မြို့ပြစီမံကိန်းပညာရှင် ဒေါက်တာကျော်လတ်နှင့် တွေ့ဆုံခြင်း

 

Popular Myanmar News Journal

"တဖြည်းဖြည်းချင်းစနစ်တကျ ရန်ကုန်မြို့ကြီးဖြစ်လာဖို့ ရည်မှန်းတယ်"

မြို့ပြစီမံကိန်းပညာရှင် ဒေါက်တာကျော်လတ်နှင့် တွေ့ဆုံခြင်း

ရန်ကုန်၌ လူဦးရေ ၁ဝ သန်း ဖြစ်ပေါ်လာမည့် ၂ဝ၄ဝ အတွက်ရည်မှန်းကာ ရန်ကုန်မြို့တော် စည်ပင်သာယာရေးကော်မတီနှင့် အပြည်ပြည်ဆိုင်ရာ ဂျပန်ဖွံ့ဖြိုးရေး အေဂျင်စီ (JICA) တို့ ပူးပေါင်း၍ မြို့ပြစီမံကိန်း ရေးဆွဲနေသည်။ ယင်းစီမံကိန်းတွင် ရန်ကုန်စည်ပင်၏ အကြံပေးအဖြစ် ပါဝင်ဆောင်ရွက်နေသော မြို့ပြစီ...မံကိန်းပညာရှင် ဒေါက်တာကျော်လတ်အား
စီမံကိန်းရေးဆွဲနေမှုနှင့်ပတ်သက်၍ တွေ့ဆုံမေးမြန်းခဲ့သည့် အချက်များထဲမှ ဖော်ပြလိုက်ပါသည်။

► ရန်ကုန်စည်ပင်နဲ့ ဂျပန် JICA ပူးပေါင်းဆောင်ရွက်နေတဲ့ မြို့ပြ စီမံကိန်း ရေးဆွဲနေမှုအပိုင်း ဘယ်လောက်ထိ ရောက်သွားပြီလဲလို့ သိချင်ပါတယ်။

စီမံကိန်းဆိုတာ နောင်ရေရှည် ဘာတွေ လုပ်ကြမလဲဆိုတာကို ရေးဆွဲ တာ။ အဲဒါက မြို့ပြကို လက်တွေ့ အကောင်အထည်ဖော်တာနဲ့တော့ မတူ ဘူးပေါ့။ တကယ်နောက်ပိုင်း လက်တွေ့ အကောင်အထည်ဖော်တဲ့အခါ လမ်း တွေ ဖောက်မယ်။ တံတားတွေ ဆောက် မယ်ပေါ့။ စီမံကိန်းဆိုတာက ဘယ်လမ်း ကို ဘယ်လိုဖောက်မလဲဆိုတာ စီမံ ကိန်းရေးဆွဲတာ။ စီမံကိန်း ပြီးပြီလားဆိုရင်တော့ ပြီးပြီလို့ ပြောရမယ်။

►ရေးဆွဲထားတဲ့ စီမံကိန်းထဲမှာ ဘာတွေ ပါဝင်သလဲဆိုတာကို အကျဉ်းချုံး ပြောပြပေးပါဦး။

ရန်ကုန်မြို့ပြ စီမံကိန်းနဲ့ ပတ်သက် ပြီး ဆရာ့အကြံပေးချက်အရ ရန်ကုန် စည်ပင်နဲ့ သဘောတူဆောင်ရွက်ဖို့ စီစဉ် ထားတာ အချက် ၇ ချက် ရှိပါတယ်။

►သဘောတူထားတဲ့အချက် ၇ချက် ရဲ့ အကြောင်းအရာတွေကိုလည်း သိချင်ပါတယ်။

ပထမအချက်အနေနဲ့ ရေပေးရေး စနစ်တွေ၊ ရေမြောင်းစနစ်တွေကို ပိုပြီး ကောင်းအောင် ပြုပြင်မယ်။ လက်ရှိ အနေအထားက ရန်ကုန်ရဲ့ လူဦးရေ တစ်စိတ်တစ်ပိုင်း ဟိုဘက်ကမ်းတို့၊ လှိုင်သာယာတို့ဆို ရေ အခက်အခဲ ရှိ နေတယ်။ဒုတိယအချက်က ဘတ်စ်ကားတွေ ကိုကျပ်ကျပ်တည်းတည်း စီးနေရတယ်။ ဒီ့အပြင် လမ်းတွေပိတ်တယ်။ ဒီအတွက် လမ်းပန်းဆက်သွယ်ရေးကိုလည်း ပြုပြင် ရမယ်။တတိယအနေနဲ့ အိမ်ရာ ပြဿနာ လည်း အခက်အခဲရှိတယ်။ ရန်ကုန်မှာ နည်းနည်းပါးပါး ကျူးကျော်တွေ ပေါ် နေတာ ရှိတယ်။

