခုနှစ်တွင် အမေရိကန်သမ္မတရွေးကောက်ပွဲဝင်ရွေးဖို့ အထိရည်မှန်းထားသူ။
နိုင်ငံခြားရေးဝန်ကြီးဘ၀တွင်လည်း အောင်မြင်စွာစွမ်းစွမ်းတမံတာဝန်ထမ်းဆောင်နိုင်သူ။ သို့ သော်လည်း ၂၀၁၂ခုနှစ်စက်တင်ဘာလက လစ်ဗျားမှာ အမေရိကန်သံတမန်များအသတ်ခံလိုက်ရသည့် ကိစ္စကို ထိထိရောက်ရောက်မကိုင်တွယ်နိုင်မှုက သူ၏နိုင်ငံရေးသမိုင်းတွင် အစွန်းအထင်းဖြစ်သွားလေပြီ။
သူနှင့်အဖြစ်ချင်းတူသူကား ကုလသမဂ္ဂဆိုင်ရာအမေရိကန်သံအမတ်ကြီးအဖြစ် ထိုအချိန်က တာဝန်ယူထမ်းဆောင်ခဲ့သည့် ဆူဆန်ရိုက်စ်ပင်ဖြစ်သာ်။ဆူဆန်ရိုက်စ်က ကုလသမဂ္ဂသံတမန်လောကမှာ သြဇာကြီးပြီး ထက်မြက်သော အမျိုးသမီးသံတမန်တဦးဖြစ်သည်။ အမေရိကန်သမ္မတအိုဘားမား၏ နိုင်ငံခြားရေးရာအကြံပေးတဦးလည်းဖြစ်သည်။
သူ၏ထုးချွန်သောအရည်အချင်းကြောင့် သမ္မတအိုဘားမားက နိုင်ငံခြားရေးဝန်ကြီးအဖြစ် အဆိုပြုတင်သွင်းသော်လည်း ဘမ်ဂါဇီပြသာနာကြောင့် လွှတ်တော်အမတ်များက ဝေဖန်ကန့်ကွက်ကြသဖြင့် သမ္မတအိုဘားမားက လက်ရှိနိုင်ငံခြားရေးဝန်ကြီး ဂျွန်ကယ်ရီကိုသာ အစားထိုးရွေးချယ်ခဲ့ရသည်။
ထိုအဖြစ်အပျက်များက ခေါင်းဆောင် အစိုးရ တာဝန်ရှိသူတို့ မည်သည် မိမိနိုင်ငံသားတို့ ၏ အသက်အိုးအိမ်စည်းစိမ်ကိုကာကွယ်ရန် တာဝန်ရှိပြီး တချက်လေးလစ်ဟာသွားပါက ပြသာနာမည်မျှထိကြီးသွားနိုင်သည်ဆိုသည်ကိုပြသနေသည်။ ထို့ အပြင် သူတို့ တည်ဆောက်လာခဲ့သော နိုင်ငံရေးသြဇာအာဏာများ တချက်တည်းနှင့် ဘုံးဘုံးလဲသွားစေသည့် အကြောင်းရင်းလည်းဖြစ်သည်။
ဒီမိုကရေစီနိုင်ငံများတွင်ပင်မဟုတ်ပါ။ကွန်မြုနစ် အာဏာရှင်အဖြစ်နိုင်ငံသားများကို နှိပ်စက်သည်ဟု ကမ္ဘာတ၀ှန်းလုံးက ပြစ်တင်ဝေဖန်နေသော တရုတ်နိုင်ငံကပင် ထိုအချက်ကိုကောင်းကောင်းသိပြီး လှလှပပကစားသွားခဲ့ သည်။
