Miss Myanmar တစ်ယောက်ဖြစ်တဲ့ ဂုဏ်ရည်အေးကျော်က ပရဟိတလုပ်ငန်းတွေကို စိတ်ပါဝင်စားစွာနဲ့ Miss တစ်ယောက်မဖြစ်ခင်ကတည်းက ၂ဝ၁ဝခုနှစ် ကတည်းက”ချမ်းမြသုခ” နာရေးကူညီမှုအသင်းမှာ လုပ်ကိုင်ခဲ့တယ်လို့ သိရပါတယ်။ ဒီအသင်းမှာ နာရေးကားမောင်း သူမ ၈ အဖွဲ့ခေါင်းဆောင် တစ်ယောက် ဖြစ် လာတဲ့အထိ ခုချိန် တိုင်အောင်လည်းလုပ်ဆောင်နေ တာဖြစ်ပါတယ်။ ကိုယ့်ဘက်က ပေးနေတယ်လို့မခံစားရဘဲ ပရဟိ တတွေလုပ်နေတာပါလို့ခံယူတဲ့ သူ့စိတ်ခံစားမှု ကိုမေးကြည့်တော့…..
” မန္တလေးမှာ “ချမ်းမြသုခ” နာမှု ကူညီရေးအသင်းဆိုတာ လိုအပ်နေတဲ့သူတွေကို တော်တော်များများ ထိထိရောက်ရောက်ကူညီနိုင်တဲ့ အဖွဲ့အစည်းထဲမှာ ပါပါတယ်။ ဂုဏ်ရည်ချမ်းမြ သုခမှာ အသင်းစဝင်တာက ၂ဝ၁ဝခုနှစ် ဇန်နဝါရီ ၃ရက် နေ့ကပါ။ မော်ဒယ်လည်း မလုပ်သေးဘူး။ ဒီလောကထဲကိုလည်း မရောက်သေးဘူး။ ဂုဏ် ရည်က ကားလည်းမောင်းတတ် နေတော့ နာရေးကားမောင်းတဲ့ မိန်းကလေးတွေ ချမ်းမြေ့သုခမှာ လုပ်အားပေးလို့ ရတယ်ဆိုတာနဲ့လုပ်ဖြစ်တာ။ ကိုယ့်လုပ်အားလေးတစ်ခုနဲ့ လုပ် အားပေး ကြည့်မယ်ဆိုတဲ့ သာမန်စိတ် လေးနဲ့ပဲသွားပြီး လုပ်အားပေး ဖြစ်ခဲ့တယ်။ အဲဒီမှာ နာရေးကား မောင်းဖြစ်ခဲ့တယ်။ ရေ ကြီးတာ၊ ငလျင် လှုပ် တာတွေတုန်းကလည်း လိုအပ်တဲ့နေရာတွေမှာ လိုက်လံပြီး ကူညီစောင့်ရှောက်ပေးရင်းနဲ့ ဒီပရဟိတနယ်ပယ်ထဲကို ထဲထဲ ဝင်ဝင်ရောက်သွားတယ်။ တဖြည်းဖြည်းနဲ့ လုပ်လာတာကြာပြီ၊ ဒီ ချမ်းမြ သုခမှာနာရေးကားမောင်းတာက ကျားအဖွဲ့၊ မအဖွဲ့ရှိတာ။ ဂုဏ်ရည်က မ ၈ အဖွဲ့ရဲ့ ခေါင်းဆောင်ဖြစ်လာခဲ့ပါပြီ။ အသင်းမှာ သူများတွေကို ဂုဏ်ရည် ကူညီ ရင်း ပြန်ရ လာ တာက ပေါင်းသင်းဆက်ဆံရေး အများကြီး တိုးတက်လာပါတယ်။ သူများကို ကူညီပေးနေကြတာက အချိန်ပိုကြလို့ မဟုတ်ပါဘူး။ မအား တဲ့ကြားကလာ ကူညီပေးကြ တာ ပါ။ နောက် မ ၈ အဖွဲ့ခေါင်းဆောင်ဖြစ်လာတော့ အဖွဲ့ မှာရှစ်ယောက်ပါတယ်။ အလောင်းကိုသယ် ဖို့၊လမ်းပြဖို့၊ အလောင်းစင်ကြီးကို ပြန်ဆေး ဖို့ အတွက်တွေပါ လုပ်ရ တယ်။ ဒီ အဖွဲ့ကို ဦးဆောင်ပြီးသွားရတော့ခေါင်းဆောင်မှု စွမ်းရည်တွေလည်း အများကြီးတိုးတက်လာတယ်။ ဂုဏ်ရည် Miss Myanmar မှာ ဆုရ ခဲ့တာ က လည်း စောင်း တီး တာတို့အပြင် ပရဟိတလုပ်ငန်းတွေကို လုပ်ကိုင်ခဲ့မှု၊ Miss Myanmar အယောက် ၂ဝလုံးနဲ့ ပေါင်းသင်းဆက်ဆံသွားမှု ခေါင်းဆောင်မှုစွမ်းရည်နဲ့အတူ question တစ်ခုလာတိုင်း ဖြေနိုင်ခဲ့မှု၊ ဒါတွေ အကုန်လုံးက ချမ်းမြေ့သုခမှာ ပါဝင်လုပ်ဆောင်ခဲ့ တဲ့အတွက်ပါ။
