Ecodrive သို့မဟုတ် ဖုန်းစက်ဘီး

 

နှိုင်းရင့်နွေ

Ecodrive သို့မဟုတ် ဖုန်းစက်ဘီး
----------------------------------------------------------------
နှိုင်းရင့်နွေမှတင်ဆက်သည်...
https://www.facebook.com/hnaingyintnway
----------------------------------------------------------------
မိုဘိုင်းလ်ဖုန်းနည်းပညာ တိုးတက်မြင့်မားလာတာနဲ့အမျှ Smart Phone တွေနဲ့ တွဲဖက်အသုံးပြုနိုင်တဲ့ ပစ္စည်းတွေလည်း တစ်မျိုးပြီးတစ်မျိုးပေါ်ထွက်လာပါတယ်။ အခုဖော်ပြပေးမယ့် ပစ္စည်းကတော့ Ecodrive လို့ခေါ်တဲ့ စက်ဘီးအမျိုးအစားဖြစ်ပါတယ်။ ဒီစက်ဘီးကို ကိုရီးယားဒီဇိုင်းပညာရှင် Juil Kim ကနေ ဒီဇိုင်းထုတ်ထားတာဖြစ်ပြီး ၂၀၁၀ ဆိုးလ်မြို့စက်ဘီးဒီဇိုင်းပြိုင်ပွဲမှာ ကြေးတံဆိပ်ဆုရခဲ့တဲ့ ဒီဇိုင်းဖြစ်ပါတယ်။ သူ့ရဲ့ idea ကတော့ စက်ဘီးနဲ့ Smart... Phone ချိတ်ဆက်အသုံးပြုနိုင်အောင် စီမံထားတာဖြစ်ပါတယ်။

အားလုံးသိကြတဲ့အတိုင်းပဲ မော်တော်ဆိုင်ကယ်တွေမှာ ဘယ်ဘက်ကွေ့ချင်ရင်ဖြစ်ဖြစ်၊ ညာဘက်ကွေ့ချင်ရင်ဖြစ်ဖြစ် အချက်ပြဖို့ အချက်ပြမီး (signal lights) တွေပါရှိပါတယ်။ ဒါပေမဲ့ စက်ဘီးတွေမှာတော့ မပါပါဘူး။ ဒီအချက်ဟာ စက်ဘီးတစ်စီးက လမ်းဆုံလမ်းခွရောက်တဲ့အခါ ဘယ်ဘက် ဒါမှမဟုတ် ညာဘက်ကွေ့ချင်တဲ့အခါ အန္တရာယ်ကြုံစေနိုင်တဲ့အချက်ပဲ ဖြစ်ပါတယ်။ ဒါကြောင့်လည်းပဲ တိုင်းပြည်တော်တော်များများမှာ စက်ဘီးစီးသူတွေကို ဘယ်ဘက် ဒါမှမဟုတ် ညာဘက်ကွေ့ချင်တဲ့အခါမှာ လက်နဲ့အချက်ပြဖို့ အကြံပြုထားကြတာ ဖြစ်ပါတယ်။ လက်နဲ့အချက်ပြတဲ့အခါကျတော့လည်း စက်ဘီးလက်ကိုင်တစ်ဘက်ကို လွှတ်ပြီးပြရပြန်ပါတယ်။ ဒါဟာလည်း လမ်းဆုံလမ်းခွ၊ လမ်းမအလယ်မှာ အန္တရာယ်ကြုံစေနိုင်ပါတယ်။ ဒီအချက်ကိုကာကွယ်နိုင်ဖို့အတွက် ဒီ Ecodrive စက်ဘီးမှာ အချက်ပြမီးတွေကို ထည့်သွင်းတပ်ဆင်ထားတာ ဖြစ်ပါတယ်။ စက်ဘီးလက်ကိုင်ကို လွှတ်စရာမလိုဘဲ အချက်ပြမီး (signal lights) နဲ့ ဘယ်ကွေ့၊ ညာကွေ့ကို အချက်ပြနိုင်ပါတယ်။
Ecodrive စက်ဘီးတွေမှာ အချက်ပြမီးအပြင် ရှေ့မီးနဲ့ ဖုန်းထည့်ဖို့အိမ်တို့လည်းပါဝင်ပါတယ်။ မီးလုံးတွေကို စက်ဘီးရဲ့ အလူမီနီယံဘောင်ထဲမှာထည့်သွင်းထားတဲ့ ဘက်ထရီရဲ့အားနဲ့ အသုံးပြုနိုင်ပါတယ်။ စက်ဘီးရဲ့ လက်ကိုင်မှာ အချက်ပြမီးခလုတ်ပါရှိပါတယ်။ စက်ဘီးစီးနေစဉ်မှာ ဖုန်းရဲ့ GPS စနစ်ကနေ လမ်းကြောင်းကို ညွှန်ပြပေးနိုင်သလို ခရီးအကွာအဝေးဘယ်လောက်ရောက်ခဲ့ပြီဆိုတာလည်း တွက်ချက်ပေးပါလိမ့်မယ်။ တစ်ချိန်ထဲမှာပဲ ဖုန်းကို စက်ဘီးဘက်ထရီကနေ အားသွင်းပေးနေမှာဖြစ်ပါတယ်။
ဖုန်းထည့်တဲ့အိမ်ကတော့ စက်ဘီးရဲ့အလယ်မှာဖြစ်တဲ့အတွက် စက်ဘီးစီးနေစဉ်မှာ လမ်းကြောင်း ညွှန်ပြဖို့ အတွက် GPS ကို အလွယ်တကူအသုံးပြုနိုင်သလို သီချင်းနားထောင်တာနဲ့ ဖုန်းပြောတာတွေလည်း လုပ်နိုင်ပါလိမ့်မယ်။ လက်ရှိမှာတော့ Smart Phone အမျိုးအစားအားလုံးနဲ့ တွဲဖက်အသုံးပြုနိုင်ခြင်းမရှိသေးဘဲ iPhone နဲ့သာ ချိတ်ဆက်နိုင်သေးတယ်လို့ သိရပါတယ်။
ဒီစက်ဘီးကိုနမူနာပုံစံအနေနဲ့သာ ထုတ်လုပ်ထားတာဖြစ်ပြီး အနာဂတ်ကာလမှာတော့ စီးပွားဖြစ် ထုတ်လုပ်နိုင်ဖို့ မျှော်မှန်းထားပါတယ်။ ဒီစက်ဘီးတွေထွက်ရှိလာတဲ့အခါ တန်ဖိုးအားဖြင့်တော့ အတော်အတန် မြင့်မားနေမယ်လို့ ခန့်မှန်းကြပါတယ်။ ဒါပေမဲ့ အလုပ်ကိုစက်ဘီးနဲ့သွားသူတွေ၊ စက်ဘီးနဲ့ခရီးရှည်ထွက်မယ့် သူတွေအတွက်တော့ ပေးရတဲ့ငွေပမာဏနဲ့ကိုက်ညီတဲ့ အသုံးဝင်မှုကို ရရှိနိုင်ပါလိမ့်မယ်။
----------------------------------------------------------------
Ref: Designjoo
Techspace, Volume-2, Issue-6