၂၀၁၁ အောက်တိုဘာလ ၅ရက်နေ့ မနက်စောစောမှာ မြန်မာ၊တရုတ်နှင့်ထိုင်းဆက်စပ်နေသော မဲခေါင်မြစ်ပေါ်က တရုတ်နိုင်ငံကုန်တင်သဘောင်္တစင်းပေါ်က သဘောင်္သား ၁၃ဦးအသတ်ခံလိုက်ရ၏ တရုတ်ပြည်သူများအုန်းအုန်းကြွက်ကြွက်ဖြစ်ကုန်ကြသည်။ တရုတ်အစိုးရက လာအို၊ထိုင်း၊မြန်မာ၊ တရုတ် နိုင်ငံများကို မြေလှန်ရှာကာ အဆင့်မြင့်ဆုံးထောက်လှမ်းရေးနည်းပညာများသုံးပြီး တရုတ်သဘောင်္သားများသတ်သူကို ရေဆုံးရေဖျားရှာဖွေခဲ့သည်။ နောက်ဆုံးတွင် ထိုအသတ်ခံရမှုအတွက်တရားခံဟုယူဆသော မြန်မာနိုင်ငံသားဘိန်းရာဇာနှင့်အပေါင်းအပါတွေကို လူသိရှင်ကြားကွပ်မျက်လိုက်သည်။
ကွပ်မျက်ပုံကိုနိုင်ငံပိုင်ရုပ်မြင်သံကြားမှတဆင့် တိုက်ရိုက်ထုတ်လွှင့်ပြသဖြင့် လူ့ အခွင့်အရေးချိုးဖောက်သည်ဟု အနောက်နိုင်ငံများက ဝေဖန်ပြစ်တင်ခဲ့ ကြ၏ သို့ သော်တရုတ်လူမျိုးအများစုက တရုတ်အစိုးရ၏လုပ်ရပ်ကို တခဲနက်ထောက်ခံကြသည်။
ကွန်မြုနစ်ဖြစ်ချင်ဖြစ်မည်အာဏာရှင်ဖြစ်ချင်ဖြစ်မည်။ နိုင်ငံသားများ၏ အသက်အိုးအိမ်စည်းစိမ်ကိုမှု စွမ်းစွမ်းတမံကာကွယ်ပေးသူအဖြစ် ချီးကျူးကြသည်။
မြန်မာနိုင်ငံတွင်ပြီးခဲ့သည့် မေလက ဘာသာရေး မငြိမ်သက်မှုများကြောင့် ပြည်တွင်းမှ အစွန်းရောက်သူအချို့ကြောင့်  မွတ်ဆလင်ဘာသာဝင်အချို့ ထိခိုက်ဒဏ်ရာသေဆုံးမှုရှိခဲ့သည်။ ထိုမှတဆင့် မွတ်ဆလင်ဘာသာဝင်အများစုရှိသည့် နိုင်ငံများအထိ ဂယက်ရိုက်ခဲ့ ပြီး ပြီးခဲ့ သည့်အပတ်က မလေးရှားနိုင်ငံဆာလာရမ်းဒေသတွင်အလုပ်လုပ်နေကြသည်. မြန်မာလူမျိုး ဆယ်ဦးထက်မနည်းအသတ်ခံရသည်
။တချိူ့ လည်းဒဏ်ရာနှင့်ဆေးရုံရောက်ကုန်ကြသည်။ထိုသတင်းများက ဓတ်ပုံများနှင့်တကွ မလေးရှားသတင်းစာတွေကဖော်ပြကြသည်။
ဆာလာရမ်းတွင်နေသော မြန်မာအလုပ်သမားကိုရဲထိုက်က
“မလေးရှားမွတ်ဆလင်နဲ့ မြန်မာပြည်ကလာတဲ့ မွတ်ဆလင်လို့ ယူဆရတဲ့ လူ ၂၀၀လောက်ရှိတဲ့ လူအုပ်စုကြီးက မြန်မာတွေကို လိုက်ရိုက်ဒါးနဲ့ ခုတ်နေကြတယ်။ ကျနော်တို့ အိမ်သာတောင်မသွားရဲပါဘူး။အလုပ်ဆင်းရင်လည်းသဌေးက ကားနဲ့ လာခေါ်မှသွားတယ်။တော်တော်လေးကိုကြောက်ရပါတယ်’ဟု ဆဲဗင်ဒေးကိုတယ်လီဖုန်းကနေ ပြောကြားခဲ့သည်။
