On the verb "hear" 'ကြားရသည်' ဆိုတာလေးကို ပိုင်နိုင်စွာ သုံးတတ်အောင် လေ့လာကြစို့

 

ဒေါက်တာစိုးသန်း အင်္ဂလိပ်စာ‎အင်္ဂလိပ်စာစိတ်ဝင်စားသူများ

 

On the verb "hear"
'ကြားရသည်' ဆိုတာလေးကို ပိုင်နိုင်စွာ သုံးတတ်အောင် လေ့လာကြစို့

အင်္ဂလိပ်စာ တကယ်တတ်ချင်ရင် တော်ချင်ရင် အခြေခံလွယ်လွယ်လေးတွေကိုလည်း မှန်ကန်စွာ သုံးနိုင်ဖို့ လေ့ကျင့်ကြရမှာပါ။ တကယ့်လက်တွေ့ နေ့စဉ်ပြောဆို ဆက်သွယ်ကြရာမှာ လူတွေဟာ စကားလုံး အကြီးကြီးတွေ၊ ဝါကျအရှည်ကြီးတွေ မသုံးကြပါဘူး။ Native speakers တွေပြောတာ နားထောင်ကြည့်၊ ရုပ်ရှင်တွေထဲမှာ ပြောနေကြတဲ့ အင်္ဂလိပ်စကားကို နားထောင်ကြည့်၊ သာမန်ဝေါဟာရလေးတွေကို သုံးပြီး လွယ်လွယ်ရှင်းရှင်းပဲ လူနားလည်အောင်ပြောကြတာပါပဲ။ ဒါပေမဲ့ သူတို့က idioms တွေ expressions တွေကိုလည်း နေရာတကျ သုံးတတ်ကြသေးတာကိုး။

အင်္ဂလိပ်စာ အခြေခံ အတော်အသင့်ရှိပြီးသူဟာ အိမ်မှာ Dictionary ဖွင့်ပြီး စိတ်ရှည်ရှည်နဲ့ လေ့လာရင် အသုံးဝင်တဲ့ ရိုးရှင်းလှပတဲ့ အပြော အရေးမှာ ထိရောက်စွာ အသုံးချလို့ရတဲ့ ဝါကျတွေ အများကြီးကို အလွယ်တကူလေ့လာနိုင်ကြောင်း သာဓကပြချင်လို့ Cambridge Advanced Learner's Dictionary ကိုဖွင့်၊ hear နဲ့ပတ်သက်တဲ့ သိသင့်သိထိုက်တဲ့ ဝါကျလေးတွေကို တည်းဖြတ်တင်ပြလိုက်ပါတယ်။ ရိုးရိုးလေးနဲ့ လှပပြီး အသုံးဝင်တဲ့ ဝါကျလေးတွေ အားလုံး dictionary ထဲမှာရှိပါတယ်။ စိတ်ဝင်စားဖို့နဲ့ မြင်တတ်ဖို့သာလိုတာပါ။ ဖတ်ကြည့်ကြပါ။

1. My grandfather is getting old and can't hear very well.
အဖိုးက အရမ်းအိုလာတော့ နားသိပ်ကောင်းကောင်းမကြားရတော့ဘူး။

2. You'll have to speak up, I can't hear you.
မင်း ကျယ်ကျယ်ပြောပါ၊ ငါ မင်းကိုမကြားရဘူး။
speak up= စကား ကိုအသံမြှင့်ပြောသည်

3. I heard someone calling my name.
ငါ့နာမည်ကို တစ်ယောက်ယောက်က ခေါ်နေသံ ကြားလိုက်ရတယ်။
(hear နောက်မှာ လာတဲ့ Verb ကို Gerund/Ving ပုံစံလိုက်သုံးထားတာ သတိပြုပါ။)

4. At nine o'clock, I heard my father go out.
၉ နာရီမှာ အဖေ အပြင်ထွက်သွားတာ ငါကြားလိုက်ရတာ။
(hear နောက်မှာ လာတဲ့ Verb ကို Verb infinitive သုံးထားတာ သတိပြုပါ။)

5. Have you heard the news?
မင်း သတင်းကြားပြီးပြီလား။

6. Have you heard what's happened?
ဘာဖြစ်သွားတယ်ဆိုတာ ကြားပြီးပြီလား။ ကြားလိုက်လား။

7. I hear (that) you're leaving.
မင်း သွားတော့မယ်/အလုပ်ထွက်တော့မယ်လို့ ငါကြားတယ်။

8. I heard a really interesting programme on the radio this morning.
ရေဒီယိုမှာ တကယ့်ကို စိတ်ဝင်စားစရာ အစီအစဉ်လာနေတာ မနက်က ကြားလိုက်တယ်။

9. Lord, hear our prayers.
ဘုရားသခင်၊ ကျွန်ုပ်တို့၏ တောင်းဆုပြုခြင်းများကို ကြားနာတော်မူပါ။ (ဆုတောင်းပုံ)

10. The case will be heard (officially listened to) by the High Court.
ဒီအမှုကို တရားရုံးချုပ်မှာ ကြားနာစစ်ဆေးလိမ့်မယ်။

ဒီဝါကျ ၁ မှ ၁၀ အထိကတော့ Hear ကို ကြားသည်...ဆိုတဲ့ အဓိပ္ပါယ်နဲ့ ရိုးရှင်းစွာ နေ့စဉ်သုံး အင်္ဂလိပ်စာ အပြော အရေးတို့မှာ သုံးကြပုံ နမူနာလေးတွေပါ။
အခုဆက်ပြီး Hear ကို အီဒီယံပုံစံနဲ့ အသုံးများတဲ့ နမူနာလေးတွေ ဆက်မှတ်ကြစို့။