တခြားမြို့ကြီးတွေနဲ့ ယှဉ်ရင်တော့ နည်းပါသေးတယ်။ ဒါပေ မဲ့ အိမ်ရာနဲ့ပတ်သက်ရင်လည်း အ ဆောက်အအုံတွေပေါ်ဖို့ ကြိုးစား လုပ် ဖို့ လိုပါသေးတယ်။စတုတ္ထကတော့ ရန်ကုန်မြို့ကြီးက ရှေးကတည်းကပေါ်ပေါက်ခဲ့လို့ ရန်ကုန် ရဲ့ ကြန်အင်လက္ခဏာက ရှေးဆန်တယ်။ မြန်မာဆန်တယ်။ Asia ဆန်တဲ့ မြို့ဖြစ်တယ်။

ယဉ်ကျေးမှုပေါင်းစုံရှိတဲ့ လူတွေ ပူးပေါင်းနေထိုင်တဲ့ မြို့ဖြစ်တယ် စတဲ့ ကြန်အင်လက္ခဏာတွေကို ထိန်း သိမ်းဖို့ ရှိတယ်။ငါးခုမြောက် အချက်ကတော့ (CBD) လို့ခေါ်တဲ့ စီးပွားရေးအချက် အချာနေရာက ကျပ်တည်းလို့ ကားတွေ သွားဖို့ အခက်အခဲရှိနေတယ်။ ဥပမာ ရုပ်ရှင်ရုံတွေရဲ့ ၇ဝ ရာခိုင်နှုန်းက မြို့ထဲ မှာရှိတယ်။ ဈေးဆိုင်တွေ၊ Shopping Mall တွေရှိလို့ မြို့တွင်းကိုပဲ ဈေးဝယ် ဖို့ စတဲ့အကြောင်း အမျိုးမျိုးကြောင့် လာကြရတယ်။ နောက်ပိုင်း ပိုများလာ ရင် ပိုကျပ်တည်းမှာဖြစ်တဲ့အတွက် ရန် ကုန်မြို့ရဲ့ အခြားတစ်နေရာမှာ ဒုတိယ စီးပွားရေးဇုန်ကို ဖော်ထုတ်ဖို့ လုပ်နေ တယ်။

ခြောက်အချက်ကတော့ ရန်ကုန် မြို့က သွားလာရေးမှာ အခက်အခဲရှိ တယ်။ ဥပမာ ရန်ကုန်မြို့တွင်းကနေ အင်းစိန်ကိုသွားမယ်ဆို တစ်နာရီကျော် ကျော် ကြာတယ်။ အဲဒါကို ဖြေရှင်းဖို့ မြို့ကို အပြင်က ပတ်တဲ့လမ်းတွေ ဖော် ထုတ်ဖို့လိုတယ်။ အတွင်းမှာလည်း ပတ် တဲ့လမ်းတွေ လိုတယ်။နောက်ဆုံးအချက်ကတော့ ရန် ကုန်မြို့မှာ လူဦးရေ တိုးလာတာတွေ ကြောင့်ရယ်၊ စီးပွားရေး၊ လူမှုရေး ပြောင်းလာတာကြောင့်ရယ် ရင်းနှီးမြှုပ် နှံမှုတွေ များလာတယ်။ လူတွေ အလုပ် အကိုင်ရဖို့ စက်ရုံ၊ အလုပ်ရုံတွေ ထပ်ပြီး ဆောက်ဖို့ လိုတယ်။
ဒီအတွက် မြို့ကို တိုးချဲ့ဖို့ လုပ်နေတယ်။