မြန်မာနိုင်ငံဆိုင်ရာနိုင်ငံခြားရေးဝန်ကြီးဌာန ဒုတိယ၀န်ကြီး ဦးဇင်ယော်ကဇွန်လလေးရက်နေ့  နေ့လည်မှာ မြန်မာနိုင်ငံဆိုင်ရာ မလေးရှား သံအမတ် ကြီးကို တွေ့ဆုံပြီး မြန်မာနိုင်ငံသားများတိုက်ခိုက်ခံရမှုအတွက် ပြစ်မှုကျူးလွန်သူတွေကို ဖော်ထုတ် အရေးယူ ပေးဖို့၊ မြန်မာနိုင်ငံသားများရဲ့ လုံခြုံရေးအတွက် သတိထောက်လွှာပေးအပ်ခဲ့ သည်။ မလေးရှားနိုင်ငံဆိုင်ရာ မြန်မာသံအမတိကြီး ဦးတင်လတ်ကလည်း ဒဏ်ရာရသူများ.ကိုဆေးရုံမှာသွားတွေ့ ဆုံပြီး မလေးရှားနိုင်ငံခြားရေးဝန်ကြီးဌာနနှင့်လည်း တွေ့ ဆုံဆွေးနွေးခဲ့သည်။
သို့ သော်ပြသာနာများက ထိုတင်မပြီးဘဲ ဘာသာရေးတင်းမာမှုများနှင့်ပတ်သတ်ပြီး မလေးရှားမှာ အလုပ်လုပ်နေကြသော မြန်မာအလုပ်သမားများကို အလုံးအရင်းဖြင့် မလေးရှားအစိုးရကဖမ်းဆီးခဲ့ သည်။
သို့ သော်လည်းမလေးရှားမှာနေသောစိုးရမ်မကင်းဖြစ်နေသော မြန်မာများက မြန်မာသံရုံးနှင် မြန်မာအစိုးရကို ယခုထက်ပိုပြီးထိထိရောက်ရောက်ဆောင်ရွက်စေချင်သည်။ မြန်မာပြည်ကသူတို့ ၏မိဘဆွေမျိုးများကလည်းရတတ်မအေးနိုင်ကြပါ။သေဆုံးသူတွေကလည်းလစ်ဗျားဘမ်ဂါဇီမှာသေဆုံးခဲ့ သည့်အမေရိကန်သံအမတ်များကဲ့ သို့  အလောင်းကို သမ္မတကိုယ်တိုင်လာကြိုရန်မဆိုထားနှင့် ဘယ်ဝါဆိုသည်ကိုယ်တိုင်မြန်မာသံရုံးက တိတိကျကျပြောကြားခြင်းမရှိသေးပါ။
မြန်မာအစိုးရတာဝန်ရှိသူများကနေပြည်တော်တွင်ယခုရက်ပိုင်းအတွင်း ပြုလုပ်ခဲ့သောနိုင်ငံပေါင်းစုံမှ ကိုယ်စားလှယ် ၉၀၀ ကျော်တက်ရောက်ခဲ့သည့် ကမ္ဘာစီးပွားရေးဖိုရမ်အတွက် အလုပ်များနေကြသည်။
စီးပွားရေးကိုယ်စားလှယ်များနှင့်အလုပ်ရှုပ်နေသော မြန်မာဝန်ကြီးများက မလေးရှားက ပြသာနာကို ထိထိရောက်ရောက်မကိုင်တွယ်နိုင်ကြသေးပါ။