11. There was so much noise in the classroom that I couldn't hear myself think.
အတန်းထဲမှာ ဆူညံလွန်းလို့ ငါ စာကိုအာရုံစိုက်လို့မရပါဘူး။

can't hear yourself think (idiom)= ကိုယ်စဉ်းစားတာကို မကြားရဘူးလို့ ဘာသာမပြန်ရပါ။ ဆူညံနေလို့ အာရုံစိုက်လို့မရတာပါ။

do you hear?= ငါပြောတာ မင်းကြားရဲ့လား (သတိပေးတဲ့သဘော၊ ကြိန်းမောင်းတဲ့သဘောနဲ့ပြောတာ)
12. I won't stand for this rudeness, do you hear?
ဒီလို မိုက်ရိုင်းတာမျိုးတော့ ငါသည်းခံမှာမဟုတ်ဘူး။ ကြားတယ်နော်။

hear wedding bells= လက်ထပ်ကြတော့မှာပေါ့။ ဘုရားကျောင်းက ခေါင်းလောင်းသံလေးတွေကြားလိုက်ရသလို
13. She knew that if she brought her boyfriend home, her mother would start hearing wedding bells.
သူ့ရဲ့ ကောင်လေးကို အိမ်ခေါ်သွားလိုက်ရင် အမေက သူတို့ လက်ထပ်ကြတော့မယ်လို့ ထင်မှာ။

14. Hear, hear!
အခုပြောလိုက်တာကို သဘောတူတယ်၊ ထောက်ခံပါတယ်။
(သူများက တစ်ခုခုပြောလိုက်လျှင် ကိုယ်က Hear, hear! ဟုပြောကာ သဘောတူကြောင်းပြပုံ)

I must be hearing things. (humourous)= ဟုတ်ရဲ့လားဟာ။ မယုံနိုင်စရာ၊ မဖြစ်နိုင်တာတွေ ငါကြားနေတာဖြစ်မှာ (စသည့်သဘော၊ ရီစရာသဘောပြောပုံ)
15. He's offered to wash the dishes - I must be hearing things.
သူက ပန်းကန်တွေ ဝိုင်းဆေးပေးမယ်တဲ့ ဟုတ်လား။ ငါ့နားတောင် ငါ မယုံချင်စရာ။

wil never hear the end of it= အဲဒါကိုပဲ ခဏခဏ ပြောနေတော့မှာ ပြီးမှာကိုမဟုတ်တော့ဘူး။ နားငြီးအောင်ကို ဒါကိုပဲ မနားတမ်းပြောနေတော့မှာ။
16. If Linda gets that promotion, we will never hear the end of it.
လင်ဒါသာ ရာထူးတက်ခဲ့ရင်တော့ ပြောလို့ကို ပြီးမှာမဟုတ်တော့ဘူးဟေ့။

won't hear a word (said) against sb/sth= အထိမခံ၊ အပြောမခံ၊ အဝေဖန်မခံ
17. He is completely infatuated with the woman and won't hear a word said against her.
သူက အဲဒီမိန်းမကို အရူးအမူးဖြစ်နေတော့ အဲဒီမိန်းမ မကောင်းကြောင်း တစ်ခွန်းတောင် သွားပြောလို့မရဘူး။

You could have heard a pin drop.= တိတ်ဆိတ်လွန်းလို့ အပ်ကျသံတောင်ကြားရနိုင်တယ်
18. Her ex-husband turned up at the wedding. Honestly, you could have heard a pin drop.
သူ့ရဲ့ အရင်ယောက်ျားက မင်္ဂလာဆောင်ကို ပေါက်ချလာပါလေရော။ အားလုံး တိတ်သွားလိုက်တာ အပ်ကျသံတောင်ကြားရမလားပဲ။

ဝါကျ ၁၁ မှ ၁၈ ကတော့ idioms တွေနဲ့ expressions တွေ။ ဆက်ပြီး Hear ကို phrasal verb ပုံစံ အသုံးများတာလေးတွေ ဆက်မှတ်ပြီး အဆုံးသတ်ကြတာပေါ့။

hear from sb= သူ့ဆီမှ သတင်းစကားကြားရသည်
19. We haven't heard from him for ages.
သူ့ ဆီက ဘာမှ မကြားရတာ တော်တော်ကြာပြီ။
I look forward to hearing from you.
မင်းဆီက သတင်းစကား (သာကြောင်း မာကြောင်း) ကြားရဖို့ ငါမျှော်လင့်စောင့်စားနေတယ်။

hear of sb/sth= မကြားဖူးဘူး၊ နာမည် မကြားဖူးဘူး၊ မသိဘူး
20. I'd never heard of him before he won the prize.
သူ ဆုရတော့မှ သူ့နာမည် ငါကြားဖူးတာ၊ အရင်က မသိပါဘူး။

21. It's a tiny country that most people have never heard of.
လူတွေ နာမည်တောင်မကြားဘူးကြတဲ့ တိုင်းပြည်ငယ်လေးပါ။

not hear of sth= တစ်ခုခုလုပ်ပေးမယ် ကူညီမယ်ပြောပေမဲ့ တစ်ဘက်သားက ခါးခါးသီးသီး ငြင်း၊ အပြောမခံတော့ လုပ်ခွင့်မရ
22. I wanted to pay but she wouldn't hear of it.
ငါ ပိုက်ဆံပေးချင်ပေမဲ့ သူက အသည်းအသန်ငြင်းတာ။

hear sb out= ပြောတာလေးလည်း ဆုံးတဲ့အထိ နားထောင်ပေးပါ
23. At least hear me out before making up your mind.
မင်း ဆုံးဖြတ်ချက်မချခင် ငါပြောတာလေးတော့ ဆုံးအောင်နားထောင်ပါကွာ။

With love,
Dr.Soe Than
December 4, 2017