►ဒုတိယစီးပွားရေးအချက်အချာ နေရာ (Second-CBD) ကို အကောင် အထည်ဖော်ဆောင်ရွက်ရင် လက်ရှိ (CBD) ရဲ့ အခြေအနေ ဘယ်လို ဖြစ်သွားနိုင်ပါသလဲ။ ဖွံ့ဖြိုးမှု အားနည်း
သွားနိုင်ပါသလား။

မဖြစ်ပါဘူး။ ဒီကလူတွေကို ရိုက် ထုတ်ပစ်လို့မှ မရတာ။ စီးပွားရေး အဆောက်အအုံတွေက တိုးနေမှာလေ။ ဒီတစ်နေရာမှာပဲ တိုးမနေဘဲ အခြား တစ်နေရာထဲမှာတိုးသွားစေတဲ့ သဘော ပါပဲ။

►ရှေ့မှာပြောခဲ့တဲ့ ကြန်အင်လက္ခဏာ တွေ ပျောက်ပျက်မသွားအောင် ဆောင် ရွက်နေတယ်ဆိုတဲ့အပိုင်းမှာ ဘာတွေ လုပ်ဆောင်နေတာပါလဲ။

Zoning PLan ဆိုပြီး လုပ်နေတယ်။ Zoning PLan ဆိုတာ ဘယ်နေရာမှာ အထပ်မြင့်တွေကိုဘယ်လောက် ဆောက်ခွင့်ရှိတယ်။ တချို့နေရာတွေမှာတော့ လွတ်လွတ်လပ်လပ် ဆောက်ခွင့် ရှိတယ်။ အဲဒီလို Zone သတ်မှတ်ထားတဲ့ Zoning PLan ရှိတယ်။ ဥပမာ ရွှေတိဂုံဘုရားနားဆို အထပ်မြင့်တွေ ပေးမဆောက်တော့ဘူး။

►လက်ရှိ ရန်ကုန်ရဲ့ အခြေအနေကို ပြောပြပေးပါဦး။

စနစ်ကျတဲ့ မြို့ပြစီမံကိန်းလို့ ပြောလို့မရဘူး။ တိုက်ကြီးတွေကို ဖြစ်ကတတ်ဆန်း ဆောက်ခဲ့တော့ ရွှေတိဂုံဘုရားကို ကွယ်သွားတယ်။ သယ်ယူပို့ ဆောင်ရေးလမ်းတွေက
စနစ်မကျခဲ့လို့ ခက်ခဲနေတယ်။ ဒီအတွက် စနစ်ကျတဲ့ မြို့ပြစီမံကိန်းဖြစ်ဖို့ လွန်ခဲ့တဲ့ နှစ်နှစ်ကတည်းက ရန်ကုန်စည်ပင်ကို ကူညီပေးတဲ့ ပညာရှင်တစ်ယောက်အနေနဲ့ ဆောင်ရွက်ပေးနေတယ်။ တဖြည်းဖြည်းချင်း စနစ်တကျ ရန်ကုန်မြို့ကြီးဖြစ် လာဖို့ ရည်မှန်းတယ်။

►ရန်ကုန်မှာက မိုးရွာတာနဲ့ ရေကြီး ရေလျှံဖြစ်နေတဲ့အတွက် ရေနုတ်မြောင်း စနစ်တွေရော ပြုပြင်ပြောင်းလဲသွားဖို့ ရှိပါသလား။

လိုပါတယ်။ အများကြီးလိုတယ်။ လုပ်စရာတွေကတော့ အများကြီးပဲ။

►လှိုင်သာယာ၊ ဒဂုံမြို့သစ်စတဲ့ မြို့သစ်တွေတည်ထားခဲ့တဲ့အပိုင်းကရော စနစ်တကျလို့ ပြောလို့ရနိုင်မလား။

စနစ်မကျပါဘူး။ ဟိုတုန်းကတော့ အဲဒီလိုနေရာတွေ တိုးချဲ့ဖို့သင့်တယ် ဆိုတာ ဟုတ်တယ်။ အချိန်မယူဘဲ ခြောက်လလောက်အတွင်းမှာ ရေမြောင်း စနစ်တွေ ဆွဲခဲ့တယ်။

အဲဒါကစပြီး အကုန်လုပ်ခဲ့တော့ အခု အဲဒီနေရာတွေတော်တော် များများက ရေတွေကြီးနေတာပေါ့။

ေ ဝ မာ ထွ န်းေ တွ့ ဆုံေ မး မြ န်း သ ည်