ထို့ အတွက်မလေးရှားနိုင်ငံရောက်မြန်မာနိုင်ငံသားအများစုမှာ ကိုယ့် အသက်ဘေးကိုယ်ကာကွယ်နေရသလို တချို့ ကလည်းရေနစ်သူကောက်ရိုးမျှင်ဆွဲသည့်အလား ဖေ့ဘုတ်အင်တာနက်စာမျက်နှာပေါ်က ပြန်ကြားရေးဝန်ကြီး ဦးရဲထွတ်၏စာမျက်နှာပေါ်မှာလာရောက်တောင်းပန်နေကြသည်။
“ဝန်ကြီးဦးရဲထွတ် ခင်ဗျား ကျွန်တော်က မလေးရှား မှာအလုပ်လုပ်နေတဲ့ မြန်မာတစ်ယောက်ပါ ဒီနေ့ ညနေ မလေးရှား subang jayaမှာ မြန်မာနိုင်ငံသား ဗုဒ္ဓဘာသာဝင် ခြောက်ယောက် ထပ်အသတ်ခလိုက်ရတယ်လို့ သိရပါတယ် အခုလည်း sungai bulohမှာ ထပ်ဖြစ်နေတယ်လို့ သိရပါတယ် မလေးအစိုးရက့ စစ်ဆေးမှုတွေ ဖမ်းဆီးမူတွေ လုပ်နေပေမယ့် ကျွန်နော်တို့ မြန်မာတွေအတွက် မလုံခြုံပါဘူး ဝန်ကြီးတို့ အစိုးရပိုင်းက ပြည်ပက မြန်မာနိုင်ငံသား မြန်မာတွေကို ကာကွယ်ပေးမယ့် အစီအစဥ အမြန်ဆုံးလုပ်ပေးဖို့ တောင်းဆိုပါတယ် ခင်ဗျား” ကျော်ခရုစိတ်အမည်ရှိ မြန်မာတယောက်က ဦးရဲထွတ်၏ စာမျက်နှာပေါ်မှာရေးသားထားခြင်းဖြစ်သည်။
အမှန်ကတော့ ထိုကဲ့ သို့ ပြည်ပကမိမိနိုင်ငံသားများအရေးပြသာနာက ပြည်တွင်းမှတာဝန်ရှိသူများအရည်အချင်းကွပ်ကဲမှုညံဖျင်းမှုနှင့်မဆိုင်။ အကြောင်းမညီညွတ်သဖြင့် ဖြစ်လာသော ကံဆိုးမှုများသာဖြစ်သည်။ သို့ သော် ကမ္ဘာဦးအစ မဟာသမ္မတမင်းမှသည်ယနေ့ ပါလီမန်ဒီမိုကရေစီအထိခေါင်းဆောင်အစိုးရမင်းတို့ ၏တာဝန်ကား ဘယ်လိုပင်ဖြစ်ပါစေ မိမိနိုင်ငံသားတို့ ၏အသက်အိုးအိမ်စည်းစိမ်ကိုကာကွယ်ရန်ဖြစ်သည်။ တရုတ်အစိုးရ၏မဲခေါင်မြစ်သဘောင်္သားများအသတ်ခံရပုံကိုင်တွယ်မှုက ထင်ရှားသည့် သက်သေတခုဖြစ်သည်။
မြန်မာနိုင်ငံသားတွေကြုံတွေ့ နေရသည့် မလေးရှားနိုင်ငံဆာလာရမ်းက ပြသာနာသည် သေးသိမ်မှိန်ဖျော့လည်းသွားနိုင်သည်။ ဘမ်ဂါဇီကဲ့ သို့ ပြသာနာပိုကြီးလာကောင်း ကြီးလာနိုင်သည်။
သို့သော်လည်း တချက်မှားချော်ပါက ထိုဖြစ်ရပ်မှ မြန်မာနိုင်ငံရေးသမိုင်းတွင်
အမဲစက်များ စွန်းထင်းလာနိုင်လာစရာရှိပါသည်။
ထားထားမြင့်
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။