နာရေးကားမောင်းတာကိုတချို့တွေအမြင်လေးကျဉ်းနေတာလေးတွေရှိပါသေးတယ်။ ဥပမာ ကိုယ့်လမ်းထဲမှာနာရေးရှိတယ်ဆိုနာရေးကားကရှေ့ ဆက် သွားလို့မရတော့ ဘူးဆိုအိမ်ရှေ့မှာနာရေးကား အရပ်မခံဘူး။ လမ်းထဲမှာကားခေါင်းနဲ့ဝင်လာပေမယ့် ပြန်ထွက် ရင်နောက်ပြန်ပြန်ဆုတ်ပြီးထွက်ရတယ်။ တချို့ဆို နာရေးကားကို စက်မနှိုးရ ဘူး။ကားတွန်းပြီးသွားရတယ်။ အတွေ့အကြုံတွေအများကြီးရလာတယ်။ ဗုဒ္ဓ ဘာသာတစ်ယောက်အနေနဲ့ဒါတွေကို ကြည့်ပြီး အများကြီးပြင် ဆင်တတ် လာ တယ်။
သေခြင်းတရား ကိုလည်းသိလာတယ်။ စစတုန်းကတော့ ဂုဏ်ရည် အသက်က ၂ဝတောင်မပြည့်သေးဘူးဆိုတော့ အလောင်း တွေေ တွ့ရင်ကြောက် တယ်။ အ ခုနောက်ပိုင်းမှာ မကြောက် တော့ဘူး။ အခု ဒီလိုတွေ ရလာတာက ဂုဏ်ရည်သူများတွေကို ပေးနေတယ်လို့ မမြင်ဘူး။ကိုယ့် အတွက်အ များကြီး ပြန်ရလာ တယ်။ ပြောင်း လဲလာတယ် လို့ပဲထင်တယ်” လို့ ပြောပြပါတယ်။
ဂုဏ်ရည်အေးကျော်က မန္တလေးအပြင် ရန်ကုန်မှာပါ ပရဟိတအလုပ်တွေကိုလုပ်နိုင်ဖို့အတွက် နာရေးကူညီမှုအသင်း (ရန်ကုန်)က ဥက္ကဋ္ဌဦးကျော်သူနဲ့ သွားရောက်ေ တွ့ဆုံပြီး လေ့လာ ဖြစ်ခဲ့တယ်လို့ သိရပါတယ်။ ဒီအသင်းမှာ ပါဝင်ဆောင်ရွက်ချင်တဲ့တွက်သွားရောက်ခဲ့ကြောင်းကို” ဂုဏ်ရည်ကို ကို အလင်းဆက်ရဲ့သူငယ် ချင်းကို ဒီမိုဝေယံက ဂျပန်ကနေ ဆက်သွယ်လာပါတယ်။
ဂုဏ်ရည်ကချမ်းမြေ့သုခမှာနာရေးကား မောင်းခဲ့တော့ဦးကျော်သူတို့အဖွဲ့မှာပါဝင်ချင်တာနဲ့သွား လေ့လာခဲ့တယ်။ဦးကျော်သူကလည်းသေသေချာချာရှင်း ပြပါတယ်။ ဦးကျော်သူကို အကယ်ဒမီမင်းသားကြီး အနေနဲ့ပဲသိခဲ့ပေမယ့် အပြင်မှာ သူများတွေအကျိုးကို ဆောင်ရွက်ပေးနေတာတွေ့ရတော့ရော တအားကျေ နပ်တယ်။ နာရေးကူ ညီမှုအသင်း(ရန်ကုန်)က နိုင်ငံတကာမှာပါ သိလာတဲ့အဖွဲ့အစည်းဆိုတော့ ဒီအဖွဲ့ မှာပါဝင်ခွင့်ရတာ တအားဂုဏ်ယူပါတယ်။ မန္တ လေးချမ်းမြသုခမှာရော၊ အခုဒီမှာရောက ပရဟိတအကျိုးတွေ လုပ်နေတာပါပဲ” လို့ ပြောပြခဲ့ပါတယ်။
မေမွန်မောင်
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။